百樂門囍宴 (已結業)

現在疫情下，其實生意都非常難做，仲請咗一個態度咁差嘅知客，真係為老闆擔心，咁嘅服務態度都好難留住啲客！雖然係門口度有張紙寫左會安排搭枱，但係唔係都應該尊重一下客人，問問介唔介意搭枱呢？我表左態話我介意，都仲要夾硬坐人落嚟，一張四人枱，坐五個人，識嘅都嫌迫，何況係唔識嘅！基於保持社交距離，我地未食完都即刻埋單，比番張枱佢！點知出到門口個知客仲好激動好大聲咁鬧我地，話我哋唔早啲出聲！咁咪係一個趕客嘅知客囉！以後也不會到這裏吃！

常到。就像吃燒臘到太興，吃麵到天然居…約了同事飲茶，就會到百樂門囍宴。服務是ok的，不強求。開茶、收單、傳菜…都會做，但枱子是自己找的。運氣好的話，不用搭枱。常言道人生不得意事十常八九。火急火燎地趕路，在12點前入單有早晨優惠。'平一蚊雞'。三個人的飯局，叫上了四個人的份量。1)一陣風－包皮很薄，叉燒醬料味道較咸，沒添好運的好吃，但ok，可試試。2)鯪魚球－大大粒、好好味，一定要勁加胡椒粉。3)燒茄子－水準之作。4)煎薄罉－不過爾爾，卻是同事的心頭好。不能自私，叫了一客。5)燒賣－略帶一點肥肉，舌尖有豐腴的感覺。咬下去有些肉汁，口感不錯。6)紅豆沙－特價中的特價，才幾塊錢。其實不差，便宜的押尾陣甜品。7)蝦腸－ 到酒樓必叫點心。蝦多、腸粉份量不少。可惜皮不夠薄、略厚，但甜醬油很對味，替腸粉起死回生。8)薑汁糕－我最最喜愛的點心，就是哪些甚麼薑汁糕、紅棗糕、千層糕、黑糖糕等物件，名目不同；風格一致。愛吃甜嘛…加入木薯粉，Q彈Q彈。小英子曰：「有食唔食，罪大惡極!」9)生菜雲吞－純粹補充一些纖維，滿足醫生的期望。10)雞包仔－皮較厚；餡較少，比例上雞肉實在太少。另外，如果能多加些薑絲，則更

侍應服務差，愛理不理，一視同仁地以同一態度對待同一房內不同客人。在我們等候點心大半小時後，兩次查問時更未等說完便離開，後發現下單漏了一大頁點心紙的。埋單時向收銀表示有此情況，望酒樓改善。部長在旁態度差，更表示:咁你係咪埋單啊！定宜家補單！只有收銀表示抱歉。難得假期望和家人放鬆一下飲茶，卻遇到差劣的待遇。雖知此酒樓一直對熟客和普通茶客有別，卻不想到遇到如此態度。和顏悅色查問和提議注意改善，換來如此態度，令人失望。

無理取鬧，明明錯不在客人，經理就侮罵客人是"白痴"。明明一兩句就可以解決的問題，經理就發癲似的指罵客人。不明就問到明囉，什麼都不知就拿客人出氣囉。經理喎…經理囉…專門趕客的經理

一直都覺得身邊的家人朋友是大聲公既傳人,出街食飯都會是最嘈一枱,但這個世界原來係一山還有一山高......和家人來香港仔區食點心,都知這區水上人家多,但沒有想像過身旁一枱三個男人可以嘈到令人頭痛...酒樓服務不能接受,可以話係沒有服務......食物是可以的, 不過好像沒有以前還未擴充前好味...因為香港仔實在太多酒樓選擇, 如果想保持競爭力,就要好好改善服務質素, 食物水準加以提升, 才可留住街方客人.

一心想和兩老道近所以到香港仔幫襯食開的酒樓，以為是信心保證，但令人大跌眼鏡，真心好難食。例牌燒鵝。外觀看似冇問題，但一進口心知不妙，又乾又硬身，肉色偏深色，估計是 隔夜貨。每人食了一至兩件再難以再下筷。合姚菠蘿生炒骨。沒想過這道菜也可以失準到這個地步，肉質又乾又靭，難食得剩下細半，從來未試過食剩我最愛的菜式。唉。唯獨這道蒜蓉炒小白菜是食得下，如果連這道菜都難似入口，真希望老闆考慮轉廚師。由於食到大家沒有興致，連最後的清蒸沙巴魚沒有影相，魚細小得想哭，保守估計連半斤都未必有，魚質很鞋。唉，又一間短期內不能再幫襯。

香港仔幾間酒樓入面, 呢間係最少人流的, 坐得都算幾舒服唔會撞後面檯. 但相比優惠就比較少.午市時間, 一入去就有位, 呢點好正! 之後點了一個點心拼盤, 一碟貴妃雞飯, 一碗豬肚湯, 兩個糖水等.點心拼盤有粉果, 瑕餃, 燒賣, 叉燒包, 馬拉糕, 千層姜糕, 最好食係瑕餃, 瑕夠大粒彈牙, 燒賣也不肥膩鮮甜.粉果料很足花生多很有咬勁, 馬拉糕裡面有瓜子類的東西口感不錯, 叉燒包就料少了一點, 千層糕很特別好味.豬肚湯料很多湯很正, 入果豬肚切細一點會更方便食. 貴妃雞飯, 貴妃雞非常滑和甜, 必點! 糖水很抵食.

父親節當然一早就去飲早茶啦 今次選擇左香港仔呢間百樂門囍宴, 好彩一早去攞位, 都係等左30分鐘左右, 食物真係好ok, 尢其是係排骨飯, 雖然好細碗, 但D飯真係好乾身, 唔似其他酒數D飯一舊舊, 直得推介, 重有招牌流沙奶皇飽, 真係好好味, 果D奶皇真係熱辣辣流出來, 食時候真係要好小心, 推介必食, 原蝦燒賣皇, 真係原隻蝦, 有相為証, 真係感覺到廚師出心去做, 味道~正, 其他食物都好有水準, 食物會一次過送到, 唔需要等, 環境好光猛, 不過擠迫左一點, 冷氣非常充足(在炎熱夏天真係好享受), 服務態度好, 值得推介

呢個八人快餐，半個鐘上晒，跟住想趕你走。味精很重，成晚飲左好多水。心想價錢只值八百元，Black List！碟送未食完就收左，問都吾問下要吾要，連續幾碟都係咁。隻碗有半舊魚係到食緊又收走埋，叫都叫吾切。碟炒魚得五片，雞霉，蒸魚咸到亞媽都吾認得。唯一可取既係生力啤夠凍。之前在同一集團既對面個間百樂門宴會廳都吾係咁，估吾到今次試新店就衰左！

5大1小去飲茶, 個場好爆, 啲枱好迫, 係迫到隔離枱嘅人起身都要撞背脊, 阿姐上點心要側身行, 環境光猛, 杯碟名樣都乾淨, 可能新開張, 侍應阿姐都有禮貌, 加水會叫睇住咁油菜蝦腸炸雲吞芒果椰汁榚炸雞亦燒賣燒腩仔牛肉球蒸排骨腐皮卷炸魷魚鬈蝦餃蒸粉果奶黃包鳳爪棗榚以上嘅點心都好味綠茶芝麻煎堆---綠茶餡得個甜字, 唔夾, 芝麻餡或麻蓉餡好味啲, 係即炸所以熱辣辣唔錯义燒包--好味但個包皮比蒸籠整濕咗, 三個包迫响個細竹籠度, 好似用錯細籠咁花枝油炸鬼--花枝鑲油炸鬼, 好硬, 好油, 點甜酸醬都唔好味, 最差呢樣6個人埋單$444, 價錢合理, 食物好味, 環境好迫

八月下旬．晴聽聞這裡開了新酒樓，一班人就來，又趁趁熱鬧。很同意一個說法，飲茶真好，就是就算胃口不好，也可以少吃東西。人馬踏雜，怎會留意？比起對面的同系店，這裡地方是光猛很多。點心選擇，也跟對面差不多的多。涼伴黃瓜真的是拍過的，幾爽脆。燒腩仔皮很脆，肉是五層肉，不太肥，有水準。腸粉幾滑，不過卷得太厚身，吃起上來，好像份量多了一點。蝦餃大大粒，隻半蝦，大家也滿意。藕餅薄薄的，油膩了一點。鯪魚球好吃的是蜆芥，這裡的，不夠好吃。流沙包真的是「爆流」的，吃起來要小心一點。最滿意的最後的一碟炒米粉，炒得乾身，夠香，胃口不佳的我，也吃了不少。如果飲茶，來這裡，也不錯。