百樂門囍宴

晚飯食物質素尚可, 之前飲過午市茶還可以.(但無服務自助,明既因為無人手)今日一行5人再去,有張六人空枱．女部長話唔坐得,因為預俾十人坐,等左20分鐘, 無人來,再問佢都唔俾最後走人去另一間食.你慢慢HOLD枱啦!…查看更多

今日同屋企人到調景嶺彩明商場「百樂門囍宴」飲早茶，11 點半前提供早市優惠，點心孖寶只需 $35.8-由於人手不足，無論態度、禮貌同速度方面都唔好有要求，點咗兩份點心孖寶，有瑤柱灌湯餃、魚茸煎茄子、陳皮牛肉球同香茜牛肉腸；瑤柱灌湯餃平得嚟有驚喜，料雖然唔算多但湯幾鮮甜、魚茸煎茄子魚肉唔腥茄子好嫩又多汁、牛肉球有香茜味反而陳皮皮唔係好食到，口感都唔錯；香茜牛肉腸腸粉皮厚薄適中細滑，有芫茜味道，只係牛肉份量比較少-另外點咗鱆魚雞粒飯 $9.8、蟹籽燒賣 $26.8、蓮藕煎鯪魚餅 $23.8 同滑蛋蝦球炒河 $108；鱆魚飯夠滑味道好，米線粒粒分明；蟹籽燒賣肥豬肉比較高，香菇夠滑但菇味唔重；蓮藕鯪魚餅口感好，只係蓮藕份量可以多返少少；炒河蝦球爽口不過只有 6 隻，滑蛋份量同樣少，河粉炒得唔錯唔會散…查看更多

呢間嘢食唔差，但係服務態度唔好，上次加單等咗半個鐘都冇嘢食上嚟，叫人過嚟幫我加返咪算，但係啲員工望到都唔行過黎。今日再去食，碗入面直程有昆蟲，我諗我唔會再想去食。…查看更多

點了兩款菜外賣，付款後竟然不提供支付寶付款收據，要求店方提供，還拒絕提供，說沒有，根本冇可能的事情，不知道有沒有其他不正當的舉動。最後只提供外賣單，沒有一張正式收據提供顯示，支付了的收費，收銀服務態度還要很差，可看圖內的外賣單，只提供這張單，真的完全不明白一間咁大型集團嘅餐廳，竟然會有這事情發生，付了錢，給收據係非常正常的，亦都合理的，不知道餐廳高層知不知這樣的事情！！！真係好少遇到大餐廳會這樣，感覺非常不合理。…查看更多

百樂門是一間做街坊生意為主的酒樓.中式酒樓在復活節沒有出特別優惠. 套餐組合有好幾款可以選擇. 自己就點了兩組, 三菜式再加兩菜式的,共五道菜食品用料足夠大碟, 五個大人吃五道菜不用加白飯!味道尚可, 不太咸也算不太油, 食得健康適合一家大細. …查看更多

事源就係我打電話去咗訂片皮鴨 佢中途係冇人打過電話畀我 係到咗先同我講燒窿咗冇了 我就唔信佢係到咗先窿 同埋見到佢系仲有整緊片皮鴨嘅 都唔算少 覺得相比之前差左好多 單純呻下…查看更多

百樂門囍宴位於將軍澳調景嶺彩明商場，有蓋天橋可直達，環境清優，位置尚可，交通方便，不失為一家吃飯和飲中茶的好地方。食品賣相很好，味道不錯，價廉物美，廚房出品味美，服務質素都幾好，好過其它酒樓，點心款式也多，價格相宜大衆化，地方也寬濶，食物水平及服務都不錯，收费亦合理。總結：屋苑酒樓，服務和食物質素不過不失，侍應服務殷勤，地方整齊。…查看更多

以前常來晚飯覺得經理文強有招呼，出品可以，所以常來，生意好喜來，變面，今天隔離枱剛走，收枱鋪枱布，70年代仙女仙花，所有枱布 毛毛給了我，我還進餐，文強經理無反應當無事發生，炸生蠔無脆醬，不脆，油淋淋，涼爪班腩太過凍鮮，死實實，凉瓜可以，炸乳鴿味可以但不脆，無招乎，無客情，熟客有招乎，出品有改善空間 …查看更多

彩明百樂門是一家氣氛舒適的茶樓,適合一大群人聚餐。我和同事在這裡吃了一頓豐富的午餐,菜式種類繁多,味道都很正宗和美味。首先上桌的是燒鵝,外脆皮酥,肉質嫩滑,鵝油香氣撲鼻,一人一小塊已經很滿足。冬瓜盅捲入薑絲和蝦肉,冬瓜爽脆爽口,蝦肉彈牙新鮮,這道菜清爽開胃,很合乎天氣。小籠包是主打點心之一,皮薄餡足,上桌馬上就被同事們一擁而上,一口咬下,湯汁流豐,滋味美味。其他各種點心也都你喜歡我意,薑母鴨絲蓉餅,豉椒魚片韭菜餃子,芝麻酥雞翅......選擇太多了!飯後甜品當然少不了,桂花糕香濃口感Q彈爽滑,配上豆沙包香味四溢,是最完美的結尾。整體而言,百樂門的環境舒適,菜式豐富正宗,價錢合理。適合一大群朋友或同事聚餐,選擇多到令人眼花撩亂,但質素都保證,是個值得推薦的地方。要吃點心或正宗廣東菜,百樂門必定不會讓你失望!…查看更多

呢間酒樓開左好耐，係唔少街坊嘅飯堂，更加系大家族大時大節嘅指定做節飯局！咁多年來都保持到水準。雖然未去到酒店級水準，但勝在夠獲氣，有人情味！而且性價比幾好，叫對得住個價錢！今晚當係提早食做冬飯，雖則話呢間鋪系做雑，不過佢嘅素菜都做得幾出色！食過幾次都覺得唔錯，食材多新鮮。普寧豆腐系我地每次必點的食物。完全做到外脆內軟，豆腐又夠滑，佢嘅配汁真係好出色，令到成豆腐升級左。我哋仲點左個炒時菜，不過唔記得影相，個菜都好獲氣，雖然有小小油！南乳粗齋都係指定動作，材料足，又新鮮，呢間酒樓嘅菇，真係幾新鮮，送飯一流！最後每次食完飯，都會送糖水。真係食到好滿足！…查看更多

等下午茶時間，2點前能入座，街坊生意，坐位不逼夾，食物質素尚可，可能因為下午茶時段，食物新鮮，出煙，值得欣賞。有早茶，中午，下午茶時段，可供選擇。煎堆仔好食，蘿蔔絲酥卷返炸，其他點心不過不失，有點心拼盤，炒粉麵也不錯，碟頭大，不失禮，味道也不錯。偶爾會推介特色小食， 熱騰騰的韭菜豬紅，也不錯。服務員：上菜快，要求辣椒醬也傳送得快，加水也沒有抬慢，值得欣賞。大堂地方：整潔舒服，但冷氣好像弱弱的，有點熱。…查看更多

趁今日天氣好，落街飲番個早茶先！今日去咗樓下間百樂門飲茶，佢嘅點心喺11:30之前都有特價！食咗先講！一開始梗係搶食咗個$11嘅鳳爪排骨飯，雖然呢個價錢嘅排骨飯係細細盅，但係都幾好味！之後仲食咗個鮮蝦靚燒賣、超級適合打卡嘅大煎堆、南乳豬手、煎茄子，價錢唔貴，仲樣樣都好好食！ CP值很高！好快又會再來！…查看更多

調景嶺酒樓真係唔多酒樓，今日由地鐵站行遠少少去到彩明商場試下呢間首先係藥膳雞腳，雖然色水淡茂茂唔多吸引，但食落藥材味都幾突出，又唔會重味精味，雞腳亦忟得林，值得推薦另一個係鮮蝦腐皮卷，見到腐皮色水偏深，似翻炸，所以入面嘅餡料唔會好熱，亦都有啲油，不推薦奶黃流沙包，小心翼翼咬第一口，點知完全唔流沙，不過奶黃餡有鹹蛋黃嘅咸香，都算幾好食最後呢個係灌湯餃，十分不推薦，食到一半已經放棄，皮厚，入面大部分係肉碎同仿翅，一切開肉碎嘅油令到成個湯變到好油好油，唔掂…查看更多

孝子賢孫嘅聚腳地 [百樂門囍宴]拜完山後，一如既往同親友一齊行落山去飲茶！厘間係新開嘅酒樓，所以即管一試。地方不算好大，疫情關係，坐得幾闊落。由於清明節，好旺場，全場爆滿，樓面侍應唔多，招呼欠奉，但見佢哋都好忙並唔係偷懶可以諒解！ 點心都係啲大路款式， 腸粉， 蒸包， 粥粉麵飯亦有啲下午茶套餐。蝦餃餡料多，大粒可惜皮厚咗少少，而且啲蝦一啲鮮味都無又細隻，真係一般。奶皇包脹卜卜肥肥白白，包嘅質地軟淋淋，不過包並唔係流心奶皇餡。蘿蔔絲酥卷脆口又多蘿蔔絲，味道唔錯，即使過咗一段時間仍然脆口。燒賣皇材料多，每粒都有蝦，賣相吸引，內餡有冬菇粒，同埋肉粒，好吃。蠔皇鮮竹卷好多汁，味濃，好食。金錢肚分量好多，非常入味，很夠火候。乾炒牛河炒得好有鑊氣，加入牛肉同蔥，幾香。河粉份量多，河粉唔算太油膩，好味。一年一次嘅聚餐，除咗味道還帶著一份思念！…查看更多

其中一個員工態度不佳、差差差！！！屋企人點心紙俾錯一張。我調轉一下、前後耽誤唔到1分鐘！應該30秒都唔使、個同事就語氣好差、話你地搞掂再叫人然後急急腳就走左。整個場最多都係7成滿啫，停留1分鐘都唔得？🤷‍♀️30秒耽誤左她寶貴時間？（戴口罩認唔到人🤦‍♀️太急冇睇到名牌） 送餐姐姐就好好人。都見到呢個情況。食物方面都算幾好，不過都唔再有下次啦。周街都有酒樓，年幾冇飲茶，一來就遇到呢啲態度差。無奈。…查看更多