百樂金宴

營業中

休息中

今晚跟往常一樣，去了mega box吃晚飯，特別試試14樓的百樂金宴，因為看見此酒樓入面都有八成滿，心想這樣的入座率，應該差極有一個譜，點了一個蝦蟹蜆的海鮮粥，完全跟外面酒樓不同，特別鮮味好吃👍再加多咗一個豉油王炒麵，鑊氣候味道適中，再試埋一個片皮鴨，雖然份量是半隻，但是熱辣辣很足夠三人吃,難怪咁多人幫襯，入面還有一個很特別的鴨屎香檸檬茶，看見是人手即場打造的，所以我又好奇了一杯，杯上會出現的茶壺很特別😅最後埋單才是$400多,覺得好抵食👍👍

即使陰晴不定，都無阻老友記們到茶樓一盅兩件，是日就和屋企人歎個早茶，作為週末假期嘅開始😜。每次到茶樓，小妹必點至愛嘅燒賣，蝦腸，流沙奶皇包，紅棗糕，今次就特別點了咸水角，外型猶如翠綠色啤梨，外層皮酥脆，内餡咸香；屋企人就點了鵪鶉蛋燒賣，鵪鶉蛋燒賣可算是一種懷舊點心，老友記們特別鍾情其獨特味道😋。

百樂金宴的乾炒牛河乾炒牛河令人非常失望, 色澤不夠, 味道亦不夠, 價錢不便宜, 卻不是合格的水準, 沒有鑊氣, 亦沒有香味, 跟大排檔的相距甚遠, 甚至比茶餐廳的更不如, 完全不值得一點, 不但河粉沒有味道, 牛肉亦沒有肉味, 質感麻麻, 沒有值得一讚的地方, 是挺大碟的, 會飽肚, 但八十多元, 真的不值一點, 吃了一口便覺得十分後悔。鳳爪排骨飯是不錯的, 餸可以多一點會更好, 鳳爪很腍, 不用怎咬, 排骨可以, 如果可以提供更多豉油會更好, 現在是偏淡味, 飯多餸不是很多, 往往吃剩一堆白飯

百樂金宴:點了啤梨咸水角, 很不錯, 皮的厚薄適合, 不油膩, 不會吃到一口都是油, 造型可愛有趣, 適合打卡。用百力枝來扮作啤梨的椗, 挺有心思的, 起碼能吃, 比茶葉好, 喜歡這個設計。還點了芝士蘿蔔糕, 蘿蔔糕可以再煎香口一點, 現在不夠香, 像蒸般, 想不到所謂日式是表面加了芝士醬, 挺欣賞這個創意, 外觀有趣, 而且芝士醬令蘿蔔糕味道更濃郁和鮮甜, 是有加分的, 這個搭配我之前亦未有吃過。雖然有少許貴, 但份量是頗多, 是能飽肚的

5月11日星期日，揾食肥華同靚媽喺 MegaBox 嘅MCL 買咗開12：3O戲票，難得在母親節正日早茶近午飯時段，呢間酒楼都即時有位，肥華即時拖靚媽入內，諗住一路嘆茶一路等夠鍾入埸都咪話唔爽。老實講此店茶位及食品價錢雖比一般街坊酒楼為高，但出品質素亦交出應有水準，論食物都冇乜可彈。反之此店員工當顧客透明嘅服務態度就令人反感，加上若光顧此店用餐時，座到靚景位當然係食得開心，但若被安排座一啲較差位置嘅枱號，環境仲差過係啲屋苑街坊酒楼飲茶，真係喊都無謂呢餐值。👍🏻👍🏻

是日同屋企人到九龍灣 MegaBox 逛商場，正值將接近晚市時間，決定到百樂用膳，家人平日光顧早茶多，晚膳都是第一次。晚市套餐～～炸子雞芝士龍蝦伊麵薑葱蠔蒸石斑陳皮蒸鮑魚蒜蓉粉絲蒸扇貝食物大大碟，味道不過不失，海鮮算新鮮，魚鮮甜，蠔惹味，整體不錯。

星期日，屋企人想飲下午茶，見呢間茶樓65歲長者免茶位，點心又做半價，便去試吓分別點了芝麻包、燒賣、粉果、 百花蒸釀魚肚、灌湯包燒賣，食落味道正正常常粉果，食落皮薄，餡料足百花蒸釀魚肚，食落蝦滑厚身彈牙，魚肚入味，好食👍灌湯包，食落都足料，味道幾好整體來講，食物唔錯，環境同服務一般，枱與枱較近，有啲迫，2點先開始下午茶，3點幾待應就走過來，問啲野齊未，要截單諗住飲多杯茶，先行，聽到播勁大聲嘅音樂，大堂熄一半燈……行出門口先知茶樓有酒席，原來準備要交場，但咁做法，比人感覺真係麻麻😑

多次光顧這間餐廳，但今次不得不投訴，這兩星期黎飲早茶，開開心心帶兩老人家去飲茶，因為這餐廳食物同價錢都係合理，但這兩個星期餐廳有一半位置都封了位置少了，但在點餐後應該送來的點心，錯誤送到格離枱，格離枱提醒送錯，我們也說我們才是404枱，誰知送點心阿姐在客人旁邊不停抱怨，說“我鬼知佢地加左枱咩之前呢個位係405”，我就說我哋好心提你送錯，你係到抱怨，叫你提供醬油，一直唔俾就係，係我格離不停嘈，我作為客人唔會知你哋係咪加枱，同埋都唔應該係對客人抱怨，要抱怨對返你公司講。之後我問這位點心阿姐叫咩名。佢一聽到我問咩名怕俾人投訴，即時好唔好語氣咁講“我叫咩名關你咩事啊！佢地加枱我鬼知啊！”之後重罵我媽媽，我直接去前枱投訴，結果前枱保職員，叫佢唔好講野行開先，個點心阿姐一路行重一路抱怨，之後餐廳跟本冇打算叫點心阿姐道歉，就了左件事。這絕對影響餐廳信譽，食物質素好唔代表客人要俾人黎受你員工氣，如果大家去餐廳食野唔係食到相應服務同質素。大家可以忍受到餐廳員工對客人惡言相向，管理層放任，食物質素幾好都會因為員工態度問題而令到餐廳直接降級。

新年前一早Book左28人，餐廳告知預留兩張大枱，每張坐14個。點知去到現場，餐廳只留一張大枱一張細枱（講緊大枱坐14個都要前後坐先食到野，細枱就頂盡10個已經膊貼膊），員工服務態度惡劣，現場混亂至極！坐低20分鐘，茶都未上，枱單都未開，完全無人理會。部長一句：「將就下，我都無計，坐親近少少」，不停叫坐埋同一枱，但連最基本既「鄧」都提供唔到！新年流流，明白想搵多D生意，但邊有可能會咁樣安排，非常離譜！

今日唔覺意去了mega box行街，搵到一間酒樓在14樓，見到裝修唔錯，便行入去試試吃，等到一會兒，點心到了，發覺質素都唔錯，服務來說，又不是其他人說得咁差，最基本枱布很有要求，鋪得好整齊，枱與枱之間的距離好有空間感👍下單後食物來得很快，適逢現在又有做優惠，65歲長者又免茶，真係令我有驚喜，吃了一頓平靚正的午餐，接著，我們也打算book了枱在年初一再來吃晚飯🥣最後、順便一提，很開心我們吃完這頓，實在難得，午餐之後，沒有一點兒口渴

這間平日服務是可以的。可惜，冬至大家要有心理準備，等起菜等上二個多小時，而且上菜的次序。。。可給我今日的作參考6:22叫起菜即燒乳豬拼盆......等清蒸沙巴龍......等脆皮芝麻雞.....等黄金百花球........等飄香荷葉飯.......等再加追濃湯野菌浸菜苗問可否先叫糖水壽桃(當然可以)都近7:45pm(話8pm要交枱).......等再加追上湯焗澳洲龍虾伊麵.....等再加追壽桃(熱)+紅豆沙(有層皮在面).....等再加追富貴蚌片蝦球.....已近9pm即入盒

星期六行MegaBox嘅時候，見到百樂金宴宣傳自己星期六全日飲茶點心半價優惠，就入去試吓啦😛一入到去見到有一部爆谷機，小朋友開心到爆，原本以為係其中一樣點心，點知原來只要身高1.2米下嘅小朋友，每人都可以有一碗爆谷，真係識氹小朋友🥰🥰🥰呢個點心選擇都好多，而且每樣單點點心都真係半價由於即係兩個人飲茶，所以叫嘅嘢食唔得，蓮藕餅炸得好鬆脆😍，而且出邊嘅酒樓比較少有；奶皇包真係會流出奶皇😄；馬拉糕好鬆軟，上枱嘅時候熱辣辣😙；蝦餃皮薄，蝦好大隻，好爽口🫶🏻而且店員仲為我哋每人送上一杯牛奶公司嘅雪糕，可以選擇雲呢拿味、芒果味、朱古力味，同香芋味但係呢度上枱嘅速度比較慢，等咗30分鐘以上好晒所有點心

本身想去行下MegaBox 但又到中午時份就想去飲站茶。上網搵下有咩酒樓。見有呢間咪去試下。但發現。真係無咁车個頭唔好學人租咁大間舖啦拎左飛，叫人行入去。你咁大間我又唔係日日黎。係咪要知你d 枱係邊。。入去問d職員。十問九唔應。。唔知以為係朗衫企業。專請聾啞人士。終於搵到個人模狗樣嘅呀姐。。問佢個位係邊。佢講等等。我話人地叫我地入黎。佢鬼上身話命見唔到我禁緊對講機咩。真係想講。你做野辛苦搵客發洩？命要d 飲食業成日呻生意差。你d咁嘅服務態度，都唔係要係好，但未至於差？所以唔好太呻啦。飲食業無得做係抵死