百樂酒樓 (已結業)

今天專誠開車到這間老公兒時經常幫襯的屋邨酒樓，雖然沒有連鎖式酒樓裝潢得那麼冠冕堂皇，椅套有相對殘舊，但坐得比較舒服。我們約12點3到達，當時約7成半入座率，我們2人坐了張5-6人枱，全程1.5小時也沒有人搭枱。相信由於是舊式酒樓關係，食客主要是公公婆婆居多。點心的表現參差不齊，炸饅頭夠脆，蝦餃和潮州粉果也用料足，蘿蔔糕夠厚身，煎香啲會更好。表現差的，包括十分稀的皮蛋瘦肉粥，咸水角雖然足料，但可惜是“漏氣”的，放得太久，不好吃。總括來說，屋邨茶樓不像集團茶樓那麼公式化，點心相信不是在工場大規模做那種，比較有特色。服務態度好，加水收碟反應快，價錢亦較相宜。順帶一提，揸車的朋友於啟業邨停車場泊車可享一小時免費優惠，不論消費金額多少，額外每小時收費$16 ，不用等位泊車，方便快捷！

原本林住去最近好出名的打冷放題，點知去度聽到話要訂位先有位，我同老公冇訂位所以立刻轉場...走左去隔離間百樂酒樓。一入去行條樓梯先到食廳，門口棟住 「衣履不整，恕不招待」，令我林起以前個d高級酒店都好似有擺個類似既牌😝入到去搵張睇到電視既枱，再望望附近，原來個場好大架，人都算多。老公之前黎過飲中午茶和晚飯，最鐘意佢晚飯啤酒飲品任飲，而且味道不錯。枱面放滿手寫毛筆字的餐單，太多選擇，真係眼花撩亂，最後揀左最普通既乳鴿，生炒排骨，馬拉盞通菜炒鮮魷和荷葉飯。依度仲有用筷子套的，而且好細心，筷子套上唔同字的顏色代表公筷和私筷👍🏻依度上菜都算快，先黎個乳鴿，熱辣辣，夠入味，又唔乾，但一定要熱食先好味😊再黎生炒排骨，肉多骨少，肉林唔乾，味道不差。跟住上馬拉盞通菜鮮魷，d魷魚質感味道不錯。最後上荷葉飯，岩岩上枱見到咁淺色，心裡覺得會不會唔夠名，但食落又ok wor~總括這間走家唔差呢😋

雖然父親節是六月中的事, 但是由於各種不同的原因, 今年的慶祝拖到前幾天才進行. 老爸又是從報章看到介紹, 說要來這間酒樓一試. 由於我們從未到過啟業邨, 要找啟業商場內的這間酒家, 的確花上了不少時間. 我們訂了晚上七時吃飯, 當時酒家仍未滿座, 食客都是街坊為主. 當晚除了晚飯外, 還有兩個團體訂了座, 加上卡拉OK的聲浪, 所以環境頗嘈吵, 說話聲浪也要提高幾分貝!!由於我遲到的關係, 到達時老爸已經點好了菜, 全部都是報章推介的菜式; 眼見其他各枱食客, 點的都是套餐或當晚特價小菜, 所以來來去去都是那幾道. 最先來的當然是可以預先煮好的菜式, 所以最先來的就是燒鵝! 例牌大小的燒鵝, 看起來還可以. 不過一咬下去就發覺不對勁: 皮一點也不脆, 肉質粗糙且偏韌, 而且味道頗鹹, 水準以之作. 燒乳鴿是酒樓大力推廣的食物, 現在正在特價, 才$24, 比外面吃起碼便宜一半! 乳鴿的體型偏瘦, 上枱時只是微暖而已. 乳鴿外皮一點也不脆, 沒有肉汁, 肉質也有點乾, 水準比較上次在大圍津津吃到的肥美乳鴿差得多! 下次要吃好吃的乳鴿的話, 還是到大圍吧! 咕嚕鮮班球, 一向對"咕嚕"的

不知所謂我地一家四個嗌咗四個餸，三個白飯，竟然咁都可以食咗$423我地嗌咗中式煎牛柳，福建滑豆腐，瑤柱什菜煲同埋粟米石斑塊首先來咗個粟米石斑塊，個餸唔太熱，似係炸起好耐。咬落去得粉，仲要係硬嘅粉一啲魚肉都食唔到跟住來咗個中式煎牛柳，望到碟野真係O哂牛柳少到五隻手指數得哂(認真得五塊薄it it 嘅牛柳)一咬落去就知落咗勁多鬆肉粉尼完呢兩個餸就等咗成二十分鐘先尼第三第四個(仲要係因為我催佢先尼)我催係因為隔離嗌一圍圍個啲不斷出餸，而啲侍應見到我地冇野食都視而不見而家淨係服侍食貴野個啲架??!!!!!!福建滑豆腐同瑤柱什菜煲都係一個字----淡(難聽啲叫無味)仲有個瑤柱什菜煲一絲瑤柱都搵唔到，佢整咗海鮮什菜煲俾我地囉總之就係一句話，就係我唔會再食呢間野!!!!!!!!!!!!!!!!!!!!!!

之前睇到樓上師兄介紹 見在九龍灣附近，便提議去試試，一行包括家人和親戚朋友共8 人 , 去時個個都好肚餓, 叫左差不多接近十個餸,，好彩唔駛等好耐 , 3個字左右己經堆到一枱都係餸 , 其中有個叫金蒜焗蠔 , D 蠔大大只 , 加埋D蒜香味,好味 , 跟住仲有個叫奇妙脆蝦球 好記得呢個名 D蝦球用左沙律將炒，又出奇地夾同幾好味，仲有一味叫芝士生蝦伊面煲，類似芝士焗龍蝦但換左係生蝦, 因為筆者表弟不中意食E 面，所以斗膽問侍應可不可以轉其他面, 個侍應好好人地幫我地轉做烏冬, D服務態度好好 , 跟住仲有個燒汁焗牛仔骨 牛仔骨肥瘦均衡 一舊牛仔骨唔會佔左半係肥高。一行人中有個駕車去 ，頭2個鐘仲有免停車場收貴 但就要落番去商場管理處吸個印仔確認 呢度有少少不便, 埋單都係$650左右，整體梨講，服務態度唔錯 ，食物質素OK，基本上好快便有位， 價錢唔貴，呢D價錢同親戚去食最合適，有交代， 如果各位中意D傳統酒樓風味的話 ，可以去試試

因為搬公司, 最後一次來呢度飲茶, 7個人, 叫點心食到飽飽都係$285普通屋邨酒樓, 食物唔錯, 比起好多大集團好添服務一般, 好街坊feel, 但就無試過受氣可惜今次試唔到佢嘅"天下第一包"同"燒腩仔"

剛好足一年, 快樂生辰, 在工作的日子裡同事一起跑到外面為我慶祝, 在此說聲謝謝!十幾人...叫了廿幾三十款點心, 燒賣, 蝦餃, 排骨, 牛肉, 鳳爪, 麻蓉包, 奶皇包, 叉燒包, 糯米圈, 馬拉糕, 叉腸, 蝦腸, 蒸飯, 水餃, 灼菜, 薄餅, 蛋撻, 牛肚, 雞扎, 鴨腳扎, 霸王雞, 燒腩骨....怕無數漏....樣樣也算中規中矩, 每款也有愛好者, 跟一年前一樣...我還是喜歡吃千層馬拉糕, 貪其鬆軟, 而霸王雞欠缺雞味, 腩骨亦不見得香脆, 大家為的是在煩忙的工作中大刷一頓, 祝願來年事事順利, 身體健康, 心想事成!

自從啟泰搬了, 又平又好食既叉燒無左, 就到生日, 同事今天請我食飯!例牌叫了廿幾三十碟點心, 水準合格, 起碼千層馬奶糕是鬆軟的, 加餸 叫了油雞併叉燒, 但油雞唔肥美, 叉燒又太乾, 本來叫燒腩仔, 結果來了燒排骨(無食, 太多肉啦), 平均每人$50 - 60!

屋企住麗晶既所以成日黎呢間酒樓食飯我覺得佢地d點心唔錯d服務員又好friendly..好有人情味晚飯強力推介芝士龍蝦伊麵底比出面果d大集團酒樓好好多食完仲可以上3樓唱k打牌環境方面算係唔錯

由於住係附近，經常黎食印象最深刻係九里香春卷，唔錯其他點心都普普通通至於價錢，下午茶就好多人啦

昨午跟朋友嘆個早茶, 大家都唔想浪費, 且時間又未到中午, 於是只叫了奶皇馬拉糕, 皮蛋瘦肉粥同灼菜心, 馬拉糕仍保持水準, 個粥綿到有混濁, 麻麻地, 菜幾甜, 整體唔錯, 不過, 三個點心成五十幾蚊, 我會覺得貴左少少! Thanks to Brian!

呢度前身叫啟泰, 以前既當肥瘦叉燒真係又平又好好食..而家食唔到啦! 不過, 點心都唔差既! 我覺得千層馬拉糕同天下第一包(流沙奶皇包), 唔錯! 燒味如腩骨, 雞都有水準既, 甜品反而唔得! 以屋村酒樓計...價錢合理!

一上到黎d伙記問有冇位呀??哦搵人呀......如果8位呢邊、12位呢邊、16位果邊，搵唔到打比佢啦~~一係坐低先.....嘩,....個個都笑面迎人，又親切有善....我地叫左個套餐，上菜速度超快，唔駛十分鐘已經係咁上，味道唔錯、唔太油、唔太鹹，周不時留意你有冇需要，一見你要加水即到，唔會呼天不應，又識自動自覺，整體上唔錯，係一路都有d蚊蠅仔飛飛下，不過以屋村酒樓黎講算乾淨.........

晚飯小菜炒得唔錯,雖然環境仲要有改善的地方價錢都合理佢地3樓仲有得唱K同打牌,聽D街坊話d服務唔差,間間有獨立toilet仲有得點野食添!

探完親戚後黎開餐三個人食飽到夜晚都唔駛食都只係100 蚊左右食物都算多花樣味道唔錯d侍應都好好同我d親戚好鬼熟服務週到