影片
今天專誠開車到這間老公兒時經常幫襯的屋邨酒樓，雖然沒有連鎖式酒樓裝潢得那麼冠冕堂皇，椅套有相對殘舊，但坐得比較舒服。我們約12點3到達，當時約7成半入座率，我們2人坐了張5-6人枱，全程1.5小時也沒有人搭枱。相信由於是舊式酒樓關係，食客主要是公公婆婆居多。點心的表現參差不齊，炸饅頭夠脆，蝦餃和潮州粉果也用料足，蘿蔔糕夠厚身，煎香啲會更好。表現差的，包括十分稀的皮蛋瘦肉粥，咸水角雖然足料，但可惜是“漏氣”的，放得太久，不好吃。總括來說，屋邨茶樓不像集團茶樓那麼公式化，點心相信不是在工場大規模做那種，比較有特色。服務態度好，加水收碟反應快，價錢亦較相宜。順帶一提，揸車的朋友於啟業邨停車場泊車可享一小時免費優惠，不論消費金額多少，額外每小時收費$16 ，不用等位泊車，方便快捷！
繼續閱讀
原本林住去最近好出名的打冷放題，點知去度聽到話要訂位先有位，我同老公冇訂位所以立刻轉場...走左去隔離間百樂酒樓。一入去行條樓梯先到食廳，門口棟住 「衣履不整，恕不招待」，令我林起以前個d高級酒店都好似有擺個類似既牌😝入到去搵張睇到電視既枱，再望望附近，原來個場好大架，人都算多。老公之前黎過飲中午茶和晚飯，最鐘意佢晚飯啤酒飲品任飲，而且味道不錯。枱面放滿手寫毛筆字的餐單，太多選擇，真係眼花撩亂，最後揀左最普通既乳鴿，生炒排骨，馬拉盞通菜炒鮮魷和荷葉飯。依度仲有用筷子套的，而且好細心，筷子套上唔同字的顏色代表公筷和私筷👍🏻依度上菜都算快，先黎個乳鴿，熱辣辣，夠入味，又唔乾，但一定要熱食先好味😊再黎生炒排骨，肉多骨少，肉林唔乾，味道不差。跟住上馬拉盞通菜鮮魷，d魷魚質感味道不錯。最後上荷葉飯，岩岩上枱見到咁淺色，心裡覺得會不會唔夠名，但食落又ok wor~總括這間走家唔差呢😋
繼續閱讀
雖然父親節是六月中的事, 但是由於各種不同的原因, 今年的慶祝拖到前幾天才進行. 老爸又是從報章看到介紹, 說要來這間酒樓一試. 由於我們從未到過啟業邨, 要找啟業商場內的這間酒家, 的確花上了不少時間. 我們訂了晚上七時吃飯, 當時酒家仍未滿座, 食客都是街坊為主. 當晚除了晚飯外, 還有兩個團體訂了座, 加上卡拉OK的聲浪, 所以環境頗嘈吵, 說話聲浪也要提高幾分貝!!由於我遲到的關係, 到達時老爸已經點好了菜, 全部都是報章推介的菜式; 眼見其他各枱食客, 點的都是套餐或當晚特價小菜, 所以來來去去都是那幾道. 最先來的當然是可以預先煮好的菜式, 所以最先來的就是燒鵝! 例牌大小的燒鵝, 看起來還可以. 不過一咬下去就發覺不對勁: 皮一點也不脆, 肉質粗糙且偏韌, 而且味道頗鹹, 水準以之作. 燒乳鴿是酒樓大力推廣的食物, 現在正在特價, 才$24, 比外面吃起碼便宜一半! 乳鴿的體型偏瘦, 上枱時只是微暖而已. 乳鴿外皮一點也不脆, 沒有肉汁, 肉質也有點乾, 水準比較上次在大圍津津吃到的肥美乳鴿差得多! 下次要吃好吃的乳鴿的話, 還是到大圍吧! 咕嚕鮮班球, 一向對"咕嚕"的小菜沒有好感, 因為多數都是"整色整水", 只有杰撻撻的橙色酸味醬汁, 配上炸得過火的雞球又或是魚塊. 這裡的也不例外, 魚塊沒有魚鮮味, 只有雪味; 外層的炸醬太厚, 而且入口一點也不脆, 明顯是預早炸好再淋上橙色酸味醬汁; 全碟最好吃的反而是只有寥寥三兩片的菠蘿, 酸酸甜甜的, 比腍了的魚塊好吃得多.照燒牛仔粒, 看起來還可以, 除了牛肉粒外, 還有翠肉瓜片和雜菇片. 翠肉瓜片和雜菇片都是中規中矩, 沒甚驚喜; 牛肉粒用的是牛柳切粒, 可惜就像一般的干炒牛河內的牛肉一樣, 都是用梳打粉醃過的, 入口雖然滑而不韌, 但卻失去了牛肉原有的味道和質感; 牛肉也是煮得僅熟, 內裡卻仍是粉紅的, 有些還有血水滲出, 對要吃全熟食物的老媽來說, 實在不能接受.蟶子王是全晚食物中最有期望的一道, 據侍應說, 一客大約有六至八隻. 蟶子的確頗大隻, 不過一客只有五隻, 面上蓋滿了芫茜, 粉絲和冬菜. 蟶子肉質尚算爽滑, 沒有沙; 不過, 店家用了太多冬菜去煮, 令整道菜變得很鹹, 把蟶子的鮮味完全蓋過, 一大敗筆!冬瓜盅乃夏天合時食品, 加上正在推廣減價, 實在沒有不點的理由. 不過, 冬瓜盅內的配料只有蟹柳, 少量草菇, 少量蝦, 肉碎, 和少量蟹肉碎. 湯的味道尚可, 最好吃的當然是冬瓜, 吸收了其他材料的味道, 既解暑又美味. 正當我們吃了大半時, 看見鄰枱食客捧著好幾罐汽水回來, 心中正有疑問時, 突然抬頭一看, 發現牆上貼了一張海報:心想:為何侍應沒有告訴我們晚飯有免費酒水供應呢? 好不容易召來部長問過究竟, 換來一句" 係呀! 乜你地唔知咩?"! 完全說成是我們的問題!!!雖然我們不是稀罕那幾罐汽水啤酒, 但起碼不要把我們當成傻瓜一樣, 感覺實在非常不良好!!!!這餐飯實在很一般, 無論環境, 食物方面, 都是很普通, 食物並沒有報章所說那般高水準, 但食物價錢卻一點也不普通! 而且侍應的服務也令人搖頭, 連人影也難得一見! 整晚除了坐下後倒了第一壺茶之後, 並沒有加過茶, 又沒有人來收拾吃完的空碟; 想找侍應埋單也用上好一段時間! 如此水準, 實在沒有再回頭光顧的意欲.
繼續閱讀
不知所謂我地一家四個嗌咗四個餸，三個白飯，竟然咁都可以食咗$423我地嗌咗中式煎牛柳，福建滑豆腐，瑤柱什菜煲同埋粟米石斑塊首先來咗個粟米石斑塊，個餸唔太熱，似係炸起好耐。咬落去得粉，仲要係硬嘅粉一啲魚肉都食唔到跟住來咗個中式煎牛柳，望到碟野真係O哂牛柳少到五隻手指數得哂(認真得五塊薄it it 嘅牛柳)一咬落去就知落咗勁多鬆肉粉尼完呢兩個餸就等咗成二十分鐘先尼第三第四個(仲要係因為我催佢先尼)我催係因為隔離嗌一圍圍個啲不斷出餸，而啲侍應見到我地冇野食都視而不見而家淨係服侍食貴野個啲架??!!!!!!福建滑豆腐同瑤柱什菜煲都係一個字----淡(難聽啲叫無味)仲有個瑤柱什菜煲一絲瑤柱都搵唔到，佢整咗海鮮什菜煲俾我地囉總之就係一句話，就係我唔會再食呢間野!!!!!!!!!!!!!!!!!!!!!!
繼續閱讀
之前睇到樓上師兄介紹 見在九龍灣附近，便提議去試試，一行包括家人和親戚朋友共8 人 , 去時個個都好肚餓, 叫左差不多接近十個餸,，好彩唔駛等好耐 , 3個字左右己經堆到一枱都係餸 , 其中有個叫金蒜焗蠔 , D 蠔大大只 , 加埋D蒜香味,好味 , 跟住仲有個叫奇妙脆蝦球 好記得呢個名 D蝦球用左沙律將炒，又出奇地夾同幾好味，仲有一味叫芝士生蝦伊面煲，類似芝士焗龍蝦但換左係生蝦, 因為筆者表弟不中意食E 面，所以斗膽問侍應可不可以轉其他面, 個侍應好好人地幫我地轉做烏冬, D服務態度好好 , 跟住仲有個燒汁焗牛仔骨 牛仔骨肥瘦均衡 一舊牛仔骨唔會佔左半係肥高。一行人中有個駕車去 ，頭2個鐘仲有免停車場收貴 但就要落番去商場管理處吸個印仔確認 呢度有少少不便, 埋單都係$650左右，整體梨講，服務態度唔錯 ，食物質素OK，基本上好快便有位， 價錢唔貴，呢D價錢同親戚去食最合適，有交代， 如果各位中意D傳統酒樓風味的話 ，可以去試試
繼續閱讀