百樂潮州酒樓 (已結業)

今晚去咗百樂潮州呢間酒樓食晚餐，平時多數朝早飲茶，整体都唔錯，有機會同大家介紹一下，所以今晚都試一次晚市，平均百幾蚊一個餸，滷水豆腐好入味同滑，值得一試，個人喜歡食個蛋多啲，因為比豆腐更入味，早市都有得食，我男朋友必點菜式，哈哈另外，就叫咗碟菜，偏鹹， 大家可以食多幾碗飯，菜也頗新鮮，加上草菇一起吃，鹹味會減低，會比較建議的食法最後，奇味雞煲，比起重慶雞煲的味道淡，相信習慣食辣的人會覺得不夠辣，但是雞肉也很多，食材也新鮮。服務方面真的不錯，非常友善和注意客人需要，我們吃剩的，不用要求，店員也拿個盒子幫我們裝起來。

去元朗探朋友，三個佬懶得諗野食，最好都係飲茶，又坐得耐，又咩都有得食。元朗朋友介紹下，揀咗呢間。我最早到，攞咗位，雖然唔多人係門口等，第4張細枱，都等咗半個鐘，算合理。坐低叫茶，嘩，d水好熱♨️，辣手🔥水滾茶靚，難得！之後叫點心，全部都熱，幾好味😋，唔錯！叫咗個炆鴛鴦米，份量好大，3個男人都食唔曬，我地只叫多咗6樣點心而已！去到重點啦！個炸魷魚🦑鬚，不得了！又熱，又趣，粉唔厚，夠味，魷魚又彈牙！一食完全停唔到口！😋😋😋😋😋一定要試！價錢算合理，埋單一人$140。

今晚安排同老人慶祝生日，訂了元朗的百樂潮州酒家。6:45坐下，叫了經理介紹菜單。經理二話不說推介套餐。一路食，心知不妙，第一諜未食完，已上第二碟，又説湯安排分給我們。湯未喝完，又上魚。我立刻向經理投訴，叫佢上慢點。投訴完，更上埋炒飯及菜。7:15 半個鐘就上嘢所有食物。傳菜的更説仲有隻雞，但一枱都喺，放都放唔落。我叫佢不要再上。等條魚食完，終於有位放，放下一碟巳涷了的炸子雞！又向經理投訴，經理就拿回廚房返熱，幾分鐘後上了一隻縮水、皺皮的炸子雞！原本一家食一餐，最後一肚氣。一間不尊重客人，不重視食物，只顧做多幾轉，不知所謂。以後不會再來！

假日和朋友到了元朗，在舊區走了一會，路上人實在太多，最後到了Yoho Mall走走。不知不覺間，到了晚飯時間，朋友說好久沒嘗過潮州菜了，要不就試試這家老字號－百樂潮州。甫坐下先來一盤功夫茶，鐵觀音濃郁的味道入口帶有點點甘香，室內裝潢蠻古色古香，頗為雅緻。翻看菜譜，挑了幾款地道潮式菜餚品嚐，其中有兩三道菜值得向大家推薦。杏汁白肺湯＄150-喝進囗中，杏仁味道相當足夠，香滑及厚。豬肺切小件而上，沒有一般的羶味，入囗帶有少許嚼勁。明顯知道廚師下了一番功夫，對出品要求可見非常嚴格。潮州炸雙棗＄104- 家傳戶曉的潮州名菜，雙棗實為蝦膠及蟹肉，圓球為蝦條狀為蟹。雙棗炸至金黃，甫上桌已生色不少。蝦棗入口有彈性，味道鮮美，蟹棗食在口中非常豐滿，蟹肉的鮮味配合隨碟醬汁，味道更上一層。回想滿口都是蟹肉的滋味，到現在仍然回味無窮。糖醋麵＄128-  另一道潮州地道美食，先將蛋麵煮好後再煎至金黃，兩面焦香，口感外脆內軟，可以沾上糖或者醋伴食，可視為主食或餐後小食，同時也能體會到潮汕菜的多變特色。愜意的晚餐加上雅緻的環境，不失為一個晚膳的好地方。

早排心癢癢好耐都無食潮州野 而同事係潮州人 話要介紹我食下潮州野💁🏻‍♀️ 所以放工就跟咗佢入元朗 有間佢話唔錯 所以收工就約齊一班人食食潮州野☺️第一樣係凍花蟹🦀 哩樣係同事話係食潮州菜既入門野😚 凍花蟹既蟹肉算多 冷食比熱食更有特色 同平日食熱既幾唔同😛 蟹味鮮甜 而蟹肉爽口👍🏻滷水鵝片係我最愛既潮州菜😬 鵝片鵝肉夠鮮嫩 一邊有夠哂味既滷水汁 鵝肉有鵝味 唔腥 片片鵝片也切得夠哂完整 有厚有薄又無乜肥膏😍食到咁上下當然要嗌返個湯 簡咗個胡椒咸菜豬肚湯🤤 胡椒味濃但又唔淨係得胡椒味 微辣 豬肚口感唔錯 個湯亦唔會過咸 又幾暖胃👍🏻我地仲嗌咗個百樂一品煲一齊食 入面既料都幾豐富 帶子同蝦肉係唔錯 爽口彈牙 有齊幾款海鮮又係夠新鮮 味道配飯岩岩好 個汁配飯亦係幾好☺️朋友推介埋我地嗌欖菜肉碎四季豆 炒得幾香口 欖菜同肉碎與四季豆係夾既😋 油份唔會話過多 食落幾上口 一夾再夾🤣 四季豆都幾嫩綠 屬於配飯之選💫平日出去都會嗌蠔烙 今次當然會試下香煎蠔仔烙💁🏻‍♀️ 煎得幾香 香口野 有雞蛋香味 又有足料既蠔仔😍 我咬落覺得幾好味 所用既油唔會太多👌🏻最後梗係要嗌個甜品 鴛鴦水晶包👇🏻 餡就有豆沙同奶

自從搬到元朗後都好少係元朗食到好食ge潮州酒樓，衣家知道係yoho原來有百樂潮州酒樓食，唔知水準係咪同旺角果間一樣呢?!!今次約曬人一於試下啦~一黎就叫左凍花蟹食，係貴左少少，但係佢真係好甜好滿肉，咬落果種鮮甜味真係好正~今次咁多人就試下個豪華大拼盤啦，一上菜好震撼，一上菜就見到大大個像係中間，呢個拼盤有炸蝦，蟹棗，粿肉，海蜇。份量好多，而且樣樣都新鮮整起，幾中意個蟹棗。滷水鵝片，有薄有厚切，口感不錯。百樂一品煲，配料好豐富，海鮮料好足，而且好似食極都有咁，味道就濃左少少碧綠川椒雞球，非常香口，肉都炒得岩岩好，一D都唔老呀!最後甜品好吸精，反沙芋，賣相好得外層包住一層沙糖，內心好熱，甜得黎個芋頭又沙，正呀鴛鴦水晶包，粒粒大細相乎，每樣有6粒個皮好彈牙，奶黃都好香，甜度岩岩好。食完野黎返杯功夫茶，清走口內油膩感。

回想起，早年因工作關係，間中也會前往元朗的新元朗中心去，不過，後來商場大裝修，施工期竟長達數年，從此，進入元朗時， BeautySearch 已習慣往元朗廣場那兒去，真的很久很久沒踏足這一帶了。早前，有朋友相約到 YOHO Town 食晚飯時，始發現原來新元朗中心已演變成 YOHO Town，而且更因太久沒到來，差點迷路呢！裝修後的 YOHO Town 與前身大不同，多了很多新店子及食店，顧客更可透過天橋通往一期，那邊更廣闊，選擇亦多，而二期則靠近西鐵、輕鐵及巴士站，交通非常方便。 那夜，友人便相約了我們來到位於 YOHO Town 二期的《百樂潮州酒樓》吃潮式美食。 由舖面開始，以至店內的裝修及擺設，均充滿中國古典韻味，牆身的山水畫及屏風，展現出中國的古典美，最搶眼又最具中國特色的，相信不用多說，也能看見不少紅色燈籠高高排！ 雖然蝦子餅才是潮州人，但不知為何，BeautySearch 好像比他更愛吃潮州食物，每次吃潮式食物，有兩款食物 BeautySearch 一定不會錯過的，一是凍蟹；另一是鵝片，這兩款都是BeautySearch 最愛潮食喔！當然今次也不可錯過！今次人少少，

上次在尖沙咀吃過百樂小館覺得不錯，今次一家到元朗探舅父，同家人晚餐多數會選擇中菜迎合他們口味，而舅父一向喜歡食潮州菜，所以我揀了位於形點同屬百樂旗下的百樂潮州酒樓，讓舅父一嘗正宗的潮州菜🍴說到潮州菜就不得不提潮州凍紅蟹，足足有四十二兩重，紅蟹肉質鮮甜，蟹鉗份量十足，很誇張地跟手掌一樣長，配有白醋和陳醋，配搭後原來更能突顯蟹肉的鮮甜味🦀我地亦點了另一道潮州名菜，馳名滷水鵝片，一碟有齊薄切和厚切的鵝片，我個人喜歡厚切鵝片，比較入味有口感，另外還有配有豆腐，豆腐被滷水汁覆蓋，豆腐仍保持其嫰滑，每一口都能吃到濃濃的滷水味😋由於近日天氣轉涼，媽媽就提議飲鹹菜胡椒豬肚湯暖身，胡椒味很重，而且整碗湯十份足料，鹹菜不會太濃味，豬肚亦淋身，非常易入口，飲完後覺得暖暖的，好舒服😌家鄉煎蠔烙是另一道我很喜歡的菜式，每一塊都滿佈蠔仔，煎過後除了有鮮甜的蠔味亦有蛋香味，雖然煎蠔烙看上很油但食時又不覺得太膩🍳下一道菜是碧綠川椒雞球，不算太辣，而且雞肉肉質嫩滑，炒過後更香口之後點了一道欖菜四碎四季豆來平衡一下，這個四季豆炒得很香，亦不會太油。而且欖菜帶點咸香，十分可口🥦上次吃過沙嗲牛肉炒河一試難忘，牛肉肉質淋身，配

黎過元朗Yoho Mall都好多次而家除左Yoho mall I期仲新開左好多舖頭喺II期呢間酒樓就喺I期 元朗站中間出口位置直上3樓就係 超方便內裡裝修具有中國古典特色天花除左有竹製紅燈籠外仲有以山水畫作點綴既吊燈當然唔少得山水畫及屏風一枱4個人一齊食以正宗潮州菜為宗旨種類選擇多有點心、滷水、小菜亦有貴價菜如凍蟹、鮑魚、燕窩和潮洲翅等招牌菜滷水鵝片、鵝掌、鵝翼等滷得入味帶香味道不錯而且服務態度好好百樂柑普茶 試飲價$20(每粒)甘甘的味道有理氣健胃 袪痰潤喉既功效保健養生~凍花蟹-26両(每両$60) $1560凍蟹係潮州菜既名菜之一食得出是新鮮花蟹味道算肥美 鮮甜肉爽嫩滑蟹黃脂凝透香配薑、醋吃 味道不錯！滷水雙拼盆 $220滷水拼盆亦係潮州菜著名菜式之一主要用來儲藏肉類和延長食用期隨着歲月更迭按口味轉變香料再變成地域風味呢款就有潮式滷水鵝片及滷水豆腐鵝片皮薄肉嫩可口 豆腐軟滑適中重滷水香味！正！進食時醮上酸辣米醋份外有風味！推介！潮陽炸雙棗 $104圓形係蝦棗 方形係蟹棗蟹棗餡料豐富足料啖啖蟹肉味個人喜歡蝦棗彈牙蝦肉配上馬蹄鮮甜爽口外脆內爽 香口好味值得一試！杏汁白肺湯 $150 

很久沒有吃潮州菜，就趁今天新正頭約了一班朋友去試元朗這間潮菜館，一入門口餐廳的裝修也很別緻 ，大紅燈籠高高掛，感覺環境很舒暢，再看看餐牌選擇也有很多，我們今天點了一隻大凍蟹， 端上來賣相已很吸引，最重要就是 鮮味十足 ，吃完這個頭盤，再來的是四式拼盤，最有特色就是那個地道的粿肉经理介紹原來是用芋頭件上豬肉炸成，再加上酸甜醬 ，口味很新頴，還有就是那個百樂一品煲，可謂包羅萬有 ，任何想像得到的海味都 在這個一品鍋類找到，包括帶子、螺片、鮮蝦、鮮魷、土魷 等實在數之不盡，其餘我們還點了川椒雞球 、煎蠔烙、鵝片，當然不能少了那些地道的潮州甜品 ，包括反沙芋和水晶包，兩個甜品的賣相已經很吸引 ，最重要味道也實在沒有令人失望，總括來說這頓晚餐一眾朋友都感覺很滿意，而且也實在令人吃出傳統的潮州風味。

在元朗十隻手指數得出的潮州酒家之中，這間也算是保持一貫水準的潮州菜，今晚就和一班朋友再去試他的傳統菜式，傳統潮州菜當然不離馳名的凍蟹，今晚這隻凍蟹斤兩十足之餘，肉質鮮美肥厚實肉，實在是大開味蕾 ，跟著那道潮州拼盤，除了保持傳統風味外那些蝦棗、蟹棗與及那個叫粿肉用料是竽蓉加上朱肉，賣相似咕嚕肉， 酸甜實在令人回味無窮。 跟著的胡椒豬肚湯，胡椒不但够重口味，而且用料十足，惟畧感覺今次的鹹菜不夠味，可能想適合香港人怕鹹的原因吧，當然還有傳統的川椒雞球，炒得很有火喉，但那些珍珠葉，若谦未夠脆口，其餘的菜式包括煎蠔烙、沙茶牛河，也可保持水準，不過原來最精彩的還是他的甜品，那倒反沙芋看得出廚師很用心，除了做法傳統外，也加上了新式的伴碟，賣相十分新派，也令人更加提起食慾，整體來說這頓晚飯令我們這些喜歡傳統地道菜的人實在有一份親切感。

屋企人話想試下d新野 唔好成日去酒樓 但又只係岩食中菜 又怕等好耐位🤭 所以前一晚我地見呢間百樂好似幾好味 環境又幾好 就二話不說即book 枱❤️首先食物既質素係好味既 特別係佢d蝦球 夠爽 大大隻 食幾隻都已經覺飽飽地 同埋佢個砂煲雞 真心 唔中意lun骨既人一定要試 因為一夾即luk骨 雞肉好滑🤤價錢就緊係唔係大排擋既價錢喇 但我覺得都算公道，坐得舒服，食野之前仲會一人一杯功夫茶，姐姐又會同你講夠唔夠食，唔夠食可以食咩。咁既服務真係好好呀！

臨近年尾，周圍都好多人食飯。今日同左親戚食個早既做冬飯。一坐底感覺樓底夠高夠光猛 仲有好多燈籠掛住。叫左個拼盤，有鵝片，牛𦟌，蛋，豆腐。話哂係潮州酒樓，個拼盤未到好好食但都算不過不失。再黎一個鹽水豆腐拼花枝卷。個豆腐炸得香口，特別一讚係個汁，汁既啲味有啲蒜蓉，食落似蒜蓉包。另外，花枝卷好食！有驚喜！個人覺得唔點汁好食啲。條魚都幾新鮮，蒸既時間唔錯，啲肉唔會太鞋。蟹子蛋白炒飯，好食！飯唔會炒得太濕，有咬口。啱哂我口味，食左兩碗！價錢就同酒樓差不多，性價比一般，但呢度比普遍酒樓人流相對較少，坐得鬆動啲，食物質素比普遍酒樓好啲。

經常都嚟百樂潮州飲茶，雖然價錢唔算平但呢度勝在服務水平高，加上啲嘢食又唔差。我個人就比較喜歡佢哋嘅糯米卷同蜜餞雞翅。個糯米卷一籠有四小個，每日嚟到都會落order，隔一陣就熱辣辣放喺枱面，皮同糯米嘅比例洽到好處，所以呢個點心基本上都會叫。另外蜜餞雞翅就近呢幾個月先有，呢個一碟六隻，同樣地熱到辣口。呢個雞翅推介之處係好香蜜糖味但食落時唔覺得太甜太膩。其他點心不過不失啦，燒賣、蝦餃、腸粉味道都唔差，但飲茶嚟講選擇就唔算話十分多~總括我都喜歡喺百樂潮州飲茶食飯。P.S... 食滿$300就可儲Asia Miles，仲$2 = 1mile。但要Asia Miles戶口先link up Open Rice。

今日遠遠地走到元朗探我婆婆，梗係要帶佢食好嘢！這個酒樓當然係首選，夠近又坐得舒服， 食物質素唔使講，咁出名有信心保證菜名一是太多唔係好記得，淨係記得好唔好食！這個有點鹹, 啲菜好林唔係好啱食不過婆婆就話好好食啱佢這個炒飯略為有點乾，不過都幾香這個魚最好食，非常入味，但係沒有掩蓋魚的鮮味三色蛋白菜仔，平時食莧菜就多，原來白菜仔仲好味，口感好啲我覺得，菜葉就吸收晒啲汁非常入味，菜烴就唔會咁鹹，夾埋一齊食就啱啱好一家人去食飯這個酒樓係不錯，好啱老人家胃口，不過後生嘅就可能都係鍾意西式多啲