百悅軒

營業中

休息中

大圍車公廟屋村茶樓搵食 竟然搵到超邪惡蜜汁叉燒😈🔥啱啱好燒到燶邊 仲要半肥瘦 肉嫩👍🏻😋包住大量蜜汁 超好食夜晚叫一份番屋企加餸都唔錯.佢地仲有好多懷舊小菜 價錢可以參考下面⭐️香煎墨魚餅$98⭐️蜆芥鯪魚球$88⭐️脆皮炸大腸$78⭐️客家煎釀豆腐$88⭐️懷舊蝦多士$48⭐️八寶鴨$468⭐️濃湯雞煲翅$168⭐️蜜汁叉燒（例）$128.‼️整體都好高分 你地又有冇試過呢？.#百悅軒 (沙田) @joyful_restaurant_taiwai 地址：沙田盛田街1號秦石商場地下17A號舖.

今晚同朋友去左沙田秦石邨覓食，意外發現呢間隱藏係屋邨既街坊酒樓，一入去就就聞到撲鼻的鑊氣，就好似返返去舊式大牌檔既黃金年代！金銀蒜粉絲蒸元貝一上枱就聞到濃郁蒜香撲鼻，元貝size驚人地厚身，蒸得剛好保持溏心質感，咬落鮮甜爆汁。最正係佢哋嘅「金銀蒜」炸蒜脆口帶焦香，生蒜辛辣提鮮！粉絲鋪底吸盡元貝精華，仲要唔會蒸到過腍，依然保持彈性，索晒啲海鮮汁同蒜油，每一啖都係罪惡又滿足嘅滋味。特別欣賞師傅蒸製時間掌握精準，元貝完全唔老，仲保留住海水嘅鮮味。連平時唔太好蒜味嘅朋友都忍唔住連粉絲清碟啫啫鮑魚雞煲鮑魚厚肉彈牙，咬落鮮甜冇腥味，仲要每粒都掛滿濃稠醬汁。雞件外皮焦脆帶蜜糖色，肉質嫩滑，醬油底混咗啲薑蔥同秘製醬，鹹甜中帶酒香！椒鹽鱔球外層炸得金黃酥脆，咬開卻是肥美鱔肉的嫩滑，椒鹽鹹香中帶微辣，佐酒一流。

炸子雞半隻雞皮脆到「咔嚓」聲，肉質嫩滑仲帶微微酒香，半隻份量堆到滿碟，兩個人食啱啱好，性價比直接封神！ 焦糖鮮菠蘿拔絲咕嚕肉視覺味覺雙重暴擊！咕嚕肉外層掛滿晶瑩拔絲，咬落先脆後彈牙，焦糖菠蘿爆汁超香甜，酸甜平衡唔會膩，拉絲打卡一流！ 金沙青衣斑柳鹹蛋黃控必嗌！青衣魚柳厚切啖啖肉，裹滿金沙炒到起沙，鹹香惹味到舔筷子，連炸蒜片都脆到上癮脆皮炸大腸驚豔之作！大腸炸到外皮酥脆如紙，內層軟糯帶煙韌，完全冇異味，蘸埋酸甜醬食簡直停唔到口！

老公昨晚帶我去了奏石邨的百悅軒酒家食晚飯，但是估唔到食物質素也好好，尤其是乳豬也是脆的，燒鵝也好好味，又燒也好食。燒肉的皮也好脆十分之正。還有廚房的出品炒小菜鮮鱿魚炒四季豆和燒雞也好好味連蝦片也是脆不似其它洒家是淋的。證明師傅對食品也很用心去制作。還有蒜蓉炒芥蘭也好味。還有值得大家去試下，原來這個酒家換咗廚房和燒味部師傅。樓面的服務態度也十分之好。如果帶家人或同朋友也是不錯食飯的好地方。😃👍👍🍹🍹

平時甚少去車公廟，今日因為放假同探朋友嚟到車公廟站，朋友介紹我去呢間屋村樓下嘅酒樓。燒賣:外皮薄韌，內餡鮮美。每一口都能感受到肉汁的滋味~酥皮叉燒包: 酥皮係類似菠蘿包嘅質地，入面有熱辣辣嘅叉燒餡料，不錯的薑蔥牛柏葉：牛柏葉質地鮮嫩，但份量實在太少，牛柏葉大約只有三小舊 其他全部都是蘿蔔。叉燒腸粉： 係我人生食過最厚皮嘅腸粉，極不推薦

蒸魚和啤酒推廣在七點幾後就沒有了。有啤酒，但只是正價。雖然相關廣告仍有展示。人均$200合理。小菜算大碟。但是侍應態度差劣。。衛生惡劣。上圍吃完後，侍應不會換枱布。不會回頭

經朋友介紹下試下呢間酒樓,因為話有自家燒味師傅,中廚又有料到😂,試過後果然係隱世酒樓,差燒又夠淋又夠香,絕對唔係柴皮野.另外叫左幾個小菜,每個小菜都好夠鑊氣,味道都係好好味🥰,麻辣魚皮呢個前菜真係好好味,朋友們都食到停唔到🤣,最離奇係上菜速度奇快🤔🤔真係唔知點做到🤔,而且食飽準備埋單既時候話有糖水送,送既係陳皮紅豆沙而且係好味既唔係流料,最後人均燒費百幾蚊,真係搵唔到第二間咁平又咁好味既酒樓🤩

今日仲掛緊八號風，不過又想飲茶，咁就近近地去附近飲啦，平時呢間酒樓就唔使加一既，不過打風日子就會收，ok啦，咁辛苦返工，抵俾。今日叫左《炸兩》粉皮夠滿，油炸鬼咁脆，仲要多蔥，不錯。《蝦餃》蝦肉夠爽，不過外皮有點厚。《燒賣》肉質都爽嫩，表面都多蟹籽。《叉燒包》包皮鬆軟，叉燒餡多汁。《流心煎堆》奶黃香，煎堆煙韌，好食既。不過就唔流心了，若然唔係話自己流心就滿分。《及第粥》夠大碗，夠綿滑，不過略嫌啲料少左啲，同大件左啲。切細少少會食得更舒服。以街坊酒樓來講，埋單$240左右，ok啦。

有同事經過見到易拉架寫住呢到食野好抵$288可以任食雞煲/刺身/片皮鴨，仲有打邊爐添😱同事返到公司興致勃勃，就約咗一大班同事去試下。阿公份人好外協🤣見好似茶餐廳咁 唔知d質素係點但一大班人又好開心但因為阿公好中意食片皮鴨就膽粗粗應承去食😆整體送菜雖然不算快但份量及食物質素非常不錯👍🏼👍🏼食材都係好新鮮魚生非常厚切🤤雞滑整得剛剛好🐥其實仲有酸菜魚🐟羊腩煲🐑味道都好吃的😋有機會可以再來

雞煲/烤魚。刺身，片皮鴨。火鍋放題 小童$108/位，成人＄228/位首先佢會比你選烤魚或雞煲，我地選左烤魚，叫左小辣都好辣，重口味，愛辣人士一定好鐘意。烤魚入面已經有寛粉，芽菜，木耳，豆卜，好多吸味野食。皇子片皮鴨配麼麼皮同五品刺身拼盤都係一次性。火鍋湯底就有好多特別既湯應選，有椰子雞煲，胡椒豬肚豬軟骨煲，豬骨湯底，四川麻辣湯，特濃沙嗲濃湯同懷舊醉雞煲，都幾多特色湯底選擇。我地叫左胡椒豬肚豬軟骨煲，都有豬肚係入面。至於火鍋配料方面，都好多選擇，廣島生蠔，新鮮豬肝，龍蝦丸，鴨血，手打魚籽鯪魚滑，芥花鮮魷魚，等等。都幾多特別選擇。飲品都係仼飲，自助形式，有王老吉，椰子水，仲有好多唔同款啤酒可以選擇。

我哋今次係揀咗全部都可以任食嘅Set（$288）咁首先講咗佢嘅即炒麻辣雞煲先啦（除咗可以揀食雞煲之外，亦都可以揀酸菜魚、麻辣烤魚同埋羊腩煲）我覺得佢哋嘅麻辣雞煲真心幾唔錯😆😆食落去覺得好惹味（雖然對我嚟講都係覺得有少少辣😅😅）而且亦都唔會話好多骨之後就講吓佢哋嘅刺身同埋片皮鴨啦有五款刺身可以任叫任食我最鍾意嘅就係三文魚同埋希靈魚兩個食落去食落去都好新鮮🥰🥰而且有啲三文魚仲勁厚肉之後片皮鴨食落去都幾脆口嘅不過我覺得如果再油膩少少就會更加出色食完雞煲之後我哋就揀咗要椰子雞湯（冇諗過仲有半隻雞😱😱）我諗呢個椰子雞湯應該係我食過最濃郁嘅椰子雞湯因為真係超重椰子香味☺️☺️而且雞肉亦都好嫩滑最後就講埋佢哋嘅打邊爐配料啦我自己就覺得嗰個澳洲和牛肩胛同埋手切澳洲牛肉食落去嗰個牛肉味比較濃郁❤️❤️Prime 上肩胛牛肉食落去就比較入口即化西班牙黑毛豬食落去亦都唔會覺得好乾而且仲幾爽口

今次黎到泰石邨一間街坊餐廳 港鐵車公廟站步行幾分鐘就到 門前的大招牌及霓虹燈裝飾都很吸晴店內空間非常空曠 天花掛滿一盞盞的燈籠燈好有特式 餐廳設有卡位同一張張大大細細既圓枱 適合吾同人數的顧客 非常貼心餐廳除了有小菜/羊腩煲等等既選擇外 仲有兩款任食火煱放題 - 價錢分別系$228及$288今次就試試價值$228既「雞煲/烤魚刺身片皮鴨火鍋任食放題」套餐套餐有刺身（三文魚、北寄貝、希靈魚、甜蝦、螺片）、片皮鴨、烤魚及火鍋，份量相當豐富麻辣烤魚辣度叫左微辣 辣度適中 烤魚打開煎炸過再配合麻辣味道幾香口 盤中有一些寬粉 都好入味彈牙火鍋配料都相當多選擇 有大約36款 相當豐富由於套餐火鍋配料任食 所以$228真系相當抵食飲品方面 揀左王老吉同天天生榨椰子汁 另外仲有一個櫃既汽水啤酒比客人選擇 很不錯食火鍋飲下王老吉同椰子汁可以清下熱 正～

百悅軒餐廳位於車公廟站步行2-3分鐘的距離，秦石邨街市側，位置相當方便。經過街市會見到一間充滿中國風的餐廳，無論門面或是店內都很有特式。門面前的燒味部掛了不同的燒味，感覺相當吸引。今次決定入去試試火鍋放題，餐廳設有兩個不同價位，分別$228及$288的放題套餐包含即炒麻辣雞煲或麻辣烤魚、刺身、片皮鴨及火鍋配料任食。另外，亦設有飲品櫃任由客人自行選擇任飲。入座後店員提供一張點餐紙，今次選擇了$228套餐，這個套餐有麻辣雞煲或麻辣烤魚、刺身、片皮鴨，而今次就決定選擇麻辣烤魚，雖然以上的食品都屬於一次性，但這個價錢方面每位$228，呢個價位相當便宜抵食。（另外一個套餐$288，仲有酸菜魚或羊腩煲選擇而且是任食的，更加抵食。）點餐後店員非常迅速將所有食材送到，相當快手。刺身、片皮鴨、烤魚及火鍋一同送上相當豐富，而且火煱及烤魚分別設有兩個火爐，可以一面打邊爐一面食烤魚，相信貼心。而配料方面都相當足料，牛肉油脂分布都很平均，海蝦亦細心用竹籤插住相當方便，蝦滑是一粒粒丸狀味道不錯。湯底選擇了胡椒豬肚，湯底都有很蛋豬肚非常足料至於，飲品櫃除了有汽水、檸檬茶外，還有多個不同牌子的啤酒選擇、亦有王老吉及椰

過年前夕，同屋企人提早食團年飯，加上天氣寒冷，今年就揀了去打邊爐。餐廳有雞煲烤魚火鍋套餐，十分豐富，還有任飲啤酒汽水。刺身拼盤北寄貝、甜蝦、三文魚、希靈魚，最好味是三文魚，雖然不算太肥，但很鮮甜。片皮鴨片皮鴨帶少許鴨肉，皮脆肉嫩，用餅皮夾著京葱及青瓜一起，更添風味。麻辣雞煲雞肉吸收了麻辣香味，癖上洋葱及芫茜調味，雞肉嫩滑惹味。豬骨湯底火鍋湯底款式都很多，豬骨湯底就用了豬手、粟米及蘿蔔，味道清甜。Prime肥牛、上肩胛肉牛肉色澤鮮艷，雪花紋理清晰，肥瘦均勻，入口嫩腍有肉香。水餃自家製水餃拍得住粉麵舖，裏面有爽口蝦仁、木耳等。海蝦、廣島蠔、水魷、鯇魚腩海鮮都很新鮮，尤其是海蝦及蠔，十分鮮甜。

這間位於車公廟站附近的百悅軒，晚市主打雞煲、烤魚、刺身、片皮鴨及火鍋放題，$288/位任飲啤酒汽水等等，比旺角平一大截。先送上的刺身拼盤十分豐富，有三文魚、希靈魚、北寄貝及甜蝦等，刺身都幾新鮮，味道鮮甜。片皮鴨皮脆脂肪不算多，配上青瓜及京葱等可減輕油膩感。麻辣雞煲加了洋葱爆香，小辣都幾辣，雞肉吸收了麻辣香味，十分惹味。湯底款式都很多，我們就揀了豬骨湯底，有豬手、蘿蔔及粟米，豬手皮有彈性。火鍋方面，有美國Prime肥牛、上肩胛肉，澳洲手切牛肉及西班牙黑毛豬，另有30多款的火鍋配料，十分豐富。牛肉味道濃郁，而且又不會太肥，肉質嫩腍。水餃真材實料，大大隻爽口蝦仁。廣島蠔、海蝦十分新鮮，肉質爽甜。