百悅軒

營業中

休息中

無意中發現屋企附近嘅秦石邨有間好抵食嘅酒樓《百悦軒》。餐牌上各款懷舊菜、皇牌推介、煲仔菜、海鮮、明爐燒味、翅/湯/羹，仲有川湘風味菜，包羅萬有，好多選擇。鮑魚海皇豆腐煲~煲仔菜熱辣辣上，材料豐富，足足有四隻鮑魚，新鮮都幾大隻，仲有帶子、蝦仁、魷魚，爽口彈牙，冬菇、炸豆腐及西蘭花，勁正！乳鴿~見到枱枱都有乳鴿，點返隻試下先，新鮮熱辣辣，鴿肉嫩滑好入味，果然不錯。蝦醬通菜炒牛肉~通菜炒得好爽脆，牛肉夠淋，蝦醬味道唔會好鹹，仲有少少薑絲，炒得唔錯。京蔥爆海參~都炒得夠鑊氣，平時好少食炒嘅海參，呢個咬落有啲口感，京葱好惹味。交通方面，屯馬線車公廟站行過嚟都好方便，揸車嘅朋友，消費有免費泊車。

位於屋邨商場的一間酒樓，主要都是做街坊生意的，所以價錢都不算太貴，而且更有２８元特價的小菜可選，真的性價比超高！炸子雞半隻（特價２８元）雞比想像中大隻，而且即叫即炸，表皮非常香脆，而且完全不會油膩，吃起來皮脆肉嫩的，有雞肉香。配上微酸的喼汁，剛好解膩。性價比很高！燒鵝半隻（２２８元）燒鵝挺有驚喜的，質素挺高的，而且挺大隻，燒鵝皮很香很脆，肉質結實有彈性，而且醃得很夠味，燒鵝汁拌飯一流。而且鵝胸部位幫你去骨，一口一大件肉，吃起來特別過癮，而且都有肉汁的。湘味小炒肉（８８元）想不到是用鐵板來上的，上桌後還挺有鑊氣的，味道比較辣，辣椒脆嫩，腩肉焦香，挺下飯的。白飯（１０元）

今晚在車公廟收工，就和老公在附近的餐廳吃個晚飯，這間很熱鬧的百悅軒就在停車場旁邊，未到七時已經座無虛席。【客家煎釀豆腐】外層煎得金黃酥香，內餡的鮮肉與豆腐完美結合，口感細膩嫩滑，帶有淡淡的醬香，加上熱辣辣醬汁，充分展現了客家菜的樸實與精妙。【鮮菠蘿拔絲咕嚕肉】優惠價錢只需$28，這道菜色澤誘人，酸甜適中的醬汁均勻地包裹著每一塊炸得香脆的肥美豬肉，加上微烤過的鮮菠蘿的微酸果香，為整道菜增添了一絲清新，令人食慾大開。【蜜椒脆皮薯角牛柳粒】豐富的口感取勝，外層的薯角酥脆不油膩，搭配嫩滑多汁的牛柳粒，再加上蜜椒的甜辣平衡，層次感十足，甜甜蜜蜜很惹味。【蝦醬炒通菜】蝦醬的鹹香完美滲透到嫩脆的通菜中，香氣撲鼻，無論是搭配米飯還是單獨品嚐，都令人滿足。

今日和朋友約了去踩單車由沙田出發。去了他附近屋企開的中菜餐廳食飯。地鐵坐到去車公廟站過馬路就到，很方便。門口光鮮亮麗，進入舖頭都好乾淨寬闊。 入面亦都有好多客人，一家大細。1） 蜜汁叉燒一嚟就發現原來好大碟。抵食，肥瘦適中 肉嫩，包住大量蜜汁。2） 懷舊菜 -香煎粟米墨魚餅把碟很靚。一碟有六大件。彈牙。食到一粒粒墨魚。很有驚喜3） 椒鹽鮮魷外層炸得脆薄。魷魚很新鮮。椒鹽鹹香中有點微辣，很有大排檔風味 ，令人食指大動4） 金銀蛋莧菜很有驚喜。有西芹絲，紅蘿蔔絲菇。肉粒很香口。估不到很香口。在門外還看到他們有很多優優和套餐。很適合一家大細和朋友聚會。

餐廳在車公廟站對面，交通非常方便。內部裝修雅緻，色彩豐富，有圓枱和卡位選擇，座位寬敞。晚市有特價優惠菜式，“炸子雞”及“焦糖鮮菠蘿拔絲咕嚕肉”兩款，二選一。「炸子雞半隻」雖然只是半隻，但份量也不少。炸子雞皮脆肉厚，雞肉鮮嫩幼滑，口感特別好。「涼瓜枝竹斑頭腩」熱焫焫滾住送上，魚塊大大件，爽滑口感，配菜有涼瓜、枝竹，涼瓜甘甜爽口，爆香蒜頭豆豉炆得入味。「太極鴛鴦炒飯」賣相別緻，橙及白色間出太極圖案。橙色一邊是新鮮番茄雞肉加上茄汁，酸甜口感。白色一邊是白汁蝦球，大大件蝦肉鮮甜爽口，一鍋炒飯，兩種味道，大家都愛吃。「海蜇分蹄」雖然是小食，但份量也不少。分蹄惹味，海蜇爽口，再沾上白醋來吃，特別提鮮，是不可錯過的冷盤涼菜。這裏的菜式選擇多，質素好，價錢合理，晚市時段，座無虛席，要預早訂位。

近排朋友說他屋企附近開咗一間粵菜菜館，今日來吃飯聚舊下。內裡裝修光猛坐位之間闊落。沙姜豬手🐽沙姜豬手是一道經典的粵式冷盤，以沙姜獨特的香氣和豬手的膠質口感為特色，整體風味層次豐富，咸香中帶著微辛和回甘。豬手燉煮至軟而不爛，外皮Q彈膠原蛋白豐富入口黏唇。醬汁咸鮮加入芫荽香蔥味道一流。炸子雞半隻🐔雞皮經過燙皮、風乾和高溫油炸，形成薄如玻璃紙的脆殼，咬下去有“咔嚓”聲非常之香脆，而雞肉嫩滑香甜不會柴口。瑤柱花膠海參翅🥣瑤柱味道鮮甜濃郁，帶有海洋的咸鮮味，類似濃縮的貝類精華。主要吸收湯汁的鮮味，但帶有獨特的膠質香氣。花膠口感軟糯黏滑膠質豐富，入口即化或略帶彈性。海參口感外皮Q彈內裡煙煙韌韌膠質厚實，類似燉軟的蹄筋但更細膩。最後再加上魚翅令這碗瑤柱花膠海參翅🥣更加豐富美味。炸乳鴿🐦肉質特點鮮嫩多汁幼嫩細膩，肉質比成年鴿更嫩滑纖維細膩。外皮香脆仍鎖住肉汁，乳鴿香氣更突出很美味。白飯魚煎蛋🍳白飯魚本身帶有淡淡的海鮮甜味，雞蛋煎至金黃邊緣微焦，帶來濃郁的蛋香和油香，蛋液包裹白飯魚，形成外酥內嫩的口感，是一款廣東粵菜招牌菜之一。咸菜胡椒豬肚煲🍲白胡椒是這道菜的靈魂，經過燉煮後釋放出辛辣暖胃的香氣，豬肚燉

今日去沙田探朋友食飯，跟佢介紹去左鄰近車公廟站的中菜餐廳食飯，環境簡潔寬敞，座位寬落，屬於街坊酒樓風格，餐廳主打家鄉風味，菜式多樣！招牌燒鵝 ➡️以皮脆肉鮮著稱，燒鵝外皮處理得非常脆，即使稍涼後仍保持脆感❤️西蘭花帶子 ➡️口感爽脆帶子鮮甜，份量足夠，帶子好大粒🫶🏻焦糖鮮菠蘿拔絲咕嚕肉➡️肉多骨少為特色，炸得外層酥脆，掛著晶瑩的拔絲，入口先脆後彈牙，帶有焦糖香甜味。菠蘿鮮甜多汁，酸甜味道平衡得宜，不會過於膩口❣️脆皮炸大腸➡️ 豬大腸炸得香脆可口，外皮脆薄，內裏帶少許脂肪，十分甘香。配搭酸甜的菠蘿，可以中和大腸的油膩感，味道平衡又開胃😍瑤柱蛋白炒飯➡️ 炒得非常鮮香、粒粒分明且油潤不膩🙌🏻

今日黎到呢間食中菜既鋪頭，鋪頭好乾淨舒適，所有餐具都有鋪頭名 - 百悅軒，好有誠意。入面仲有貴賓廳，可以下次帶埋親朋好友黎打返幾圈😆1. 炸子雞：店舖做緊28蚊半隻炸子雞，價錢勁吸引，即叫返半隻。味道十分好，脆皮雞油味香，脆卜卜！雞肉嫩滑，唔會好似出面乾爭爭咁，係教科書級既炸子雞。2. ⁠七味豆腐粒：外脆內軟，豆腐勁滑，配埋d調味料，小小咸小小辣，豆腐味好出，我本身麻麻地豆腐但覺得超級好食。3. ⁠椒鹽魷魚：魷魚好大條，勁脆口，又唔油膩，同埋唔會好似街邊個d 魷魚鬚咁炸到燶晒，好好味！48蚊真係抵食。4. ⁠豉油皇龍鬚炒麵：好有鑊氣，味道十足，好惹味，仲有d 魷魚鬚，好有咬口。5. ⁠滑蛋炒帶子：帶子巨級size，仲要有好多粒，帶子有鮮味，滑蛋配上韭黃好有咬口好香。最後仲有陳皮綠豆沙送，好足料。總結而言，係性價比超高，今晚所有食物味道到位，足料抵食，好岩同屋企一家人一齊黎食晚飯

每條屋邨總有一間酒樓喺左近🍴。作為沙田友，我不時會喺沙田四處搵嘢食😋。今日去咗爺爺嫲嫲住嗰條邨嘅酒樓食飯，估唔到咁好食😍！而且好多街坊幫襯，座無虛席🥳！椒鹽鮑魚 🦪
椒鹽香氣撲鼻，鮑魚鮮嫩彈牙，微辣帶甜，超美味！😍紅燒BB鴿 🐦
大大隻有肉地，鴿皮脆肉嫩，軟腍入味，家常溫暖！😋黑醋甘薯豚肉 🐖
豚肉juicy，黑醋酸甜開胃，甘薯軟綿，口感豐富！🍠椒鹽雞軟骨 🍗
炸得金黃香脆，軟骨爽口，椒鹽味香！🥢

亂打亂撞即管試下是否有驚喜，果然老人家一致讚好，仲話哪裡有咁樣的水準。雖然坐得比較冇咁舒服，裝修是同餸一樣懷舊風味，食物水準頂呱呱，仲有三少碟小吃包括椒鹽鮮魷、五味豆腐、炸大腸，真是又脆又好味，义燒又淋又美味，古嚕肉脆身，蛋白炒飯夠乾身，上湯蝦伊麵是十分正，蝦新鮮，面全部吃完，一條都冇剩，魚炒球2吃又蒸又炒，炸子雞皮脆嬾滑真是好好吃，红棗糕一般般，綠豆沙都十分出色，真心推介，值得一試。仲有其他懷舊菜未試，下次家人話再來試

藏身於屋邨商場的百悅軒，沒有豪華裝潢，還原老派酒樓的味道。驚喜是晚市連甜品綠豆沙也免費贈送。我們點了口水雞以麻香為主調，秘製醬汁混入花椒油、蒜蓉、花生碎，麻而不嗆喉，例牌有雞脾肉。椒鹽雞軟骨炸至金黃酥脆，雞軟骨上鋪滿炸蒜與辣，鑊氣直十唷！咬下時「咔嚓」聲加軟骨油脂香。雖然附上喼汁，但其實單吃已夠味，邪惡指數爆錶。冰梅一字骨的冰梅其實是將青梅去核，混入薄荷葉與冰糖熬成冰梅醬，裹上炸至微焦的一字骨，入口先酸後甜，尾韻帶梅子回甘。排骨外脆內嫩，肉汁與醬汁交融。最後還點了一個櫻花蝦椰菜炒粉絲煲，上桌時 砂鍋滋滋聲，櫻花蝦多到淹沒粉絲，搭配蝦乾、魷魚、椰菜絲。粉絲吸盡海鮮精華，加埋名稱沒有提及的魷魚實在畫龍點睛。每桌仲有古法綠豆沙，豆粒煲至起沙，加入陳皮與臭草熬製，清香下火。

女兒朋友提起自己屋企商場酒樓有雞煲翅做優惠，好味又抵食，今日就叫我陪佢過嚟試吓。百悅軒裝修簡約，地方乾淨企理又夠大，做街坊生意為主，所以價錢都係街坊價，提供懷舊小菜、明爐燒味等，食物質素都唔錯，深受大眾歡迎。鄰近屯馬綫，又有停車場，外來客入嚟食都好方便。招牌濃湯雞煲翅做推廣優惠，價錢平咗一大半，寫明足4兩翅，上枱見到都份量十足，用火熱住唔怕咁快凍左，金黃色的雞湯非常濃郁，味道鮮甜，內有半隻雞，肉質鮮嫩，上面有一大排翅，口感彈牙。西蘭花炒蝦球帶子：炒得夠鑊氣，西蘭花爽脆清甜，蝦球帶子鮮甜爽口。脆皮炸大腸：豬大腸炸得香脆可口，清新嘅菠蘿中和返豬大腸嘅油膩感, 兩者配合十分完美。椒鹽魷魚鬚外皮金黃酥脆，內裏嫩滑腍身，加埋椒鹽，十分惹味。酒樓向每位客人送上飯後甜品，非常貼心，綠豆沙煲得夠火候，甜度啱啱好。

同事住喺沙田秦石邨，佢話商場有間酒樓叫百悅軒，環境簡潔，地方夠大，座位濶落，主打鑊氣小炒和燒味，酒樓更有不同優惠，深受街坊食客歡迎，今日專程過嚟試吓！脆皮炸子雞做緊優惠，當然不會錯過，炸子雞雞味濃厚，口感皮夠脆，肉質嫩滑細緻、彈牙！豉汁蒸白鱔：白鱔切得比較薄，魚肉有質感，豉汁味非常香濃，十分惹味！脆皮炸大腸：炸大腸外皮炸得脆薄， 內裏有少許脂肪十分甘香，配上菠蘿酸酸甜甜可解腻。太極鴛鴦炒飯：飯底用蛋炒過，炒飯內的茄汁及白汁原是各有不同的口感和各具特色，茄汁配雞絲和洋蔥，味道酸甜好開胃，白汁配大蝦仁，爽口美味。飯後有甜品送，綠豆湯水味道清香，口感清爽。

跟朋友去車公廟拜神後，在附近的秦石商場發現有一間酒樓「百悅軒」，看到門面的菜單幾吸引又經濟，就決定入去開餐，平日也有不少街坊幫襯，差不多坐滿。除了一般菜式，連懷舊菜也有。內裡環境舒適寬敞，有電視播放。白灼海蝦 $128海蝦大隻，肉質實淨彈牙。脆皮炸子雞半隻 $28必點晚飯優惠，還有另一款焦糖鮮菠蘿拔絲咕嚕肉也是$28。半隻份量夠多，炸得金黃色好吸引，外皮脆卜卜，肉質入口嫩滑。翡翠炒龍躉球 $168龍躉球有好幾塊，每塊大塊又肉厚，啖啖肉夠彈牙。

呢間餐廳位於車公廟站對面嘅秦石邨，一出站就會見到餐廳就係對面，好方便！餐廳晚市時間主要叫餸食飯，而且有多款唔同嘅優惠，好抵食！焦糖鮮菠蘿拔絲咕嚕肉，晚市優惠價$28就可以食到，除左有咕嚕肉仲有炸子雞都仲優惠，二揀一之下我地揀左咕嚕肉！咕嚕肉唔會好肥好多骨，主要肉為主，醬汁酸酸甜甜夠哂開胃，而且仲有鮮菠蘿，鮮甜美味！啫啫鮑魚雞煲，雞嘅份量都好多，雞肉嫩滑，鮑魚共有4隻，鮮甜彈牙，醬汁非常惹味，送飯一流！金沙涼瓜條，我終於遇到一碟金沙涼瓜條可以食到咁多！咸蛋黃製成嘅金沙醬咸香味道剛剛好，涼瓜條爽口，拌入醬料咸香得黎又有涼瓜嘅回甘，加上炒得乾身，唔會好油，食完都唔會好漏！上湯蒜子浸寬菜，湯底清甜，寬菜鮮甜爽口，唔會好老，食落仲有蒜子嘅香味，唔錯！海參瑤柱花膠翅，花膠翅口感似羹，非常多料，基本上花膠、瑤柱、海參、翅都有齊，味道清甜冇味精！