百年私房菜

如果唔係朋友介紹真係唔知呢間私房菜，去到開源道再行過少少，唔算好多人，去到唔駛排餐死。上菜又好快，饑腸轆轆既我地好快就可以用美食填飽個肚😙鳳梨咕嚕肉拼炸牛奶炸牛奶外脆內軟，咕嚕肉脆口開胃，加上菠蘿及青椒等酸酸甜甜，即時飯都食多幾碗。金沙魚皮金黃色既咸蛋黃，配上香脆可口既魚皮，好味到完全停唔到口。平日當零食食簡直一流！砂鍋脆米扣肉炒飯本店主打！！！每粒米都炒至半脆狀態，食落粒粒都脆卜卜。加上香噴既扣肉同豬油，令整煲飯更為惹味。海鮮雜菜煲食左咁多濃味菜式，一於食番個菜煲清一下腸胃吧。雖然係遠左d, 但食完覺得真係幾好食，好高性價比！下次可以考慮再番黎食😋…查看更多

今日係觀塘接朋友收工，於是就諗食咩好，我同朋友都好鍾意食中菜飲湯，於是上網見到呢間私房菜好似幾正！好多人覺得百年私房菜既位置唔算非常方便, 其實識行的話佢係距離AMP大概10分鐘左右腳程，都算就腳🦶方便。炸蠔同炸鮮奶怕食唔哂的話, 又唔想浪費，每樣2件就又可以試到👍🏼👍🏼👍🏼鐵板煎釀鯪魚!依道菜真係好考功夫架, 要將鯪魚起肉打成魚膠, 再釀返入鯪魚皮入面, 又彈牙,又香口啊!大家真係不妨一試~大家一定要點呢個魚湯材料十足👍🏼👍🏼👍🏼 魚超新鮮…查看更多

跟朋友黎觀塘搵食觀塘呢間「百年私房菜」舊址係新蒲崗，近半年才搬來觀塘營業從觀塘地鐵站行10分鐘便到了。我們一共點了4道菜「海皇粉絲雜菜煲」好足料，蝦仁大大隻，又爽口，雜菜吸收哂海鮮湯底的鮮味，好味「咕嚕肉拼炸鮮奶」咕嚕肉炸粉薄，啖啖肉，咕嚕醬用了山楂烹調，有種酸甜的味道，好開胃炸鮮奶大大件，奶味重，好味「砂鍋脆米扣肉炒飯」是餐廳招牌菜每啖炒飯都吃到脆卜卜的脆米，口感好正，扣肉的油份滲入了米飯中，炒飯香口之餘，又沒有油膩感，果然是餐廳的招牌菜！「金沙炸魚皮」是咸蛋黃炸魚皮，炸得好香脆，送啤酒一流，可惜第二日要返工，所以沒有點啤酒了…查看更多

今次我地食到去觀塘~~觀塘工廈入面有好多穩世小店, 每次去都有種尋寶既感覺, 所以非常期待啊!好多人覺得百年私房菜既位置唔算非常方便, 其實識行的話佢係距離AMP大概10分鐘左右腳程坐底打開餐牌, 好多道菜都想試, 但又怕2個人食唔哂, 正當苦惱之時, 老板(我估係)過黎比D意見我地, 話不如食蠔同炸鮮奶啦,怕食唔哂的話, 每樣2件就又可以試到, 又唔會浪費~我即刻感受到私房菜既好處, 夠哂人性化!! 而且炸鮮奶好好味啊~另外老板仲推薦左另一道菜我都係非常欣賞既, 就係鐵板煎釀鯪魚!依道菜真係好考功夫架, 要將鯪魚起肉打成魚膠, 再釀返入鯪魚皮入面, 又彈牙,又香口啊!大家真係不妨一試~…查看更多

今次阿妹帶我去食私房菜，想話懷念下童年回憶。餐館位於觀塘鴻圖道，位置尚算放便；裝修沒有坊間食肆的奢華。餐牌上看見的多是懷舊菜式。百年煙燻太爺雞新鮮雞以煙燻手法去處理是我初次品嚐，而廚師的心思是以另類的烹調來突顯自家品牌是欣賞的。👍惟煙燻做法會因惹味而搶了雞的鲜味是有點可惜，但整體來說是OK。👌薑蔥醬爆魚瞟煲用薑蔥爆魚瞟可除去腥味和惹味非常，口口魚膘膠質濃；而今在其它食肆是很少找到的。梅菜蒸菜心兒時曾食過但已遺忘，難得在此食番。食材雖簡單但極具人情味。砂鍋脆米扣肉炒飯以為是一般炒飯，但食落居然有驚喜。因為廚師把飯分開炸和炒兩部份，混入大量扣肉粒和葱粒；所有材料再用熱鍋盛載，除了香口惹味外還有咬落脆卜卜。…查看更多

之前已經食過3次午餐，兩次係lunch menu, 一次係一大班人點餸食私房菜。兩次lunch menu都好滿意但私房菜就感覺無咁好食今次都係食返lunch menu去到見到個menu 轉左本來一心諗住食梅菜扣肉飯𠺢嘛，是因上次見個同事食，好吸引好在佢勝在選擇多，點都揀到啲未食過的來試之前有椒鹽鮮魷，今次轉左椒鹽九肚魚。我點左咕嚕鳳凰卷因爲唔知係乜來。私房菜嗰次試左咕嚕肉，個汁唔覺得特別好味，不過嚿肉就有啲脆，又唔係好大嚿肉嗰款，所以嚿肉係的。今次對個汁不抱太大期望，但就對個鳳凰卷充滿好奇個飯一上枱，我見到鬼馬油條原來鳳凰卷係佢。。。啲飯有啲乾，所以今日覺得個汁好好味，有山楂味，唔太甜又唔太酸個鳳凰卷，油炸鬼有啲鹹，唔夠脆。個餡就ok的，不過唔知係咪蝦膠同事叫左咕嚕肉，keep到水準丫個肉雖然都係叫咕嚕，但呢個的汁同鳳凰卷的汁有啲唔同。。。淺色啲同稀啲。不過嚿肉真係會再來試佢的lunch menu…查看更多

今晩和同事去了一間好有特色的私房菜館，特色在於懷舊，坊間少有的菜色。位於觀塘鴻圖道，地點尚算方便。霸王雞上枱時己嗅到好香的燻煙味，採用新鮮雞隻，難怪肉味濃厚，質感嫰滑，尢其脂肪位不多，滋味！梅菜煮菜心記得兒時食過，好懷念啊！梅菜有嚼口，重要的是不會太鹹。菜心 軟腍，甜美。爆米扣肉煲仔飯對我而言好新奇的一個煲仔飯。將部分的飯粒炸過，混入炒飯，加入扣肉粒，蔬菜粒，惹味十足。沙煲的熱度，另香氣四溢，好誘人，正！桂花糕平時我不太喜歡食，但這個做法加入了棗，增加了自然甜味，沒有那種糖的甜膩，我鐘意。好滿意的幾道菜式，值得推介給朋友來一嚐。…查看更多

看了大家的評價，一度還擔心踩地雷，擔心碰到惡劣的服務態度，但是真的百聞還不如一試今天經過百年，戰戰兢兢下，上去拿位反而遇上親切的點菜叔叔，擔心我們點太多，還提醒及容許我們把份量十足的扣肉炒飯減半，真是意外及感動！沒有遇到大家說的服務態度不好還是我今晚的運氣好，那要趕快感恩遇到美好啊今天點了 扣肉炒飯、山楂咕嚕肉 、大良炒牛奶最後，親切的點菜叔叔還免費贈送飯後點甜-桂花糕！扣肉炒飯好有鍋氣，火候十足，一口一口好吃到鍋巴，好吃！山楂咕嚕肉的酸味，讓胃口大開，這還是我第一次在香港吃到山楂+咕咾肉，聽說這是傳統的廣東菜色搭配，好喜歡大良炒牛奶還真是第一次嚐到，非常新鮮的口感，好像滑嫩的炒蛋，好特別！下次來香港公幹，會再度光臨嘗試其他的菜色！…查看更多

唔知係咪因為啱啱開，餐廳雖然見到佢哋有人報道過話好好食，但係試過先知龍與鳳一早定位，所以提早都訂咗太爺雞。諗住試吓真功夫，點知的確有啲失望。首先味道唔夠香，而且啲肉啲都唔新鮮好似放咗好耐嘅雞⋯⋯同喺酒樓最尾拎出嚟嗰啲燒雞差唔多價錢仲要唔平激鬼死！咕嚕肉同炒飯都還可以，但係本身諗住食私房菜係可以試到啲比較好嘅食材同埋服務，但係整晚嘅水準都係麻麻地。同埋啲小菜太多油啦，特別係我哋叫個芥蘭炒牛肉！可能因為啱啱新開所以營運仲未順利，希望水準可以改善。…查看更多

朋友話睇到新XX有篇野講觀塘有間野新開，d古法中菜幾唔錯。我知鱔稿寫得既，多數伏，不過朋友話要試，就捨命陪君子，果然！最後都無令我失望！又係伏！呢度最出名係太爺雞，就叫左個太爺雞。一黎度，個size好細，幾舊雞加一碗飯。飯係fail左，太乾身，又唔熱，應該擺左一段時間，失敗！太爺雞的確係有煙薰味，但係完全無雞味，肉質好硬，失敗！同埋我真係唔識食，原來太爺雞係凍架，飯又凍雞又凍，最後成個餐杯熱檸水係最熱。60蚊又唔係特別平，只可以講：可一不可再…查看更多

之前刨 magazine 知道得龍大飯店係觀塘搞咗間私房菜，因為壽星想試，我地5大2小就決定去呢度開餐。得龍係新蒲崗時，我都食過一次，但我自己覺得味道無傳聞的好，不過人有失手、馬有失蹄，加上壽星要求，我決定俾多次機會自己。因為打電話無人接，於是透過whatsapp 聯繫。菜館聯絡人也經 whatsapp 發 menu 給我。之前睇到openrice 既飯評都算ok，於是膽粗粗預訂咗6位份量既私房菜A餐 (因為細路食力少，所以少叫1人份)。講下飯店環境，佢係麗港城附近大坑附近，夜晚係幾清幽。飯店係1/F，要行樓梯上，係假的，上到都5會開門。上到飯店樓層，右邊係黑媽媽，左邊有燈光，見到有2個房間，一間係放幾張大檯，另一間就係放小及中檯。檯與檯之間都幾貼近，幸好當晚食客不多，隔離張大檯無人坐，所以還算ok。伙記都有禮，但後來發生一件事，我就大打折扣。是日A餐有10道，位位$480，包加一及茶芥：1. 翡翠花枝炒帶子：味道ok，只係走咗“花枝“，變成西蘭花炒帶子。因為無落單紙係手，當刻都無留意炒漏咗俾我地2. 上湯焗本地龍蝦淮山麵：調味好，麵質都好，龍蝦比平時食的少肉，多腳仔3. 砵酒焗生蠔：好味，但有一隻竟然有沙。呢個5關廚師問題，係食材問題4. 脆奶拼山楂咕嚕肉：其實份量5多就5好用大碟上，搞到賣相5好睇。脆奶好味，但咕嚕肉就真係咕嚕肉，無山楂味5. 鮑魚燉佛跳牆：有8隻鮑魚，好闊綽。湯也分到12碗，但。。。佛跳牆同雞湯係兩碼子事。我真心覺得呢個似燉雞湯多d，無佛跳牆既咸鮮味。翻開湯料有鮑魚、雞、豬肉、少量螺片、陳皮、龍眼肉、杞子、淮山。呢個真5值6. 清蒸大海斑：條魚蒸過龍，“鞋鞋地“7. 百年煙燻太爺雞：不愧為賣點。呢個係好味，好香煙燻味，雞嫩滑，但多油8. 北菇蝦子柚皮扒生菜：北菇破壞咗呢碟菜，因為它係無。。。味。。。。9. 砂鍋脆米扣肉炒飯：扣肉份量係少，脆米應該係飯焦混埋軟飯一併炒，所以口感幾有層次。美中不足係。。。點解用雪藏雜豆？一下子將這道菜降級了。一來5好睇，二來5 match10. 桃膠燉紅蓮：每碗都有幾粒仔桃膠飯後埋單，竟然收7位錢。我話訂餐時講明6位份量，伙記話我有7人，係煮7人份量(孰真孰假，我真5知)。其實如早講明私房菜係按人頭計，我地好樂意叫7位份量或者轉叫散吃。但飯店事先無講明，whatsapp 訂座也說明係7位，訂餐時也清楚係 whatsapp 寫咗係6人份量。如覺得不行，應事先講明，5係到付錢時才要求收7位。結果伙記用d 討厭既嘴臉看著2位細路，然後不忿地改為6人收費。其實我地預咗佢會收第7位菜芥及加一，但佢又無收。回家後再看 menu 才發覺除了走“花枝“，還走了我們6罐汽水差d 5記得。。。如可忍尿就5好用佢地廁所。。。…查看更多

睇完新假期既報道，就約同事去試新野。可惜，服務態度不佳，落單又亂，出菜又亂。落單後見同枱既其他客人落單時通知咕嚕肉賣完，怕我地都無，所以就問有位佰佰侍應，佢就話幫我地問下，一問問左7-8分鐘都冇答我地，我地再追問下先話無，仲話午飯時候佢好忙唔得閒覆我地。只能無言，立刻換食米線。太爺雞名過其實，有陣陣煙熏味外，只是淡味的豉油雞，肉仲要鞋身既酸辣菜豬肚雞米線，湯底淡味，酸辣菜只酸不辣，$48一碗，官塘區大把更好的選擇掛著米芝連食府星級主廚的名，做是旦求奇的午餐，可能主廚晚上先返工，希望晚餐會好食好多，否則都好快拍烏蠅…查看更多

星期日booking 佐6:30，諗住早D到無乜人，6:15到已有幾圍已入座，乜依家D人都咁早食晚飯 ！😂這晚特地同老爺奶奶來試食懷舊粵菜，老人家鍾意飲湯，所以我一早預定 杏汁燉豬肺湯 ，好足料好好味，奶奶話豬肺應該係新鮮豬肺，我唔多鍾意飲湯都飲咗3碗；跟住來個老爺致愛：薑蔥爆魚標煲，老爺咁嘴叼都讚不絕口👍🏻，再來脆皮炸大腸好正夠脆，嗰蠔仔煎蛋較普通，菜就叫咗魚湯魚腐浸豆苗，清清地無咁熱氣，最後來個 脆米扣肉炒飯 ，估唔到有驚喜，睇個樣普通，食落每啖飯都有D脆脆嘅粒粒，好好好味😋，D扣肉又唔肥腻，伙記話這是主廚葉師傅的得獎名菜，唔怪得咁好味喇，老爺話下午吃了很多年糕，所以只可吃一碗炒飯，佢有D可惜咁😂我地5個人都食得好飽，到埋單先知原來不用加一，埋單唔駛一千蚊，奶奶都話抵食，下次同朋友來要試試其他菜式，期待👍🏻…查看更多

看到網上報導得龍總廚來了百年，立即訂座，用餐前三天還有人特地聯絡我，提醒我要預訂一些菜式，於是訂了沙薑雞及杏汁燉豬肺湯。山渣咕嚕肉 - 沒有山渣味，份量少得可憐，肉細細粒，感覺只有粉漿，跟茶餐廳質素差不多砂鍋脆米扣肉炒飯 - 炒飯味道不俗，扣肉郤沒有整熱便舖在飯上面酸菜浸班片 - 咸酸菜略鹹，本身味道不錯，但卻加入醋，即時大打折扣太爺雞 - 還是有一定水準，可惜醃得不勻，雞胸不入味，但雞脾味道濃香頂訂了的杏汁燉豬肺湯及沙薑雞，剛坐下便告訴我，暫時未有沙薑雞，著我改要太爺雞。之後端上金銀菜豬肺湯分給我們，我立刻制止，我點的是杏汁，有一位侍應來跟我說我沒有預訂，著我改要金銀菜豬肺湯，再隨意拿一張A4紙說沒有我任可預訂記錄。我預訂的全部菜式都沒有，其實早幾日叫我預訂是什麽意思呢？接著想叫的醬爆魚鮫、魚腸，全部都沒有，魚亦不新鮮，實在不能評論大廚的功架。招牌菜（金錢雞、鴨腳包、杏汁豬肺湯）沒有了，剩下只有總廚和依舊欠缺的服務，表面的私房菜預訂流程，和普通中式酒樓的菜式。硬要把我本不打算叫的金銀菜豬肺湯和太爺雞推銷給我，這是經營私房菜的手法嗎？…查看更多

一間老店結業重開，看了facebook 介紹，心郁郁去試。我們訂的是套餐D。去到滿滿期待吃好西。惟招牌菜的太爺鷄又削又無雞味，以我咁喜歡吃雞都沒有第二箸。有朋友不能吃奶油，叫的是上湯虎蝦炒米粉底，來的居然是奶油絲醬汁；叫他換，他拿著不動，最後怕加料惟有不換，這樣朋友沒吃這味。及後，出菜好似趕咩咁。叫放慢一點就幹脆不出比你。員工態度奇差，要什麼沒什麼。蟶子又老又鞋兼腸都未剝。唯一可取是美國桶蠔，其他乏善足陳。套餐包甜品羗汁湯丸，三催四請，答案居然是師傅不做奈何不了。我們決定埋單走人，竟然多收了600元，這種混水摸魚的手法太差勁了，如我們不check，就多付錢了。貴㚒不好吃！劣劣劣！…查看更多