25
19
13
以上資料只供參考, 請與餐廳確認詳情
食家推介
響Openrice寫咗超過100篇食評, 而真係食過百次嘅只得呢一間!! Openrice 嘅評價偏向負評, 原因有二: 1. 後生唔識食!2. 你唔係街坊熟客!詳細解釋下1a. 食環境呢度夏天唔涼, 冬天唔暖;只因無中央冷氣, 又無500 lux照住你食嘢, 裝修勁傳統.後生唔鍾意!不過就出現響好多電影, 電視同廣告場口!! 1b. 食經歷齋睇呢張上世紀五六十年代嘅告示牌:"隨地吐痰隨地吐痰得人憎，罰款二千有可能，傳播肺癆由此起，衞生法例要遵行。"後生仔唔好話睇, 好多聽都未聽過呀!1c. 食歷史餐廳名稱同地址係由右至左, 電話號碼得6個字!未夠? 有返咁上下年紀嘅一定對呢款傳統餐牌似曾相識.1c. 食d乜呢度餐包糕點等, 由80多歲老闆每日新鮮親自製造.而呢度嘅熱奶茶, 我唔敢話全港最好飲; 但絶對係我心中嘅number 1! 5星星推介!!2a. 無人招呼老闆入面整麵包, 一個負責洗碗; 得返三個人負責哂收錢,樓面,水吧,大廚. 三個人六隻手通力合作; 你諗好食乜至好叫佢.2b. 無單無據靠把口.好多人留負評話佢哋收錯錢; 我食咗咁多次從未收多, 只有打折. 老闆娘其實記得哂d熟客鍾意食乜飲乜. 我每次一入門口, 老闆娘一聲"孖T"; 一坐低我哋杯奶茶已經到! 食物方面, 基本上餐牌上有你就可以叫. 無論幾點都有早餐,午餐, 甚至下午茶餐.我最常食早餐同午餐:早餐: 火腿通粉, 西煎雙蛋, 連熱飲.午餐: 叉燒意粉, 火腿奄列, 連熱飲.一直唔寫食評係唔想咁多人來要我等位. 今次肯寫係因為佢哋將會榮休!! 有緣再會!!
繼續閱讀
餐廳開在屋企附近，多年來都未有去試過。今日心血來潮，就去試一試。一入到餐廳，別有一份懷舊感覺，無論係茶廳裝潢定係用既杯碟，員工既衣著。用餐時間係一兩點，餐廳可選擇既食物比一般茶餐廳少，顧客叫既食物來來去都係個兩三樣。今次叫了叉燒意粉，炒蛋餐包餐包和公仔麵。成個餐最好味係個炒蛋，但只不過係正常。個餐色 係乾，好似任何地方都好食過佢。個叉燒意得好少叉燒，湯底又無咩味。飲品我地叫左個凍員熱奶茶。奶茶無茶香，都唔滑。總括而言，雖然價錢係平，人均四十幾蚊，而地點都係近，但我都係唔會再光顧既餐廳。
繼續閱讀
近年唔少新開嘅茶餐廳都刻意走懷舊風, 裝修擺設復古, 模仿老香港茶記。不過如果想體驗真正嘅舊式茶餐廳就要嚟下呢間位於西灣河嘅百好㗎啡餅店啦。呢度由六十年代開業至今仍然保留原有裝修, 一枱一凳都見證香港歷史, 難怪連電影《大茶飯》都要喺度取景。下午茶時間, 環顧四周, 光顧嘅似乎都係街坊街里。伙記推介雞翼雙腸米, 就試試吧。雞翼雙腸米 $42雞翼煎得都幾香口, 雙腸就同預期一樣很重口味。呢度嘅食物就普普通通啦, 但整個環境的確保存得不錯 , 體驗一次亦無防。
繼續閱讀
下午三點來到西灣河, 搵個地方和朋友傾計,來到百好咖啡室。星期日部份茶餐不適用, 揀左奶醬多和黑白淡奶鴛鴦特飲。一坐便是兩個小時, 好好唔會趕人走!奶醬多烘得夠脆, 麵包唔乾身。凍鴦特飲, 啡味濃, 夠提神! *在港島區想食舊冰室出品, 可以來百好!
繼續閱讀
好多套戲都用冰室做主題, 周星星的行運一條龍, 蔡卓妍, 黃秋生同黃又南的大茶飯。今日終於經過西灣河, 諗起套戲係係百好到拍, 於是諗都唔諗, 就入左去食個早午晚特常餐了。百好係西灣河電車路, 文娛中心對面, 一出地鐵站過馬路3分鐘就到, 好方便。百好係香港仲有西餅/蝴蝶so 賣的冰廳, 雖然過幾間鋪又有間有得賣, 但我個人認為呢D鋪頭真係買少見少。講番個餐, 叫左叉燒意粉, 連火腿炒蛋及餐包, 仲有杯熱奶茶,叉燒要預左係雪藏貨, 所以我唔會expect 好好味,不過係意粉煮得有D淋。火腿炒蛋火腿比我想像中少, 個餐包係幾好味既熱奶茶都算唔錯。不過Overall 黎講始終同我想像有D落差,下次我再黎西灣河時我應該會試試隔離再隔離果間, 是次評價: OK
繼續閱讀