百味閣餐廳

營業中

休息中

心血來潮想食西餐，咁啱去開九龍塘又唔想食大商場，又咁啱比我發掘到呢間餐廳，見評語唔錯，又有我想食嘅羊，就入咗去試吓。睇完餐牌好快就同朋友有決定先黎餐湯，我哋都選擇咗羅宋湯，煲得好濃郁入味，入面有好多雜菜同當少少牛肉！蒜蓉包係伴湯嘅，法包烘過加埋蒜茸好香口，送湯一流！主菜揀咗香草薄荷醬焗羊仔排，揀咗5成，上菜見到已經覺得好吸引，食咗一啖就知道好正，肉質好腍好入味，亦都有好香嘅油脂，完全超越咗我嘅嘅想像😍 大推第二樣就揀咗紅酒燴牛臉肉及牛脷伴菠菜麵，紅酒汁好香濃，配牛簡直係絕配😚另外我哋仲叫咗個香煎雞脾菇，有醬油嘅香味夾埋菇嘅鮮味，不錯！最後就叫咗熱朱古力配呢個甜品，為呢餐飯畫上完美嘅句號

懷舊西餐嘅裝修，加埋店員熱情款待，覺得比人一種好溫馨嘅感覺。☺️食物選擇幾多，有套餐亦有單點。我同朋友今次就嗌左B同埋G餐試試。首先送來餐湯同埋蒜蓉包，羅宋湯好足料，夠曬入味。🍽B: 紅酒燴牛臉肉及牛脷紅酒汁好香紅酒味，牛脷亦煮得好淋。🥰🍽G: 香草薄荷醬焗牛仔排羊煮得剛剛好，唔會太肥亦一啲都唔酥😋最後甜品係焗南瓜布甸拌吉士薑汁。總括黎講，對於呢到嘅食物、環境、服務質素和性價比都非常滿意，作為有budget 嘅慶祝dinner 都唔錯！🥳

同媽媽出街食飯多數都係我決定去邊、食咩，難一媽媽第一次主動話要嚟百味閣再食飯，所以同佢再嚟呢到食晚餐。見到推介食物當中有個第一次見到嘅湯，係牛油果蘑菇湯，牛油果就食得多，第一試牛油果嘅湯，味道就都係同一般蘑菇湯無咩分別，但口感有牛油果嗰種滑滑嘅感覺，值得一試。原湯煮智利藍青口份量都幾多，上湯都幾清甜，而藍青口都幾大隻。大蝦芒果沙律嘅蝦有蝦膏，蝦夠爽口彈牙，芒果好香甜，好好味。香橙蘋果焗美國豬柳扒，豬扒好嫩仲要好大塊，抵食！

約了舊朋友出黎，想搵間靜小小既餐廳食晚餐，順便可以傾吓偈。大家都住九龍區，就搵左一間近九龍塘地鐵站，行過去只係五至十分鐘。門面好舊式既感覺。一入到去覺得返左去90年代， 好溫馨嘅感覺。經理好細心甘介紹食物比我同朋友。如果唔鍾意食套餐，仲可以單點以上既野，有牛扒、魚扒，等等。今次想試下佢既套餐先羅宋湯酸酸的，小小辣，仲有舊牛肉，足料🤤配埋好脆既多士一齊食，好正！龍蝦汁燴蝦球青衣魚塊 （$160）呢個龍蝦汁唔會過鹹，唔會搶晒主食嘅味道。蝦球好大粒好爽脆，蘑菇好Juice！薯蓉好香牛油味道，唔覺意好快就食晒⋯芝士焗蘑菇扒黑豚梅扒（$155）黑豚扒食落好香好鬆軟，好大扒，朋友食左3分2已經感覺好飽，配埋芝士 非常邪惡！而意大利飯偏淡味，因為芝士較重味，我覺得咁樣啱啱好！茶膽沖得剛剛好，冇苦澀味道。焗南瓜布甸伴吉士薑汁布甸啱啱新鮮焗出嚟好香 不太甜，入邊仲有南瓜蓉添啊⋯⋯🤤最後仲買左佢地自家製嘅手工曲奇餅，細細塊 好似馬仔既口感，不錯！

就味道而言，百味閣煎雞扒飯稱不上絕妙，但價格絕對實惠——外賣自取只消40元。掀開飯盒，最引人注目的必定是金黃又帶焦邊的雞腿肉扒，切件的雞肉飄散著誘人的油脂香氣，伸筷一夾，就會感覺到外皮的酥脆，絕對稱得上色香味俱全。而飯盒內的蔬菜並非配角，輕輕燙熟後的新鮮白菜仍保持脆度與鮮味，遠勝坊間的冷凍貨色。值得推介！

常説浸大是美食沙漠，沒想到浸大旁邊的「島仔」隱藏多間美味的餐廳。這次介紹的百味閣餐廳正正在浸會大學新舊校之間的島仔，裏面裝潢很有感覺，似是舊時代西方餐廳的佈置，侍應亦穿著一套制服，令人有置身外國的感覺。加上餐廳食物的味道也不俗，不僅有一般高級餐廳的扒餐，也有適合素食者的素餐，而且價錢也不貴，例如一個雞扒飯也只是 $ 40，實在是學生吃厭學校餐廳後的不二之選。另外餐廳侍應的態度也很和善，很記得有時候買外賣後，姐姐會給我們一些甜品，有時還會送一碗暖暖的湯。

係九龍塘做嘢，夜晚上open rice搵到呢間西餐廳，好懷舊嘅感覺，而且而家香港越嚟越少呢種老字號餐廳啦😢不禁感嘆時代嘅變遷整體評分：6.9/10環境：6.9/10服務：6.9/10人均消費：$100-200地址：百味閣餐廳 (九龍塘)九龍塘聯合道320號建新中心地下2-4號舖蒜蓉包：焗得好脆，蒜蓉味道夠出羅宋湯：酸甜可口又足料，好多雜菜係入面菠菜蓉蘑菇忌廉湯（$35）：佢有好多特別嘅湯，今次就試左菠菜蓉蘑菇忌廉湯～加入菠菜蓉之後好清新，又唔會一舊舊紅酒燴牛臉肉及牛脷（$120）：牛臉肉好淋好入味，充滿紅酒🍷嘅味道，牛脷就好爽口彈牙😋香橙蘋果美國豬柳扒（$108）：幾特別！好少見生果配扒～面頭係蘋果同橙嘅薄片，底下就係豬柳扒〜食落好開胃，豬柳扒吸晒香橙同蘋果嘅汁，好JUICY，同時中和左肉嘅油膩感焗南瓜布甸伴吉士：外脆內軟～配上少少辣嘅吉士薑汁，又唔會太甜！是日最正！🌸另外餐廳仲送左我一包曲奇🍪超有人情味！❤️

真心的覺得此餐廳一定要試。第一：服務好過酒店第二：食物質素有水準我以前在浸大返学時，也來過。但今次整體升級了超水準！。過了那些年，有幸今晚和朋友來真的不能不用一些時間來分享一下昨晚的一百零一分的用餐經驗。實在太耐沒有如此这般服務。實在太有heart.今晚我們試了兩個dinner set dinner set includes湯，garlic breads and main course 仲有杯飲品加dessert這個羅送湯一定係推介。好耐無飲過這舊式味道。好足料唔好睇佢好似黑黑地。這個是法式鹅肝加牛柳露仙尼伴薯條。好食到牛柳好鮮味，有質感。（好想再encore!) 因本人最怕食牛是用梳打粉醃過.甜品係南瓜布甸配吉士薑汁.不太甜！我叫了杯熱奶茶。味道有水準！以前的茶味道回來餐廳有這手造餅，試了也不錯dinner set由$115-188.衷心講句真係好得！

浸大附近有唔少餐廳，同男朋友去浸大個陣，咁啱見到呢間百味閣，我哋見係食西餐，又肚餓就入咗去食嘢😙😙。------------------------------一入到好好彩咁唔洗等位🥳🥳，座位都好闊落，坐得好舒服。有個侍應姐姐見到我哋喺到糾結緊食啲咩好個陣，仲專登行埋嚟介紹有咩嘢食比較熱門，好詳細咁介紹啲嘢食有啲咩特色🥰。最後我哋分別嗌咗紅酒繪牛臉肉及牛脷配菠菜飯同埋芝士焗蘑菇餡黑豚梅扒配意大利飯，仲嗌咗個炸魚薯條😋😋。------------------------------而我哋嗰兩個飯都係有跟餐，所以每人會有兩塊蒜蓉包，一個餐湯，一杯嘢飲同埋一個甜品。今日個是日餐湯係粟米羹，但我哋比較鍾意飲羅宋湯，所以就嗌左羅宋湯。羅宋湯：個湯幾濃味，酸酸哋辣辣哋，又好足料！🥰🥰紅酒繪牛臉肉及牛脷配菠菜飯：個汁好幾重酒味同牛味，而啲牛臉肉同牛脷都好淋，好入味😍😍。芝士焗蘑菇餡黑豚梅扒配意大利飯：個意大利飯幾重菇味，幾creamy。而黑豚梅幾重豬味有啲位仲焗到脆脆地，仲好多肉汁，好juicy。炸魚薯條配他他醬：即叫即炸，一咬落去個陣仲唔小心熱辣添🤣🤣，炸得啱啱好，皮又薄。個侍應姐姐仲好好咁攞咗枝

放學之後，同女朋友諗緊食乜，行入商場後見到呢間餐廳別樹一格咁🥰，睇落好特別同懷疑，就決定入去試下😋。—————————————入去之後，侍應姐姐好快幫我地搵咗位。睇咗陣餐牌，侍應姐姐就行過嚟同我地推介下食乜。🥰經過侍應姐姐嘅幫助，我就揀咗B餐紅酒繪牛臉肉及牛脷配菠菜飯，而女朋友就揀咗E餐芝士焗蘑菇餡黑豚梅扒配意大利飯，另外我哋仲嗌左個炸魚薯條做小食。每個餐都有一個餐湯同餐包，最尾仲跟一個甜品。等咗一陣個餐湯同餐包就到咗餐包上面嘅蒜蓉好濃烈，鍾意食蒜蓉包嘅人一定好鍾意。而家餐湯係一個好傳統嘅羅宋湯，材料都好豐富，每一啖都食到啲菜。而飲飲下湯嘅時候，炸魚薯條都到埋。侍應姐姐就拎埋他他醬同茄汁俾我哋點。個炸魚食得出係啱啱炸出嚟，而且皮都好薄，係我食過嘅炸魚薯條入面都算數一數二，而薯條都好夠熱。食咗陣之後，我哋兩個嘅飯好快上埋碟。個飯賣相非常之好，而且就咁聞落去都已經好有紅酒味，用嚟送飯簡直一流。去到個牛臉肉同牛舌，食落牛味好重，而且筋位都好淋好唸口。女朋友比咗一啖豬扒我食，豬味同調味都好平衡，上面啲芝士睇落都好吸引。——————————————話咁快食完主菜之後，侍應哥哥就幫我哋收碟，隔咗陣

知道要去開浸大附近，立即係open rice 搵下有咩好食就搵到呢間西餐廳。估唔到咁難得搵到間水準咁高既西餐廳！充滿懷舊氣息的裝修，殷勤又親切的店員及服務，令我回想起小時候與父母去的高級西餐廳的片段。 整個餐牌菜式選擇豐富，花多眼亂，有選擇困難症的我，最後還是選擇了套餐。 套裝包含了羅宋湯配法包，飲品，主菜及甜品。最後我們要了兩個餐。先來紅酒燴牛臉肉及牛脷。 牛臉肉及牛脷炆得火候剛剛好，牛臉肉軟淋，入口即溶。 牛脷彈牙得來不會韌。 而且不論牛臉還是牛脷的質素都唔錯，完全沒有牛羶味。另一主菜，法式鵝肝牛柳露仙尼，鵝肝煎得香脆，咬落滿口油香而不膩，牛柳五成熟煎得恰到好處，配搭鵝肝一齊吃簡直一絕，大滿足。甜品係焗南瓜布甸，以為係跟餐的甜品會好求其，黎到係似焗既蛋糕，輕輕切開，裏面釀滿了幼滑的南瓜蓉，食落鬆軟又滿口蛋香，小小一隻但份量滿滿，食到呢度本想叫一客而家少見的香蕉船，但真係飽到上心口，留返下次再叫啦。其實主菜份量好大，質素又高，就算配菜也很用心製作，性價比高，一定會再幫襯。

朋友介紹依間位置稍為偏遠嘅餐廳，位於浸大側邊，雖然地點唔多就腳加上係平日，但仍然都有好多食客捧場，幫襯嘅都唔少都係老師學生。我地叫左個兩份set dinner，已經包左餐湯、主食、餐飲同埋甜品。紅湯 vs 白湯紅湯係羅宋湯，正常味道，冇咩特別；但白湯都幾特別，係「紅菜頭紅蘋果西米忌廉湯」我覺得都幾fusion，有加西米、蘋果，酸酸甜甜，有啲似食甜品，個感覺幾特別。主食 - 香草薄荷醬焗羊仔排羊仔排要咗七成熟，切出嚟冇血水啱啱好、又冇羊騷味，肥膏都唔多，好吃！主食 - 法式鵝肝牛柳配炸薯鵝肝配佢餐包附送個塊脆多士一流！令我諗起旋轉餐廳上面令我難以忘懷嘅鵝肝，依塊冇咁肥同油，必食！牛柳偏瘦，都有肉味，普普通通。甜品 - 焗南瓜布甸伴吉士薑汁講起布甸，我以為布甸係軟林林一碗類似啫喱樣嘅東東🍮。到上甜品時，係兩個黃色版貌似係心太軟嘅野，我都有啲疑惑係唔係上錯甜品？布甸剛剛焗起，外面香香脆脆入面軟綿綿，不喜歡吃南瓜嘅Mcmug都覺得好吃，好快就食晒。我對於套餐嘅甜品通常冇咩期望，但係依個布甸真係有啲驚喜，我覺得佢係有用心制作，無論係餐湯或者甜品，都嘗試喺傳統扒房嘅框架下作出新嘅嘗試，冇故步自封，

星期五晚上得我同阿仔兩個開餐，之前網上發現呢間餐廳，搭巴士出咗獅子山隧道就到，遠得嚟都幾方便餐廳在浸會醫院轉個彎的建新中心，此建築物看似陳舊，但她曾在80年代榮獲香港建築師學會頒發的優異獎。在這建築物裏， 屹立著一間裝潢懷舊的西餐廳彩色玻璃窗，間條枱布面加一塊白枱布，侍應的恤衫，背心，領帶和他們和藹可親的招待，一貫老派西餐廳的特色餐牌有好多選擇，不過我哋一人揀咗一個晚餐。包括湯，麵包，主菜，甜品，飲品。羅宋湯 酸酸甜甜，非常之香濃。蒜蓉多士熱辣辣，蒜蓉香草味好香，一人還有兩小塊。芝士焗蘑菇餡黑豚梅扒伴意大利飯 $155黑豚梅扒肉質腍軟，鮮嫩多汁， 面頭鋪滿芝士蘑菇，豐富咗層次，伴上意大利飯，很好的配搭香草薄荷醬焗羊仔扒伴炸薯 $175叫咗五成熟，羊仔扒肉嫩多汁， 肉身呈粉紅色，完全沒有血水，淡淡的羊羶味可以接受。炸薯也非常香脆Terimisu是餐廳自家出的甜品，不錯呀。凍檸茶/凍奶茶茶底香濃。經理還送來兩塊原味曲奇，估唔到咁好味，香脆之外，又唔會過甜，立刻買一包返屋企跟家人享用還見到頗特別的牛軋餅，牛軋餅是由台灣訂購回來，然後餐廳自行加工，把紅莓等當作夾心，心機之作。也一併買下，大家都

Happy friday約了老婆撐枱腳, 故意選擇了一間懷舊西餐廳試試. 餐廳的裝潢充滿了香港舊式西餐廳的風味, 很適合放下手機, 來一場時光倒流的浪漫晚餐. 店員亦十分熱情, 主動地介紹餐牌, 充滿人情味.南瓜湯南瓜湯有別於一般的純南瓜, 加其他蔬菜令湯多了層次, 更清甜, 配上蒜落包更美味.羅宋湯微辣, 蕃茄味濃, 整體充滿蔬菜甜味而清爽蒜蓉包焗得脆脆, 蘸湯一流, 蒜蓉和牛油亦不會過多帶子牛柳串燒配賓尼士汁菠菜麵份量十足, 帶子和牛柳是1比1, 牛柳剛剛熟, 不鞋口, 原隻帶子, 彈牙鮮甜. 賓尼士汁微酸帶甜, 更令人開胃. 菠菜麵亦不錯芝士焗蘑菇釀黑豚梅排配意大利飯芝士的濃郁配上蘑菇的菇菌獨有香味已經一絕, 再加上焗得嫩滑的黑豚梅排, 完美.意大利飯煮恰好焗南瓜布甸伴吉士薑汁布甸外層微脆, 更特顯內裡的軟綿綿, 配上少少辣的吉士薑汁, 更令人有驚喜總結:餐廳的食物不止美味, 更有一份人情味, 除了味道, 更令人感受到舊時代的浪漫題外話, 結帳時見到有手工牛軋餅, 買了一盒試一試, 不過甜同時帶有蔥的咸香, 這種手作的味道, 有別於工廠批量的

之前經過浸會附近發現有一個細商場, 入邊有間香港懷舊式西餐廳, 所以今晚決定去試吓。佢店前店內裝潢就好似九十年代嘅香港港式西餐廳, 侍應都着咗西式工作服。入到去店內面積都幾大, 七點半去到都坐滿八成人, 有部份枱與枱之間有塊小小既白窗簾仔可以分隔,都令人幾有私隱度。翻開Menu其實有好多選擇, 又有肉類又有焗飯又有意粉又有碟頭飯真係乜都有。因為好肚餓, 我哋最後決定揀兩個西餐套餐加一個焗嫩雞配茄醬意粉, 套餐有湯有主菜又有甜品又有餐飲。第一個揀咗香草薄荷醬焗羊仔扒而第二個就揀咗法式鵝肝牛柳, 甜品仲有南瓜焗布甸。主菜一黎到賣相已經滿分,首先個嫩雞真係非常滑意粉亦都唔林剛剛好茄肉醬份量味道亦剛好。羊仔扒份量亦非常多而且好嫩好林, 味道亦出色。而我覺得最出色係鵝肝配牛柳, 侍應話鵝肝牛柳一定要一齊食, 我將佢切開一份份一齊食, 味道果然出奇地夾, 真係從來冇諗過咁樣一齊食。甜品南瓜焗布甸亦係用心吾馬虎, 一切開入面見到有一粒粒南瓜, 吾太甜吾錯。整體來講以呢個價錢食到一間港式懷舊西餐廳食物又唔錯真係性價比高。真心希望呢啲港式老餐廳可以繼續落去, 令香港市民食到懷舊又性價比高嘅港式西餐。