百味王火鍋酒家

星期六同父母八點就去飲早茶，見好耐冇去百味王就特登過去幫襯下。印象中佢以前個啲嘢食都係唔錯，話晒都係百樂門集團，但事隔一排今次去真係幾失望。😥雪山叉燒包其實係呢間茶樓嘅招牌點心，但係今次淨係送上嚟已經邊邊地，咬落去外面脆皮一啲都唔脆，個包入面嘅叉燒餡醬多過肉，食返普通嘅叉燒包可能仲好食。😥懷舊魚翅餃都幾大隻，入面主要有雞肉，木耳絲同雜菜，味道okay。香芋棉花雞芋頭蒸得好林好入味，棉花都好好食，係最好食既點心。👍脆網肉鬆腸啱啱送上嚟食好脆唔錯，不過浸左一陣豉油就已經唔脆😂，建議豉油應該分開放，肉鬆比較少。蒜蓉蝦春卷佢包到長春卷款，但好細條，入面嘅蝦肉得好少，雖然係新鮮炸出嚟，但因為春卷皮好厚，咬落去得最出層皮係脆，入面係淋😥，條春卷皮嘅份量多過蝦一倍。👎…查看更多

從來冇諗過咁麻甩，但係你身邊總會有朋友約你去麻甩又地道的酒樓。尋日中午我專程去觀塘探望一下好友，問老友想食咩，佢竟然話去酒樓。天呀～飲茶係我最討厭的，平時要見客或者陪家人先會去，見朋友都要飲茶，咩料呀～仲要間酒樓都幾麻甩下，可能好友係男人，冇計啦～點都要捨命陪君子，同麻甩佬食飯係咁上下。不過出乎我意料之外，呢間酒樓都有好多女性食客，餐牌選擇都多，而且好地道風味，價錢都唔算平。我哋叫咗上湯海蝦煎米、 油雞飯、 白灼芥蘭及兩款點心，每人都要1百蚊， 相比起我愛的茶餐廳，價錢偏貴了一點，但味道都不錯，估唔到麻甩佬嘅地方都唔算太差。…查看更多

來這類食店用膳，我都預了是一般港式服務，衛生差點，食物一般。不過原來沒有期望也會有失望！這晚2人用餐，燒味拼盤相片有海蜇，但上桌時就沒有。我都懶得問。豪氣一點，要了一人一份鮑魚鵝掌，過得去。別家滿分的鵝掌，入口的汁是有濃厚的黏度，非常黐咀！這兒當然不是同一水平的食物，不算差也不算好。不過整晚最令我冇乜胃口係張檯！坐落不久，即時望到火鍋爐邊藏滿食物渣滓，乾涸的，仲要有支牙籤！極度嘔心！想換檯，不過心想坐邊都應該咁邋遢；亦不打算跟職員說，因為都冇乜服務可言，用張紙遮住便算！連帶關係下，我對百樂門這集團也扣了分，因為經網上投訴其衛生問題，他們也沒有任何回應。當然不會再幫襯喲！…查看更多

中午想歎下一盅兩件，呢間都是一個不錯的選擇！之前都食過幾次，每次都滿意，當然不是每款都啱晒大家胃口，因各有喜惡，但味道可比其他大酒樓，加上點心夠熱，絕對是食得過，不過位置欠佳喔。大部份點心已落到我的肚裡，只有小部份相片可以分享🤓豉味蒸鳳爪 即製煎茄子(厚厚的魚肉😋)家鄉鹹薄餅(要改名'厚'餅😅)雪山义燒包，推介之選綠荳沙(免費送的😉)…查看更多

平日晏就嚟呢度飲茶，雖然位於工廠區，但1d都唔難搵。12點一入嚟就有位，到左差唔多1點鐘，就開始多人，我估應該係附近公司放飯。叫左3個點心：1. 雪山叉燒包 - 我最愛的點心😍熱辣辣食嘅話口感更佳，上面嘅雪山質感鬆脆可口，一級棒！2. 南瓜蒸排骨 - 南瓜略嫌少左d，但排骨夠稔身，好味！3. 虎皮尖椒 - 唔太辣，唔會食到狂飲水。…查看更多