百味堂 (已結業)

After hiking, let’s gain weight and kcal again.We ordered 2 flavours, they were both creamy.-Jeju MatchaIt reminds me of the green tea ice cream in Jeju Osulloc Tea Museum.-Original It doesn’t taste artificial and really embodies the natural flavours of milk. The cone is crispy.

喺山頂行完山，搵吓啲下午茶，因為商場有優惠就可以試吓韓式雪糕同埋甜品係點㗎呢⋯⋯下午茶餐啦有鹹點、有蛋糕加$20就可以有一杯咖啡茶，如果要改係奶昔或者其他咖啡就加 $35我覺得比起你要分開買其實都係抵食嘅！加上有商場優惠減$25我就覺得好抵啦！甜品櫃裏面最吸引嘅都係我最鍾意嘅焙茶芝士蛋糕因為要享受$25優惠加$35轉咗個濟州抹茶奶昔，另外再加多左一件柚子芝士蛋糕係一個好豐富嘅下午茶首先試咗一淡味啲嘅柚子芝士蛋糕，有淡淡的柚子味而且上邊有啲抽子皮，加重左柚子咔味之餘有少少苦澀好好味！焙茶嗰件就好靚啦…但食落去呢就失望啦⋯⋯唔夠焙茶味太淡啦！比較甜咗啲！抹茶奶昔係因為佢本身嘅雪糕底非常之柔滑濃厚，所以呢個奶昔係比較重口味！我個人覺得都係茶味唔夠甜味太多，我唔記得咗叫佢走甜，我估如果走甜抹茶嘅味道會再出D！整體上我都係覺得太甜但係個質感係非常之好！呢度如果唔係太多人嘅話都坐得舒服嘅好雅致嘅座位有優惠就抵食啦

今晚食完晚餐又黎食個簡易甜品先返屋企。黎過咁多次都未試過豆乳牛奶雪糕，今次居然見到仲有貨，即管試吓先，原來可以隨意轉牛奶雪糕做豆乳牛奶雪糕。新鮮芒果牛奶雪糕 $72 （左）黑朱古力豆乳牛奶雪糕 $68（右）我地只係將黑朱古力個杯轉做豆乳牛奶雪糕。店員話豆乳牛奶雪糕味道淡啲，不過食落我又覺得味道差唔多喎，其實我覺得兩種雪糕味道都差唔多，牛奶味都的確好重，又滑溜。兩杯雪糕相比，黑朱古力牛奶雪糕係細杯好多，肉眼一看就知，但係只係平幾蚊，唔抵！雪糕上面加左黑朱古力醬同少少碎碎，黑朱古力醬完全唔會過甜，加埋豆乳牛奶雪糕一齊食都好味道。至於新鮮芒果牛奶雪糕上面就加左唔少舊芒果肉同芒果醬。芒果肉同芒果醬一d都唔假又唔會過甜，配牛奶雪糕都好食。百味堂雪糕味道同質感的確係唔錯，只係定價太高！呢個價錢得呢d配料就太貴啦，出面食到芭菲杯仔啦。

下午茶又想食甜野，於是又去左百味堂食雪糕。濟州抹茶雪糕 $68百味堂既招牌牛奶雪糕寫明加入有機牛奶製造，牛奶味的確好重，又滑溜，係好食既，不過融得超快，要快手食，唔可以等。濟州抹茶雪糕加左大量抹茶醬同少量抹茶粉，係有少少苦，溝埋雪糕食就可以。新鮮紅豆雪糕 $58新鮮紅豆雪糕係大杯啲又平啲！下底唔少紅豆蓉，唔多覺有幾新鮮，而且又唔係原粒。不過given佢嘅份量，呢款可能係成個餐牌最抵食。日本白桃牛奶雪糕 $98呢款日本白桃牛奶雪糕係夏日期間限定，係原個日本白桃系列之一，用左原個日本白桃製造，要等10分鐘。上次食過，都係呢款抵食啲，因為有半個白桃，同埋份量都係大杯裝。首先用白桃打成果蓉，配搭招牌有機牛奶雪糕， 再鋪上半個白桃。 上面既日本白桃就當然又甜又淋，切好一塊塊好易食，高質！白桃果蓉味道唔太突出，不過淡淡既味道溝雪糕食都唔錯。因爲日本白桃本身都唔平，所以感覺上呢款雪糕價錢抵食啲。黑芝麻殼物豆乳奶昔 $58第一次試呢度既飲品。黑芝麻殼物豆乳奶昔香滑帶有微微芝麻味，略嫌芝麻味太淡，不過都係好飲嘅。最正係面頭有多款唔同殼物加黑芝麻，為成個飲品增加左多重口感同味道。之前仲食過呢度既新鮮藍莓雪

係山頂行完山熱辣辣最好就係食雪糕，而家山頂廣場有百味堂，仲有得堂食，即刻去搵位買番杯嘆下～椰黃蛋白配牛奶雪糕 $98之前就算去過好多糖水鋪食椰黃都冇e個咁好食❤️❤️❤️招牌牛奶雪糕當然好正啦，奶香味濃，同椰子味又夾，連埋蛋白食又係另一番感受，裏面仲有啲脆卜卜嘅野，口感豐富，份量都唔少架，share食都幾抵～濃縮咖啡牛奶雪糕 $72相對e個就普通啲同冇咁抵了，原味牛奶雪糕只係需要四十幾，而家佢只係加左啲咖啡落去，味道偏苦，個人會偏好椰黃多啲評分（5⭐️為最高）：環境：⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow 我地 hkfoodie_90s_couple啦～

冇得飛就帶屋企人喺香港四圍去玩吓，今次嚟到山頂。食完一個豐富嘅Lunch就搵甜品食吓，細佬話想食呢間好似💩形嘅雪糕，哈哈！就咁睇個名真係唔知原本係韓國嚟嘅店，店面以木材為主嘅簡樸風設計感覺好休閒，不過今日人就多咗啲，而且佢係冇帶位嘅要自己入去搵位。買咗佢會俾部機你坐住等，製作時間又唔會好長。【原味牛奶雪糕】第一次食我通常會揀寫住「原味」嘅嘢，哈！以牛奶雪糕都係我鍾意嘅！佢可以揀筒或杯，價錢一樣就梗係筒啦。外型真係好得意，好完整嘅💩形，哈哈！牛奶味超濃郁，超好食！雪糕去到最底底，份量都好足！【朱古力雪糕】食咗一啖細佬個朱古力味，朱古力味都係好濃郁，而且帶有些少朱古力獨有嘅苦澀味，平衡返唔會太甜太漏，我下次會食朱古力味！其他我就冇試到，影相俾大家參考吓就算喇。50幾蚊個雪糕嚟講，物有所值，會有下次！

好多年冇嚟過山頂廣場啦，原來呢度都開左好多間餐廳，見平日唔係太多人，我地就試下山頂分店嘅百味堂！呢間d裝修一d都唔馬虎，會令人坐得好chill！ 🍴 意大利芝士 ($75) ⭐️⭐️⭐️⭐️💫 呢個意大利芝士牛奶雪糕非常之吸引，上面有勁多Tiramisu粉，牛奶雪糕嘅牛奶味好重，質感比較厚，同Tiramisu粉一齊食真係好夾，感覺好幸福！ 🍴 黑朱古力 ($75) ⭐️⭐️⭐️⭐️ 雖然唔係朱古力雪糕，但食到佢地最出名嘅牛奶雪糕，真係一定會返轉頭！作為朱古力控嘅我都覺得好味，因為配埋d好濃好香好滑嘅朱古力醬真係好夾！ .............................. 百味堂 地址📍: 山頂山頂道118號山頂廣場1樓106號舖 總評分: 7.6/10 .............................. 味道😋: ⭐️⭐️⭐️⭐️💫 環境👀: ⭐️⭐️⭐️⭐️💫 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️💫 抵食💰: ⭐️⭐️⭐️

上年「百味堂」推出左日本白桃牛奶雪糕，好少係市區出現嘅小妹未有機會食到，今年呢款人氣甜品回歸啦！冇諗過山頂有「百味堂」分店，仲要有呢款甜品發售，終於有機會try try佢～☺️日本山梨縣白桃牛奶雪糕 ($98)採用原個山梨縣白桃「一宮プレミアム」淺間白鳳桃製成，糖度高達13.5 度，雪糕頂部有半個白桃切片，打卡一流！🥰下面有多層白桃蓉和牛奶雪糕相間，啖啖桃香，鮮甜可口，一杯雪糕用左一整個白桃，好足料！要注意⚠️嘅係，呢款日本山梨縣白桃牛奶雪糕只限K11 MUSEA旗艦店、K11購物藝術館店、山頂店發售，供應至8月尾，未食嘅快啲抓住夏天的尾巴～😏

今日難得放假帶狗仔嚟山頂行下，見到呢到環境幾好又可以帶狗仔就入嚟休息下。叫左杯日本白桃雪糕，白桃清甜而且個量都幾多，中間有佢地招牌既中奶雪糕，仲有白桃沙冰，味道都唔錯，但整體都溶得幾快，要食快啲

日本白桃牛奶雪糕$98開左咁耐第一次食呢間,我見網上好多人都話好好食咁我就買呢個嚟試吓.見到期間限定所以就買呢個,店員話即時整俾我所以等左10分鐘先有得食,滿心歡喜等待但出到嚟同張相完全唔同樣,面頭係水蜜桃,但唔夠甜,雪糕係牛奶味,加左d桃汁,雪糕溶得勁快,真係好失望,一d都唔值呢個價錢,第一次未食完一杯雪糕就掉左

五月第一個星期天下午，山頂廣場。不久之前跟友人郊遊找到這家雪糕店，友人提議今天登山前再去買，天氣炎熱，我們懷著興奮的心情飛奔過去。百味堂是韓國在上世紀六十年代以乳業起家的品牌，發展到現在除了奶製品，在店門口可以見到有麵包，手工甜點和輕食，原來後面有大概五十多個座位，可以選擇坐下慢慢吃，裝潢以木系為主，營造古風又不失文青休閒的氛圍。CLARINS x 百味堂柔滑雪糕，人果然是視覺動物，看到有新推出的立馬要試，而且光看到粉紅色滿滿的少女心就上來了，嚷著要友人買。這是一款新推出跟法國護膚品牌Clarins聯乘的雪糕，只在五月跟六月期間限定。其實就是草莓牛奶雪糕，在原味牛奶雪糕上灑上草莓粉，再插上一塊草莓巧克力片，濃濃的牛奶香散發淡淡的草莓味，不會過甜，恰到好處。買這雪糕更會送贈品牌的透亮光感淡斑精華體驗裝，雪糕跟護膚品的配搭實在很新奇耶！原味牛奶雪糕，全店雪糕採用100%有機牛奶製造，而且是韓國農場直送，友人愛它柔滑綿密的質感，濃郁天然的牛奶香，配上爽脆的原味威化筒，不用弄得五彩繽紛來吸引眼球，一切都是簡樸實在，風味一絕。太陽底下跟友人邊吃邊欣賞天然風景，向山上出發。

今日同豬先生尼左山頂，身為雪糕控既豬先生見到百味堂即刻二話不說話要食佢地既雪糕，香港衣家有奶茶味限定，非常吸引，不過豬先生就試左招牌牛奶味雪糕百味堂既雪糕一向高質，雖然係四十八蚊一枝，但食完你就會知性價比好高，首先牛奶味超濃超突出，而且質感綿滑，份量十足，同平價軟雪糕既質感好唔同，雪糕控千奇唔好錯過除左雪糕，衣度仲有好多其他甜食可以選擇，有蛋糕，麵包，milkshake,甜品控實搵到岩心水既野，衣間分店仲有唔少坐位提供

相信大家應該對百味堂嘅雪糕一啲都唔陌生㗎啦，幾年前佢係k11 pop-up嘅時候我食過一次，感覺係係就係好食嘅，但真係有啲啲貴～所以一直都無動力再幫襯🙊前排同朋友行山行咗上山頂，口痕想食雪糕，又見到原來而家雪糕多咗勁多唔同嘅口味，所以我哋都決定喺度坐低食啲嘢抖下。.pretty sure most of you are quite familiar with @baekmidang_hk soft serve ice cream 🍦 i rmb trying this when the pop-up first opened 😆 it was pretty good but it was expensive 😂 decided to try it again when we walked by it during our hike to the peak 🏔 tried their black soy bean soft serve and it was pretty good 😋 a nice black soy bean flavor and a bit of black sesa

冇諗過山頂都開咗間百味堂, 其實一直都好想試, 但未有機會, 今日上咗山頂路過見到又冇乜人, 所以就可以試食啦, 叫咗幾款試原味牛奶雪糕 - $48都算大杯同抵食, 好過哈記, 牛奶味超濃郁, 比起APM2樓間日本雪糕店更濃味, 價錢方面果邊$42係大杯裝都好抵食阿薩姆奶茶雪糕(左一) - 其實我冇諗過賣相係咁, 以為雪糕係奶茶色, 而家係雪糕再加奶茶上面, 如果淨飲奶茶會有苦澀味, 但雪糕再加奶茶一齊飲同食就OK, 感覺幾特別, 但$68好似貴咗啲朱古力牛奶雪糕(右一) - 朱古力醬都好濃好甜, 溝埋雪糕一齊食味道啱啱岩好, 都係$68感覺又有啲貴總結 : 終於都試過一次, 真係唔差既, 有機會路過其他分店都會再試其他

同細佬一齊遊山頂，經過百味堂我地都忍唔住想食個雪糕同其他小食，人流比較少，環境都系唔錯噶，要左個草莓雪糕同埋牛乳麵包，兩樣都好好味啊，雪糕口感醇滑麵包好香濃，真系好想一直坐系度！