百味堂 (已結業)

呢間韓國過江龍都嚟咗香港好耐，一直都係見朋友去打卡，自己就一直都未有機會一試，平時淨係知銅鑼灣有，今日咁啱係K11 MUSEA行發現有分店，一於一試🥰今次買嘅係原味牛奶雪糕 ($48)🍦造型嚟講，個扭紋係幾靚，所以打卡用途嚟講係唔錯的🤪不過食落呢間係比較似牛奶雪葩，而唔係creamy嘅雪糕texture😖後尾上網睇先知原來呢間係主打以有機牛奶製作，同埋韓國嘅雪糕係偏冰感重，自己比較鍾意日本雪糕多啲，加上呢個價錢都比較進取，因此應該唔會回訪了🫡

去開K11 Musea見到好耐冇食嘅百味堂，未去到韓國🇰🇷一於食住百味堂先😌～原味牛奶Original （$48）百味堂嘅signature milk ice cream🍦加入咗有機牛奶🥛去製作，我每次都會食原味牛奶雪糕，牛奶味好香濃又夠滑🤤，仲要用埋小匙羹刮啲牛奶雪糕黎食，咁就一雪糕兩食😋～威化筒好脆，但食晒成杯雪糕都幾飽，唔想太飽的話可以揀用杯上～😆百味堂嘅雪糕🍦次次都唧得好perfect，打卡一流～🥰

百味堂呢間好似以前係韓國食過類似既野呢排天氣真係熱到癲左所以行完街真係要杯雪糕消暑如果你係好中意奶味雪糕咁呢間雪糕你唔可以錯過！雖然價錢比一般貴但食完真係好滿足下！每次經過都一定會食！～

之前都一直見到有呢間雪糕，但覺得價錢偏高，今次有優惠就去食下啦~ 👧🏻黑朱古力配牛奶雪糕 正價$68黑朱古力少少苦，所以中和番雪糕既甜味，good！ 👧🏻抹茶配牛奶雪糕 正價$68抹茶味香濃，再咁樣配雪糕食好夾~

❖百味堂❖ 📍尖沙咀今日天氣勁熱！去香港藝術館之前經過K11 Musea見到百味堂啲雪糕好吸引就買左嚟試！哈哈，貪心既我買左3件cakes, 3杯飲品🤣⋙ 焙茶芝士蛋糕 ｜焙茶味道香濃又唔會苦，而且茶味同芝士配合得啱啱好，焙茶忠實粉絲可試試😋⋙ 日本柚子芝士蛋糕 ｜呢個有驚喜！柚子味酸酸甜甜，好味。雖然佢係凍餅質地唔係平時芝士餅個種，但個柚子味幾香濃，唔錯！❤️⋙ 焦糖朱古力芝士蛋糕｜淡淡嘅焦糖味配上朱古力👍🏻雖然朱古力味唔係特別濃郁，唔知點解有種令人想追住食既感覺😂😂⋙ 黑牛咖啡｜好正啊😍雪糕好濃奶味🤍如果怕太漏可以配埋咖啡，都好正👍🏻推介大家試試⋙濟州抹茶鮮奶 & 焙茶鮮奶｜呢度嘅茶味製品都幾有水準，冇伏💕會再嚟✨如果行行吓街或者行完旁邊嘅博物館覺得攰，大家可以嚟呢度買杯嘢飲，食個雪糕或者蛋糕！👍🏻不過留意，呢度只有兩個位置同兩個吧枱😌

🥢 如果你鍾意食牛奶雪糕一定聽過百味堂呢個名呢間舖頭係以有機牛奶製作超濃味嘅牛奶雪糕 因為牛奶控每次經過都會好想食一杯👍🏻 呢間舖頭雖然主打牛奶雪糕，但係Menu上面仲有其他口味可以選擇，而且仲有咖啡可以配搭👎🏻 可惜我嚟呢間舖頭食左三四次，每一次嘅朱古力雪糕都係售罄 ✨ 原味牛奶雪糕呢個原味牛奶雪糕嘅質素真係好高，一入口就可以品嚐到非常濃郁嘅牛奶味，賣相可以見到個扭紋非常之靚，一見到就忍唔住要拎部手機出嚟打卡，佢個雪糕嘅質地係偏挺身但係非常之細滑嘅，特別要讚一讚佢唔會咁快溶，唔同其他快餐店嗰啲比較流身嘅質地

原味牛奶雪糕$48來自韓國嘅人氣品牌-百味堂❤️牛奶雪糕標磅由農場直送、以100%有機牛奶製成🍦牛奶味超濃郁🥛喜歡牛奶嘅朋友一定大愛 質感似雪葩🍧微冰感得黎又好軟滑 不過好快溶 食完唔會覺得好膩🤤百味堂嘅雪糕一向唔平 性價比來講真係一般般 但真係好好食👍🏻👍🏻👍🏻

由於有買一送一優惠coupon 所以食咗呢度嘅牛奶雪糕同朱古力扭紋雪糕牛奶雪糕幾好食好香好滑朱古力雪糕就一般建議食番牛奶雪糕始終佢呢間嘢最出名牛奶豆乳雪糕賣曬下次有機會再試海港城嗰間執咗尖沙咀而家淨返一間想當年佢仲有出一啲好似吉士餡嘅麵包都幾好食好似而家都冇見到有得買tiramisu

某日經過見到賣相好吸引🤩整體價錢偏貴但都循例試一試😛呢間係來自韓國嘅雪糕品牌！採用100%有機奶造成嘅雪糕～🍨 新鮮紅豆牛奶 $68 來自濟州嘅紅豆，有微微豆香味雪糕上加咗黃豆粉，有助突出紅豆味！另外欣賞紅豆保持原形，唔會食落去好沙甜度適中調到啱啱好🤩🍫 黑朱古力牛奶 $75 放咗好多朱古力醬🙈味道香濃而且唔太甜！推介朱古力控去試呀～🍦 原味牛奶 $48雪糕口感唔似軟雪糕咁creamy冰感比較重，有啲似雪芭😌牛奶味超級濃郁^_^（北海道牧場牛奶)而雪糕筒保留到脆脆地嘅口感但偏薄身🍓 新鮮士多啤梨 $78 採用咗韓國士多啤梨，酸酸甜甜士多啤梨醬一層層咁加上去所以每一啖都好夠味～ 比起其他味道更加fresh😆⭐️ CP值：🐘🐘🐘⭐️ 打卡able：🐘🐘🐘🐘⭐️ 舒適度：🐘🐘🐘⭐️ 再食指數：🐘🐘🐘（5 星為滿分）其他分店：1️⃣ 山頂山頂道118號山頂廣場1樓106號舖2️⃣ 銅鑼灣告士打道311號皇室堡地庫B71號舖

濟州抺茶雪糕 （$68），如果中意食綠茶的朋友應該好難抗拒這杯雪糕，因為它的綠茶味道好濃郁，雪糕也好香滑，真係唔錯，唯份量唔多，價錢亦比較貴，一次食兩杯就岩岩好啦。

喺K11Musea 經過呢一間百味堂，見到有張廣告相幾靚，上面就係雪糕下面係香芋，而中間呢就好似係一啲雪花冰嘅物體，於是我就問店員中間嗰啲係咪冰，呢位店員一副唔係好友善嘅態度回覆我：「「雪糕！」」我就話中間嗰啲喎？佢再次回覆我：「「雪糕！」」吓？！我就同我朋友講中間嗰啲應該唔係囉… 跟住個店員帶着微笑（雖然係微笑不過感覺到佢有啲串）同我講：「「不如我咁講啦，底層係香芋，而中間係奶泡，跟住上面係雪糕。」」我聽完之後1秒都冇即刻話要一杯，而我朋友就睇緊Menu，店員有啲唔耐煩咁樣問：「「係咪一杯？兩杯？」」我就話我就要一杯我朋友睇緊第二啲，佢聽完我咁講之後，佢就話：「「咁你慢慢睇啦！我做其他嘢先！」」（首先我要講明當其時係冇任何一個客，只有我哋、亦唔係收鋪時間。）最後我哋就叫咗一杯香芋牛奶雪糕、一杯焙茶鮮奶。（呢位肥肥地嘅男店員佢全程說話嘅時候都有微笑，不過係瞬間微笑，佢一講嘢就立即微笑，講完瞬間冇表情，而且做每一下動作都好大力，例如好大力扯張單，放杯亦都好大力，感覺似發脾氣，我唔知呢種係咪已經係一種好嘅服務態度，但係令到我就感覺唔舒服。）講番杯飲品先：香芋牛奶雪糕 - 底層嘅芋頭比較乾，

🥛原味牛奶 $48識食一定試原味！第一啖已經覺得驚艷雪糕厚身質地帶冰感似雪葩所以唔會好重負擔而且牛奶味好出而且超級香濃重點係唔會過甜 唔會食到起痰🍫黑朱古力 $68雪糕同樣香濃順滑朱古力醬亦好唔錯質地濃稠偏杰身味道微微帶苦絕對係點睛之筆

適逢雙十一有優惠，去咗商場買電話殼，等緊印嘅期間，去咗《百味堂》tea一tea!咁啱期間限定嘅係「香芋牛奶雪糕」，芋頭味嘅雪糕不嬲係我嘅至愛，即揀唔使諗～😬另外要咗個「軟心牛奶忌廉麵包」同埋侍應哥哥推介嘅「玉桂蘋果薑茶」。（食雪糕可以優惠價$20加飲品）😋👍🏻香芋牛奶雪糕百味堂D牛奶雪糕出名滑同埋香牛奶味，呢樣唔使多講，鍾意佢哋雪糕面嘅有機蜂蜜砂糖🐝🍯， 加落D雪糕度，增加左口感之外，甜度仲啱啱好，唔會搶咗啲牛奶味。個香芋當然係重點，芋頭味香之餘，我最鍾意係佢嘅粗幼度，唔係打到勁幼滑嗰一種，反而有D細細粒嘅芋頭肉，撈埋牛奶雪糕一齊食，好有層次感👍🏻👍🏻👍🏻 要趕緊喺佢仲有期間限定嘅時候再encore！👍🏻玉桂蘋果薑茶 🍎☕️呢杯茶果然冇介紹錯！出乎意料地好飲😊 👍🏻👍🏻👍🏻玉桂、蘋果同薑勁夾，玉桂嘅香、蘋果嘅甜、薑嘅辣恰到好處！軟心牛奶忌廉麵包 🐮🍞用咗有機牛奶做嘅忌廉好 creamy, 麵包雖然係係雪櫃雪住，食落口仲keep住好軟熟。👍🏻👍🏻👍🏻高度推介期間限定嘅香芋牛奶雪糕，特別係芋頭愛好者！記得食雪糕要加埋杯”玉桂蘋果薑茶”🍎☕️ar~~~

好少食百味堂嘅非雪糕類甜品，今日食完飯黎食返個甜品。新鮮芒果有機牛奶雪糕 $72首先整返杯雪糕先。基本上食過嗮所有口味，個人覺得新鮮芒果最好味同抵食。牛奶雪糕採用黎自韓國進口有機牛奶，一貫既滑而奶味香濃。有機牛奶雪糕上面加左芒果肉同芒果醬，味道幾好又唔會過甜。百味堂嘅非雪糕類甜品選擇唔多，我哋揀左大吉嶺紅茶焦糖燉蛋同新鮮芒果生乳卷外賣，擺到第日先食。大吉嶺紅茶焦糖燉蛋 $45店員將個面燒焦左，第二朝早塊焦糖已經溶左變糖漿，燉蛋好滑又夠實，茶味適中，呢個甜品味道濃啲，我覺得好食過卷蛋。不過呢個價錢就勉強可以。新鮮芒果生乳卷 $48新鮮芒果生乳卷賣相唔錯，蛋糕卷包住忌廉，同兩粒新鮮芒果肉，上面再加上少少忌廉，仲有果仁碎，食落啖啖忌廉，不過忌廉同蛋糕都係普通料，味道好淡，個人覺得唔值呢個價錢。外賣包裝都好認真，不過無乾冰。食完甜品都係覺得下次食返雪糕好啲。

雪糕一直係我嘅最鐘意嘅甜品之一。咁啱經過K11 Musea 呢間韓國嘅過江龍雪糕店，仲要有成超過50年歷史，就忍唔住試下。————————————————🍦 牛奶雪糕, $48（4.5/5）雪糕顏色比一般雪糕白，入口似食緊好細好細嘅碎冰，感覺應該係用純奶而無用忌廉去整。佢奶味好重，係我心中暫時數一數二好食嘅牛奶雪糕。脆筒設計到好似花嘅形狀，令到食嘅時候冇咁易漏到周圍係。除咗甜咗少少同貴咗啲之外，基本上無嘢可以挑剔。————————————————