百匯軒

營業中

休息中

慈雲山雖一一間正統飲茶地方,9點半前食就平d,下午食貴到飛起同一個價錢、可以差成一半點心、食物方面幾好食、特別係炸雲吞、香脆惹味、鳳爪也不錯、味道剛剛好、不會太甜、整體來講正常發揮、可以值得一試、不過下午就不了

4人晚餐！叫左：一條魚，味道可以！半隻燒雞，皮夠脆但唔夠熱！濃湯花膠浸菜苗，夠味但都係唔夠熱！一隻片皮鴨，正正常常，$78 ，不設二食，可以加$10帶走鴨殼，算抵！金華火腿螺片豬骨票米燉湯，個湯最好，無味精、夠熱又夠味！埋單連加一共$666！同日早上有去哩間酒家飲茶，點心就真係比較一般，全部唔夠味，水又唔夠熱，沖出黎D茶唔夠香，同埋點心偏貴，2個人飲要成3百幾蚊！飲茶哩間就唔太推介，晚市小菜就可以接受！

豉汁蒸盤龍鱔$10x 。 我forget左一百蚊左右 。 衣個送飯一流 。 有碎骨所以未食過鱔既朋友仔小心d 上湯焗西澳龍蝦兩斤 $198 加$30 伊麵底 ＝$228 。 個伊麵每人兩碗左右 。 個龍蝦煮到岩岩好唔會過un 。皇子片皮鴨$78/隻 。佢連埋12片麼麼皮 。 但個皮係好厚既 。 但就對於冇要求既人黎講都幾抵食既 。 我見好多枱都有叫衣個 。衣個係佢d晚市餐牌 。總括而言 ， 佢d野食唔係特別好食 。 唔嘴刁就ok啦。 d service 都 ok 既 。

2月5號年初五，諗住到靚媽到雲山，薩莉亞餐廳，食煙三文魚，原來此店巳没有此味食品供應，所以就求其，轉到去百軒飲茶，雖然是週未及新正頭日子，可能係疫情關係，此店有很多茶位供應，不用攞筹排隊等位，是日合共柯打咗，四個點心及一碟，龍菜遠炒河，唔知係唔係肚餓，每樣食品都覺得好味，個百花釀魚肚及黑椒味菜豬腸，更有A級水準，而鼓汁排骨和山竹牛肉亦有B+及B級評分，跟住來嘅龍炒河，買相平平無奇但味道卻有驚喜，俾個A佢亦不為過，總结此店不用等位，食品OK，而奉客嘅茶葉，亦有水準，來此店飲茶是一個不錯選擇

清明前夕，拜完山去慈雲山中心飲早茶。坐冇虛席咁滯。叫左幾款雙寶點心。話事雙寶任選兩款每份$30.8，星期日及假期每份加$4。點心都幾多款揀。柴魚花生粥配家鄉炒米粉 $23.8柴魚花生粥細細碗，不過料好多。但係花生全部淋哂，豬骨都勉強ok不過好多肥膏，d柴魚塊尚可啦，粥底好稀。總括而言，唔得。鳳爪排骨飯我淨係食左隻鳳爪，冇野好講。懷舊馬拉糕全餐最好係呢個。馬拉糕熱辣辣上枱，凍左先食都正常既。桂林牛肉腸牛肉腸唔掂，腸粉皮係一pat粉咁。鮮竹牛肉球牛肉球算大粒既，我冇食。d鮮腐竹味道尚可。皮蛋瘦肉粥皮蛋瘦肉粥唔係雙寶既選擇之一，皮蛋瘦肉粥我冇食，大碗過雙寶嘅粥，見到真材實料嘅瘦豬肉片。總括而言，好麻麻地，幾平都無用。唔係被逼，我唔會再黎。

已經係6/25嘅事，我和媽媽路過想入去飲茶，首先門口短髮的女知客好忙，我一直等機會想問佢是否需要搭枱，之後我媽媽見到附近有一名類似男經理的物體就問佢啦，誰不知對方用非常不客氣的態度回答：「全場都要搭枱㗎啦！」要知道現在是疫情期間，但咁都算，望入去仲驚，枱與枱之間係差不多貼住，目測亦冇1.5米距離、亦都見唔到有隔板！

第一次嚟呢間酒樓，問門口個阿姐有冇點心食，望都唔望下你，第一句就勁差語氣話酒樓梗有點心食㗎啦，其實唔需要咁串囉。點心紙上邊又冇價錢咁樣做生意，真係好老土。即走。

呢日一早「被通知」全民罷工，為咗唔想比班「接班人」得請🤪 #小秘書 06:40就出門口，希望避過「被罷工」嘅惡意安排。#小秘書 成功地 07:15✌🏻到達。嘆完個 #早餐，08:00開工😌 不過呢... 唔夠十點，同事又話晏啲可能會無地鐵過九龍，搞到我個心卜卜跳🤪 好彩有同事話順路，可以送我返屋企啫。即刻拿拿臨請半日假跟車走啦😅見難得咁早返到去，就叫埋老豆阿媽去飲茶啦！不過真心唔敢去「戰地」附近，唯有搭架小巴上慈雲山搵食。商場經過一輪裝修，估唔到「百匯軒」成為獨市生意🤔 唔知係咪生意多到唔志在，侍應啲服務好唔得😑 我哋三個人要求開三個茶位，但係居然啲筷子、碗、匙羹... 嚟到面前係各自四散🙈 #小秘書 要逐一併合先搞得掂😑嘢食方面都算ok嘅，尤其係個 #涼瓜班塊炒河，雖然其貌不揚，但係涼瓜嘅調味同魚肉都好夾👍🏻 其他點心呢，無特別驚喜，係個豬手比較入味。但係員工數目極不足，無人收點心籠、又無人沖水，枱上個水壺啲水又唔熱... 水唔滾茶又點會靚呢？下次都係咪搞我🤔

2019年5月12號 母親節晚飯 訂左晚上六時半六點半入座八點先至有嘢食 仲要無啦啦上左個應應該係最後先上既飯。明明個餐係跟野飲 但個經理又話我地無。 要拎部電話show menu出黎先至先畀。完全無品侍應態度極差，跟唔到單又冇禮貌。嘢食未上齊就要我地埋單，真係火都黎，畀我地剷到上天花板。 去到九點都仲有條魚同生果盤未上，其他枱已經走晒！最咪等唔切要求退錢，經理態度又係極差。希望大家罷食，令餐廳離開慈雲山中心，大家亦都千萬不要來。

昨日一行9人到達，原來已加$10元價！即$108一位！入到去地方都算整潔，食物款式不多，肉類只得牛肉，但算幾好，起碼唔係雪到結冰霉哂個啲，切好一碟碟攞，夠方便！其餘食物就丸類、腸、同菜為主！火鍋常見的魚皮餃、雲吞同海鮮都無，要食就另外加錢叫，但都唔係好貴一碟，大約$8元至18元！飲品都有5,6款揀，啤酒就要加錢叫，甜品就是牛奶公司雪糕杯，大約有4種口味！兩小時任食，雖然無人等位，但好準時就來同你埋單，但埋完單佢都唔會即時趕你走，我地都吹多咗一陣水先走，又攞下雪糕食！埋單每人就是$108無其它加一收費！整體嚟講這個價錢都算底食，值得再試！

睇到其他食評，的確，服務真係一般，不過又真係超級多人食喎！慈雲山餐廳黎黎去去都係連鎖店，真係冇乜好食既餐廳可以選擇，今日就同屋企人黎食點心。我地得兩個人，可以搭枱，唔洗點等位。炸Bb乳鴿($38)，乳鴿冇乜肉，瘦得可憐，但係味道ok，又唔會有好油膩既感覺。蝦餃幾好食，入面載滿蝦肉，不過值錢就貴左啲喎。燒賣就不過不失，冇乜特別，普普通通咁。龍躉腩蒸飯($88)，因為我家人極愛食魚，就嗌左呢個飯2個人食，個飯既份量真係超級多，而龍躉腩味道正常。

中國人真係好鍾意飲茶所以我都唔例外而且一約親戚通常都係去酒樓飲茶又方便款式又多大家鍾意食乜就自己叫之前慈雲山中心有兩間酒樓但係一齊裝修後尾新開得返呢一間咁成個商場得一間酒樓冇辦法之下都要揀佢試吓雖然之前上網睇過啲食評大家都比差評佢所以入到去都有少少驚星期六茶錢＄7一位正常酒樓收費等緊大家嚟嘅時候見到啲姐姐推住啲點心走來走去個賣相又好似OK喎咁就即管試吓啦首先叫咗個胡椒豬肚湯同埋魚露炒雜菜-胡椒豬肚湯唔係太胡椒味反而因為太多鹹菜有少少偏鹹豬肚份量都算多唔會太un都爽口-魚露炒雜菜一來冇魚露味二來真係好油好油除咗啲菜比一層油包住個碗底都有一層油本來仲諗住扮晒健康點知最唔健康竟然係個炒雜菜後來齊人就陸陸續續叫咗好多點心-豬腳薑今次碗豬腳薑就夠晒薑啦好辣又夠酸豬腳已經煮到好淋雞蛋入味 薑都好入味而且已經唔辣重甜甜地好好食-馬蹄糕普通馬蹄糕嘅貨色-菊花糕叫之前問過樓面乜嘢係菊花糕佢話佢都唔係好清楚總之係蒸出嚟嘅點心即管試吓一舊煙煙銀銀冇乜味嘅圓形糕點不試-牛柏葉正常貨色正常味道-金錢肚阿姐放低個籠個時大家都嘩好大個籠啊點知一打開個蓋原來隻碟好細牛肚得34舊 成碟都係白蘿蔔-蒸排骨又係過籠好巨型隻

6/1/18 14:30 短頭髪門口知客，服務態度極差，黑面對客，又無望住客人眼神，問佢野又吾答，扮聽吾到，儀容不整潔又無名牌，投诉無門，希望公司好好訓練員工，否則生意一落千丈。門口乃服務業第一關口

食物質量質素一般 不難吃. 但我有一個非常不快的用餐經歷. 我在星期六到酒樓用膳 點了點心 過大約20分鐘 服務員把不是我點的點心上到我枱. 經我一番追問 原來服務員看錯我的枱號入錯單 然而佢反過來罵我 我覺得太過份. 然後我找黑衣的部長理論 他竟然可以用髒話罵客人. 我認為我給這樣的價錢然後有加1服務費 而得到這樣的服務 是完全不合理. 連最大權的負責人可以這樣 相信下層的服務員都全是這樣. 他們抱着"你一個不來光顧，還有很多客人排隊光顧”的心態.就算食物再好吃 我以後都不會到此用膳。

自問一向寫食評都首要持平,如實報導。今次不能不將經歷向大家揭示因為有親戚從內地來港所以訂檯一圍盡吓地主之誼。剛好先一晚飲完婚宴,所以在百匯軒就決定散叫地道小菜換吓口味。相信有留意Openrice食評嘅朋友都知依間野嘅往績麻麻哋,話佢開業以來經常混亂落單出錯菜,遲出菜,叫極都無伙記睬你.....也曾係開張初期幫襯過下午茶已經覺得麻麻,但基於老人家貪就腳唔鍾意落黃大仙,新蒲崗搵食;只有迫住要再去坦白講今次晚飯嘅食物有改善,味道一般可以接受。但最想大家朋友知道原來有其他食評傾過依個集團(刻意埋單收多錢),原來係真有其事一向都好少係一班親朋戚友飯局check單,好似唔係幾好咁,通常用心算略略圍圍個粗略大數唔太離譜就算。好衰唔衰自從開始咗寫食評之後就習慣咗攞返單據,方便貼出證明屬實(並無老作)細心睇返發覺第二款菜係原隻鮑魚灌湯餃(頂點)就好奇怪,明明無叫到㗎。即時打電話去酒樓問,證實晚飯時段根本唔會有點心供應(一定係攪錯)。再與朋友溝通後大家都發覺有被多收錢之可能。所以特別提醒各位朋友盡可能要求攞番"顧客單據",因為即場單據只可以用來check吓餸菜出得齊唔齊;唔可能查到佢有無(加多咗野嘅)。希