百勝海鮮酒家 (已結業)

我認識呢個名字係佢在紅磡灣中心嘅一個街角位置, 一個唔多人行的街角, 現在轉了手叫"豪宴"因為這間的菜式同師傅手藝都唔錯,價錢又適中所以那連續幾年太座家的家庭飯聚都會幫襯佢, 那裡唯一的欠點可能係部長至下屬都係唔多識得"服務"這個詞語的服務員, 幾搞笑架, 做服務員但就係唔懂"服務"! 但酒家本家係賣食物為主的,只要價位唔變我地都無太去計較了, 可惜的是幾年前都係難逃執運, 唔清楚原因但就摺咗!自己無意中去保安道街市買生果時行行下見到個酒樓名好似熟面口咁, 猛然醒起佢咪係當年紅磡灣中心嗰間酒家! $6/位茶, 星期六,日及假期午市 $15.80(小), $19.80 (中), $23.80 (大), $26.80 (特), $28.80(頂)  10月同11月都去過兩次, 點心質素唔差, 鴛鴦臘腸卷的飽皮鬆軟同有少少咬口嘅臘腸剛剛相輔相成, 韮黃原隻鮮腸粉(頂) $28.80 唔太貴, 但如果食南瓜流沙飽要注意有流心油會瀑出來小心燙咀! 炸的點心都係即叫即做, 脆皮燒腩仔$53唔算貴, 因為長長兩排, 皮脆且脂肪間住間住好咬口, 午市有優惠粉麵飯由$28 - $38起(但星期六,日及假期每款加$5),  有機會下次試下叫炒粉麵飯!…查看更多

全因酒樓位處親戚家的附近；即使上次感覺不是太好，在親戚的堅持下，小人唯有硬著頭皮，決意給它第二次機會，來吃晚膳。先別小看在過大碟子上似是幼小的乳豬，件件有皮有膏有肉，非常的可口。即令小人覺得有時未必要過多的堆砌！竹笙紅燒雞絲翅，傳統的酒樓菜，傳統的要加醋……但就是傳統的好味！百勝海鹽雞……該是鹽焗雞之類吧……皮別要想著是脆的，至少是夠味的。沙律海鮮卷是無味神探一族，必須要蘸豉油才有些味。雖然現在很多酒樓都愛用龍躉上菜，但是不大的就別叫做大龍躉。魚超少肉超少，小人認為蒸一尾比較大的其他魚更見食。蠔皇鮑螺片，煮得不夠入味，加分的是那可以撈飯的汁。也是無味的上湯浸菜苗，純粹有菜而已。大蝦伊麵的伊麵亦吸不了汁，大蝦煮到無晒味，幸伊麵還是爽的。臘味炒飯最是好食，飯夠乾仍保持油香，很讚！整體水平較上次為佳！…查看更多

這個晚上, 一班親戚做冬. 因為人數頗多的關係, 訂了這間茶樓吃飯. 食物算是可以, 但環境就真的很大問題. 店家給我們劃分了一個廳房,其實算是貼心的, 但很可惜, 旁邊的一個廳房用來打麻雀, 有不名人士在那邊吸煙, 結果二手煙傳到我們的廳房. 雖然跟部長反映了情況後, 安排了空調, 但實際上作用不大. 結果我們需要忍耐一整晚的異味下吃飯, 老實說, 龍肉都變得無味了. 其實香港人的健康意識現在已經很高, 亦有法例監管室內場所不可吸煙, 希望相關吸煙人注意一下.…查看更多

旅行之前我家老爺約咗我同老公一齊食個Dinner 我就當系中秋節聚餐啦😊老爺同呢間酒樓相熟，話佢個片皮鴨好好食咁就一齊去試吓啦首先黎個湯，個湯系好足料，但係唯一唔好嘅就係太多油，減肥人士見到咁油應該會卻步，不過我係湯精懶理，飲晒而啲湯渣我就食到好多隻雞腳👏🏻👏🏻其實嗰啲餸菜同普通酒樓不相伯仲唯一我覺得特別推介嘅係冰鎮咕嚕肉冇試過亦都冇聽過呢味餸，好特別喎佢係炒左咕嚕肉之後，再將佢放上係冰上面啱啱放落枱嘅時候就唔好食住，隔一陣等啲咕嚕肉係冰再凍啲嘅時候食落去，真係有脆嘅感覺，但入邊有暖暖地，正而個片皮鴨都唔錯嘅，鴨肉肥肉唔太多👍🏻皮夠薄又夠熱👍🏻仲有一樣真心抵讚嘅係佢嗰個公筷真係有寫公筷🤣🤣🤣…查看更多

深水埗美食多不勝數，想找一間地方寬敞，環境唔錯嘅嘆一嗰中式下午茶，百勝酒樓下午茶喺1:45分就開始，價錢合理，食物水準都算過得去。有特價燒賣，有孖寶，又有單點，粥粉麵飯多元化任君選擇。大大粒燒賣只是$9.8，真的酒樓好難找到咁平，而且味道過得去。紫薯奶王包上枱時熱騰騰，聞到少少紫薯味，分開見到奶皇流晒出來，軟綿綿的皮夾埋流汁，吃一口感覺已經滋味，食晒全個非常常滿足。鮮蝦腐皮卷炸得脆脆，點少許醋齊吃，不知幾滋味。素菜粉包喺本人至愛，現今好少酒樓食得到，今回真的尋回兒時味道。…查看更多

今日同媽去飲茶...點完菜後發覺上錯菜因唁想浪費照要..之後食食下真正果碟黎左查單下發現落錯單.講左勁耐先改到單果時態度好似比人嫌棄咁...之後出去埋單收銀阿姐問我地係咪上齊野食我話係以防萬一印張單出黎睇下原來間野幫我地落多左個點心無改過單(本身叫七樣野,埋單變八樣)個收銀阿姐仲要質問我地唔係睇清楚先講到齊野咩...呢間酒樓態度仲係差到一個點價錢尚算ok味道還可但絕對唔會返頭幫襯...........…查看更多

今年的冬至飯局，相就住在長沙灣的親朋好友，到了百勝海鮮酒家飯聚一番。親友說晚市分兩輪，我們吃第一輪的，六時半開始，八時半要交枱。看一看菜單，都是一些大路菜餚，正正常常。人齊上菜，燒味拼盤看上去並無異樣，一吃之下青瓜不夠爽，雲耳過酸，燒腩仔皮不夠脆，燒鴨更是鴨無鴨味，差矣。吃過燒味，翅、蚌和龍蝦相隔十多分鐘才一起出場。紅燒瑤柱雞絲翅湯身太杰，一定下了勁多的生粉水，雞肉鞋，瑤柱更是影都找不到，失覺晒。翠玉瓜炒蚌片甚為油膩，味道的來源全靠那碟蝦醬，不加的話是無味的。上湯龍蝦伊麵頗為入味，件件龍蝦啖啖肉，總之夠大件頭，雖然伊麵濕漉漉的尚算爽滑，吃到此處仍可接受。又相隔另外十多分鐘之後，難吃的開始了。一品脆皮燒雞有一層激厚的肥膏，雞肉少，還配上甜豉油，正是油上加油，給一碟淮鹽還好些。蒸魚的斑肉很實，不夠滑之餘魚肉更是黏著魚骨，難分難解。小人還是頭一次吃到無味的冬菇的，得個大字，鮑汁亦欠鮑味，吃完的紀念品就是大半碗的汁水。炒飯的飯粒是糊口的，所謂的櫻花不知所指何物，海鮮就似乎只有蝦仁和蝦乾。連炒飯都已吃完，再過多差不多半小時才到的沙律海鮮卷是少有不好吃的，外層厚得來呈硬體，中間好像已有沙律醬，總之又是很糊。滋潤甜品乃紅豆沙是也，不是太甜，卻是太烯，紅豆不夠腍。最吊詭的時令生果乃是一碟雪凍了的桔仔，捧上來時還說著大吉大利，小人登時「O」了嘴！這種要花一大輪功夫還要弄污手吃那少少肉的東西，客氣了。龜速上菜都上到九時，說甚麼八時半要交枱，根本做不到。舊區的舊茶樓，本沒甚麼期望，但始料不及食物及服務的落差大到如此地步。…查看更多

由於提早同細表姐夫慶祝生日，所以我們今晚去咗長沙灣日暉商場嘅「百勝海鮮酒家」食晚飯慶祝！我們叫咗個「闔家歡樂宴」五福臨門燒味盤係有蜜汁叉燒、香脆嫩滑嘅燒肉腩仔、新鮮即燒嘅燒鵝、爽脆清新嘅青瓜同爽滑嘅黑木耳！美國龍蝦伊麵「半席兩隻，一席三隻」，我們叫咗係一席，所以有三隻龍蝦，而且他們將啲龍蝦斬開比較細件，最啱啲貪靚嘅女士們食，唔駛將個口張到好大而影響儀容，仲係好細心呀！至於龍蝦嘅肉質就好爽甜彈牙，而且相當新鮮同份量十足！碧綠花姿蚌片嘅花姿好爽滑，象拔蚌片亦爽脆，而且份量亦都係超多，平日食嘅通常都係西蘭花或其他蔬菜嘅份量比較多，但呢度係調轉㗎，真係好抵食呀！黃金沙律海鮮卷嘅外層炸粉唔會好厚身，而且炸得好金黃香脆，食落酸酸甜甜，感覺好清新！紅燒瑤柱鷄絲翅嘅濃稠度調教得恰到好處，唔會過稠或過稀，而且材料亦都幾足料豐富！清蒸大海石斑蒸嘅時間火候控制得恰到好處，肉質好結實彈牙，而且斤両十足！蠔皇花菇鮑螺片嘅花菇相當軟滑厚身，而且燜得好入味，鮑螺片亦好鮮味彈牙！一品脆皮燒鷄燒得外皮好香口脆身，肉質好軟滑，而且好肥美大隻！櫻花海鮮炒飯炒得好夠乾身，而且粒粒分明，餡料除咗有鮮味嘅櫻花蝦之外，仲有爽脆嘅芥蘭頭粒，而且師傅仲將啲芥蘭去咗皮再切成粒，令到食落去唔會有根，真係非常貼心呀！…查看更多

百勝酒家同屋企人一行13人提早食冬至飯，選擇左一間比較方便嘅地點，深水埗，因為有老人家關係，特別揀呢間酒樓，因為有電梯直達。平日嘅晚上，酒樓都有八成半滿，有好多食客都打緊邊爐，不過我地叫圍菜，餸菜都好快上台，特別想讚條魚，蒸得剛剛好，唔會過時。片皮鴨做緊特價，只係＄99 ,鴨嘅外皮好香脆，每塊皮都好薄好工整，整齊排列喺碟上面。薄餅皮都提供左足夠數量，青瓜同埋青蔥都有兩點呢，在座各位一致讚好！炒飯都炒得好乾身，值得一讚。雖然係街坊酒樓，但係品質都唔錯，地方又光猛。…查看更多

已經係第三次嚟百勝飲茶，以為間酒樓老老土土殘殘地，location又係街市隔離，其實d點心同煲仔飯都幾好食。呢次帶左個小靚仔嚟飲茶，咸水角係佢至愛，梗要叫啦。嚟到見到碟咸水角，隻隻都好大隻﹝見圖﹞，個小靚仔話：「嘩，個咸水角好兇猛啊！」﹝我諗佢想表達勁大隻囉﹞。又係幾兇猛嘅，我都未見過有咁大隻，熱辣辣，非常唔錯。我又點左泡椒豬手，味道ok，但豬手皮度仲有頗多豬毛，所以未能痛快咁大啖食。 煲仔飯好香，就算食唔哂攞返屋企番熱食都仲幾好食。價錢方面，我地3大人，1小朋友食個lunch，$200有找，ok 啦！…查看更多

星期日同屋企人去百勝海鮮酒家食野,等了半個鍾位,人流不錯,環境都算新,地方都算大不過服務態度一般, 可能人手唔夠啦食物價錢平得黎野食都ok,孖寶幾抵食,點心幾好食,推介下雞扎同鳳爪…查看更多

星期日早上同家人飲茶，侍應叫左幾次都話「等等」 但等左兩三次都仲係叫「等等」，我都知飲食行業係辛苦，但兩壺水都無晒水，沖個水都唔係好難姐？ 咁就問個著恤既人，點知佢答我一句「每個崗位都有唔同職責，咁條line唔係佢睇就無幫到你，就好似東歐西歐咁，要分番line」 我諗我飲咁耐茶，真係第一次聽d咁既野。唔好講服唔服務性行業，入得黎都係客，你公司唔係分左子母公司架嘛，點解講埋d咁不負責任既野又理所當然咁呢？…查看更多

星期日打完波+父親節同老豆阿媽去飲茶，呢間茶樓好特別，特別大風叫左2籠點心2盅飯，由8點等到8點50分，只黎左一盅飯一籠燒賣，仲要催單既時候，職員拎住枱面張重印既單講8點45分先下單？等左好耐？大姐，張單係8點45分第二次催單時重印的⋯老豆凍+等到忍唔住閃左人同枱既阿伯都話你地走啦，呢間茶樓成日都係咁嫁，唔係落雨唔想行咁遠佢都唔黎呢間飲⋯跟住過左差唔多10分鐘先拖拖然拎左盅飯黎，好⋯再催個錦花雞⋯都係未有⋯唉⋯都係走人吧啦⋯其實飲住茶坐1-2個鐘唔係問題，但做乜要開咁大風既冷氣呢⋯今日仲要有落雨，唔係好熱咋，係室內大風到張張枱布都係咁郁lor走時都仲聽到隔離枱既婆婆問緊職員係咪想將我地變雪條呀🤣我地後生既都覺得凍⋯何況係公公婆婆呢🤦🏻‍♀️…查看更多

同家人襯清明節前夕去長沙灣拜山拜山前醫左肚先見到呢間酒樓就試下未到十點來到都等左幾個字先安排到位但行到去發現都有唔少吉枱可能人手唔夠啦就係等緊既時間開openrice 睇睇見到係 new 仲以為係新開添但睇到唯一一個食評既內容應該都開左十年八年啦三個人叫左六碟雪山叉燒包叉燒腸說好的雪山呢 又中伏了個皮完全唔係果回事情願食返蜜糖皮果種叉燒餐包雪山叉燒包 暫時食過最好味既都只得 添x運叉燒腸 內裡太多芫茜對唔食芫茜既人黎講 只食左一口 雞扎同鳳爪都高質既夠味但唔算咸另外仲有排骨 有芋頭墊底 份量都算多 味道唔錯仲叫左牛肉球不過本人唔食既 埋單都係咁樣每次要講對單先俾單你睇係咪依家行規做法係咁樣呢…查看更多

This restaurant has been here for more than 10 years. I am surprised that it hadn't been added online anywhere earlier.Anyway, this restaurant is pretty cheap yet has decent food and a decent atmosphere. I have only been here for dinner, so I cannot say on dim sum.…查看更多