影片
以上資料只供參考, 請與餐廳確認詳情
以前去親尖沙咀，一口痕就走去百利商場後巷幫襯百利來嘅炸小食同果汁，奈何早幾個月去已經結業。好消息係知道佢重開嘅消息，雖然去左元朗確實有點遠，但都無阻我再次幫襯嘅意欲。週六夜晚8點幾，門口有一條隊，好有秩序咁等位，呢個情景同以前尖沙咀店好唔同！大概等左10分鐘左右有位了，首先一人一支果汁！青瓜檸檬，雪梨荔枝（各$16）：好新鮮，且配炸物一流！炸燒賣（$19/8粒）炸墨魚丸（$17/5粒）炸到漲卜卜，好香口，好邪惡！炸燒賣最出色！炸三寶（$21）包住嘅魚肉好足料，比較底下我鍾意炸燒賣同炸墨魚丸多啲！足料花膠雞湯翅（$25）好濃厚嘅雞湯底，加上花膠、雞肉同素翅，比平時食開嘅碗仔翅豪華，果然係足料！可惜搬到咁遠，如果唔係我一定會成日黎！
繼續閱讀
必食的照牌花膠雞湯翅，如不要醋同胡椒粉要落單時講，唔係既話會落左落去先，炸物也不錯，炸魚旦普通了些，其他丸類炸物會附上醬料，那醬料是不錯的，而冷麵不夠凍，比預其差，但還可接受，最後炸豆腐好食，上面有蒜蓉，一起食是不錯的，整體係經典美食!
繼續閱讀
由尖沙咀追到元朗就是為了回味那香港的小食文化！一切照舊order ! 麻辣雞翼青瓜 白色雞翼以為冇味，點知咬肉有口感而且有酒味，麻辣油仲有菜葡！吉列面的煎釀三寶外皮吉列不油不膩，魚肉新鮮彈牙冇鯹味！咬落青椒爽脆和矮瓜都好新鮮。炸燒賣手快有手慢冇的燒賣，乾身夠脆，燒賣魚肉彈牙！仲有秘製沙拉醬或辣汁選擇炸魚肉雲吞食完煎釀三寶唔夠喉加多個雲吞，皮薄超脆魚肉彈！加豉油或泰汁一樣咁好味！可遇不可求的雞湯翅簡直是人間極品，食唔食到完全看彩數！條條手撕雞雞絲、冬菇絲仲有假翅絲！真心一碗不夠喉！外賣一瓶秘製麻辣油內魚乾仔有菜葡！好多料！回家撈面極品！十一月後又關門，我也要為未來而凖備！入多幾瓶！
繼續閱讀
不得了！蒲開尖沙咀應該有食過依開小食店。之前暫時休業依家係元朗重開左喇！👏🏻👏🏻我稱之為高質小食！絕對同普通街邊既小食店唔可以相提並論👍🏻 -炸雲呑（泰汁）入面係釀左鯪魚肉 大大隻 魚肉份量唔算少 -蒜香炸豆腐有少少似潮州既炸豆腐 不過外皮較韌 但入面好juicy🙈🙈-黃金炸燒賣巨大化既炸燒賣！第一次食到咁大粒既炸燒賣！平時食開個d係實督督 外層脆脆的 但依個咬落竟然有空氣感😂咬一啖 再用空心位沾一沾汁 好惹味👏🏻👏🏻 -越式粉絲春捲依個普通來貨的味道 正常 可以略過😂其實佢仲有粉仔 碗仔翅 雞絲冷麵都出名 今次食唔哂 依間實有下次🤗重點係 佢d自家制既飲品 超 級 好 喝！#苦瓜菠蘿係類似沙冰型態 入口真正苦瓜味道 甘苦 之後就是甜味 一d都唔會覺得難飲 平衡得好好 食炸物飲依個真心消暑又解膩 #水蜜桃一樣的型態 飲落清甜水蜜桃味 每一啖都有水果肉 又不會太甜 大愛啊！#柑桔乜乜一樣的好喝 有家的感覺 有飲開過鹹柑桔就知道 依間仲要好濃味👏🏻👏🏻每枝都係$15大元 真係好抵飲啊!#百利來美食元朗鳳琴街19號鴻運中心61號地下(幸時餅店旁)營業時間:晚上六時至十二時
繼續閱讀