百份百餐廳 (鴨脷洲村) (已搬遷) 新店位置

中午係一個可暫時放鬆心情既重要時光，恰巧經過見到百分百，就食左個午飯，在鴨脷洲分店環境都幾舒適喎，配合燈光同休閒既氣氛，令人係壓下同繁忙既應付下暫時放鬆，都算係坐得幾舒服，叫左個潮式蠔仔肉碎野菌泡飯，飯雖浸左係個湯度，但一啲都唔爛，仍保留嚼勁，暖烘烘既湯充滿蠔仔既鮮味，加上冬菇片既配料拼合，味道好夾，令到整體個飯充分發揮到味道同質感既層次，再配合一杯凍檸檬茶（共$56），度過一個休閒的中午，迎接繁忙的下午。

百份百裝修完，我終於嚟幫襯，裝修有吊扇，有D南洋風味，環境都舒服，點咗2個下午茶餐，1個係公司三文治配凍奶茶，另一個係雪菜肉絲炆米配蜜桃椰汁芒果公司三文治冇切麵包皮，麵包厚切，所以食落有啲乾同硬，配料都算多，有午餐肉丶雞蛋丶芝士丶番茄丶生菜，食材一般，冇特別驚喜但亦唔會難食，不過D麵包皮只可以食到一半，凍奶茶同其他快餐店冇分別雪菜肉絲炆米，味道偏甜，有啲怪怪地，抄得比較油，蜜桃椰汁芒果好甜，醫飽肚仔，總算合格👌

開業至今，今晚黎食第二次，第一次食已經感覺唔好，諗住裝修過俾多次機會佢啦-.-二人晚餐：覇黃雞/炒肉碎通菜/燉湯/飯食評 ：雞又鞋又老,通菜咸到苦,飯熱都唔熱，只有個湯還可以飲得下。所以。。。我。以。後。唔。會。再。黎。食

今朝哥哥去買外賣，等咗一大輪，拎到返屋企發現全部比錯晒，應該係同其他客嗰啲搞亂咗，咁唯有攞落去換啦，點知換完仲衰，比少咗兩件多士，唉…對呢間餐廳冇期望，算喇！以後唔幫襯。

之前食過幾間百分百，食物可以，但D服務就真係.....................😰但昵間食物同服務都..............😷😷😷😷😷吳係一間兩間，係間間，真係百分百.......😂去過好多間既分店D服務都不是好，呢間餐廳D員工真係要training 下，不是一間，是很多間都是服務差😰同朋友一齊食D嘢傾下計，睇下不同地區的分店是否都是服務甘差，原來都是一樣😅叫左三個雞脾餐，一個軟骨餃子餃子又腍又不熱，成浸油索哂係塊皮到，一咬就係油，味道又唔好食😰雞脾不夠熱又不脆，薯條又太油😅呢間D食物真係好唔掂紅豆冰——可以接受既，不過就........熱🍋茶——-正常（如果可以唔好飲就好大鑊）食物款式係多，價錢亦大眾化，不過好可惜係.................😷😷😷😷😷😷D食物晤好食都有理油，整好曬放係到唔拎，等滿成車食物先比每一枱，熱既食物凍曬，凍飲食物D冰又溶哂，點會好食🙄🙄🙄一路食又見到侍應一路駡D客人，好巴閉，唔做你生意，又話呢份工唔想做呀之類，唉.............，吳想做咪吳好做，吳使甘大聲全場客人都聽到，食物又吳好食，服務又差，😰😰😰😰😰😑😑😑😑😑😶😶😶😶

上個月，百份百進行裝修，今個月終於完成番新裝修，今天便來了吃午飯。跟以前一樣，每當午飯時間，便人頭湧湧。無辦法啦，因為附近的食店不多，街坊街理多數會來吃，地盤工友都來，學生哥都來，這應驗了經濟學的需求定律。點了一個咖喱雞扒飯配熱奶茶。奶茶夠熱，但茶味略嫌不足。雞扒煎得金香，外皮很脆，啖啖肉。啲咖喱汁就非常辣，差點辣到飛起，不過又辣得幾過癮。黑色一點點的是什麼? 原來是藜麥。看看餐桌上的招貼，原來藜麥來也，似乎很有益，但是只得嗰幾粒，相信幫助不大吧。

話說個日放咗工之後無野食，就打算去美心或者麥當勞到食，但經過見到這間及好久無試過，就入去食下及試下。當我入到去及找位坐都無咩問題，點食物個時有啲誤會，都唔係大問題。之後開始是有問題的，明明我點了“四川麻辣牛肉炒飯”，等了一會兒，突然有職員問我係咪點咗“咖喱牛腩飯”，這樣想我點樣?咗追問我是說“四川麻辣牛肉炒飯”，但是上菜紙寫了我想點食物是正確的，郤無人睇我張上菜紙的。還有兩種問題，明明看住張單而放食物到有關桌號的客人面前，唔係好難的事，明明是旁邊客人的食物，郤俾了我，好運是個客人是有出聲的。令一種問題係是遲過我入去這間店舖的客人及遲過我點食物，郤是有食物的，現在當我不存在，咗等了一會兒才人睇我張單並送餐俾我。

今日lunch 難得同媽媽食就揀左去附近既百分百茶餐廳啦，貪佢唔太貴，野食款式又多，質素又唔錯，得閒都會幫襯。今日12:45 度去到，間餐廳都差唔多full，好好彩仲有位就叫左個 焗豬扒飯（$49） 同埋沙嗲牛肉炒河（$52） 因為太肚餓既關係，又等左差唔多15-25分鐘先到，唔記得左影焗豬扒飯。不過水準真係唔錯，豬排好好入口，好淋，份量又足，芝士都好多，又係蛋炒飯，比好多普通連鎖店既足料好多🤔🤔值得一讚而呢個 沙嗲牛肉炒河 都好夠汁，洋蔥好甜好鮮，炒得好夠火喉，係可惜牛肉比較少。不過等左都幾耐時間先上晒野食，感覺店員唔太夠。

茶餐廳係香港o既特色，經常成為午餐落腳點，百分百呢間連鎖式o既茶餐廳都係為人所熟悉，人多到經常繁忙時間都需要等位。食過咁多次，食得最多o既就係佢o既咖哩牛坑腩，因為佢夠辣啊，牛腩夠軟熟，仲有連皮o既薯仔，口感一流，暫時佢係我印象中食過最好食連鎖式ｏ既茶餐廳o既咖哩😋D飯見到一粒粒黑色o既，係佢地promo緊會係d飯加左藜麥，會比較似健康，但實物就未見有好多粒。😅另外仲點左鮮茄滑蛋牛肉飯，份量適中，醒胃蕃茄汁配以原塊蕃茄配以滑蛋蔥段同牛肉，醒胃配飯之選👌🏻

放假遲了起床.. 早餐成11點先食.. 所以午餐順勢又延遲了.. 變了tea time 😂五香肉丁半焗流心蛋米粉小妹其實幾鍾意食五香肉丁米，不過礙於唔健康同怕肥，所以經常忍口，但百分百o既肉丁米，小妹就忍唔到口，雖然係罐頭貨，但呢隻肉丁係我好的，而且辣辣地唔多肥膏（試過係又肥又有怪味🙈）米粉又夠細，吸晒味公司三文治麵包烘底脆脆地，午餐肉夠厚，睇相就知啦！算足料.. 合格是也🙂茶走 + 熱檸水 （正路野冇咩comments)

已經好耐冇食過啲咁難食嘅嘢，難食到要上黎寫食評！首先跟餐個紅湯係冇味嘅，稀到似滾水咁，我要加胡椒粉先飲得落！，個扒un到切唔到，要換個把刀先得！芝士蕃茄係凍嘅！個蒜香炒雜菜係白烚嘅，連咸味都冇，啲菜烚到仲老過我阿媽！最離譜係個炒飯，我咁大個人第一次食炒飯係食到有蛋腥味！完全係生蛋個陣腥味！我係完全唔明白，點解炒熟嘅蛋，係會有生蛋陣腥味！有冇人可以話我知點解？成個餐最好食就係啲薯條啦，係咁多冇啦！！

糧尾，兼無人約食飯，一個人來到這間餐廳食咖喱。這裡的咖喱很出名，而且曾經獲獎，食過會番尋味。咖喱飯有4款餸選擇，有牛坑腩、吉列魚柳、豬扒和雞扒。不過，通常牛坑腩會好早賣晒，今日都唔例外，所以，只好食咖喱雞扒飯。順帶一提，這類有樣嘢益食客，就係會在白飯免費加些藜麥，增加營養。不過，千祈唔好期望佢會俾好多你食，少食多滋味嘛。這個就是咖喱雞扒飯。都話㗎啦，藜麥真係唔會多俾你。不過，重點唔係藜麥，而係咖喱和大大塊的香煎雞扒。餐廳叻在會先放咖喱汁在碟內，然後才會放白飯在上 (其他的餐廳多數會先放白飯在碟內，然後淋啲咖喱汁上去)。當個食客從飯底筆起啲飯時，就可以連埋啲咖喱汁一齊食，無須專登把整個飯撈勻。咖喱汁夠辣夠香，夠惹味。雞扒煎得香脆，又啖啖肉，好正。飲品配了熱奶茶，味道就一般。又順帶一提，餐廳都幾大間，有時啲侍應會好忙，睇你唔到，所以叫嘢食要有耐性。

終於等到食午餐嘅時間，天公不做美，係咁落雨，就係公司附近嘅佰份佰餐聽搵個靚位嘆個午餐先，睇吓餐牌，就叫左個焗豬扒飯加多杯凍咖啡，焗豬扒飯先到放係枱面已经聞到豬扒嘅香味，食落口，豬扒好冧，再飲一啖凍咖啡簡直係百分百完美，時間過得真快，又到開工嘅時間，電話即响，嗱嗱林叫侍應埋单，撘車返工。

一支公去食午餐，非常自由自在，起碼唔使聽同事講是非。坐shuttle bus 去到鴨脷洲邨，因為太陽實在太勁，所以立即閃入餐廳。坐正門口位，因為二人檯剩低呢張，一個人無理由霸人啲大檯嘅。侍應好忙，每場飛。原來呢間餐廳曾經攞過獎，咖哩牛腩天王。不過昨天才食過牛，今日唔打算食牛，所以揀咗咖哩雞扒，配熱咖啡。雞扒煎得好香脆，切成三件方便食。薯仔係連皮的，聽講薯仔皮係好有益的。咖哩汁真係好出色。佢的而且確係辣，但係嗰種辣法係會令人回味，越食越想食嗰種。不自覺要撈勻佢嚟食，超正!話咁快就清晒。下次要嚟encore, 食埋個得獎咖啡牛腩飯先得。

鴨脷洲邨有間連鎖餐廳，專做街坊生意。餐廳夠大，多位，中午來食午餐都好易搵到位。午餐時段，選擇很多，唔難揀到嘢食。我哋三個人，兩個食咖喱，一個食焗意粉。話明做街坊生意，所以可以叫少飯，又或多飯。送餐都幾 pro，用手推餐車，阿姐推住架車一次過送好多嘢都得，仲安全啲，慳力啲，輕鬆啲。一個同事話，本來想食咖喱牛坑腩飯的，可惜賣晒。另一個同事話，嚟呢度食咖喱，重點就係咖喱，夠香夠辣，配咩肉都無所謂，撈飯至一流。卒之，一個食豬扒，另一個食雞扒。我就食鮮茄烤腸焗意粉，都唔差。不過，下次來，我都會轉咖喱。