百份百餐廳 (長康邨)

這間已經一不是第一次去，但每一次去都有不同的錯漏，漏單，落錯單，落左單等好耐冇野食，叫個出前一丁麵俾個出前一丁湯配個普通公仔面，沙嗲牛麵牛肉未熟，叫人落單望見揮手都冇反應，服務與食物品質都非常差的餐廳！…查看更多

我最近去了這家位於青衣長康邨的百份百餐廳，卻遇到了非常糟糕的服務態度。我們剛到餐廳時，服務員一臉不耐煩地招呼我們，讓我們感到非常不受歡迎。當我們問她有關菜單的問題時，她的回答也非常不友善，好像我們在阻住她做野一樣。實際上這間百份百餐廳人手短缺的問題已經非一日之寒，我們叫咗好耐侍應，都始終未有人理會，好不容易等到有侍應行近，卻竟換來一隻手掌貼在我面前，意指他非工作中，不能為我們下單。千呼萬喚終於都點了餐，我們等了很久食物才到，送來的食物已經變得稍涼，我叫的湯麵已經發泡，我們覺得這很大機會是因為待應不足，因廚房出餐處仍然堆積大量食物，其實吃得出食材質素尚算不錯，只可惜服務未能配合。中途我們想向侍應要一杯水，她邊行邊急促地說：「水係自助嫁」。才剛剛用餐完畢，她就急不及待地收走我們的餐膳，意指我們食完就要快走。總之，這次用餐的經驗非常糟糕。服務員的態度非常差，完全沒有顧及客人的需求和要求。如果這家餐廳不能改善他們的服務態度，我不會再去這裡用餐，也不會向任何人推薦這家餐廳。…查看更多

星期日想同屋企人食個早餐，去左百分百。落單既姐姐本身既態度已經好差，又話我地張枱本身有人坐，又問我哋之前有冇落過單，根本客人唔會知道發生咩事。跟住好辛苦終於落咗單，等咗成半個鐘都無餐送上黎，發現傳菜嘅姐姐根本亂咁上菜，唔跟枱號。上錯餐想叫佢拎走，佢竟然可以叫人睇下岩唔岩食。最初開既時候好好服務😢😢而家已經好失望…查看更多

係附近都無咩特別野食，久唔久食一次，但次次不同時段去外賣都總有野錯或漏咗無，真係忙到咁😣今次明明加咗錢要蕃茄湯底，包好晒中途又睇唔到裡面係咪有橙色（蕃茄湯顏色），返到去一拆開嚟睇，係原味湯底囉…咁我加錢嚟做咩呢😑🤔…查看更多

已經係第二次，落單時寫30分鐘可取餐，30分鐘後去到話未有，都唔緊要啦你多外賣單，再等咗十分鐘都未有，問啲阿姐，十問九唔應，再問至去搵我份外賣，結果係兩個餐得一個餐有，又叫我等，等多十分鐘，其他遲過我嘅號碼都有我都未有，再問，阿姐，跟住話廚房無煮，即係點呀？追咗咁多次都唔去問廚房，結果等咗成個鐘！其實之前都試過，啲阿姐又係十問九唔應，追到勁嬲，上次仲離譜，叫三個餐出咗兩個，個廚房堅持話有煮第三個餐出嚟，係啲阿姐俾錯人，咁大佬呀，關我咩事先，你都要再整架，但廚房唔想去整同啲阿姐喺度拗，咁我點呀，又再要等多十幾分鐘至齊餐囉！呢間真係好差，如果唔係長康一期太少餐廳，真係唔會去幫襯！但一而再再而三發生，真係要black list！…查看更多

因為物品遺失在百分百餐廳打了4次電話去問第一次還沒有聽完就直接掛電話第二次聽我講了問題後說還沒有等我說完就直接掛電話了第三次聽到我說遺失的物品名直接就掛第四次直接唔聽這種態度問點在餐廳遺失的東西連聽都不想聽呵呵呵呵呵哈這家餐廳真是祝你早日倒閉那個接電話的員工早日失業服務態度簡直可以評負分…查看更多

今日經過呢邊做嘢見早咗到 就嚟到呢度食早餐蒜香多士其實都幾好食 塊多士都夠脆又夠熱同埋佢好有蒜蓉味道 咬落夠脆口本身已經有牛油 所以食落都好好食豬扒蛋麵早晨叫咗香煎豬扒蛋麵豬扒夠林夠入味食落去唔會好乾蛋都係啱啱好 有啲蛋汁加落個麵度好味奶茶呢度嘅奶茶都算大杯同埋都幾好飲 …查看更多

我唔係街坊，吾是在這村工作的小肥薯，在那裡工作？在食飯時間我們有縁的話100份百可見到肥薯的身影，除村內居民我相信沒有人會專程到這裡午餐，附近的餐廳其實都係老字號，好唔好食你們可以專程來試吓，說回本店我有理由相信老闆是一個熱愛美食的達人，連所店的關係，佢哋嘅餐牌是有設計的，餐牌上的內容是吸引的，價錢是合理的，我特別會記起的是犀飛利炒麵，麵不是普通的兩面黃，佢哋個特色在好似頭髮亂了這樣，非常令人印象深刻！有時會唔夠熱，這會令到這炒面好難食！不知為什麼會這樣，大概食十次偶爾都會出現！十次有九次都好食。致於他們的招牌海南雞就要拆招牌了,其他的及致於海南雞飯的事可自行試吓再作評分，基本上是可食得飽的！…查看更多

咪就係如題，如果加返就更好，有需要的人都可以用openrice下單，不用次次打電話去下單，等咁耐啦⋯咁d人又可以聽少d電話，多啲時間pack餐比客人囉…….希望有改善也有人受惠。…查看更多

冇服務，冇人落單（因得一個人識落單）叫極都冇人理，枱都執唔切，連收錢都要等人，外賣電話都冇人手聲，食品一般都，不過因邨內冇其他餐廳，如果有得選擇，都盡可能唔會到這店。實在服務太差，食一個午餐落單連等餐差不多要等40分鐘，送餐又送錯疫情嚴重其間這樣真的好危險。這樣的餐廳只識合唔趕時間的人來食，本想到集團網頁反影，但發現原來係冇意見收集箱這類功能！…………………………………………………………………..…查看更多

外賣番茄湯麵，冇俾湯之後再落去攞俾咗麻辣湯，其實佢哋係咪返緊工，還是仲瞓緊？其實呢間唔止一次外賣比漏比錯，基本上10次有六次都錯，本來買外賣想舒舒服服係屋企食，點知成日都要行幾次，真係攞命。…查看更多

以前冇乜好食，但係幾年前開咗百分百之後，就變得早晚三餐都有選擇。今日帶大家嚟睇吓佢嘅早餐，無論係賣相，或者食落去都十分之好食。尤其是佢嘅炒蛋，色香味俱全，雖然貴少少，但係都值得大家嚟試吓。…查看更多

百份百餐廳是每次本人去青衣探望父母時，父母沒煮飯幾乎都會食的茶餐廳，餐廳環境舒適，冷氣充足，因此是我們常來光顧的餐廳此餐廳首推肯定是咖哩牛坑腩飯，每次我爸必定會選，咖哩香濃而且辣度剛好，牛腩份量十足，喜愛食小辣咖哩的朋友一定滿意第二樣是墨西哥瘋狂辣肉醬焗豬扒意粉，芝士濃厚，辣肉醬辣味十足，豬扒亦大件，推薦然後是豉汁蒸鯇魚配有營藜麥飯，其實也很不錯，豆腐也入味，只是本人不喜歡鯇魚不過看我媽食的很滿意…查看更多

其實圍繞住青怡花園同埋青衣邨，講真...真係講唔出有邊間好食，而家比較多去百分百，原因一，多位坐唔使等太耐；二.多選擇；其他普通茶餐廳早餐一般都係腸蛋/扒面加多士，我唔中意食多士，點解啲茶記咁中意點都拼多士；咁我去百分百食下麻辣雞絲米做早餐咪仲好，咁質素都正常囉，坐得又舒服，仲可以食埋糖水，算係咁啦；唯一挑剔咪係百分百所有分店都出哂名冷氣超凍，連呢間都唔例外。如果講價錢佢係會貴過樓上同隔離果幾間少少既…查看更多

真有趣，明明在四天假期的其中一日，才在元朗的「百分百」門口說過：百分百一點兒也不特別，只是普通連鎖，千萬不要去，然之後就勸該兩名友人去另一間；然後，這天卻在青衣這一個角落，在綢繆應該吃什麼🤔，然後就因為友人不願行太遠，結果還是屈服到了這間百分百。🤦🏾‍♀️這間百分百，在長康邨的角落，其實有時看到這些連鎖餐廳，不想吃連鎖餐廳，但其實到最後發現，餐牌上都有不少小菜菜式，因此幾名朋友一齊來，一人點一款，其實每人都不用$80 ，就可以試到三個小菜，有飯，亦都有飲料，也不算太昂貴。一個是啫啫蝦醬通菜，煲仔看起來已經感到非常熱，亦都感覺非常熱燙。反而，通菜的份量不算太多，反而蝦米粒以及肉的份量更加多，吃完通菜，也有不少肉粒在煲子內另一個也以煲子呈上，就是雜菌黑椒牛肉粒，因為友人平時不會吃牛肉粒，這次試一試，也牛肉粒的份量不算太少，並且即使放在煲子內太久，亦都不會顯得太熟。雜菌的份量也不少，但是我不吃的。黑椒的味道還挺香濃，但不算太辣，味道也不錯。反而霸王雞嘅份量比較少，好像只有10件8件，而且包括了雞胸，但是有點蔥絲有點辣椒絲，:)味道還算夠香。本來，因為我不吃黎麥，想叫員工轉做白飯，但實物來到，才發現原來黎麥的份量不太多，也沒所謂。點了杯鴛鴦走，但來到的竟然是凍鴛鴦走，真奇怪，怎麼叫了「走」，竟然會有熱的😨即是好像有節目都講過，以往，說奶茶，其實做暗示熱奶茶，你不用再問客人是凍奶茶還是熱奶茶。茶走、啡走、鴛鴦走，基本上，在外間的餐廳，或是老舊的冰廳，都假設你是熱的，從來沒聽過會喝凍的。友人戲言，會不會以為你是叫「走甜」因此給你凍的鴛鴦走甜，但是我看一看，卻又的確喝到鴛鴦之外，有少許甜味，即是它真的加了煉奶，然之後再加冰，弄成凍的鴛鴦走，果然是鑊鑊新鮮獲獲金，太陽之下還會有新事。其實，這種連鎖餐廳的小菜，其實質素都不算太差，可能比起太興或是大快活的，更加出色。雖然這間百分百是連鎖餐廳，但是竟然見到，在餐廳之中，有一名掛上「店長」牌子的女士，竟然會走出來保護其他員工，還表示他們只是兼職，又指拍硬檔幫忙收拾餐桌，在連鎖餐廳，竟然會見到如此有承擔的店長，真是難得，值得表揚👍🏾…查看更多