百份百餐廳 (濕地公園路)

營業中

休息中

百分百餐廳相信每一區都會有一間！開到成行成市，的確有佢嘅道理！平民價錢食物質素都好高～上次同屋企人食做節飯！就嚟咗百分百食夜晚飯！因為新年假日關係好多舖頭都冇開，連鎖大集團就一定365日都會開！🤣就有呢樣嘢好！想食啲叫餸食飯簡簡單單～我哋就叫咗一個二人餐再加好熱賣嘅菠蘿油額外仲叫咗一個小菜😚超級飽～每一道餸都清晒好好食！

今日去了濕地公園遊玩，閉園後在附近食個下午茶我點了個沙嗲牛肉煎蛋公仔麵配鮮萃熱檸茶，沙嗲牛肉份量都足但湯底偏鹹，熱檸茶好飲另外再點了個楊洲炒飯配凍鮮萃檸檬茶，因為下午茶餐所以份量相比正常為少，但給小朋友食就足夠，餡料都足。冷氣好夠，餐廳內有洗手間。門面附近有個地方可以買走各款麵包下次好想試吓西多士或者炸雞髀😋百份百餐廳 (濕地公園路) (天水圍)天水圍濕地公園路9號Wetland Seasons Park地下2B號舖

已經不是第一次在這家吃飯了，住附近為求方便好食又夠快，可惜見到質素愈來愈差。有一次吃湯麵類，沒想過可以是以一口米線量完成所謂的一個餐，今次再點在另外分店常點的星洲炒米，口味不知有沒有變，但份量也維持一口米粉量，只好放棄轉餐。利用貴公司出品的app點餐，你們的職員用指責的語氣表示汁不能另上，委屈的我表示這是你們的app中的選項，為什麼你可以跑出來以這一種語氣來罵人？十！分！失！望！份量少，態度差，請問我來這沒有出名態度差的分店下得到這服務，是我應該預計之中嗎？#態度差#份量少#堂食#晚市

🍽野菌鮮奶炒蛋🍄🍳好多野菌，蛋份量再多d 會更好 😜配輕量火腿絲濃湯通粉濃湯雖然唔係頂瓜瓜，但已經好過好多連鎖餐廳正😌配蒜香牛油多士🍞蒜香同牛油味道都好突出、多士都夠厚身、咬落口感都 👍餐飲：杏仁霜正常味道

Tea Set1️⃣迷你 焗豬扒飯🐽豬扒肉質軟腍，已經切開一件件。炒飯底唔乾，醬汁同芝士🧀都好夠。份量可能對有些人覺得少，但我就啱啱好😊2️⃣熱奶茶☕打底👌，熱飲都算大杯。職員做嘢勤快👨‍🍳餐廳有售賣麵包🍞

琴日同屋企人好開心去咗濕地公園嘅一間茶餐廳，叫百分百餐廳，一間餐廳食物質素好高，所以一定要推介呀，首先佢嘅位置於濕地公園站附近，一落車，行兩至3分鐘，就搵到呢一間百分百餐廳，聽講餐廳環境好優美，附近都係花草樹木，而且佢嘅位置比較偏僻，所以呢人群好少，污染很少，自己食物方面，我哋叫咗一個咖喱雞扒飯，我咖喱汁好正呀，超級嘢味，撈飯真係一流呀，而且個雞扒係即叫即整，熱呼呼的，全部都好新鮮呀，然後個鴨腿湯飯都係有驚喜呀，我湯飯好正，好開胃，好適合夏天食呀，個檸檬茶都係好好飲啊，酸甜啱啱好，又唔會太甜，所以呢我覺得呢一間餐廳質素好高呀，至於侍應方面呢都係好有熱誠好有笑容，每一個都會主動大水，主動解答客人嘅問題，超級開心呀，所以呢如果去到天水圍，一定食呢一間餐廳呀

起身做完gym。是但搵間餐廳食早餐🥣一向都覺得 百分百 麵包好味又抵食。今日入去食個brunch。豬排 蛋 伊麵🍜加杯奶茶☕️豬排好入味，大大件😬早餐來說，性價比好，服務又好。不失為一間 出色的茶餐廳😏😏

百百份餐廳開到去樓下，緊係試一試啦。餐廳多元選擇，亦有麵包賣，價錢中規中矩，味道又唔錯。新開環境都乾淨，座位闊落。首先，今日我係午時時段入座。叫左3個餐，焗蕃茄汁厚切豬扒（$55）、乾炒牛河（$59），同埋咖喱牛坑腩飯（$58），送熱餐茶，凍飲就要加3。講番厚切豬扒飯，落完單一分鐘就有，雖然禁，豬扒飯都熱啦啦。豬扒唔會好梅或鞋，炒飯底加埋豬扒飯嘅汁，都唔錯。然後乾炒牛河都幾出色，唔會太油，而且牛肉都大片同多，有鍋氣味，份量夠2個女仔share。最後牛坑腩飯就偏辣，牛腩細件d，但份量足夠。咖喱香濃，唔會好多油。總括而言，落單到有野食速度快。而且overall 所有野都唔錯，茶餐廳質素黎講，算偏高