百份百餐廳 (奧柏‧御峯)

難得星期六下午，完成一個星期的工作，可以去嘆個西多士加炸雞肶，無想過一個普通下午茶餐，竟然要呆等超過二十分鐘。終於等到有食物上枱，但炸雞肶就好似完全沒有炸過，西多士表面浸滿油，最不理想的，是西多士𥚃面完全是凍的。滿心歡喜，午餐都唔食，就係為咗可以吃少一餐，留返啲quota去吃件西多士。連返熱食物都懶做，惶論食物的質素。西多士是茶餐廳的基本功，真的好令人失望。…查看更多

收工懶得自己煮就去咗百份百食晚餐叫左兩味分別係星洲炒米同酸菜魚飯星洲炒米唔錯 炒得幾乾身香口份量都算多另外仲叫左個酸菜魚飯魚份量正常唔算好多不過都幾好食都多蔬菜整體都幾好…查看更多

喺公司附近放飯，得一個鐘頭，所以就求其去咗呢一間度食。叫咗個雞扒滑蛋蕃茄飯，估唔到$60都有咁大份量，食落質素雞扒嫩口滑蛋亦都唔錯，$60都可以有呢個質素算，仲要包埋嘢飲，係一間良心餐廳。…查看更多

叫碟漁香茄子飯，等咗30分鐘追咗3次先嚟。淋啲醬喺碟飯上面都咁難？目測餐廳只有7成滿，咁嘅速度堪稱垃圾。Lunch Hour得1個鐘，等都30分鐘唔駛食，直接改外賣攞走。請唔夠廚房咪學人做飲食啦。…查看更多

光顧過不少百分百，質素太多滿意，尤其黃埔，呢次光顧呢間櫸樹街嘅百分百，真係不敢恭維，點了一下胡椒豬肚雞湯飯，枝竹如柴枝、白烚雞絲，質同量都嚇怕人，大家睇相就知，但咁嘅價錢其實都冇乜期望，唔通仲計較啲咩商品說明條例咩？但侍應仲盲撐，竟然話啲湯多咗，所以睇落啲餸少咗，👍好嘢，佢咁都噏得出，我即時用匙羹撈起俾佢睇，佢先俾我換其他食物，送都唔要啦！真係似廚餘。…查看更多

是日lunch好想吃炒野，於是諗起百分百，入去已經滿座率8成，叫左個乾炒牛河，加麥可可，原來係阿華田。牛河好快來到，真係好夠鑊氣，牛肉好嫩，河粉色澤都好均勻，而且份量都好足，夠晒飽。…查看更多

繼續encore百份百嘅白汁焗雞扒意粉，上次食過番尋味。lunch time時候依然多人，去到已經差唔多坐滿，焗野上得都幾快，份量都幾大下，食唔晒d意粉，上來嘅時候熱辣辣冒煙，雞扒好滑，芝士可以拉絲。好正。門口d飽真係好香好吸引。…查看更多

叫過咁多次外賣，去過咁多次堂食，10次起碼有6.7次係唔睇order，唔知個廚師係唔識字定心情唔好，其他都無咩特別，如果每次備註都唔留意，咁麻煩可以出埋依d選項俾人揀…查看更多

平時幫襯唔少，宜家越做越差，唔知係立間有問題還是其他都係越來越差。 之前夜晚去吃一次，個個顧客吊曬鬼，唔夠人手就冇接咁多客入來啦，菜出品又求夠其，煲仔菜出來就一滴氣都冇，滴鎹就加熱俾你吃，炒飯就暖暖得冇鍋氣（咁樣我吃炒飯把燃啊）。 今日兩個鎹外賣，一個五色蔬菜，一個荔芋椰汁雞煲，就一個煮法，拉油，滴嘢全部拉油俾汁撈埋一齊就算（宜家茶餐廳都冇咁求其啦，唔該你得整返好小小啦）。真係整衰自己既招牌，最好換一批廚師啦，或者培訓下啦。其實味道一粒星都多餘。…查看更多

塊魚柳細到呢。。。以為百份百會好過大家樂，點知衰左。 味道係正常嘅，只係真係好細塊。。。牙la 都唔夠涉。 杯檸茶好多渣。而且坐邊位有蚊，搬去第二度又有陣臭味唔知邊度嚟。。。唉。。。…查看更多

一向住開樓上，成日都幫襯，今日真係嬲嬲地，唔寫下評論都唔得。老實講，之前都做得幾好，食物有質素，上菜快，咖啡奶茶好好味宜家，愈黎愈差，飲品份量愈黎愈細杯，成日叫外賣都執漏野，一時就執漏成個飯，一時就俾錯湯底，早餐嗌2個魚柳餐，可以夠膽其中一個餐可以無左塊魚柳，食風？！今日又嗌外賣，等。。。。等。。。等，等極都無，等左25分鐘，遲過我既全部order都有，我都只係叫個沙嗲牛肉公仔麵姐，可能個麵仲搓緊麵粉？真係好差…查看更多

唔係好多客, 4個亞姐, 個個扮見唔到, 不願落單。要大叫落單先有人理吓你。食物ok, 但d service 真係唔得。7成客都可以扮見唔到, 唔落單。之前lunch 嚟ok 架喎, 但今日晚歺来食, 一肚氣。…查看更多

職員服務不跟先後次序，當時我是第一個在收銀處排隊等候職員出來詢問外賣訂單，但職員一來到時候直接跳過我，開始處理我身後的客人的付款，不是應該先從第一位開始處理嗎？ 那是否不用排隊以後？…查看更多

難得今日放下假，訓醒就去食下個午餐先，見到百份百個餐牌都幾吸引，就入去食啦。諗左好耐，終於諗到食梅菜蒸鯇魚，而且都很久沒有食過。鯇魚都很有鮮味，但點比Ｄ魚尾個客人呢？？好多骨呀。。。。。。。鯇魚下面放了豆卜，是不錯的，但太豆卜吸哂D鹹味，勁鹹，勁鹹。。。。。。。。到白飯了，在點餐時都問了我想要白飯的，是可以嗎？女職員都說可以的。而且單據上寫明是香軟白飯的，但點知最後都是給了藜麥飯，我就是不想食藜麥，先點白飯。最生氣的地方是，個女職員明明執緊枱，見到有食物要送餐，雙手沒有消毒就直接取食物，是十分不衛生行為。。。…查看更多

星期日中午時間去食晏，都預咗多人要搭枱其實係無問題嘅，咁我坐左係靠左邊嘅單人位置，對面無人坐，跟著個待應話有三位要搭枱，就張隔離張四人枱嘅其中一半擺過嚟我嗰邊話有三位要搭！我即時問佢：咁我一陣點走？（因為我隔離係塊板無得行）唔該醒小小啦，佢要搭無問題架其實，你可以等我走左至張兩張枱泊埋一齊比人，但我都未食完你就泊埋嚟迫我係一角係咪想趕我走先？咁好囉，我咪張淨底嗰半碟未食完嘅飯都唔食埋單囉！不過就真係百份百唔會再幫襯囉！咁大個集團連基本服務都做唔好等執笠啦…查看更多