百份百餐廳 (寶石湖邨)

營業中

休息中

平時都好鍾意食百分百嘅早餐，雖然佢唔係話特別平，但係感覺比一般快餐店更加有誠意。平時最鍾意叫煎豬扒，配腸仔同流心蛋。都好耐冇食過，今次食覺得佢質素下降咗少少。🐖豬扒一如以往的非常腍，而且個醬係我最鍾意嘅蒜蓉汁。🥓腸仔平時係用廚師腸，但係今次轉咗做脆皮腸。🍳流心蛋我覺得佢能夠外賣都做到流心，而且送到嚟冇穿冇爛係非常勁嘅一回事😂🍞平時好多早餐個多士都只係普通烘多士加牛油，但係呢度係蒜蓉包，焗得好香（雖然外賣送到嚟已經冧咗）欠缺咗廚師腸嘅早餐，梗係覺得欠缺咗一份完美😌如果佢能夠轉返做廚師腸，我絕對會俾99分佢。

街坊經過附近，就是想快快隨便吃，加上泊車方便，我是由隔離餐廳走過來的，因為選擇更多。想不到金銀蛋這個的份量實在太多了，説是二人份量也不過份，幾經辛苦最後才能完成，下次吃必須說明扣底，避免浪費。晚上大概七點，入座率大概為一半，有的二人顧客說話比較大聲，所以體驗並不太好，建議下午茶時間或選擇外賣，就能避開人多的問題。冷壓凍檸茶出品非常出色，這是比一般的檸檬茶還要酸，完全符合個人口味，飲不慣的朋友要特別留意了。價格也算是普普通通，在這裏就是吃一個方便。

去完上水哥爾夫球場活動坐shuttle bus 出來經過寶石湖邨，見到這間百分百，想起它的下午茶，決定食個下午茶先回家，下車後由地鐵C站行返過來都係三五分鐘的事。下午茶有好多選擇，我始終揀返下茶茶最常叫的原隻炸雞脾配紅豆冰。我口渴想起之前去其他食店要自己拎水，所以問了店員，她主動話拎杯比我。紅豆冰好綿，一半都是紅豆，淡奶好濃奶味，還是經典的好味道。依家都用紙飲管，幸好這飲管質量好，不會溶掉。炸雞脾真係同佢相片一樣成隻碟咁大，我同店員講要多四包茄汁，佢有點驚訝但都拎比我。雞皮炸得好香脆，但雞肉依然鮮嫩，薯條有一層薄薄炸漿，所以放耐左都依然好脆，做得很好。一啖雞髀，一啖薯條，一口紅豆冰，經典的香港式下午茶，令人回味。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9

2024年12月1日下午三點半，我去食下午茶餐，點咗個食肉醬意粉，結果真係好似食湯意粉咁，成兜水，真係不知所謂。出品部嘅大媽真係要加把勁，叫佢哋出去試吓人哋嘅肉醬意粉，邊有咁多水喺度㗎？咁樣嘅質素，真係氣死人。另外，咖啡奶茶又淡得好似水咁，呢個唔係第一次啦，之前幾次都已經咁樣。每次都希望質素可以改善，但次次都失望而回。廚房部嘅管理到底係點搞？明明係茶餐廳，但出品質素咁差，實在令人失望。希望餐廳能夠正視呢啲問題，改善出品同服務質素。顧客嚟到茶餐廳，係希望可以有好好嘅用餐體驗，而唔係每次都要面對呢啲質素差劣嘅情況。希望未來可以見到改善，令顧客可以有更好嘅用餐體驗。```

點解可以將蝦同蛋整得難食 相信得呢間做到 小弟都知上水係美食沙漠 如無必要都唔會貪近食呢間 同一間唔同地區竟然可以爭咁遠🤬🤬本身食開百份百都知啲水準可以好參差 有次堂食聽到隔離枱個阿姐話啲蛋好苦好難食都以為佢亂up 心諗食左咁多次都唔覺有咩問題 點知今日食完先知上次怪錯左佢🥲🥲一打開個飯 少豉油都唔緊要 啲蛋同蝦仁完全黐埋一舊 蛋完全老晒 黑到成舊炭咁 啲蝦又硬又鞋 唔講以為食緊芙蓉蛋蝦球飯 我諗就算真係有呢個飯 求其一間餐廳都完勝佢 本身上次食完塊豬扒已緊食倒酸臭味 都已經懷疑緊人生 小弟懷疑轉左廚房 每況愈下 建議各位想去挑戰下既師兄師姐真心考慮清楚🙇‍♂️🙇‍♂️寧願行去舊墟搵事但一間餐廳都好味過佢👈👈

從古洞水塘下山後，跟朋友點了兩個下午茶餐，兩人埋單包加一是90元左右。炸魚薯條中的炸魚是驚人地好吃，沒有因為是下午茶而縮細份量。外脆內軟，脆皮不會太厚，薄薄的剛剛好，突出了飽滿帶汁的嫩嫩魚肉，不似很多食店把魚肉都炸老了。以呢個價格段來說，真是香港最好吃的炸魚，下次想食炸魚一定會回來這間分店吃。黑椒牛意炒得還OK，裡頭的野菌很加分，如果可以減減油就好了。冷壓檸檬飲品去了果皮和核，方便飲用之餘，酸度也合我心水，只是朋友非常怕酸就不太喜歡。期待下次在這區行山後再來幫襯

果收銀係度長期講私人電話…又唔落單…又唔理客…仲係度瀨e樣瀨果樣唔知道以為係老西黎，咁鍾意講電話就返屋企講到夠啦，都唔係黎打工，點會請Ed咁既人最後仲要落錯單，不知所謂

輕輕鬆鬆午後時光😽☀️迷你無骨霸王雞飯配碗仔翅 $38雞肉嫩滑，蔥油夠香。雖然份量是迷你版，但是對於女孩子都非常足夠飽！碗仔翅熱辣辣，麻油味香濃，加上少少醋，認真開胃🤤☀️原隻炸雞脾配脆炸薯條 $37雞髀皮脆肉滑，薯條又脆又香，配一杯港式香濃凍鴛鴦，鍾意食香口野既朋友唔好錯過😝

之前黎開覺得service 都好好，今日黎，問佢攞杯水攞成世，仲要隔離枱個哥哥仔讓杯水心我先有杯水洗野，減晒分，希望佢地好好關注一下，唔係話轉頭比，講完就算，問左幾次都係咁

上水寶石湖邨新開嘅有幾間店舖同茶餐廳，今日我黎百分百 食午餐先下午茶都好抵食，同埋款式都比較多呢個咖哩牛腩飯，薯仔好林，味道都好濃沃呢個咖哩牛腩拉麵幾好味，非常之入味，分量都非常適合💡 洗手間就比較遠，要行到出外面同埋係個公共洗手間，比較污糟💡

咖哩達人今次試一試百份百餐廳上水寶石湖分店的咖哩牛坑腩飯😋外賣值得一讚，咖哩汁同飯分開放，食前一刻才加入，飯和咖哩的質素可以保持👍🏻飯的份量適中，可選擇藜麥飯和意粉，亦有少量蔬菜，營養方面合格！到最重要的咖哩，貴為得獎咖哩，味道的確不錯，辣度適中，有輕微香料香味，但又未到印度咖哩的程度，適合大眾口味，而咖哩面加上少量蕃茜碎，更引起人食慾！牛坑腩切成一口份量，量足有十多塊，炆得夠焾，而最驚喜係配菜薯仔，係連皮迷你薯仔😍，薯仔味比大薯香，比較有口感，係大加分位！！！不槐為得獎咖哩，味道方面我十分滿意，價錢$55其實也不便宜，唯有安慰自己出街食到一餐味道滿意既咖哩已經好好🤣

除了價格畧貴之外, 其他也不錯。早餐的安排畧要改善,一定要等到早上7時才可以落單，要早些乘車九龍或香港上班的客人未必可以等到7時才落單，也未必夠時間去完成早餐的用饍時間。另外係外賣紙竟然漏了外賣電話號碼,後期才在門口外補加。