白鬚 (已結業)

因工作順道,去到西貢市,喺海傍街,有一間店舖 細細間不起眼,單買一味印尼牛丸粉,店舖太細 所以等咗一陣位！老闆招呼非常好,可能因一個人工作,所以出菜有點慢,店內裝飾不錯,印尼牛牛丸粉,湯底好清甜,牛丸自家製,牛肉味濃,炸雲吞亦很出色,如果碗粉大少少就好啦！我選擇了微辣！總括可以返轉頭再試一次！

尋日同朋友去西貢行吓, 見到呢間舖頭!外面棟起塊滑浪板寫住印尼牛丸粉, 咁我朋友係牛魔王嚟嘅, 咪入去試吓囉!呢間舖地方唔大, 我估full house大概坐到十鬆人啦!問佢地攞menu, 佢地嘅staff話佢地得兩樣嘢, 印尼牛丸粉同千層糕吸(咁少選擇嘅)! 咁我地一心入嚟都係諗住食牛丸粉就無所謂啦, 叫咗一碗 try try佢, 同埋兩件千層糕!牛丸粉好好味, 牛湯夠鮮, 牛丸同香港食開嗰隻唔一樣,唔係實的的嗰隻feel嘅, 牛丸肉汁幾正!碗粉standard跟啲啲辣醬, 但對於食慘仔要大辣嘅我真係好唔夠, 叫佢地加辣佢地先會攞另一種自家制辣油出嚟(佢地話因為呢個油唔係印尼傳統食譜嘅嘢喎, 所以唔standard跟湯上)! 好彩我問一問唧, 因為嗰隻辣油都真係幾正(錯重點添)!最後一碗唔夠喉, 再encore多一碗, 第二碗叫咗多青, 因為個芹菜幾香!千層糕叫咗兩隻唔同味嘅, 我鍾意斑蘭, 朋友鍾意原味, 各有各fans無得比較(同埋一嚟到我心急得渣一隻叉叉咗落件糕度, 搞到無得相機食先)!呢信粉真係幾好食, 可惜我唔係住西貢囉!