白玉蘭 (已結業)

位于中环交易广场一期的一家中餐厅，主打本帮菜，尝试过之后总体感觉还可以吧。餐厅位于交易广场四楼，位置看着挺大，但实际入座以后还是挺拥挤的，隔着旁边的座位非常近。前菜感觉一般般，不是很好吃，给人印象不深，主菜的虾球，海鲜，烤鸭味道都还可以，烤鸭外焦里嫩，挺好吃的。花胶螺头汤，脆皮鸡，海参，时蔬等只能说不过不失，吃完了感觉更像粤菜，用餐之后的甜品，水果都不错。服务态度还可以吧，服务员有点忙不过来的样子，有时候不是很及时。…查看更多

今晚同朋友食生日飯, 我地11個人, 坐左張大枱,但係我地11個人不停揮手叫個侍應, 但叫左10mins 都無人理我地, 點茶時又黑面, 其實今晚人數唔多,覺得好無奈食物其實好食, 特別喜歡水煮魚…查看更多

每當想食滬菜，尖沙咀會想起夜上海，中環就非白玉蘭莫屬☺️由於今次只有幾個人去食，不能叫得太多，所以冷盤也只點了兩碟，麻辣蒜泥白肉 ： 這碟冷盤跟名稱不付，因為白肉上完全找不到蒜泥的痕跡，白肉也有點乾，但幸好麻辣醬汁香口，混合在白肉上都很惹味。雨花紅蜇頭：這個海蜇頭好清，真的是太清了，如果不加上紅浙醋，可以說得上是沒有味，我還是比較喜歡蔥油海蜇頭，因為香蔥加上麻油可以令本身沒有味的蜇頭帶出味道。不過這碟的萵筍卻很新鮮，很爽脆。龍井炒蝦仁 ： 這碟蝦仁同樣是清，龍井味不重，但龍井葉是有的，蝦仁爽口，滬菜特色通常是混合紅浙醋食，水準是保持到的。大富貴海鮮炒飯 ： 這炒飯炒得不錯，很乾身，粒粒金黃，但海鮮料不是太豐富。無錫灌湯小籠包 ： 小籠包可以說得上是皮薄餡靚，裡面也裝了濃濃的湯，味道很好👍🏼炸山東銀絲卷 ： 銀絲卷是例牌會點的，因為是我至愛😆這銀絲卷真的是炸得很好，皮很脆，包很柔軟而帶有少許甜甜的味道，很是喜歡😋今次可能大家都不是太餓，點的菜也不夠特色，所以未能盡興，下次要再叫多些人，可以點多些菜，再跟大家分享🤠…查看更多

聽到係這間滬菜館辦婚宴，係食咩？原來都係婚宴正常食到既菜式，特別在於餐前有上海點心提供，有鍋貼，春卷，蘿蔔絲餅，件件都好大件，未開席已經食飽😂個人比較喜歡鍋貼。環境裝修好靚有古典感覺，每隻碟有吾同圖案，令人有視覺同味覺雙重效果。推介翡翠鍋鎉釀玉帶，弄成球狀的原來是帶子，酸甜汁帶出了帶子的鮮味。崧茸一品花膠燉螺頭湯，材料豐富面而且飲落清甜!其他菜式正常味道，玉蘭金腿津白不知是否上海式煮法味道偏甜，但甜品又不是太甜😅…查看更多

第三次光臨，這次環境比較吵。員工服務一般，一位女員工急急亂亂，叫我遞隻碟比佢，自己又過來搶，手碰手打交咁，跟她點了個白飯又漏了單。。最後點了個嫩雞煨麵外賣，員工說我們臨走時才上給我們，豈料轉頭就上了！烤麩-好味不油膩，伴有冬菇和黑木耳雞絲粉皮-好難唔好味茶樹菇上湯浸小豆苗-很清新二蝦窩塌豆腐-蝦新鮮幾脆，汁也不錯咕嚕肉-肉質鬆軟無肥膏砂窩雲呑雞-雲呑皮很厚，但煮到爛晒，湯底ok，清甜豆腐花-唔夠滑…查看更多

白玉蘭係我其中一間喜歡嘅中菜餐廳，可以食到不同省份地區嘅中菜餐廳，可能我每次都係食晚飯，沒有白天的擠湧壓迫，好有金融鬧市中帶點寧靜寫意感覺！服務好、環境舒適之餘，好鍾意碟上公仔圖畫，彷似未開餐先欣賞藝術品！杭州宋嫂魚羮 － 好好飲的一個羹湯、充滿魚肉鮮味！煎素餃子 － 煎得好香脆，而且饀料充滿係有口感嘅齋菜蓉，好味！北京宮爆蝦球 － 原來個酸辣汁係淋喺蝦球上，我哋要求汁另上，可以自己喜好汁多少。蝦球炸得好靚，外皮鬆脆，蝦肉非常爽口，超級正！白玉蘭梅乾菜扣肉 － 雖然扣肉唔係傳統厚扣肉，係薄薄的，我覺得少了飽濟感外、更加入味！而且個精髓係梅菜，伴以隨送嘅包點食，超級香超級正！銀線炒小豆苗 － 新鮮清爽的小豆苗。無論環境、服務、食物質素都值得推介，係我喜愛的中菜之選！…查看更多

与友人食午饭，点了松子鲈鱼，清炒芥蓝，荠菜豆腐汤，上海炒年糕，其中鱼，芥蓝，年糕非常好吃，最后点了杨枝甘露雪糕，味道不错，一共1000多，不便宜，但胜在味道不错…查看更多

今次和老婆一家人，和外母祝母親節，佢地book左去ifc食飯，我心諗，咁豪？ifc食飯一定好貴啦，不過我無問，因為外家食飯，係老婆和幾姐妹夾錢，我去痴飲痴食就唔咁多啦。哈哈。。。入黎黎個環境都唔錯，坐得幾舒服，每一枱都隔得幾開，唔會好似酒樓咁迫迫夾夾既感覺，呢度叫白玉蘭，黎到ifc三樓，入到辦公室電梯大堂，再行入小小有樓梯，上一層就到，都好易搵。除左個環境之外，坐底Ｄ骨碟隻隻都唔同，幾得意。我地叫左北京填鴨，幾好食，除左正常咁食，佢地都提供二食，即係片完Ｄ皮出黎，個鴨身斬件再拎去炒一碟餸出黎，但係我地都叫左幾多野，所以選擇斬件打包拎走。要講一講個小籠包啦，皮薄餡靚，入面Ｄ湯汁又多，又濃味，好好食，唔點震江醋都夠晒好食呢個鳥巢，其實係咕嚕肉，炒得夠香又夠味，好好食。驚住唔夠食叫左個上海粗面，雖然我食開乾炒，而佢係濕炒，都係好夠味，面亦軟硬適中，唔錯。其實我地都叫左好多野，不能盡錄，不過埋單原來都唔洗二千蚊，我地十大三細，剩係計大人每人都係兩百蚊，又唔算貴，而且Ｄ餸精緻又好食，下次母親節真係可以諗下ifc，出面Ｄ酒樓都唔平，起碼呢度坐得舒服又唔迫。…查看更多

追開我post既朋友都知我特別鍾情中餐，久唔久我就幫襯下美心旗下既中菜館。呢日我同個朋友去咗位於中環既「白玉蘭」。兩個人叫咗多個餸菜，同大家介紹下先：1. 手撕薫雞 （前菜）相比之下，我會更想點「口水雞」或者「花雕醉雞」...呢道菜味道有啲怪怪地，唔係好推介。2. 四川擔擔麵麵質彈牙，湯汁美味。辣得好過癮！唔想咁heavy食飯既一個精明選擇！3. 魚羹一人份量既魚羹。兩三淡就食晒... 加埋胡椒味道仲正。建議唔好攤咁耐先食。4. 茶樹菇上湯翡翠豆苗必點既菜式。去美心中菜館食飯，次次都會點豆苗食... 不解釋，自己試下啦！5. 京蔥蔥油餅見到食評好多朋友都有推介呢道菜...好有北方既味道！蔥油餅好足料。應該係即整，上菜既時候仲係熱辣辣、香噴噴。唔鍾意既話仲有好多點心選擇，好似係小籠包、鍋貼等等。不妨試試！6. 梅菜扣肉撈飯首選！單食就有啲油膩 7. 香格里拉桂花糕甜品永遠都係美心中菜既黃牌。呢個真心推介。而且價錢較大眾化，好過特登出去甜品鋪食呀8. 拔絲蘋果香蕉唔好錯過。等20分鐘都值得！食完真係有種幸福既感覺！…查看更多

平日放工喜歡留在中環晚飯因為最舒服又唔迫😬豈料中午前來訂位時卻說明要8:00還枱，心諗得個半鐘會否太趕？ 是但啦，皆因今晚心血來潮想過嚟食。位於交易廣場，地方闊落裝潢典雅，仲播埋英文音樂，氣氛真不錯。由於時候關係，剛坐下即點兩款前菜/點心。紅油抄手 - 不太辣、有濃濃蒜香味而且皮很薄很滑👍🏼燻魚 - 賣相睇落似燒鵝脾😅食落甜甜地但質感唔係幾似魚但味道都唔錯😊淮陽雙菇鮑魚汁土雞球 - 雖賣相一般，味道確不錯。雞肉已去皮感覺較健康。 磨菇及冬菇很入味。二蝦鍋鎉豆腐 - 豆腐十分滑、味道正常但略嫌不太熱扣了些少分數。酒釀丸子 - 細細碗，味道ok. 豆沙窩餅 - 賣相靚，滿以為食落好脆口，誰不知又硬又實唔知想點，失望至極點！結果坐到9:00先走，全場只七成滿😬…查看更多

雖然食物精緻但係唔夠地道上海味星期日上到嚟見到有廣東點心食心入面即刻涼咗一截可能會適合好花心嘅香港人但係對於我嚟講上海菜就係上海菜廣東嘢就係廣東嘢而且佢亦都有啲四川同北方嘅嘢食 四方八面搞埋一碟清炒蝦仁 係幾好食真係有蝦味呢度菜都算正宗松子魚 賣相加味道都算地道但係條魚好似好細醉雞就略嫌麻麻雞肉唔夠滑 酒味亦唔夠濃肴肉 啫喱入口即溶海蜇頭 都算唔錯本身啲餸一路都算唔錯蜜汁火方呢個咁難整嘅菜就露咗餡有土豆絲食其實都幾麻辣羊肉餃非常好味皮薄餡靚海王粉絲煲勁細煲但又唔平一開蓋就見到好多好多好多海鮮粒咁我都明白佢貴喺邊粉絲索曬海鮮味回味無窮最後呢個賣相咁靚嘅綠色嘢 我覺得佢好大浸青豆味細路仔應該好啱食…查看更多

嚟白玉蘭食晚飯都有好多次，每次都唔會失望，呢度燈光較昏暗，環境比較靜，我覺得似西餐廳多過中菜館，三五知己傾計食飯非常理想。原本想叫我最喜歡嘅脆鱔，誰知賣晒！唯有叫碟從未試過嘅薰魚，食落味道同其他上海菜館嘅例牌酸甜黑唔同，清淡中帶點特別嘅香味，始終講唔出係咩味，要親自試過先明白，下次我一定會再食👍🏻。合桃雞丁味道夠濃，合桃又多，不過稍為偏鹹。上海炒年糕味道無咩特別，不過年糕好煙韌，咁就算佢啦。紅油抄手個汁底最重要，我認為白玉蘭做到甜辣鹹最佳平衡，這是個人口味，要自己試過先知。…查看更多

在眾多美心中菜中要揀一間有京滬菜式的, 查實唔係咁多選擇,雖然近年多咗美中鴨子, 不過自己選了這間位於中環的白玉蘭, 店內環境闊落, 雖然樓底不高, 但感覺很好, 員工服務態度都係美心集團式的有禮, 食身方面水準在中上,茶位每位$18, 泡菜都是精心配搭過的色調份量相當於一個碗的份量, 如果要食的話則要多付$40, 我們兩個人當然唔會要啦, 是晚試了:米莧鮮魚羹$60 這個湯看照片是相當漂亮的但實物則是另一版本, 湯是魚湯底, 魚味道都算濃的, 莧菜當然好難說有什麼菜味了, 作為顏色來點綴一下, 一般的中式魚湯不過這是一個清澈版本吧!二蝦鍋鎉豆腐$138 豆腐是先炸過一次再用獻汁番煮後豆腐面會有一層炸衣, 而中間豆腐質地是相當滑溜的, 二蝦則是大蝦開半走油所以蝦肉係爽脆口感, 但蝦肉本身就係無咩蝦味, 這點先天不足改變不了, 而另一蝦則是蝦籽灑面, 加埋一這味菜要超過舊半又似乎貴咗少少囉,楊柳青青萵苣$108 又一外型漂亮取勝的菜式, 以為是涼菜但原來是一個輕炒上碟的菜式, 好簡潔地油塩水一炒就完成的菜式, 所以萵苣質感還是爽爽的口感,鮮雞縱箘炒小黃牛$128 話明小黃牛無牛肉味斬屬於正常, 肉質好淋滑, 鮮雞縱箘味道屬於溫和那一邊,廚師刻意將菇腳削尖, 形狀十分可愛, 印象分攞晒, 因為落咗少少青紅椒絲味道有微微的辣來吊起胃口, 豆酥魚$156 原來係一件魚柳先蒸熟上面放上一些炸過的黃荳碎就係所謂的豆酥了, 但這荳酥味道不濃所以好清晰食到黃豆的氣味, 而魚柳的魚味因為豆酥的淡味反而更可以啖真舊魚的味, 可惜舊魚柳真係好細件, 請同旁邊的西蘭花對比一下就大概估到件魚有幾細了, 所以好味的魚柳只能得幾口就完了,京蔥蔥油餅$45 超昂貴但好好食, 餅的一半是蔥青, 面層是酥皮口感, 炸功力也是此餅貴的理由之一,手工野真的好珍貴有得食就要珍惜呀! 總體表演係滿意的但價錢偏高, 下次有機會再來可試其他麵食,…查看更多

繼翠玉軒之後，又訪白玉蘭……不過今次吃的是京川滬。小籠包似是例牌之作，皮厚汁不多，小人覺得麻麻。賽磅蟹乾涸不夠滑，太熟了。清炒河蝦仁是爽的，奈何蝦激小，根本吃不出多少蝦味。小豆苗是靭的，沒多少茶樹菇味。炸饅頭無甚特色，小人都是最愛銀絲卷。腦細超喜愛，總之不用給錢是接受的一餐。…查看更多

第一次來白玉蘭，其實跟紫玉蘭同北京樓不是太大分別。不過，吃過發現白玉蘭比其他的好吃，尤其水煮桂魚。桂魚肉很滑同不會容易散開。而且這個水煮魚不會太辣，容易吃，非常讚！水煮桂魚咸蛋蝦球 不錯，不過不能吃太多梅乾菜扣肉梅菜一點也不咸，扣肉也不是太肥樟茶鴨不錯二蝦鍋鎉豆腐豆腐很滑楊柳青青萵苣 :)金華火腿扒津白:)拔絲香蕉非常美味，比較喜歡吃拔絲香蕉多過蘋果焗西米布甸:)南瓜餅:)香格里桂花拉糕這間白玉蘭水凖很高，由小菜到甜品都做得很好，值得再來！…查看更多