白木屋 (已結業)

白木屋是平民化的連鎖居酒屋，價錢合理，選擇亦夠多。想不到銅鑼灣有分店之餘，座位很有空間感，每台是間隔開的。壽司拼盤的組合不錯，大部分是我喜歡的。每樣都很新鮮，質素不俗。軍艦壽司的紫菜仍然是脆的。大阪燒份量驚人，很大的一塊。看起來不錯，加了很多的鰹魚片和蒽粒。很適合喜歡吃配料的人，哈哈。這邊有多款的水果味 frozen beer，口味很特別也很清涼，解渴度很高。我試了波蘿口味，酸酸甜甜的，跟啤酒很配合。

年三十晚行完維園年宵, 搵個地方食餐飯原本想食拉麵, 但想坐得舒服d, 所以選擇白木屋。唔係第一次食喇, 日本同香港既都食過食物唔算特別出色, 令我會返黎既原因係佢既裝修間隔非常有私人空間！👍🏻無book位既情況下都有房可以坐雖然都會聽到格離講乜, 但拉埋對門自成一角實在感覺良好 😁海鮮牛油果沙律想食少少刺身又想食沙律，次次都點哩個牛油果係正既👍🏻 刺身算新鮮特製汁醬日式炒麵酸酸地既醬汁係我最愛, 有菜有豬肉但略嫌油左少少。好掛住係日本街頭食熱辣辣炒麵呀☺️炭燒岩手南部雞(中)如果$158哩個價錢 份量就少左d, menu圖片係(大)既份量。雞肉幾好味，配兩個醬料 微辣。

臨放工之前先決定抬食飯 銅鑼灣間間餐廳都好full 最後白木屋有位 就拿拿聲入去啦我地三個女仔叫左唔算太多野食七品刺生拼盤 HKD388賣相就好靚啦成架船咁 但食落口就樣樣都唔係好新鮮 特別係個海膽 好腥炸雞軟骨炸得好香脆又唔油串燒雞翼 牛舌 雞腎不過不失 普通 唔算特別好味脹爆香蔥吞拿魚卷本身無乜期望 但黎到個賣相好吸引 不過紫菜林哂炙三文魚刺身店員係我地面前用火槍燒 幾得意 但味道就一般各自叫了一杯soda賣單比我想像中貴 因為好似無乜野食過落肚 而且味道好一般

之前試過呢度既午餐，覺得幾好質素，見到呢度好多卡位，仲有好多獨立房，今次約好耐無見既朋友，特別嚟呢度預約一個獨立房，好好暢談一番!牛油果海鮮沙律，$88，配日式柚子沙律汁，幾fresh, 牛油果同刺身粒粒都有幾多，有三文魚，魚，仲有三文魚籽添!炸雞軟骨，幾香口，但份量幾多，兩個人食多左少少。腐皮刺身，$5x，6片冷製自製腐皮，都幾特別，滑滑地，點wasabi豉油，真係當刺身食。8件壽司，$128，唔算平，但幾新鮮，最like係吞拿魚，無筋，有油光的仲有海膽，三文魚籽，帶子，大甜蝦，劍魚腩，赤貝，三文魚腩，都幾好。主菜嚟啦，豆乳美人骨膠原鍋，$288，有好多蔬菜配雞肉，豆乳湯底，加好似白色啫喱既骨膠原，沒有特別味道影響豆乳味，但感覺幾適合女士，美顏又清清地! 只係貴左少少...整體每人二百幾，有一間獨立房傾計，食物又唔差，銅鑼灣嚟講都唔錯架啦！有下次

I went to eat there with some friends! The food was not bad and pretty filling. But I think it was to expensive for the taste of the food and I think could have been better! also the service was even worse ! Anyway if u asked me if I recommend this place I would probably tell you if you want bad service and okey food then you should go here

見到食評都介紹得好好，收工同朋友出去銅鑼灣試下，男性朋友反對最聞名美人鍋，太素喎，唯有點了鹿兒島和牛壽喜燒鍋，同魚生拼盤，沙冰啤酒，食物幾好，和牛都好鬆唔韌，不過菜好多，又大件，而牛得6塊，我唔明點解個菜唔可以切細d,個鍋開火都要煮好耐，d菜跟本就太多 魚生都正常新鮮，帶子夠大件，赤蝦都好有睇頭，吞拿，白吞拿都好厚切，讚不過價錢都偏貴，食放題會抵d感覺，最大問題係等好耐先有得食，同服務員態度真係好差，唔知佢地咩事，黑臉黑到想趕客走禁，應該都唔會再去了，食到一肚氣。

我想分享前天在白木屋的經歷:1• 我与我老公食完寿司后都有些肚泻;2•上菜很慢，超過半个小时后我去催上菜，waitress 竟然拿单来埋单，但是我們还未食野，最後超過大半个小时后才上菜

第二次到此餐廳吃飯，兩次分隔一星期。第一次試時，已覺得啲女侍應服務態度不好，黑面同不友善, 但餐廳食品不錯尤其是那個豆腐湯，很重豆腐味道, 所以昨晚再去食。昨晚我們叫了二人餐，有大約六種食品包括前菜沙律，魚生，豆腐花，豆腐鍋, 飯。他們的菜單列明前菜，沙律，鍋物，飯食，甜品。我們落單後，很快食品到。但食物不用十分鐘全部一次過到，生的，熟的，前菜，所有食品都放上檯, 檯子也幾乎不夠大放下所有食品。我從未想過他們會一次過出駛所有食品，不分食品種類及次序。由於一下子全部食品在檯上，我們冇辦法在食品新鮮或熱的時候進食。並且我覺得他們的豆腐鍋也不及上次好。當我對女侍應說為什麼全部食品同一時候來，她冇出聲音，仍然一副黑面樣。關於女侍應服務，除了短髮的女侍應很友善之外，另外兩位長髮女侍應由始至終都係黑面，從不斟茶，明知我們係share, 不會畀額外餐具。實際上餐廳昨晚只得三檯客，但啲女侍應都係咁。如果多客啲，唔知會點？

21.6.2016曾與朋友到過笑笑居樂屋吃晚餐, 印象蠻不錯. 知道白木屋和笑笑同屬一個集團, 所以這夜就和友人們到白木屋聚餐.位置在永光中心1樓的白木屋, 擁有居酒屋的格局, 每張檯之間的空間感足夠. 食客也可預訂房間用膳, 就算和朋友們暢飲歡聚也不怕影響其他人了.友人們都點了凍飲, 唯獨我揀了熱飲. 誠然, 豐富骨膠原柚子熱飲($40)的味道和一般的柚子熱飲無異, 甜中帶微, 但多了骨膠原就令整杯飲品增添了滑滑的感覺.前菜是豐富透明質酸塩麹美肌啫喱番茄($66), 蕃茄是厚切的, 底下墊了冰粒以保持溫度, 蕃茄當然是夠冰凍, 也不太酸, 是很開胃的餐前小吃.  白木屋暖暖豆腐($52)是餐廳自家製作的豆腐, 嫩滑程度雖不及鄉郊地區的山水豆腐, 但它的黃豆味道亦甚濃郁, 不錯哦.鐵版上的炭燒特級沖繩豚(大)($268), 熱騰騰的冒著煙, 吃的時候, 小心燙咀哦. 薄片的豚肉, 柔嫩甜美, 肉質爽口, 脂肪不多, 多吃幾片也不覺油膩.豐富骨膠原美人豆乳鍋($288)陣容強大, 除了有蔬菜, 菇類, 紅蘿蔔, 雞肉, 豆腐之外, 更有這一大塊的白色骨膠原, 待美人鍋開始滾燙時, 就可以

日本人喜歡下班後去居酒屋，與同事或朋友談天說地，飲酒吃小食，可驅走一天之辛勞，在香港，上班一族又何嘗不喜歡到居酒屋！最近，與一班好友到訪銅鑼灣一間居酒屋，裝修較講究，由日籍師傅主理，食材新鮮，價錢合理，嚐了多種美食，尤以同行女生讚許。名字叫白木屋，令我想起多年前的一套臺灣電影，叫白屋之戀，浪漫迷人。說到「吃得漂亮」，女生們都喜不自禁，冷盤有透明質酸鹽麴美肌啫喱番茄和純博多屋豆漿白木屋自製豆腐，呈啫喱狀之透明質酸據聞對保濕和皮膚甚有功效，加在冷凍番茄之上，灑上芝麻，蔥花和醬汁，我沒考究是否保濕，但在三十多度的氣溫下，冷凍多汁之番茄先起降溫之效；而每天新鮮自製豆腐，沒有防腐劑，沒有石膏粉，可加些柚子鹽，鰹魚碎，醬汁進食，豆味香濃。再多嚐兩款豆製品，豆香濃腐皮豆腐鍋和暖暖豆腐，前者用小火爐燒著一鍋自製豆漿，靜待一會，豆漿表面會凝固成一塊腐皮，用筷子輕輕一挑便可取出，玩味十足之餘也嚐到濃濃豆香；而暖暖豆腐是由侍應拿著木箱盛載的暖豆腐，在你面前舀出每天鮮製之豆腐，可以抹茶鹽，柚子鹽等調味。吃了數款豆乳製品後，若感覺太寡，也有新鮮運到的刺身，七色特選拼盤，海膽，帆立貝，吞拿，甜蝦，三文等，魚脂豐腴

相約舊同事聚舊, 搵左呢間較日式既白木屋, 白木屋響日本一街都係, 反而香港都係第1次食.店內都係日式木系裝潢, 感覺不錯.先要杯沙冰啤酒, 外觀好Q, 仲有個鳥居牌仔. 面頭凝固左既泡泡幾得意, 啤酒夠冰凍, 味道好易入口.再黎個出名既蕃茄, 蕃茄新鮮有茄味, 食落清新開胃, 味道不俗.仲要左刺身拼盤, 海膽鮮甜無比, 陣陣既海水鮮味. 帶子彈牙, 虎蝦彈牙又大隻. 油甘魚, 三文魚油脂豐富, 每款刺身都好新鮮, 鮮味突出, 醒胃至極.

早前，跟新知舊雨朋友到銅鑼灣食飯，選址一間位於登龍街的樓上日式餐廳 <白木屋>！  <白木屋>這個店名，對我來說絕不陌生，  當時剛剛在日本大阪旅行一星期有多，印象中，在大阪的地鐵站望向街景，見到 <白木屋> 的招牌！ 原來在日本，<白木屋> 是一間連鎖餐廳，多達一百多間；至於香港，只有銅鑼灣及九龍灣兩間分店。 餐廳佔地一層，以和風裝潢，設有卡位及屏風設計的獨立房間，私隱度高，環境優雅舒適！  另設有電腦芒點食物，High tech 又方便！ 見到有日籍店員及店經理，相信對服務及食物質素相當嚴緊及講究！ 打開餐牌，食物琳瑯滿目，  以健康為主，  包括：骨膠原的美食，我們一眾女生就算食得多都無有怕啦！ 餐前小食包括：紅蘿蔔、蓮藕、蒟蒻芋，  當中，蒟蒻芋是日本的植物，本身淡口而彈牙，熱量低及含有大量可溶性纖維，食關東煮常見的美食之一，全靠醬汁提味！清新健康！ 豐富骨膠原柚子梳打 $42酸中帶甜，入口涼浸浸又解渴！  一大杯，由開始飲到食完餐飯都得！ 豐富透明質酸塩麹美肌啫喱番茄 $66透明質酸味道

星期日晚上，不用預訂都有位！環境好靚，好有日本feel ,由於每張枱都有屏風隔開，私隱度非常高先來一客刺身船（$388），船上有一板海膽、三件三文魚、三件吞拿魚、三件劍魚腩、三件帆立貝、兩隻甘蝦同兩隻象拔蚌！ 刺身非常新鮮尤其是海膽，十分鮮甜另外亦都點了一客香濃腐皮豆腐鍋 （$56），建議這個可以早點落單，因為每次滾起才有一片腐皮！豆味好濃，不加其他配料、醬汁，更可以吃出豆腐的原汁原味！過程中，由自己夾起腐皮，更多一份體驗沖繩豚肉煮肥膏的部份，有入口即溶的感覺！但肉的部份十分乾，即使一起吃，肉的部分依然硬得不得了石燒玄米豆乳海鮮意大利飯（$78）香濃豆乳味，調味得宜，可惜飯煮得過淋，完全不像在吃意大利飯白木屋名物脹爆壽司（$168）的確名副其實，大量鮪、三文魚子及海膽鋪滿於青瓜卷上面，十分澎湃！四種食物加起來一齊食，非常好味而且口感好特別炭燒岩手南部雞（$158）未入口，已經聞到好香炭燒味！雞皮燒得好脆，雞肉非常juicy! 可惜不是每件都一樣，有部份雞件非常乾！整體來說是不錯的，唯獨價錢上偏貴

一班好姊妹同我慶祝生日，佢地湊住2個BB好唔方便，好在呢間餐廳設有細房，間隔雖細且隔音較差，但至少有私人空間，方便傾偈每人有一小碟好似紫菜既積物，好味!燒紫薯串夠甜好味;牛舌有少少韌;雞翼不夠入味。炸薯條金黃色，熱辣辣好香口炒鰻魚飯香噴噴，飯粒分明，十足火候，略嫌份量較少，每人只分得一小碗壽司都算新鮮!主菜雞肉美人窩，湯底呈乳白色，有幾舊生雞肉，雜菜同豆腐，雞肉等配料。湯滾再加入另一碟白色一舊舊既係骨膠原，wow味道都不錯，勁濃既豆乳味，雞肉嫩滑，必食

想起之前的聚會……已經是良久以前的事情。當初還是草草相約，沒有搜索好目的地，就只是隨口講個地方等。冒著大雨，想不到在人頭湧湧，無處駐足的銅鑼灣可以吃些什麼。因為趕著避雨，所以輾轉之下隨意選了附近一家看似不錯的日本餐廳。　　沒有預約，可是街上食店間間爆滿之時，這兒只得寥寥數桌，直入無問題。同時教人心感不妙，看來……有點伏，但我們也沒想到其他好選擇。店方安排我們入座廂房，對於吵吵鬧鬧的一行幾人，來得恰到好處。有趣的是房內設有小電子螢幕，不用等到2046或是特意走出房間找職員下單。只見貴一貴的高價，我們隨便點了個精選美人鍋套餐　$588（二人餐）填填肚，再另覓去處。　　白木屋暖暖豆腐（單點　$52）是店家最有名最特別的前菜，以小木箱盛來。聽說是以博多屋的出品作原材，正正是我每次到City's Super必買之物（為此而瘋了）。待應輕輕舀起一層又一層的滑溜豆腐，然後配上三種鹽來配搭。豆腐豆味香濃，細緻嫩滑，暖著吃更能突出豆香。三款口味：柚子鹽、雪鹽及抺茶鹽，個人認為還是最簡簡單單的雪鹽來得合心。　　接下來是沙律環節，我們選了野味冷製芝麻沖繩豚沙律（單點　$78）。不喜歡肉食的也可選豐富透明質酸