影片
營業時間
今日營業
11:00 - 22:00
星期一至日
11:00 - 22:00
*最後落單時間: 21:30
以上資料只供參考, 請與餐廳確認詳情
食家推介
入到去見到係沙嗲王旗下，期望本身不太高。 不過就試下先啦。 等位：平日十二點半嚟，都算滿座。 不過唔使等太耐就入到去喇。 環境：同一般連鎖餐廳一樣，寬敞明亮乾淨。 食物： 佢有好多選擇，連主食你都可以唔揀飯或者拉麵。可以揀蔬菜粒粒。 咁佢係白咖哩公司，我就叫咗個白咖哩拉麵配炸豬扒。 白咖哩味道都甜口嘅，麵質唔算淋。感覺就同平時喺沙嗲王食到嘅麵一樣。 但係我反而好驚訝佢個炸豬扒，非常之鬆軟。 有少少去到日式厚切吉列豬扒嗰種味道。 我都有懷疑個係咪用鬆肉粉嘅，始終幾鬆軟都好，應該都有返啲豬肉嘅煙韌度。但本人感覺覺得都ok，係食得開心嘅，都冇感覺到工業味嘅。總結：都算唔錯，白咖哩冇印象，但炸豬扒好食。
繼續閱讀
假日同友人係旺角行街，晚餐唔知食咩了，經過此店-白咖喱公司，沙嗲王副線，話時話好耐冇幫襯沙嗲王，但好記得佢個白咖喱豬扒飯係幾正，冇乜心水就試下。餐牌，但一樣都係電子落單。門面的洗衣機裝飾十分搶眼，餐廳內堂面積頗大，木系為主調簡約的格局，帶點日式之感，見到有一人坐位果下幾好。熱青檸柑梅蜜，跟餐+$16，酸甜滋潤。白咖喱香茅豬扒飯，$66，要了少飯，白咖喱質感稠身，較溫和的咖喱香，味道甜甜地少許辣，香茅豬扒鬆軟香口，基本上同沙嗲王個味係一樣。一口流心特濃朱古力心太軟，跟餐+$18，好奇一試，應該係改錯名，叫心太硬至真，內餡唔流心，蛋糕質感似卡邦尼，黑朱古力味唔算好濃郁，味道普通。味道正常水準，但好耐冇食白咖喱之下覺得幾好呢。
繼續閱讀
沙嗲王嘅白咖喱飯果然真係名不虛傳，濃郁得嚟好有層次，絕對係comfort food首選！快啲約埋朋友去試吓啦～😋 **🍳 白咖喱牛肉煎蛋飯** 一上枱，個賣相已經贏晒！金黃色嘅太陽蛋🍳鋪喺飯面，輕輕一篤，蛋汁即刻流落去～下面嘅白咖喱汁超級creamy，帶住濃濃嘅椰奶香🥥，仲有微微嘅咖喱辛香，但係食落一啲都唔辣！牛肉片🥩煮得啱啱好，嫩滑得嚟又入味，吸晒啲咖喱汁，超正！#沙嗲王 #白咖喱飯 #香港美食 #邪惡之選 #少女食評
繼續閱讀
星期一7點左右黎到，無咩人，基本上枱任揀黎坐。同老公叫左個2人餐，2人餐$198，其實都幾豐富：1。飲品×22。小食x23。餐湯x24。主食x25。甜品x2但比較想食嘅都係要加錢，我地今次叫嘅，全部都揀啲無加錢1。飲品：揀左即磨咖啡無特別2。小食：揀左春卷，薯條小食炸得幾脆，正常發揮3。湯：龍蝦湯無龍蝦味，帶微酸，唔推薦4。主食：蔥油雞扒蛋飯，豬扒麻辣白咖喱湯麵雞扒唔錯，唔鞋，咬入去都有juicy，有啲雞油，都嫩滑個麵底ok, 唔會太淋，都滑。豬扒都唔會太柴或鞋，但最重要嘅湯底我覺得唔得，少少辣，唔麻，亦無白咖喱味，本身對湯底有期望，換來嘅係失望😂5。：朱古力心太軟可以後上，想食時先叫職員上，所以黎到熱哄哄，朱古力仲係心，唔錯。但果幾舊芒果。。。🥲，未溶晒雪，咬時feel到有少少冰，好冰好凍，唔知佢係唔係想客人有冰火感，但我唔識欣賞。總捨而言：個餐好豐富，絕對會飽，正常發揮，沒特別。環境唔迫，客人少，如果無要求，只求飽肚，又想約朋友吹下水，呢個價錢也是一個唔錯選擇，但自己搵食應該未必會再黎😂
繼續閱讀
糧尾救星☆白咖喱🤍平靚正+快!滿滿蛋白質🍗但要預留脂肪quota～出餐大概5分鐘就有超級快，仲保持到水準喎！🔸白咖喱燒雞扒飯 $65 (全日)🉐依個價錢有2塊雞扒已經無得彈，仲要燒到個皮幾靚仔，肉質出奇地都好嫩滑！白咖啡微甜微辣，有陣陣椰香味，送飯一流，好開心仲有啲蔬菜🤍～966kcal (包括汁、雞皮)87c 54p 41f🔸蒜香烤餅 (4件) $24必點！香脆印度薄餅，表面有蒜味粉，配芝士醬，但個人覺得沾咖哩更正♡～231 kcal35c 6.5p 7f+芝士醬 (100g)～282 kcal6.5c 15p 22f📍白咖喱公司 (旺角)旺角奶路臣街17號THE FOREST地下G12號舖#白咖喱 #旺角美食 #白咖喱公司 #沙嗲王
繼續閱讀