影片
地鐵寶琳站步行至將軍澳新都城第二期地庫巴士總站，乘16號專線小巴至布袋澳村總站
繼續閱讀
電話號碼
27199129
附加資料
收加一、茶芥費
營業時間
今日營業
11:30 - 21:00
星期一至五
11:30 - 14:00
17:30 - 21:00
星期六至日
11:30 - 21:00
公眾假期
11:30 - 21:00
以上資料只供參考, 請與餐廳確認詳情
今日係我的大日子，雖然是中午飲宴，但都真係忙到無乜點食嘢，所以老公話今晚要帶我食好嘢慶祝。佢知我鍾意食海鮮，竟帶我入布袋澳，是我第一次嚟！地方好大，坐在窗邊位仲可望住嗰靚景食，正！先去海鮮檔即揀即製，全部都好生猛新鮮，全部由我話事，要蟶子、扇貝和斑，好期待!豉椒炒蟶子（$220）腸粉底（+$30）好有新意。蟶子大大隻，又爽又鮮；腸粉滑嘟嘟，炒好夠鑊氣，香辣惹味，正！蒜蓉粉絲蒸扇貝（$70/隻）熱辣辣上枱，好有蒜香。隻隻都重量級，肉厚肥大，爽彈嫩口非常鮮甜，還有充滿蒜蓉香嘅粉絲，入晒味，好正！玫瑰斑($264) 即點即蒸，新鮮熱辣。大小中等，好有肉，魚肉一片片，蒸得合時，白滑鮮味，淋啲豉油，伴些薑絲蔥花更好味！椒絲腐乳炒通菜 ($58 ) 好有鑊氣，翠綠爽嫩，還加入紅椒絲和腐乳，味道鹹香，不錯！海鮮湯（$68）係豆腐白菜魚湯，熱度十足，呈奶白色，有些胡椒香。泰國椰青 ($45) 冰涼透心，味道香甜，正！
繼續閱讀
位於西貢布袋澳碼頭嘅❣︎發記海鮮酒家❣︎開業至今已經有五十幾年啦😮由一家三代人一直經營落去，真係歷史悠久👍🏻好多名星都來幫襯過架，呢到地方好大，仲有冷氣位，天熱都唔怕，望住無敵海景嘆住海鮮真係勁chill架🤤呢到啲海鮮好新鮮架又整得好食😋超推薦比大家🫶🏻❣︎白灼海蝦❣︎啲蝦新鮮彈牙，佢跟個碟辣椒豉油真係超出色😋👍🏻勁鮮味辣度岩岩好。❣︎豉椒炒蟶子腸粉底❣︎蟶子爽甜無沙，配料嘅青椒好鮮甜😋👍🏻豉椒腸粉底炒，好特別好惹味🤤❣︎薑蔥炒肉蟹❣︎隻蟹超新鮮😍口感紮實，味道鮮甜，蟹殼拍好晒，食個時勁易拆開，師父好細心💗超讚👍🏻❣︎海膽炒飯❣︎炒得超有穫氣😋👍🏻粒粒分明，啖啖都散發著海膽味。❣︎蒜蓉粉絲蒸扇貝❣︎超多蒜茸同粉絲😍而且個蒜味超香超惹味👍🏻扇貝鮮甜。❣︎薑蔥雞❣︎薑蔥味非常香口，雞份量多入口嫩滑。❣︎薑蔥蠔❣︎啲蠔超肥美肉嫩，大大隻脹卜卜，用薑蔥炒更能帶出蠔嘅鮮味🤤❣︎海鮮湯❣︎呢個海鮮湯係4-6人份量😂超足料👍🏻內有白菜仔，豆腐，魚，好鮮味，建議當菜食埋，唔使額外叫碟菜。
繼續閱讀
今日有朋友有嚟食，佢話呢間都幾出名又唔算貴，記入嚟食吓。「沙薑雞腳」- 沙薑味濃，雞腳爽口，作為前菜幾開胃「椒鹽瀨尿蝦」- 可能不是當季，瀨尿蝦肉比較少，較為失色「上湯龍蝦伊麵」- 龍蝦夠大隻，肉多爽甜，上湯味道啱啱好「清蒸東星斑」- 東星斑好新鮮，蒸煮火候拿捏得非常好，肉質鮮嫩「豆豉鯪魚炒油麥菜」- 一道家常餸菜，但份量好足，味道亦唔會過鹹「薑蔥炒生蠔」- 生蠔大隻飽滿，簡單配搭薑蔥炒，香氣十足「蟶子炒腸粉」- 蟶子同樣火候啱啱好，但最值得一讚係配上腸粉，爽彈性子配上滑嫩腸粉，口感一流身處布袋澳魚棚附近食海鮮，別有一番風味。好彩近年餐廳有加裝冷氣，否則夏天熱到唔想嚟食。#saikung #saikungfood #potoio #seafood #西貢 #西貢美食 #布袋澳 #海鮮 #發記海鮮酒家
繼續閱讀
地址： 西貢清水灣布袋澳碼頭7A號舖發記海鮮酒家一向以優質海鮮聞名，勁多名人都黎過，今次到訪,真係唔會失望!首先,必點的蟶子腸粉真係幾乎完美。腸粉皮薄Q彈,包住新鮮肥美的蟶子,吸收了腸粉的鮮味,入口即化,回味無窮。醬汁恰到好處,不會過重過鹹,完全襯托出蟶子的甜嫩。接著試了蒜蓉蒸扇貝,每一隻都肥美飽滿,肉質緊實彈牙,完全沒有半點老柴感。蒜蓉醬汁香濃惹味,每一口也能感受到大蒜的香氣和海鮮的甘甜。單是這道菜已經足夠圈粉了!另一重點菜式 - 桶墨魚,造型獨特,令人忍不住拍照打卡。入口即感受到墨魚的彈牙爽脆,配上避風塘的調味,恰到好處地提升了墨魚的鮮甜。雖然看似簡單,但口感層次豐富,每一口也賦予你不同的體驗。避風塘炒蟹無疑是必試之選。蟹肉飽滿多汁,完全保留了蟹肉原有的香甜。避風塘的調味恰到好處,不會蓋過了鮮甜的蟹肉,反而將之襯托得淋漓盡致。每一粒蟹肉都彈牙爽脆,吃起來過癮無比。最後,清酒煮螺更是出乎意料的驚喜。螺肉鮮嫩彈牙,清酒的香氣跟螺肉渾然天成,交相輝映,讓人一口接一口,難以停下筷子。醬汁也恰到好處,不會過於濃郁,反而增添了清新的感覺。總的來說,發記海鮮酒家絕對是清水灣一枝獨秀的海鮮餐廳。每一道菜式都栩栩如生,令人回味無窮。絕對物有所值。下次來清水灣,一定要來嚐嚐這裡的美味佳餚!
繼續閱讀
兩位山友升職請食海鮮，大家踴躍報名，有食神！話晒行山結緣，喺鄉郊揾間酒家食海鮮。主人家選址布袋澳發記，我多年前行完釣魚翁食過一次，印象良好。配合行山，本來又係行釣魚翁，但大家擇咗個潮退好日子；睇地圖，近近哋計劃去聞名已久嘅扭紋洞。下午搭巴士91號清水灣總站落車，沿大坳門路行唔夠一公里，就左轉入荒徑去海邊，輕鬆綑邊半小時就到洞口。打卡吹吓海風，原路返回大坳門路，步行去布袋澳村，全程少於3.5公里——推介為夏日潮退打卡短線，確實性價比高——我係評價條路線😆用咁多篇幅描述食店附近行山路線，皆因我哋山友鍾意行山同埋食好西。入正題，餐海鮮係山友請嘅，升職咁開心，梗係大擦一餐啦⋯⋯主人家叫咗以下菜式：1. 白灼蝦，鮮味！2. 椒鹽鮮魷，呢碟清得最快，香口又有肉哋。讚👍🏻3. 墨魚刺身，一個字，正👍🏻4. 蒸鮑魚，蒸得過咗少少，竹簽挑唔到隻鮑魚要用隻叉好用力扯離開個殼，都咬到唔算好韌；5. 上湯龍蝦伊麵底，正常發揮，伊麵吸咗龍蝦汁，龍蝦好味；6. 清蒸海星班，蒸得剛剛好，魚肉鮮味嫩口唔韌；7. 豉椒蟶子炒腸粉，嘩呢個有驚喜！「點子新穎配搭新奇味道新鮮！」主人家嘅十二字評價。驚喜係加咗腸粉，即係平時食開嘅豬腸粉。個豉椒汁連埋蟶子嘅海鮮味索咗入腸粉裡面，簡直係喧賓奪主！個蟶子都正常好味，但腸粉更加突出。直頭想encore 叫碟豉汁腸粉🤣8. 發記炒飯，加單，要有啲澱粉質落肚，炒得唔油，好食😋9. 上湯浸菜心，正常整體而言，個海鮮盛宴係值得推介，重點係有人請食。咁我哋夾少少回禮啦⋯⋯
繼續閱讀