460
52
33
港鐵觀塘站 B1 出口, 步行約5分鐘 繼續閱讀
電話號碼
21104103
55424301 (Whatsapp)
營業時間
今日營業
12:00 - 22:00
星期一至日
12:00 - 22:00
付款方式
Visa Master AlipayHK 支付寶 現金 AE 銀聯
其他資料
網上訂座
Wi-Fi
酒精飲品
自帶酒水
VIP房
電話訂座
賞訂座積分
加一服務費
球賽直播
當面支付
有關獎賞計劃
食評 (595)
襯住今個星期六假期,我就去左位於觀塘既登堂叫左個 A Very Alice Tea Party Afternoon Tea Set,依個Tea Set係登堂最新推出架,咁就梗係去試下啦。依個Tea Set有成11款食物,甜點同咸點都設計得幾精緻,色彩繽紛,好吸引。甜點方面,“Sleepy tea” raspberry macaron做得幾出色,馬卡龍既甜俾中間既raspberry同吉士中和左,變到好易入口。Strawberry serenade crystal tart個賣相就好可愛,朱古力蘑菇幾濃味。Peanut Chestnut Tart個栗子蓉幾幼滑,唔會太過濃味,仲有少少花生,令口感更豐富。咸點方面,Salmon Roe Toro Avocado Tart有Toro同三文魚子,幾鮮味,味道都好夾。Uni Crab Meat Kimchi “Pie Tee”有海膽同蟹肉,海膽好甘香,配上蟹肉幾好味。我亦都另外點左兩杯飲品,Rich chocolate既朱古力味好濃郁,飲落唔會覺得太甜,鐘意飲朱古力既朋友可以試試。今次依個Afternoon Tea Set 我覺得食物整得幾精緻,餐廳亦都有為Alice Tea Party特別佈置,令人更有代入感。 繼續閱讀
(以上食評乃用戶個人意見 , 並不代表OpenRice之觀點。)
餐廳:登堂 (觀塘)地址:觀塘興業街4號The Wave2樓跳舞前去咗登堂食個tea先去跳舞,唔喺太想食主食,又見到佢哋新推出咗幾款新甜品,所以就一於試試佢😇呢間多國菜有feel餐廳登堂,自5月起聯同Baileys推出咗四款期間限定嘅甜品🍮,每一款都充滿特色同驚喜🤩,以夏天同Baileys作為主題。市面好少見到Baileys系列甜品,唔知又吸唔吸引到你呢🥃?Baileys Romance Mountain $98望落似足懷舊甜品火焰雪山🏔️,粉紅色充滿春夏嘅感覺,再加上可食用嘅玫瑰花同葉🌹,打卡指數爆燈📸,食落有濃濃既玫瑰蛋白香味,入面喺海綿蛋糕🍰,而底層就喺Baileys軟撻Baileys Choco Mousse Tart $58呢個撻望落就已經吸引🤤,用咗比利時朱古力再配合Baileys嘅獨有味道,切開原來有重重驚喜,撻皮外層鬆脆,朱古力粉鋪滿每一個角落🍫,慕絲之中有一粒粒嘅黑白朱古力脆珠,夠晒surprise🎊另外仲有Summer Baileys Latte同Downtown Baileys Banana Split,唔知你又想試邊一款甜品呢🍧? 繼續閱讀
(以上食評乃用戶個人意見 , 並不代表OpenRice之觀點。)
等級2 2021-09-11
0 瀏覽
今晚為咗威靈頓牛柳而黎既,每次同朋友都想去一d食物好食、又好坐既餐廳(重點唔限時間),預先訂座,繼續都係貪Asia miles 25分啦頭盤:帶子沙律 (值得一讚帶子+魚子+bb菠菜+青瓜+生菜+提子配) 帶子大隻鮮味,好開胃主菜:威靈頓牛柳(冇令我哋失望,有肉汁,唔會over cook)Order時怕威靈頓牛柳太大份,所以食完以上兩款之後,再後加一份寛條麵主菜:海膽魚子寬條麵(感覺一般,忌廉汁唔夠濃郁)另外,侍應服務很好,我哋食完牛柳,仲幫我哋換咗新碟,準備食寬條麵,唔錯既服務。今晚滿意嘅,食物質素唔錯,坐得舒服(可能早到,比到梳化位)令我哋有個Happy Friday 繼續閱讀
(以上食評乃用戶個人意見 , 並不代表OpenRice之觀點。)
等級3 2021-09-07
0 瀏覽
響觀塘換完身分證,search附近餐廳俾我搵到呢間多笑面既餐廳,撞上去試試。下晝一點半,好多人埋單,勁快有位坐。本身都冇諗過寫食評,但難得有驚喜,真係要讚讚佢。叫左一份牛扒一份羊扒,有薯菜同意粉,薯菜有濃烈既牛油味,明顯係用牛油炒既,而意粉係冇味既,要自己加鹽……羊扒七成熟,唔太濃既羊味,有烤香左既味,肉身好淋,好味既……最突出既竟然係塊牛扒,揀左medium,佢又真係插返個牌仔寫住😂 肉身好有牛味,有咬口而又好淋,外層有燒牛肉既香烤味,塊牛扒係冇落調粉,檯面岩鹽自己落……驚喜就驚喜在午餐都做得咁仔細,係午餐時段食到晚市級數,工廠區lunch都有咁高質,真係對得住個價錢! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-09-06
22 瀏覽
價錢又貴又難食呢個價位有好多其他好啲嘅選擇只係喺工廠區修理企理少少價錢同食物質素完全成反比完全唔明點解有咁多正評難食到專登開個食評希望減少人中伏最經典係下邊個所謂慢煮西班牙乳豬得層硬到切唔開嘅豬皮在加中間厚厚嘅脂肪好似百潔布浸滿充滿羶味的豬油我諗層肉同指甲一樣咁薄鍾意油膩嘅 值得一試意粉就完全唔值$2xx價位出邊有好多手工意粉嘅更好嘅選擇龍蝦湯飲到落左過量麵粉,口感奇怪罐頭龍蝦湯仲好飲埋單接近$700兩個人難受嘅經歷 繼續閱讀
(以上食評乃用戶個人意見 , 並不代表OpenRice之觀點。)