癡膠雞 (軒尼詩道)

營業中

休息中

Blingbling美食推介✨📍灣仔癡膠雞✨超人氣養生小店💠💠💠💠💠💠💠💠最近去完旅行，想食返d中式野~所以男朋友接收工，就嚟到灣仔超人氣養生小店癡膠雞🐔位於軒尼詩道，無論係lunch time定收工時間都超多人！！佢哋主打花膠雞湯底米線，湯底濃郁但唔油膩、滑溜滋補 ，真係養生之選🥰🐔癡膠雞（半隻）$148配白飯（+$15）米線（+$15）厚切雞肉配合超濃雞湯，好養生🩷雞肉質嫩滑多汁，而且分量多！鷄鍋有明火熱住，唔怕食食下會凍曬☺️鷄湯拌飯/米線都超好味~ 🍋凍檸檬茶（跟餐）（+$6）清新微酸，甜度適中，一杯清口夠醒胃，解辣一流👍🧀日本芝士竹輪 $28芝士拉絲，口感層次豐富又邪惡，係我其中一樣最愛火鍋配料☺️！餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5癡膠雞 (軒尼詩道)📍灣仔軒尼詩道254號地舖

軒尼詩道有間專門食花膠雞米線既溫馨小店🍲店內光猛企埋 位置不多但人氣好高 試咗幾款招牌米線同小食都幾有驚喜 而且價錢親民 好適合灣仔區打工人😋✨胡椒豬肚雞米線 豬肚洗得好乾淨無異味🐷雞肉大件嫩滑唔會鞋口🐔胡椒湯底好暖胃🌶️米線索晒湯汁好入味🍜仲可以keep住用爐仔熱住食👍🏻✨沙薑雞擔擔麵 雞肉份量足料🐓配上濃濃沙薑香味好突出🧄擔擔麵彈牙有咬口 湯汁濃稠度啱啱好 辣度輕微配上花生粒同芫荽好惹味😍✨金磚豆腐 外皮炸到金黃色熱辣辣🧈入面超嫩滑 一口一粒大小剛剛好✨明太子釀雞翼 雞翼起晒骨好貼心🍗釀入滿滿明太子味道鹹鹹香香 一咬落去爆餡好正 ✨飲品都有好多特色飲品可以優惠價加配☕️熱即磨咖啡香濃順滑🍋凍檸檬水清新解渴📍癡膠雞 (灣仔) 灣仔軒尼詩道254號地舖

近排好似見到多咗呢啲養生雞湯米線店，有次同朋友喺灣仔見面就諗住試吓呢間。佢個湯底都算清，唔會好鹹，係可以飲嘅。而啲雞都幾嫩滑，入晒未但唔會好嚡。見佢雞湯都有唔少選擇，例如椰子雞、豬肚雞等等，有時想食養生啲都可以揀吓呢間

招牌花膠雞濃湯米線 ($68)：呢個招牌米線真係必食！花膠大大件，夠晒彈牙！雞湯濃郁到爆，用慢火熬到極致，飲落啖啖都係雞嘅精華！雞件份量好足，好好彩仲有近脾位位置，又嫩滑又鮮味！價錢真係好抵食！藥膳黃酒醉雞濃湯米線 ($68) (+ $15 竹笙)：鍾意藥膳味嘅一定要試呢個！黃酒味香濃，同當歸，枸杞等藥材完美結合，醉雞嫩滑入味，加埋竹笙爽脆仲索晒啲湯!金磚豆腐 ($42)：豆腐外脆內軟，新鮮炸到金黃色，仲要係一口bite size，正！最正嘅係，晚餐時段，米線可以免費揀用火爐形式上枱！🔥 個爐仔㷫住，一路食一路保溫，儀式感滿分！打卡一流！

灣仔都可以食到超高性價比既花膠雞米線！主打用足料熬製嘅湯底，湯底落足重本，用30斤雞肉+豬骨+鯊魚軟骨大火熬製，飲一啖鮮甜到癲，仲要價錢親民到笑～ 適合附近返工嘅朋友過嚟食個快飯。 🌸椰子雞米線｜$62+$30（花膠）湯底清甜得嚟唔油膩，椰香同雞味平衡得啱啱好。另外加左花膠，份量都幾足，彈牙爽口。 🌸蔥油雞飯｜$52雞肉鹹香嫩滑，蔥油香得嚟唔會太鹹，呢個價錢算係交足貨🌸蜜糖雞翼｜$42外皮脆身，蜜糖甜度適中，好Juicy好好食！

好養生嘅選擇，而家年紀大咗都唔想成日食快餐，揀咗依間公司附近花膠雞煲翅是一道滋補又鮮甜的美食，湯底濃郁，充滿雞湯的香氣和花膠的鮮味。花膠經過精心熬煮，質地軟糯滑溜，入口即化，帶有濃厚的膠原蛋白感，非常適合喜歡養生的人。雞肉則嫩滑入味，每一口都能感受到湯汁的精華😉癡膠雞更是這道菜的亮點，雞肉鮮嫩多汁，膠質豐富，煮得剛剛好，既不會過於軟爛，也保留了雞肉的鮮香和彈性，搭配湯底一起享用🫰配料中的腐竹和滑豆腐也是不可忽略的部分。腐竹吸滿了湯汁，口感香滑又帶有豆香，而滑豆腐則嫩滑細膩😗😗 最後搭配一杯凍檸檬茶，茶香濃郁，檸檬的清新酸味恰到好處，冰涼爽口的口感完美解膩，為這頓豐盛的美餐畫上完美句號。🫶🫶

⚜️【羊肚菌花膠雞米線】 $88湯底一飲就知煲左好耐！完全唔會出現飲完口乾的情況👍🏻湯底帶有淡淡羊肚菌香氣 清甜又暖胃❤️米線爽口彈牙 花膠雞滋補養生必試！⚜️【癡膠雞（一人份）】 $68同餐廳名字同名🙈Keep住煲既雞湯飲落更加濃郁！🤩飲落好順口🙂‍↕️一人份量啱啱好 同樣有雞肉同花膠✨超滿足～👉🏻加配【日本芝士竹輪】 $28✨ 咬開爆芝士流心好好味🤤要小心燙口‼️👉🏻加配【米線】 $15✨ 吸湯神器 熱辣辣仲可以自己選擇軟硬度😍👉🏻套餐加配【凍檸檬茶】 $6 配米線超解膩！📍癡膠雞灣仔軒尼詩道254號地鋪#養生米線 #花膠雞湯 #平民美食 #香港美食 #香港必食 #灣仔米線 #花膠雞 #養生之選 #港式湯麵 #灣仔美食 #灣仔 #遊客推薦 #香港打卡 #香港美食指南 #香港美食日記 #hongkong #hkfood #hkfoodie #hkfoodblogger #hkfoodlover #foodiehk #852food

好友約我去位於灣仔軒尼詩道254號地舖的<癡膠雞>食花膠雞，由港鐵灣仔站A3出口步行五分鐘就到啦。環境舒適，坐得舒服。我哋點咗：🥢招牌花膠雞米線：跟爐上，配木瓜蕃茄湯底及轉上海麵+娃娃菜，配凍蜜桃烏龍冷泡茶（走冰、 少甜）$88蕃茄湯底味道濃郁，花膠大條好食，雞髀肉滑嫩好味，凍蜜桃烏龍冷泡茶清涼好飲。🥢椰子雞米線：跟 爐上、轉上海麵，配凍桂花烏龍冷泡茶 （走冰、小甜）$70椰子味道濃郁，雞件嫩滑。桂花烏龍冷泡茶清甜好飲。🥢金磚豆腐 $42一口豆腐炸得香脆可口，豆腐幼滑好味。

【🐥灣仔癡膠雞｜明白點解排長龍都要食花膠雞】之前都多人排隊，今日見唔使排，使去食吓！.🐥姬松茸竹笙花膠雞湯飯期間限定，姬松茸菇味濃，有份養生滋補感覺，花膠清清地，加埋竹笙好爽口。湯好飲，將飯浸入湯慢慢食，爐仔興住保持熱度，覺太熱可以請店員幫手熄爐，再慢慢食。.🐥藥膳黃酒花膠雞米線食完會掛住嘅黃酒藥膳風味，紅棗好香，雞夠滑，滾住米線感覺食得好舒服。🐥明太子釀雞翼雞翼脹卜卜，咬開裡面釀咗明太子餡，幾惹味。·湯都飲晒，美人照鏡🪞

呢間嘅花膠雞食過幾次，次次想食雞都會嚟呢度，因為啲雞真係好滑，湯底又好飲～-今次例牌食返椰子雞米線（$60）再加木耳絲，啲雞都係雞髀肉，但唔會有雪藏味，啖啖肉又滑嫩🤤最鍾意個湯底，有椰子香味，飲完又唔會口乾👍🏻-另外沙薑雞濃湯米線（$48）個湯底就好香雞湯味，沙薑味啱啱好，唔會蓋過湯底味～-始終都係花膠雞專門店，對佢嘅小食本身無乜期望，但口痕想食熱氣嘢，就叫哂蜜糖雞翼（$42）同埋黑松露醬薯條（$28）試～估唔到2款小食都好正🥰雞翼同薯條都係即炸熱辣辣，個蜜糖醬有啲桂花味，同啲雞翼好夾😋連啲薯條我都係點啲蜜糖醬食😛

nothing beats a HUGE piping hot bowl of fish maw chicken noodles! the broth was so rich we almost drank it all. definitely coming back soon!!冇嘢比得上一大碗熱辣辣嘅花膠雞米線！個湯好味到差啲飲曬，絕對會返來🍄mushroom fish maw chicken shanghai noodles 姬松茸竹笙花膠雞上海麵the chicken was lean but tender, and the bamboo fungus soaked up all that umami goodness. we also got to choose our noodles. i tried the shanghai noodles which were rlly chewy, just the way i liked it 雞肉瘦得來夠嫩，竹笙索曬啲湯，仲可以自己揀面(米線/寬粉/上海麵/飯)，我揀咗煙韌嘅上海面，啱曬我口味🐣signature fish maw

位於灣仔的港式粉麵店，主打養生花膠雞米線。太子也有店，而港島就是這間灣仔店。食物足料，平民價錢，人流絡繹不絕，非常受歡迎。飯類：沙薑雞飯雞件鋪在飯上，雞皮爽彈，雞件蠻厚肉，沾上沙薑醬汁，很下飯。麵類：口水雞擔擔麵擔擔麵湯底醇厚，帶有濃郁的花生及芝麻醬香，有粒粒豬肉碎及蔥花，配上上海麵，還另加魚片；口水雞雞肉淋上麻辣醬汁，麻麻辣辣，惹味非常。麵類：嫩雞煨麵除了招牌的雞件外，還有嫩滑的雞塊，不帶骨頭及雞皮。另外額外加添配料，花膠及腐竹，花膠多片，很厚身。湯底同樣是雞湯，清甜而不油膩。

平時等車都會見到呢間餐廳門口有人排隊，今晚見門口冇人，便入去食飯。坐下後，用手機掃二維碼落單。🔸椰子雞米線店員送上椰子雞米線已傳來陣陣的椰子香，湯底呈奶白色，味道清甜，雞肉嫩滑，味道濃郁，仲吸收咗椰子湯的精華，米線掛汁。🔸招牌花膠雞米線轉雞髀加$10，花膠雞湯真材實料，湯底清澈，花膠的骨膠原豐富，雞髀肉質嫩滑，用火鍋形式上枱能夠長期保持熱度，味道越吃越濃烈。🔸時令田園蔬菜生菜用咗雞湯烹煮。🔸凍薏米檸檬水薏米檸檬微甜，帶檸檬香。🔸蜜桃烏龍冷泡茶烏龍茶夠冰凍，帶點點蜜桃的甜味。離開餐廳時，見到門口又有人排隊，可能我早咗入座才避過排隊。

上次去太子食過養生鍋米線，一直念念不忘🤤呢日去開灣仔又有癡膠雞，即刻去回味下但原來呢間午市係無爐提供🙃睇完餐牌，反正無得烚烚下，就改為伴面，今次試咗呢幾樣野：-1. 口水雞伴麵 💰$62 + 10面底我地轉咗同撈撈好夾既薯粉+ 小辣，另加咗$10 蚊轉雞肶，雞肶啖啖肉，薯粉掛滿辣汁加埋雲耳爽口彈牙，岩晒夏天無乜胃口，食呢個就最岩👍🏻👍🏻2. 胡椒豬肚雞米線 💰$60 (轉配米粉）胡椒豬肚一向同雞都好夾，性價比高，勁足料，雞件一啲都唔鞋，雞胸啖啖肉，豬肚夠爽口，米粉質感好食，如晚市用爐上。更滋味🤤3.蟹肉忌廉薯餅 💰$381碟有3件，外表脆卜卜，內裡滿滿餡料，超creamy 4. 手拍青瓜 💰$28好fresh 好清爽，我自己就好食得辣，如果再酸辣d 就更惹味🥰5. 金磚豆腐 💰$ 42外脆肉軟，好好食，topping 配上7味粉，提升味道，一碟份量都好多飲品： 冰凍泰國梳打 +💰$10 啱晒炎夏日，冰涼清新

專做滋味十足嘅米線，平民價錢但味道一流！佢哋主打招牌花膠雞米線口水雞酸辣粉真係惹味到停唔下來！雞肉切片嫩滑，醬汁酸辣開胃微麻嘅風味好過癮。粉條Q彈有嚼勁，芫荽仲添咗啲清爽口感，食落好平衡，辣得啱啱好。呢碗花膠雞米線真係招牌級享受！湯底用雞湯熬成，濃郁清甜，飲落暖胃又滋補。花膠炆得軟糯入味，入口即化，雞肉嫩滑多汁，滿滿鮮香。米線滑溜溜，吸晒湯底精華，食落好順口。金磚豆腐外酥內軟，炸得金黃香脆，咬落豆腐嫩滑，帶點淡淡嘅豆香。表面灑咗啲椒鹽同香料，微辣香口，食落好有層次。當小食或者配米線都超正，簡單但好滿足，食完真想再點一份！