3
0
0
食評 (4)
等級3 2024-03-10
132 瀏覽
住開屯門嘅人都知道屯門井財街即係(紅橋)一向非常多食肆 基本上我間間都食過曬🤤🤤最近我愛上咗去留白冰室食下午茶!每次入到去都好似去咗日本既小店咁!餐廳入面貼滿咗宮崎駿嘅電影海報!雖然餐廳細細間 但都坐得舒服、好溫馨!我見晏就都好多學生哥幫襯其實最緊要嘅係最近新推出咗個菠蘿包!佢唔係普通菠蘿包!係酥炸雞扒菠蘿包!!!個包外型成座山咁 雞扒外脆內軟!沙律醬同茄汁都落得好重手 同菠蘿包好夾!自從食過一次之後我就愛上咗!成日心意意想去食!食完一個真係好鬼飽!好邪惡😆😆😆老闆話遲啲會推出其他新款式!我都好期待想試吓😍 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-24
84 瀏覽
呢間餐廳自從由留白居酒屋轉型變成而家嘅留白冰室,就成為咗我哋一家人嘅食堂,一個星期好多日都會嚟食早餐,有時晚晚又懶得煮飯,就嚟呢度啦,哈哈!呢度嘅環境比舊式茶餐廳舒服好多,亦好乾淨雖然食物種類唔算多,但有啲食物都好有創意。今晚又係懶懶地嘅日子,小朋友最鍾意白汁豬扒意粉,每次都可以食哂一大碗,意粉軟硬啱啱好,有啲餐廳嘅意粉太硬,唔啱細路仔,份量都唔少,我同小朋友分享一碟就飽晒。另外,蕃茄牛肉意粉,味道意外地好好食,冇喺其他地方食過,唔知係唔係留白自創嘅🙈🤣!?基本上,每碟意粉都有上蕃茄汁,好唔錯呀我哋最鍾意坐喺外面嘅位,最近天氣有啲風,好舒服。其實最緊要係可以睇到車,唔使每次食飯都提心吊膽~怕被抄牌,哈哈!推介俾各位司機啦。 繼續閱讀
(以上食評乃用戶個人意見 , 並不代表OpenRice之觀點。)
等級1 2024-01-20
102 瀏覽
1. 點左餐等成半個鐘先有得食 仲要催一催先有 2. 餐肉火腿通,我特登加個蕃茄湯底,點知超級稀 佢真係純粹放一下蕃茄汁落去就算3. 個餐肉完全冇煎過😞😞😞環境幾好 但食物質素有點失望😞 繼續閱讀
(以上食評乃用戶個人意見 , 並不代表OpenRice之觀點。)
等級4 2024-01-06
100 瀏覽
身為屯門人都知道虹橋超多餐廳選擇,呢間日式裝修風格既餐廳真係完全估吾到原來係冰室來的。見到好多街坊同學生哥黎幫襯,冰室黎講環境真心靚!!我地坐左outdoor位置,呢個天氣非常舒服,好有feel~中午依然有早餐,身為蕃茄愛好者,點可以唔叫蕃茄牛肉麵,湯底非常濃郁,感覺到蕃茄蓉,老闆同我講蕃茄湯係自家煲的,唔怪得知我飲晒都唔覺得好口渴,用心之作!多士同炒蛋都好味,凍檸檬茶就正正常常喇,大大杯都幾抵既 繼續閱讀
(以上食評乃用戶個人意見 , 並不代表OpenRice之觀點。)