影片
以上資料只供參考, 請與餐廳確認詳情
自家製鹵水雞翼鹵肉飯：份量：飯多餸少，得兩隻雞翼! 半隻蛋! 之後睇返menu 幅圖明明有一隻蛋..個飯都唔算平啦都要五十幾，俾多少少餸都好啲啦..難怪咁多人上大陸搵食..味道：算ok，但飯係普通米不是珍珠米，鹵肉汁完全同飯係分開嘅感覺白咖哩豬扒麵：啲豬扒乾到黑色，得塊炸皮，肉就A4紙咁薄，同其他OpenRice post 上嘅相完全兩回事，白咖哩味道一般，完成食唔落..真係食隔離間茶記都無咁嬲，唔會再有下次
繼續閱讀
今次探店介紹嘅呢間係位於元朗嘅留港🇭🇰入面環境闊落 裝潢清新舒適❤️叫咗幾款主菜都好好味 全部都分量好足而且價錢唔貴～😆日式鰻魚旋風蛋蓋飯$82鰻魚好大塊 蛋好滑😋仲有得加錢轉椰菜花蒟蒻米 都幾特別✨招牌自家沙嗲PRIME牛頸脊撈麵$72沙嗲汁帶點微辣好惹味🥹上菜果下已經聞到幾香 牛頸脊好大塊同埋唔柴👍🏻重口味人士會更愛🤣白咖喱忌廉吉列豬扒撈麵$62白咖哩濃郁但唔膩 吉豬大塊夠脆炸皮唔𠝹口 入面好軟熟好易咬😋午餐加少少錢仲可以試埋小食🤤今次我揀咗三款都係各加$18 有忌廉蟹肉薯餅 鹵水雞翼同是日糖水（當日係芝麻糊）✨特別有驚喜係佢個忌廉蟹肉薯餅 食落唔油膩同埋蟹味好濃❤️最後仲用半價試埋特飲🤣試咗兩款水果飲品 女武神同熱帶新鮮水果沙冰兩款都好清新冇藥水味冇死甜🥹女武神係似雜莓味🥰熱帶新鮮水果沙冰就有好突出嘅菠蘿味🍍沙冰打得好細滑下～總體嚟講佢哋嘅主菜份量都好充足價錢合理 餐廳地方都算大 坐得好舒服🥰好啱約朋友去食住傾偈都幾chill✨
繼續閱讀
想食好耐，今次路過可以食喇😍一個人嘅午餐，餐牌有啲期間限定嘅午餐最後揀咗主菜版面嘅白咖哩忌廉吉列豬扒撈麵轉飯原來都可以優惠價加嘢飲喎見到果仁咖啡奶昔就揀咗喇店員都好有笑容，好親切吉豬外脆卜卜，裡面肉好juicy，就算我慢慢食凍咗都好味👍👍杯奶昔剛剛好，唔會好凍得個冰咁，好味又唔會好甜，如果咖啡味可以多返啲就更好喇☺️食食吓唔夠汁，佢哋唔係求其出個汁俾你咖，而且一啲都唔吝嗇，出咗半兜汁仲有加少少cream點綴，靚👍👍因為停唔到口，冇影兜汁🤭🤭會再幫襯食吓其他嘢☺️
繼續閱讀
有質素有心思的小店，留港消費拎架車去元朗附近車房維修，步行距離搵午餐，見到呢一間留港好多客。兩人1:30入座，立即點餐。好肚餓。自助掃QR code 。午餐：香草雞扒拼骨付腸配黑椒汁飯$66 ，餐牌上面啲特飲好特別。雞扒火牛控制得好好得好，有鎖住啲肉汁，黑椒汁好好送飯。福岡草莓醬藍莓梳打 （加$14），仲有好多多款小食，例如。脆薯格、甜品糖水、雞翼。我加足料碗仔翅（小） $22 ， 冇諗過細細碗咁好食，有竹笙冬菇肉絲，口感非常好朋友點洋蔥牛肉蛋丼飯 $58，加滷水雞翼二件$12，好入味！忌廉蟹肉薯餅（2件）$18 必食！超好味，一咬開，入面忌廉汁甜咸適中。另外叫咗一杯奇異果乳酪沙冰，好健康。整體食物唔錯，呢個商場有得泊車好方便。搭車人士去朗屏地鐵站附近，步行距離相當便利留港 (元朗)元朗宏業南街22號地下5號舖
繼續閱讀
晚飯同朋友慶祝生日，果然值得。蘑菇湯好好味，沙律菜新鲜，有帶子也唔錯。牛扒五成熟，新鲜，冇雪櫃味；食得出每個细節好用心。牛扒邊有煎，啱啱好五成熟。三文魚煎到不太完全熟，恰到好處，薯蓉內有薯仔粒。食得出廚師每一道菜非常用心。 景後，來個心太軟，非常滿足。環境靜靜地坐得舒服。
繼續閱讀
您可能會有興趣的...