留家廚房

營業中

休息中

8月6晚趁雨停下來，去灣仔嚐嚐這間不時有食評推介食店。兩個人點了1份例湯，1份花旗參燉雞湯，2只醉鮑魚，半只茶燻雞和荷芹鴛鴦鱿。甜品是杏仁茶和紅豆沙。兩款湯和醉鮑都是一般水平之作，茶燻雞是極甜鼓油雞帶少少煙燻味，一份炒魷約10件，包括幾件魷魚鬍。杏仁茶是極稀輕甜的白色杏味水，紅豆沙算是合格。連白飯1碗及2人茶芥共$909。結賬時向店員反映極不似預期的杏仁茶，其他出品也罷。目的只在說出個人感受，並無任何要求。店員請示經理後答覆：「留家的出品就係咁」。終於嚐過名店的出品。也許只有食評食家才能嘗到當中真味。最值得讚賞的是店員服務，由接聽訂座電話及店內待應都是態度親切，笑容可恭。

包房體面、免開瓶費，味道穩陣整體印象- 味道不錯，走傳統粵菜路線，火候與醬香拿捏到位- 服務細心專業、落場有禮，換碟、分菜、加湯都俐落- 可預訂包房，佈置體面、圓台大轉盤，宴客體面- 免開瓶費，最適合帶酒聚會- 價位以同級比屬中上必試菜式- 潮式炆鯧魚：酸香與鹹鮮平衡，魚身滑嫩不過火，配蕃茄與酸菜開胃。- 柴燒花雕雞：花雕酒香滲進雞肉，砂鍋上桌保溫，油香不膩口。- 留家香雲吞：外皮酥薄不吸油，醬汁分明，做得乾淨利落。- 豬腳凍：鹵香清爽、膠質感足，切件工整。- 慢煮牛胸排配芝士薯乳汁：口感鬆嫩，醬體厚實偏濃，建議配時蔬解膩。- 甜品－芝麻卷：彈牙煙韌、芝麻香濃，經典收尾。環境與服務- 包房闊落、燈光柔和，私隱度不錯，擺席體面，適合生日、商務或家庭飯局。- 前線團隊反應快，添茶與換碗碟主動；帶酒無開瓶費，杯具乾淨，侍酒配合度高。適合人群- 需要包房、要帶酒的聚會- 喜歡經典粵菜、重視火候與整體細緻度的客人

星期六午市飲茶🫖食小菜好地方！平日有$258二人餐，雖然今日無，但可以散叫小菜同點心，而且可以人頭計，即係兩粒燒賣咁叫。提早一日訂位，安排左係偏廳，安靜歎美食，非常好👍今日食左豬潤燒賣超爽口，蝦腸都ok，最好食係招牌煙燻雞，肉嫩到不得了😋山竹牛肉球係足料，懷舊蝦多士都好香口，每個點心都係熱啦啦送上，唔會等好耐，非常欣賞！侍應態度亦好有效率，清理同落單都好快手，一家人嚟食最好！ #FoodieLife #香港美食

Dinner with the gang. Havnt been or a long time. Here’s what we had. 太史戈渣- a rare, historic Cantonese dim sum shaped like an olive pit, with a crispy exterior and a soft, tofu-like interior that melts in the mouth. This dish is quite challenging to make, first by simmering 金華火腿 and chicken to create a rich broth, which is then mixed with eggs, cornstarch, and a small amount of lard, along with steamed and mashed egg yolks, then fried. Thought it tasted really good even without the accompanying s

平日下午相約朋友，再訪留家。兩人飲茶，點了二人餐，另加點了招牌的煙熏雞和一個點心（其實二人餐的份量已很足夠，只是嘴饞想多嚐幾道菜）。是日老火湯。生熟地煲豬𦟌喜歡留家的老火湯用燉盅上，熱度非常足夠，還能邊吃飯邊慢慢喝都保持溫度。這次是生熟地湯，湯色深沈，清澈少油，入口帶些少藥材味的回甘，喝起來很順口。好奇之下問了侍應，她說這有清熱作用。蝦餃二人餐的點心可選兩款，每款兩件。蝦餃做成一口大小，皮薄而餡料新鮮。豬膶燒賣好澎湃的豬膶！豬膶燒賣這道傳統點心不常見，留家的絕對能滿足愛好此道之人，皆因豬膶份量十足，完全蓋過了燒賣。難得是蒸的火喉恰到好處，豬膶剛剛熟而粉嫩爽滑（不是黃沙豬膶的質地），帶濃濃的薑汁味，大塊又厚切，一口根本吃不了，過癮又滋味。藍莓骨可看成咕嚕肉的變奏，酥炸的一字排裹上藍莓醬，酸酸甜甜的，香口開胃。一字排有「肉地」，偏肥，油香十足。魚湯浸雜菜每次都會點的菜，熱騰騰原煲上枱。魚湯有冬菇片和瑤柱絲，芥菜膽、西蘭花、菜心和白菜都盡吸了魚湯的精華，腍甜、簡單而鮮美。牛筋 （散叫）看起來像鳳爪，不過味道是傳統的柱侯醬，非常惹味。喜歡牛筋是原條上，不會濕濕碎碎，難得是大大條也炆得入味而軟硬

又話京葱乳鴿係招牌之一，成$200一隻鴿，仲要專登預訂，以為係用心菜式，貴啲都試吓啦，點知佢差到啲肉係霉既，無肉味 又無肉汁流出 ，連鴿脾啲肉又實又鞋，乾柴皮咁，都肯定佢唔係用新鮮乳鴿，但係差到求其喺街市買隻炸乳鴿都好食過佢😖之後點每一款菜式食完亦無咩印象，叫咗8-9款菜式，唯一一碟臘味炒飯好食之外，其餘都係麻麻地🫤啲服務員亦唔叫做好服務，如果想留住香港人留港用餐，請呢啲餐廳先用心做好啲菜式！ 唔好等執粒既時候問點解啲人唔留港消費，失望極至！

好多年前曾經幫襯過留園廚房，當時覺得非常出色！時間幾年，發現原來佢嘅中午係有提供套餐的，咁性價比應該幾高！當日就試咗個二人套餐，大約二百幾蚊，係兩個人喎！裏面有點心同埋小菜選擇，嗰個套餐係包例湯，兩款點心兩款小菜，白飯同埋甜品！咁一場嚟到，當然叫返佢啲拿手小菜啦！最後嗌咗灌湯餃、半隻煙燻雞，仲加咗黑芝麻卷添！先講返個套餐，首先嚟係老火湯！個湯都幾濃，甜甜地幾好飲！呢個唔錯！點心方面我就嗌咗蝦餃，同蟲草花鮮竹卷。兩個點心都正正常常，都算唔錯！小菜方面我就嗌咗菠蘿咕嚕肉，同一個野生椒炆冬瓜！兩個都係佢嘅經典小菜，整體都OK，兩個都係平凡嘅菜式，但係都實踐到不平凡之處！我係收貨！講返佢嘅煙燻雞，呢個餸基本上係佢嘅招牌菜，食嘅時候已經充滿期望，到最後亦都覺得唔錯！係嫩滑嘅，而且亦都有濃濃嘅煙燻味！我自己就覺得幾好！另外叫咗個灌湯餃，可以用皮薄餡靚嚟形容！裏面嘅肉汁都好豐富，配埋啲醋更加出色！另外甜品嘅芝麻卷亦都幾好，整體上價錢好合理！佢係樓上舖，但係我午市去到嘅時候都見，基本上所有枱都坐晒！證明佢有一定號召力！如果喺灣仔嚟講，我覺得性價比極高！下次再嚟一定會再幫襯！

阿媽生日，專登成家人一齊去食鐵片仔灌湯餃，我地叫咗5隻，一人一隻，但其中一隻個皮邊好硬，明顯係擺最頂嗰隻蒸得唔夠透。灌湯餃都幾大隻，但隻鐵片仔就細咗少少，將隻餃移落碗想唔穿皮都真係有少少難度。豬潤燒賣及蝦餃好食，又其豬潤燒賣，擺涼咗件豬潤都唔會又硬又嚡口，另外好欣賞藍莓骨，酸酸甜甜好開胃。鐵片仔灌湯餃係我童年回憶，所以嚟嘅原因都係為咗想食灌湯餃。而餐廳都坐得舒服嘅，每張枱都唔會好近，所以唔會同其他食客背對背坐。

平日餐廳有提供午市套餐，$258兩位，可選點心和小菜各兩款，套餐包括老火湯、白飯和甜品。不過得留意套餐中小菜和點心的選擇不多。點心我們選了蝦餃和燒賣（點心的粒數以人頭計），小菜則是不少人推薦的咕嚕肉和魚湯什菜煲；另外加點了餐廳的招牌煙燻雞半隻。煙燻雞率先上枱，賣相紅潤油亮，非常吸引，雞也比想像中大隻。一入口，煙燻的香氣濃郁，雞肉滷得非常入味，滷水汁鹹鹹甜甜的，同時不會濃重到蓋過雞本身的肉味，非常好吃！雞肉較薄的部位會比雞胸/腿更入味，而且吃雞一定得吃精髓的雞皮，因為最濃的煙燻味都凝聚在雞皮之上。不過更令人驚豔的是竟然附上的幾件雞內臟！伴碟的內臟有腎、膶之類，精華的滷汁盡入其中，和內臟獨有的甘苦味融為一體，滋味無與倫比。我本來對內臟沒有偏好，但也忍不住搶著這幾件珍貴的內臟吃。另外，難得的是雞肉滷得全熟（雞骨沒有殘留的血紅色），但肉質仍能保持嫩滑，連雞胸都滑而不柴，真不愧是餐廳的招牌菜。加上碟子上枱時是溫熱的，令雞件的油脂不會吃到中途凝固，這種細心之處值得一讚。這天的老火湯是粉葛鯪魚赤小豆湯，用原個燉壺熱騰騰的上，所以能一直保持湯的熱度。湯頭濃郁鮮美，濃味得來又沒有把湯料滾得碎爛，所以入口

相隔有兩年再次光顧，食物水準依然保持得好好，個蔥油伴竹昇麵外表平平無奇，但好食都震，麵質係我最鍾意既Q 彈感雲吞麵質地，個炸蔥絲完全將味道提升，因為太好食所以問部長，先得知原來個麵係從深水埗坤記拎貨。另外沖繩黑糖咕嚕肉個肉質亦非常鬆軟，調味亦非常到位。幾個朋友好鍾意個慢煮牛肋排，不過因為我係好怕食少過7成熟牛排既人，所以對我來說有點好似食緊生牛肉咁。杏汁菜膽白肺湯好好飲，夠濃味，冇俾杏仁搶晒個味。留家叉燒都係必食。唯一要彈係個冷氣唔夠，朋友係女仔，但都話好熱，唔知係壞左一個冷氣定係專登調到好似得25度，係呢方面要改善下。

同老豆食飯想食好D…醒起馬田推介過就book嚟試吓啦。點咗四道菜：1. 醉鮑魚 - 十分開胃，酒嘅味道好特別！😋😋2. 煙燻雞 - 味道同肉質真係冇得輸，煙燻味好有層次，啲肉滑到不得可了！😋😋😋3. 叉燒 - 其實味道不錯，甜甜地幾特別，但係肉質有啲嚡，唔夠雞咁滑！4. 梅菜蒸芥蘭 - 冇乜驚喜，覺得梅菜味唔係好夠濃。另外有點甜品1. 是日甜品係綠豆沙 - 好足料，而且味道唔係太甜2. 湯圓杏仁茶 - 個杏仁茶有杏仁肉好味，湯圓係芝麻就OK啦！

最近去留家,發現冇以前咁多人去,不過我覺得食物質素係好咗同好味過上一次去喎😋有啲點心都有特色,好似豬膶燒賣,豬膶爽滑好正,周打蟹湯鮮竹卷咁,面頭就好似有層芝士咁,食落好西式味道呢度嘅叉燒腸皮薄叉燒多忍唔住食多件😆懷舊芝麻卷睇落冇出面賣嘅咁黑但食落好似芝麻糊咁味道啱啱好仲叫左蘿蔔糕,蟹肉燒賣,蝦餃,蝦多士同脆麻花☺️好豐富🤩另外叫咗一飯一麵,個人覺得瑤柱蛋白糙米炒飯好好味,味道好炒得粒粒分明,反而個薑葱蝦籽竹昇麵冇諗過會咁多汁🫣仲有當日個魚湯什菜煲真心推薦,新鮮之外,魚湯味道都好夠,好多料仲有粉絲喺底喔

與家人朋友也來過這裡用膳幾次了。 感覺這裡的出品都不錯😋 但但最可惜的是服務很差！🙁 尤其是一位總是戴著口罩的😷穿著西裝的男經理粗魯無禮，對著客人從來不微笑，也從不歡迎顧客，離開時他更是一臉阻住他收工的樣子。即使顧客問他menu問題，他也以不禮貌的態度敷衍回答。😑我和我的朋友們都十分好奇，為什麼每次去也會見到他，他怎麼還能在這裡工作這麼長時間。感覺他是最影響客人用膳體驗，讓人不想再回去留家吃飯…

糯米飯及黃魚麵在晚上7:20分下單，落單後1小時多也未有送上給客人，追問狀況，廚房是否已經煮緊，待應無回覆，只係話更多係最後上菜，只有埋單，之後向經理反映，一句說話也沒說，垃圾服務，劣質餐廳。

絕對是聚會的好地方，一來，食中菜，大圓枱，方便傾偈，二來，手工中菜，適合與外國返港探親的朋友。搞手是熟客，一早預訂了煙燻雞、老鴨湯和京酥鴨，全部都大份量，要人多才可以試盡多種招牌菜。煙燻雞：外表看來似是油雞，但有特別的煙熏味，雞肉非常嫩滑。京酥鴨，很大隻！原來入面是釀了糯米飯！內裡的糯米飯其實是重點！米飯充滿了鴨香，反而我覺得鴨的肉質較「柴皮」。但要提的是，一定要加另外附上的鴨汁，他也是精華！其他菜色都是舊派中菜，而且份量大，要試多幾道，一定要多人來才可以吃得完！