男人廚房 (已搬遷) 新店位置

一入到「男人廚房」，個環境得閒曬曬，唔洗嘈嘈吵吵食嘢，好有feel！開餐就黎咗德國腸拼盤。話說，啲腸真係好有口感，咬落去嘩啪嘩啪嘅，至於薯條就係正宗golden crisp，蠔油薯條真係頂級好味！之後蒜蓉包就有啲平平，蒜香夠哂，但包身差啲火候，熱辣辣先至交足功課。然之後嗰碟焗海鮮寬麵就算啦，海鮮多但成碟湯汁少得可憐，有啲干身。不過，快將眼光轉過去犒賞自己最愛嘅pizza同埋豬仔骨！🍕🍖👀 一講起pizza，手拉餅皮好嘢，得意得來韌性夠，上面滿滿的芝士拉絲咁趣味十足！食到最尾，BBQ曼克頓豬仔骨味道真係正，烤得香口、酸酸甜甜嘅汁液好夾，正！仲有那個凍朱古力同熱咖啡嘅對比，一凍一熱嘅體驗，凍朱古力濃郁得嚟唔會太甜膩，咖啡香濃得來又唔會過苦，咁嘅搭配令人回味！好喇，就系咁，食到開心就算，毋須太計較。食飽食足，朋友們笑口常開，今晚呢頓飯，簡直係滿足到我哋每個人👌🏼。

喺這家意大利餐廳，啱啱食完一餐好滋味嘅午餐，個胃滿滿嘅，心情又靚晒！🌟 首先，個Pizza(10吋)真係掂到不得了，餅底熱辣辣又鬆脆，頂面嘅芝士誘人到不行，那个熱力同芝士嘅香滑完美融合，辣肉腸又火辣辣，厚切得黎完全唔小氣，啖啖肉，充滿滿足感！然後個豬仔骨又點會少得，啱啱好嘅烤焗，配上佢哋秘製嘅烤醬，就算條骨有呎幾長，都快快哋被我掃晒，骨頭旁邊嘅肉質鬆化，又鮮又滑，嗰種入口即化嘅感覺，實在太正喇！當然，唔可以唔講下個黑松露意粉啦，呢個簡直係意粉界嘅黑金！口感絕佳，黑松露味濃郁得嚟又唔會太油膩，吃落去包你哋賞心悅目。雖然就算煙肉粒有啲少，但整體嚟講，呢碟黑松露意粉有種說不出嘅優雅，佢喺味道同口感上都得到我嘅點頭——好食到閂眼！🍝 下次見到朋友，我肯定推介佢哋嚟試吓！

為咗慶祝母親節, 特意上OR搵下有乜好推介, 見到呢間餐廳d食評好似唔錯, 於是預早book枱, 而餐廳方面, 會問定駛唔駛order定d咩食物? 咁佢地可以預早安排, 到時唔駛等咁耐, 咁我當然係order定豬仔骨同鹹豬, 兩個主打啦~ 其餘去到再諗~地點唔算難搵, 但楂車就要早d嚟, 因為係泊街邊, 晏咗就冇位, 要去遠d的停車場泊~呢度地方唔大, 而且我地坐响廚房門口, 所以油煙都幾勁, 不過可以睇住班男人, 响廚房走來走去整嘢, 係等食時一個不錯的節目~  雖然係母親節, 但依然有set dinner, 而且都算幾抵食, 於是叫兩個餐, 再散叫一d, 最終係食唔哂, 要打包tim~   餐湯、餐包、薯茸 雖然叫咗兩份set, 但只上得一份, 半枱人share食住先, 但差不多分哂嚟食, 另一個都未上, 追問佢時, 話佢地一有就上咗先, 唔會等齊先上, 另一份整緊, 但奇怪地兩個餐係同時落單, 整呢d唔駛搞咁耐呀?  餐湯 -> 濃濃的忌廉, 好creamy, 好重奶味, 好滑口~  餐包 -> 焗翻熱的麵包, 係一大舊, 切成一份份的size, 有d牛油

剛搬入洪水橋，今日趁有時間同老公周圍搵下有咩好野食，起碼第日多個選擇。上次試左附近d茶記，都係一般，純粹填飽個肚，今次比我搵到間叫“男人廚房”睇落座位都幾舒服，入到去就聞到好香牛扒味，食肉獸既我即叫兩份牛扒餐，望下個價錢$148都可以接受，點知份扒來到份量十足，食落d牛好原汁原味，讚! 個餐仲跟個粟米湯同蒜蓉飽，個湯都ok,個飽就外脆內較，好有水準，原來個飽自家制既，唔怪得特別好食，好味到我再叫多一客。餐飲加$10就有即磨咖啡，杯啡好香濃，咁既價錢食到咁高水準既餐，呢餐食得好滿足。望下佢個menu,除左扒外，仲有pizza同牛仔骨，下次一定要試下。👍

得知 男人廚房，完全是多得 Oli 的blog；雖然洪水橋離我挺近，不過找餐廳也花了一段時間。其實如果大家搞清楚，它就在人氣 King Ludwig 德國餐廳 的對面馬路，就會好找多了～起初期望它與 King Ludwig 差不多的格局，但我完全的錯了。這裡有點似豉油西餐廳，精選晚餐只由 $88-148，還有 $58 起的晚餐，價目便宜得令人打個突！ 還好是吃下去尚算有水準。一早預訂了名物 燒豬手 ($200) 及 半份燒豬仔骨 ($200)，這晚來到只額外多點兩份晚餐，已夠4女1男吃到超級飽足。晚餐會跟餐湯及脆蒜茸包，不過當晚我仍不太舒服，沒嚐了...　對了，這裡的啤酒選擇很多，酒鬼老公及叉叉，分別點了不同口味的啤酒來飲，我當然不會試了... 另外晚餐會跟汽水，就給了另兩位友人，我嘛還是飲暖水好了。　雖然狀態與胃口都非常麻麻，但見到超巨大 燒豬手 ($200) ，還是非常的興奮！名物豬手製作需時，一定要預訂，但其實在當日中午才訂也來得及。　成品皮香脆、肉香美味，配上又粗又胖的薯角及酸菜絲，實在是非常的吸引！ 可惜我狀態不佳，只得平日一成胃口，結果... 豬手吃剩了。不過我們沒有浪費，

同朋友到洪水橋睇完佢間新屋之後，順便去醫肚，經過男人廚房（店名好萌啊）見到好多學生係度食，環境都唔錯，就入去試下啦。Order左個肉醬意粉，朋友就叫左個海鮮寬麵,見到隔離檯個pizza好正，我地之後就叫左個四式芝士pizza。哇！係唔錯喎！午餐已經咁有水準，感覺用料好靚，啲野又夠熱♨，唔似其他茶記咁求其，個四式芝士pizza好香，餅底好脆，勁有咬口，真係有意外驚喜🎉食下食下就問下老闆有咩招牌菜好介紹，佢話豬手，BBQ豬仔骨都好受歡迎，最好預早訂，下次一定要試試

Pizza 好咸, 咸到食剩半件豬仔骨唔夠冧, 味道一般德國豬手好咸好燶好難食德國腸又係好咸栗米湯一般蒜蓉包好Q硬樣樣都唔好食,但人多唔夠食, 安全D叫個香蒜肉絲意粉........仲難食, 又乾又硬全場最 OK就是沙律菜, 因為不用煮就是被之前的21個好評誤導

男人廚房，一度引發我的遐想 :男人+西餐，大廚會否像「十二度鋒味」的霆鋒一樣又型又有男人味?相信不止我，女人總會對會做飯的男人有遐想吧。可是，光顧後發現遐想與現實有很大的差距。環境是可以的，不過浪漫感欠奉。店面不大，西式簡單布置，比茶餐廳稍好而已。至於大廚......無緣見面，是否型男不得而知了。食客很多，座無虛席，熱鬧非常，所以並不浪漫，反倒像開飯的地方。侍應麻甩爽朗風格，雖然都是好man，但又跟我想像中的man不同。總之，完全是個誤會，不是浪漫餐廳，而是家庭餐廳。調整好心態後，開餐了。餐牌走茶餐廳風，由於早致電訂了此店名物:德國咸豬手，因此只多點了薄餅及凍朱古力。德國咸豬手($178，需預訂)豬手碩大的一隻，甚為對辦，烤得略略過了火，少部分位置微焦，反而有焦香的感覺，我接受。外皮烤得香脆，油相信已缷出，一點也不油膩。切開，内裏的豬手剛熟，脂香肉嫩，咸度是剛好。豬手怪的老公認為是中上之作，也拍得住德國餐廳的水準，如對面那德國餐廳滿座，而又好想食豬手，這是不錯的選擇。而伴碟的酸椰菜由我一人獨享，酸度足，份量大，正好解膩呢!蘇豪特式薄餅($130)這道相對比較一般，港式pizza的影子，

餐廳位於近洪水橋輕鐵站附近。餐廳裝潢像酒吧，沒有花巧設計。食物款式是西式，大多是德國菜式。供應食物包括最出名的德國鹹豬手、豬仔骨、薄餅、意粉、德國腸拼盤等等。餐湯 蒜包 薯蓉 (跟餐): 餐湯是栗米湯，好足料，下了不少栗米蓉。蒜包細件，質感偏硬。薯蓉味道一般。芝士焗薯條 [$45]: 芝士沒有熱溶效果，感覺乾身。黑松露醬牛肝菌蘑菇燴意大利飯[$148]:飯未熟透，口感不好，很難嘴饞。醬汁奶味偏重，味道總算不過不失。墨西哥椒焗巴辣腸意粉 ｢$65]: 份量多，但意粉全是墨西哥辣椒仔的味道，太辣，實在難以入口。

很難得平日不肯出街吃飯的老爸，終於在媽媽的遊說下，於周日應了我們的約，來到他們住所附近的這間餐廳吃晚餐。他們只須步行約10分鐘便可到達！因為之前一天已訂了位，所以毋須等候便可入座。 我們一共6個人，叫了一個香蒜肉粒意粉、一個海鮮闊條蛋麵、一個14吋pizza、一個德國腸併盤和預先訂了的一隻德國咸豬手。香蒜肉粒意粉較鹹及意粉較硬，海鮮闊條蛋麵都算可以，但麵質也是硬了點，可以煮長一點時間才焗；而最令我喜出望外的，就是那個pizza了，真是又大又脆又好吃！另外，大家一致讚好的就是那隻咸豬手了....size比超市買到的要大，皮有些過燶，但肉質夠淋，皮又香脆，略鹹了點，但兩個小孩也爭著吃，Yummy!這兒唯一不理想的就是那個通風系統，油煙味較大！ 

一直居住在新界西的我往來屯門元朗區但我一直都沒有察覺這家店直至跟朋友傾談間他們之前試過就讚不絕口異口同聲都說豬手真的很好吃 但如果兩個人吃的話叫一份豬手加一碟意粉那就太over了今晚有機會跟他們一起四人去吃飯未踏進門口門牌有大字寫著有甚麼東西吃反而店名只在一角所以旁人（包括我）一直沒有發覺… 感謝朋友訂位和預訂豬仔骨（半份）+豬手我才有份兒去試吃果然不錯！ 豬仔骨燒得剛剛好肉骨比例分明肉質軟軟的沒有雪味醬汁調得好好味而豬手超大隻豬皮爽口, 脆脆的份量比較多有點膩, 有點鹹豬手旁有薯菜伴碟酸椰菜和青瓜酸酸的好醒胃我們還點了一份pizza餐：有一個10吋pizza及黑松露意大利雲吞pizza 好多芝士配料很足好好味~~ 雲吞白汁不會太"杰"還真的有黑松露好有貴氣~~也有兩碗餐湯或汽水吃了那麼多大家都捧著肚回家

這間食店煮的燒豬仔骨很好味，好香，肉質軟熟。豬手都算唔錯，如果比較洪水橋對面德國餐廳，我覺豬手唔夠脆和唔夠乾身，但以價錢來講，算不錯。pizza大大件，材料充足。這間店沒有加一，環境舒適，一大班朋友吹水食飯很適合。

之前有朋友去過話幾好食，介紹我一定要試隻德國豬手，但要電話預訂，我一直都想試下。朋友前幾日生日，咁同佢慶祝時就去試下。間餐廳其實幾開揚,兩邊大單邊開通曬都幾舒服。坐低後服務員好快送上餐牌，我地點左14"蘇豪特式pizza，田園沙律，三文魚拼豬肉腸同早前預訂既德國豬手。值得一讚既真係隻豬手，份量成隻拳頭咁大 ，d皮脆得黎鬆化及有骨膠口感，裡面d肉又好滑，睇得出係用心之作，真係無介紹錯。個pizza既餅底脆得黎煙韌有咬口 ，有別於其他pizza 連鎖店，味道唔差。個三文魚拼豬肉腸都ok但個賣相就一般 。另外，想讚下個服務員 ，因為我原本點左田園沙律但想淨係要生菜及額外加菠蘿粒，咁個服務員都好有禮貌幫我問下廚房，最後都滿足我要求 。整體來說，朋友同我都好滿意呢次介紹，係值得再去既餐廳。

之前食過，覺得ok,專登約屋企人食。點知。極失望。。覺得呢間店食物質素，服務態度，每況愈下，已唔值得再去！1）7點去到，樣樣食物都話無！訂枱時又唔講！焗住人食意粉，飯，pizza!2）牛扒話訂唔到貨都算。之後話要豬扒，又話爐壞，豬扒雞扒都無！之後叫德國腸拼盆又話無!3）個pizza唔好食。無乜材料。$1604）焗意粉/飯極之普通。$60-130/15)訂枱時已要左全份豬仔骨$398，豬手$178。   但豬仔骨太燶!失水準! 而且訂左，都等好耐都未上，重要催幾次。6)叫左好多次都冇人落單。7）啲野食催多好多次都未黎! 轉頭又唔記得左!      連最簡單飲品 汽水都遲遲未送黎!8)叫拎碟又唔記得!連叉，匙羹，碟都要自己出去拎!9）最後埋單重要計錯數，落漏單!叫左6樣野食。埋單千幾蚊，加一服務費都百零蚊，覺得好唔值，因為啲侍應根本無點服務過!家人好難約，專登應約，咁難得，但竟然遇上咁嘅情況，真係好失望!!!一句講哂，無下次! ＜男人廚房＞，對你地真係好失望!

晚餐到了。同女朋友到元朗搵野食咁耐，第一次來這間男人廚房。在門外睇到人地食物時。我已經食指大動。再到門外的餐牌睇睇。覺得價錢都算係合理。於是就坐低。點左兩個餐。一個忌廉焗煙三文魚意粉 另一個係紐西蘭牛排。首先來既係粟米湯和（算容包）。湯裡有好多粟米粒。但味道比較偏咸。跟著就到意粉啦。好香又夠熱。從芝士睇出。應該係岩岩焗好。三文魚還可以。有三文魚味。最後我的牛排到了。這個等了能該有20分鐘。果然，慢工出細貨。牛排煎得岩岩好。有好多肉汁。仲有薯條跟。但係賣相就一般。埋單$212算平啦。野食又好味。賣相係要改善的地方。整體來講。好好食。味道對本人來說。湯是較咸。我比80分啦