甲泰船面 (已結業)

一直想試吓船麵，今晚巧遇船麵招牌，立即試試。看了看餐牌，好似好好味，叫了清湯及冬蔭海鮮湯（中），加多杯青檸水。在等上麵時才發現中碗及大碗，只差兩元，早知食碗大。過一陣麵到了，清湯那碗湯確是清，反而海鮮嗰碗湯就跟相片中的不同，加了椰奶的冬蔭功，原來叫冬蔭功的是我，但由於椰味太重，所以食咗碗清湯；而本來叫清湯的又認為清湯湯味太甜，所以跟我對調。麵內配料充足，麵質都可以，只是兩碗湯底味道跟想像有距離。同埋杯青檸冇乜味！

暑假剛剛同小朋友一齊去完曼谷返嚟，仔仔唔食辣，只好陪佢日日一齊食魚蛋粉。返到嚟一個星期都唔夠，就即刻好懷念果種風味，尤其是當比完公司壓迫之後😭😭甲泰船河同烏冬店黐埋一齊以快餐式經營，真係冇諗過甲泰船河可以重拾返個味道，之前有寫過佢黑米粉都已經相當好味，今次真係忍唔住試吓佢海鮮湯河。有圖有真相，淨係睇相都知嗰兩隻蝦犀利啦，大個我兩隻手指公，仲有好足料好多餸。個湯又好味呢。仲加埋杯嘢飲添，直頭泰國感覺返晒黎。

船麵通常都係泰國菜館先有，呢間竟然係丸龜製麵入面，真係好易就錯過。2個人叫左一個紅咖喱雞飯，加一個泰北船麵，再去隔離丸龜選小食（魷魚so），真係超方面，重點，150左右咋，飲品方面，加$9已經有薏米水或者泰式檸檬茶，都幾有特色。紅咖喱鷄肉飯幾香，微辣而已，雞排炸得好脆，四十頭嘅價錢完全無投訴。食完翻尋味泰北船麵店內可以選擇要黑色雜殼粉或者白色米嘅粉，推薦黑粉，好香好彈，湯底好清帶點酸，有蝦、豬肉、豬皮、肉丸，每樣少少，但好滿足，大size58蚊。薏米水幾好，清甜又好咬，清下熱好在過米線店，又有2間完全唔同嘅食物可以選擇，想食麵類嘅值得一試。溫馨提示：食完自己拎餐盤。

同朋友係黃埔玩完之後，又嚟到食飯嘅時間🤓我哋就OpenRice下附近有咩好食~見到呢間甲泰船面，好似幾平而且賣相都唔錯，我哋就決定去試一試🤙🏼由於佢嘅位置都有啲隱蔽，比較唔起眼，我估如果唔係附近住嘅居民或者唔係有心去揾嘅話，應該都比較難揾到呢間餐廳👀講下呢間餐廳有咩食啦~選擇會比較少，只有三款麵同四款飯~由於係一心想嚟食船面，我就無留意飯嘅選擇啦🙈印象中都係同嘅咖喱飯🍛我揀嘅係海鮮濃湯組合配傳統白米條😋size有中同大揀，個人認為女仔嗌中絕對足夠!麵條方面除咗白米條，仲有細米條、黑米條同紅米條，選擇比較少見，而我最後都係揀翻最穩陣嘅白米條😂白米條嘅韌度唔錯，有口感👍🏼配料亦都夠哂多，有魚片頭、墨魚丸、兩隻大蝦同一啲類似炸蝦天婦羅嘅粒粒?😂所有嘢嘅味道都唔錯🤤呢到嘅湯底偏酸，但係個人認為都可以接受🙈幾適合夏天食，會比較開胃☺️

今日又黎左黃埔玩，玩完諗住周圍行下，點知誤打誤撞就黎到呢間餐廳。認真呢間餐廳真係好唔起眼，佢同丸龜製麵個招牌係擺埋一齊，仲要顏色字體都係差唔多。原來佢地係同一間鋪頭黎，不過有2個counter，一邊係食日本野，另外一邊就食泰國野。因為我係好鍾意食麵既，所以二話不說就揀左食個海鮮濃湯組合。佢有兩個size揀，中就$56，大就$60，因為我唔係好肚餓就揀左中size等左一陣就送到，佢個湯既顏色雖然好似喇沙咁，但其實係酸酸地既，飲警去麵幾開胃。麵方面我就揀左白色既麵，個樣食落好似金邊粉，但又唔係好似金邊粉咁淋。料方面都幾豐富，有魚片頭、墨魚丸、蝦等等，仲有d好似天婦羅蝦仁咁既野，幾好味我覺得其實中size都夠食，不過大食d既朋友都可以加4蚊食個大既～

喺黃埔食過咁多間餐廳, 今日唔行返去船嗰邊, 直接喺朋友屋企樓下食船麵. 咦點解好似無入口？原來係同丸龜製麵一齊share鋪位, 格局都係丸龜嗰隻井然有序: >泰北清湯組合•雜糧黑米條(中) (HKD63)湯底好味, 唔會醎到口渴, 第一次食雜糧黑米條, 口感頗煙韌, 比平常食嘅麵條種類健康. 同Bangkok食過間超正嘅船麵係兩回事, 泰國嘅料主要係丸/肉片+好細碗(當然價錢亦係超平), li度嘅配料可謂豐富得多! 有豬裏脊, 豬肝, 脆皮肉, 南美對蝦, 青蝦仁, 鮮魷卷, 大碗, 足料, 好味.>薏米水(+HKD9)其實個杯係好大, 薏米有1/4杯, 薏米水份量好似唔係好夠飲, 飲得到真材實料, +HK9勁抵飲der.

打開openrice先發現原來食評裏面未有人試過泰北 清邁 組合 湯底， 圖片說明一切， 賣相其實ok， 味道带甜帶酸 好複雜嘅味道古古怪怪 最奇怪係蝦仔變咗係天婦羅炸蝦仔，豬皮唔脆， 魷魚得一嚿 兩隻蝦有啲梅， 米粉嘅感覺完全係福字米粉， 唔知點解個湯底越食越傑 因為擠咗啲天婦羅嘅蝦仔落去 搞到有啲油冧冧 可能其他食物係ok嘅但係呢碗嘢我絕對唔推介 見佢門口裝修光鮮亮麗走入去試，全自助service，食完自己擺返碗去回收處， 點知伏咗。 原本想試埋$28泰國奶茶, 但係睇個顏色同普通茶餐廳奶茶差不多所以冇試

因為公司將會搬遷到另一區，所以希望盡量在黃埔區四出吃不同的美食！上次試了同一入口的丸龜，今次試船面！對於一個「走」辣的人，選擇不多！由於加$9可以飲凍薏米水，當然是首選，但仍可以擇龍眼水、檸檬茶、青檸、泰式奶茶☕️！米條又有四款選擇：傳統白米條/傳統細米條/雜糧黑米條/雜糧紅米條先購票然後待送餐！可能由於人手有限！廚師、送餐、收銀（一人分個角色），所以要耐心等候⋯⋯幸好侍應送午餐時和宣傳照差不多（大大碗）也有不少海鮮及菜！

晏晝唔知食乜好，但諗起好耐無食過甲泰，所以再嚟。今次嚟食，都飲薏米水，全無糖，啱晒減肥嘅我。不過薏米就唔多新鮮，而且好硬，唔好食，所以我淨係飲晒d水。食就嗌泰式清湯，配黑米條。黑米條軟硬適中，好食。浸入湯度酸酸辣辣甜甜地，好開胃惹味，之但係湯本身味道太濃，有啲嗆喉，無上次咁好食，算稍為失準。唯獨料多，又有兩隻尚算新鮮嘅蝦補返數。整體嚟講，以五十幾呢個價錢，份量唔多，又唔係好好好好食，仲開始失準，變相係幫手交租，所以都唔抵食。要再嚟，我要諗下。

經開黃埔丸龜見到有間甲泰船麵試一試佢先！！我嗌咗個細既海鮮船麵加青檸水（$56+$9）好食！一黎到，椰汁味飄出黎！一食咦！酸架窩！個種酸係好正（講明先我食得酸架，鐘意食酸既！）魚角同青蝦仁幾好食青蝦仁炸過幾香！兩隻蝦都有蝦味，無雪味！但魷魚好少而且墨魚丸唔掂！！無味但整體好食！！我簡咗黑米條，好食架個口感！不過份量比較細強烈建議簡大（$60）爭4蚊唔好慳青檸水好飲！無冰，而且甜酸度岩岩好！好快飲哂男友簡咗黃咖哩牛腩飯（$48）Um，呢個雖然平但男友話真係下午茶既份量唔夠飽而且牛腩得三舊，好在有翠肉瓜不過佢個味幾特別個陣香料味係我起出面未食過好似有陣花香味咁🤔🤔🤔我覺得麻麻地但男友話幾特別環境都幾好坐但服務真係麻麻D叔叔黑口黑面無乜禮貌枱又無人抹，我自己抹枱架...不過佢個價錢起黃埔區算抵食而且個麵好食！！味道都特別！ 唔似出面店鋪咁普通勉強比個笑面希望能改善下啦

近來要到黃埔工作 ，經過呢間食店，見環境裝修舒服，光線充足，入去試吓，要食泰國船麵就要入到食店先經過食日本菜的地方，再行入去就到。海鮮濃湯黑米條材料豐富，有蝦， 墨魚丸及豆腐，湯底酸酸辣辣 ，食完成身暖曬， 黑米條夠滑。紅咖哩雞扒飯雞扒是炸過配辣味最輕嘅紅咖哩，整體覺得唔夠熱，真係會影響口感。薏米水+$9加配， 味道可口，不太甜， 可幫助去水腫。

近來泰國嘅船面非常之hit ，好多餐廳都以船麵作為招來，更加有唔少鋪頭仲主打賣船麵， 就連連鎖嘅丸龜製麵都唔例外。喺黃埔嘅丸龜製麵舖頭入面，有一個位置隔開咗一半叫做甲泰船麵，感覺就係泰版嘅丸龜製麵。可以 先喺櫃檯點咗你想要嘅船麵先，再喺側邊選擇飲品同埋小食，價錢方面唔算太貴，大約人均50到60蚊左右。 而我就叫咗一個 普通嘅船麵再加紫米麵線， 湯頭酸酸哋，加上少少嘅 牛骨湯，感覺 都算地道， 但可惜嘅係配料比較一般，豬肉同埋豬肝都比較乾，甚至可以講得上係鞋，貢丸就係普通嘅質素。 但係紫米麵線嘅口感都算唔錯， 煙煙韌韌都幾特別。但係如果以丸龜製麵同甲泰船麵相比，我會比較鍾意丸龜，起碼質素比較穩定。

周末的下午來到紅磡拍拖👫走了半個黃埔也找不到合男友心水的午餐選擇😶😶後來經過甲泰船面,我就知道是它了~~😂它就位於黃埔地標黃埔号的對面,與丸龜製麵所共用同一舖位,我猜應是像譚仔一樣被集團收購了吧?🤔裡面的環境還不錯~但當日大多數桌子上都有上一枱食客留下的食物殘渣😅這一點要改善一下~我和男友分別點了黃咖喱和紅咖喱雞扒飯,均是$40,但份量絕不欺場雞肉嫩滑又炸得香脆,醬汁十分濃稠,用來拌飯吃超讚的!!!😋😋兩款咖喱個人較喜歡紅咖喱,一來因為味道較甜,二來坊間也比較少見~值得一讚是店員相當貼心,我在點餐時提到我怕咖喱太辣,店員就沒有為我在咖喱上加辣椒油(如沒特別提出,一般都會加的),並在上菜時說如不夠辣她可為我再另加辣椒油😊😊結果辣度非常適合我~~真的要謝謝那位店員呀姨男友那款沒有調整辣度,但也是可接受的辣度~不太能吃辣的朋友可不用擔心!跟主食+$9有飲品一杯,我們選了凍薏米水和凍檸檬茶~薏米水略嫌薏米有點煮得不夠"淋",但都好好飲~~在黃埔這個大型私人屋苑林立的地方能吃到價格如此親民又好吃的餐廳,實在難得😉😉惟當日所見客人不多,反而旁邊的丸龜更熱鬧..後來在網上查了一下,原來甲泰在香港只此

呢間麵店塞咗落去丸亀制面最裡頭，麵食要係LCD 先見到。叫左個經典豬寶組合豬骨黑湯黑米條。第一次見黑米米條，感覺好raw ,幾得意。豬寶好多料，有豬肉丸，脆片，豬潤，燒肉，湯底香濃。我仲叫龍眼冰襯反佢。正

店於丸龜烏冬入面，主要有三款選擇。今次第一次試 ，食了海鮮濃湯 ，味似 冬陰帶多一點酸，面上有鮮蝦，魚旦 ，魚角，墨魚，一些蝦米，整體 不錯👌🏻 歺加$9有意米水。下次會試清湯組合