影片
開飯介紹
主打手打魚蛋、崩沙腩的港式粉麵店，於香港自設工場製作新鮮魚蛋，標榜百分百魚肉及無添加防腐劑。崩沙腩則為牛腩中最矜貴的部位，牛味濃郁。
繼續閱讀
營業時間
今日營業
07:00 - 00:00
星期一至日
07:00 - 00:00
以上資料只供參考, 請與餐廳確認詳情
呢日行經依間專食牛腩同魚蛋粉麵既田記，用上優質食材製成，喜歡魚蛋牛腩既我，就要去品嚐一下啦 ~店內主打手打魚蛋同牛腩，在香港有自設廠房生產及製造，真材實料，無添加防腐劑，食得安全又放心。餐牌上都有幾多選擇，牛魔王、金牌牛腩、牛三寶、招牌魚蛋、秘製牛雜等等，亦有牛既其他部位可以揀，款式特別。金牌牛腩麵 $46牛腩口感真是與別不同，果然不錯。牛腩軟腍唔韌亦有少少咬口，煙韌彈牙，肉質肥瘦適中，食起嚟好嫩滑多汁，麵條入口滑嘟嘟，吸咗濃郁既湯汁，好味道。淨魚三寶 $44淨魚三寶有魚蛋、魚片頭同埋魚皮餃，手打魚蛋肉質嫩滑，食落彈牙爽口，魚片頭炸至金黃香口，魚肉味濃，魚皮餃餡料多，帶出鹹香味，配搭上湯好清甜，依碗有齊3樣都好滋味。鮮蝦雲吞幼麵 $39雲吞都好大粒，蝦肉爽口，與豬肉混合，肉質口感彈牙又豐滿，肉既味道即時散發出來，湯底明顯係用大地魚煲，清甜好飲，幼麵煮得唔會過淋，食落好爽口。凍檸檬茶 (+$8)經典港式飲品，濃郁既紅茶配新鮮檸檬，少少甜，口感清爽解膩。可樂 (+$8)天時暑熱，叫罐可樂，冰冰涼涼，即時解渴。
繼續閱讀
田記魚蛋牛腩專門店呢間「田記魚蛋牛腩專門店」已經係我第四次回訪，經開油麻地一定會諗起佢哋崩紗腩，暫時我覺得佢哋嘅崩紗腩係最好食，肥瘦均勻唔會痴牙，經過油麻地嘅你一定要試下啦！「田記」門口係有一級，輪椅人士如果要入去食記得要帶斜板，同埋店員已經食到記得我，每次都係安排四人圓枱比我哋坐，真係好細心！1.雙丸河粉$44+凍檸茶$8（9/10）呢碗雙丸河粉入面有3粒魚蛋同3粒牛丸，魚蛋好彈牙，牛丸除咗彈牙之外，仲有牛味算濃，再加$8叫咗杯入面有3片檸檬嘅凍檸茶，下午茶簡簡單單食一餐！2.崩沙牛腩幼麵$62+凍鴛鴦$8（10/10）呢碗崩沙牛腩河粉份量好多，好似多過以前，崩沙牛腩有8舊，白蘿蔔有3舊，幼麵有少少鹼水味，崩沙牛腩好軟淋，肥瘦均勻唔會痴牙，再揀埋一杯加$8凍鴛鴦，咁就完美！3.炸魚皮$26（9/10）呢個炸魚皮用密實袋裝住炸魚皮，咁樣衛生好多，炸魚皮炸得好酥脆，食落好香，今次咸咗少少，份量好多，大塊咗，好正！2人總共價錢$148個人口味總評分：9.33/10@mr.tin_hk 地址：油麻地碧街45號地下C1號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#田記魚蛋牛腩專門店 #油麻地好去處 #油麻地 #油麻地美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
今次帶大家返璞歸真，食間地道港式粉麵茶記，由老師傅主理，將最傳統嘅港味完美重現～ 想食返細個嗰種純粹嘅好味道？快啲去呢間堅守傳統嘅茶記，食碗熱辣辣嘅崩沙腩麵啦！ 🔥🍜【崩沙牛腩幼麵】崩沙腩肥瘦勻稱，筋膜位爽滑彈牙，慢煮入味到連纖維都滲滿牛骨香！幼麵用傳統方法掣，掛湯力一流～ 湯底每日用牛筒骨+大地魚熬製而成，飲完成個口腔迴盪住陣甜香！✨🍚【牛三寶飯】► 坑腩鬆化唔黐牙► 牛肚滷到軟糯帶嚼勁► 牛筋晶瑩剔透，膠質多到黏嘴唇！淋上秘製柱侯醬汁，撈飯神器無誤～ 附送紫菜湯，抵食到震！💥🥣【紫菜湯】唔係間間有得飲！紫菜滾湯，簡單卻鮮味爆燈，傳統潮州食法，老饕先識叫～🍹【凍菜蜜】🍊【凍柚子蜜】☀️凍菜蜜鹹甜交織嘅古早味，化痰潤喉，年代智慧飲品！❄️凍柚子蜜清新解膩，柚子肉香濃有潤喉。田記魚蛋牛腩專門店 (油麻地)油麻地碧街45號地下C1號舖
繼續閱讀
呢幾日一直落暴雨，今日天氣終於轉好喇，即刻出去覓食一下🤫😆呢間崩沙牛腩店係我嘅最愛，份量足之餘，牛腩河粉配埋白蘿蔔，完美吸收咗湯汁，而且崩沙牛腩唔會過老，肥瘦比例啱啱好三七比，食落去唔會有油膩嘅感覺！佢個湯底亦好鮮甜，食完都唔會有口渴嘅感覺🤤再配埋佢嘅秘制潮州辣椒油，絕對係將整碗河粉昇華到另一個層次。辣椒油辣中帶香，後勁十足😂🤣
繼續閱讀
【📍油麻地｜鬧市中足料粉麵店】🐨牛腩牛筋河 $66推薦度：⭐️⭐️⭐️⭐️今次揀咗佢哋嘅馳名牛腩加牛筋河，牛腩肥瘦適中唔會太嚡煮得好腍身！！牛腩果然係佢哋嘅招牌味道，如果可以試埋佢哋嘅崩沙腩，相信牛味會更加濃郁！！牛筋就保持到咬口，而且煮到好入味～河粉仲吸收曬牛腩汁嘅精華滑捋捋，絕對係小編食粉麵店嘅首選🤣.🐨腐乳通菜 $18推薦度：⭐️⭐️⭐️⭐️新鮮通菜口感爽脆，唔會煮到過熟而變腍，而且份量非常多～由於腐乳係後加，可以因應自己喜好自由調配！！腐乳的鹹香配以通菜嘅清新，兩款口味相得益彰互相配合，兩個人share食就啱啱好啦🔅.🐨夏日咸檸七 跟餐$10推薦度：⭐️⭐️⭐️⭐️⭐️鹹檸七絕對係香港地道好味道，而家唔係好多間餐廳有得賣，用醃過嘅鹹檸檬，加入冰涼透心嘅七喜汽水 ，鹹甜交替，滿滿透心涼嘅感覺，成為夏日消暑解渴良品🌀🌀——☼——☼——☼——☼——☼——田記魚蛋牛腩專門店 📍地址：油麻地碧街45號地下C1號舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡🛠️分類：#HTB油麻地 #HTB港式.#油麻地 #油麻地美食 #港式 #港式美食 #粉麵 #夏日 #美食推介
繼續閱讀