田浦食肉

營業中

休息中

今日happy Friday，諗住係office附近搵間餐廳，搵到間韓國人主理嘅餐廳，行到餐廳附近已經聞到香噴噴嘅燒肉味。🤤前菜非常豐富，泡菜，芽菜，薯仔沙律，韓式炒粉絲同青瓜等等。食完仲可以不停refill。首先介紹佢嘅招牌燒五花肉，呢度嘅燒肉係會有店員專人幫你剪同燒，仲有附送生菜包住嚟食冇咁滯。我哋就叫咗一份烤豬肉套餐，有豬頸肉、五花肉、豬皮。豬頸肉同五花肉做到入口即溶，油脂感豐富。😛燒豬皮好彈牙好多骨膠原，非常滿足！我哋仲叫咗個雞蛋羹同埋炒飯，雞蛋羹整得綿滑又有蛋味，熱辣辣。食完燒肉之後oppa就會幫手喺鐵板上面炒，仲會整成心形🧡。飲品我哋就次次都會叫韓式米酒，用傳統韓國的鐵壺裝住上，好似係韓國飲酒咁地道。🥰

朋友介紹呢間由韓國人主理既餐廳，食完一次真係念念不忘今次已經係第三次回訪，由於夜晚係好難book位，所以我地都係lunch time過黎同好多韓國餐廳一樣，上菜前都會送上前菜，有泡菜、火腿醃青瓜、炒粉絲、辣炒年糕、薯仔沙律，食完可以refill首先係呢個必食既水冷面一邊食烤肉一邊食呢個冰涼既水冷麵就係爽麵質彈牙，湯汁酸酸甜甜好開胃，每次都忍唔住飲埋d湯海鮮大醬湯，上檯仲滾住咁真係睇見都流口水湯料足，又夠辣，拌飯食真係大滿足醬油蟹配飯糰，呢度唔需要預訂就有得食比較以食過其他餐廳既醬油蟹，呢度整得冇咁咸，仲有小小甜味，將米飯加係蟹蓋上面，同蟹膏拌勻黎食真係冇得頂炸醬麵都非常出色，人多既話大家分黎食都幾滋味，麵身好有彈性，加上炸醬同芝士真係一流，但食多就會有少少膩烤肉方面，店家真係非常周到，佢地會幫客人燒埋先上檯，但如果喜歡打卡既朋友就睇唔到好吸精既生肉盤喇，燒豬皮食過咁多間，呢度燒得最好味，一般自己操作燒豬皮都比較靱同會孿埋一舊，但呢度既豬皮又厚又長，而且口感好腍身，好似果凍咁配上蒜片、韓國辣醬、柚子蒜蓉醬、等等配料，包住生菜食味道更加昇華，而呢度既生菜亦都係無限免費refill

之前路過見好多人排隊 但今日lunch time竟然無人排 即刻入去食lunch set都幾多選題價格又唔貴前菜竟然有泡菜年糕 仲要熱辣辣嘅雖則我唔食年糕😂但都覺得幾有誠意牛肉炸醬麵+炒肉 $98上次食完之後念念不忘濃郁嘅炸醬 撈埋芝士依個味道很可以 麵質又彈牙 唔錯唔錯除咗碗麵入面有肉之外 額外仲有一碟炒肉 開心耶豬肉泡菜湯 $98原味炸雞 $88好滑好juicy 幾有驚喜抵食得嚟又高質灣仔店無中環店咁大油煙 座位又闊落啲下次會再嚟灣仔店

田浦食肉係一間由韓國人主理嘅地道韓式燒肉就連大部份職員都是韓國人添（個重點係嗰個好似有少少溝通唔到，雞同鴨講嘅 feel ，非常正宗直頭有少少去咗旅行 feel lol) 但唔洗驚聽唔明，因為手勢就係王道 🫰🏻 同埋好開心係嚟到田浦可以解放雙手🙌 成餐飯都有Oppa 同 Onni 嚟幫你燒~真係可以繑埋雙手等食~我哋點咗招牌烤豬肉套餐，有五花肉，豬頸肉同埋豬扒。Oppa 會燒好剪埋啲豬肉。準備好一盆滿滿嘅肉之後仲會 demo 點樣包最正宗好食。豬肉一啖一塊，香口又有肉汁，肉質軟嫩，加埋泡菜食到停唔到口！燒嘅時候個鐵鍋有個去油位，多餘嘅油就會流落個紙杯度，咁就唔怕會油淋淋，感覺都健康啲（自欺欺人，嘻）另外仲特別叫咗個燒豬皮，唔知大家有無試過自己燒，係真係要耐時間嘅，依家有人幫手燒埋爽好多！唔好睇少塊豬皮，燒完之後帶點微微焦香，入口超級彈牙而且嚼感十足，軟滑香糯嘅質感係滿滿骨膠原嘅象徵，個人好鍾意食，但同行兩位男子好似就麻麻😂，曬料唔識食！燒肉之外仲追加咗啲小食，同樣好特別。雞蛋羹係類近韓燒的爐邊蛋，雞蛋加入紅蘿蔔、粟米粒、洋蔥等等一齊蒸到脹卜卜。蓬鬆嘅外型可愛不特止，食落好入味而且口感軟

韓國的烤肉絕對是一個令人驚艷的美食體驗。無論是牛肉、豬肉還是雞肉，韓國的烤肉都以它們的獨特調味料和烹飪方式而聞名。烤肉時，你可以自己動手，將肉片放在熱騰騰的烤架上，然後搭配新鮮的生菜和各種調味料，這種互動性和多樣性讓整個用餐過程更加有趣。韓國的熱石鍋飯是一道令人著迷的美食。這道菜由各種蔬菜、肉類和蛋組成，並在熱石鍋中煮熟。吃的時候，你可以將所有的成分攪拌在一起，以獲得一種豐富的口味和質感。這道菜不僅美味，而且營養豐富，絕對是一個令人滿意的選擇。韓國的食物給我留下了深刻的印象。無論是泡菜、烤肉、炸雞還是熱石鍋飯，它們都展示了韓國獨特的烹飪技術和豐富的口味。如果你對亞洲美食感興趣，我強烈推薦你嚐試一下韓國的美食。

📍田浦食肉 (灣仔)灣仔莊士敦道28-34號莊士頓大樓地下E號舖呢間餐廳應該係我喺香港食過最有氣氛 而且高質素嘅韓國餐廳一去到店員已經好熱情同我哋打招呼我哋影相佢仲一齊合照添全部都好有禮貌 見到佢哋不停咁客人烤肉 真係辛苦佢哋了🍻一餐晚飯總結 bu一定會再幫襯 翻食率💯而家諗起都肚餓🤤特選套餐：烤牛排骨+五花肉+牛五花肉+烤豬皮 •$1200黐線 烤豬皮好食到癲咗 其實講真佢樣樣嘢質素真係都唔差 只係我俾個豬皮震驚咗大嚿嘅肉 都係稍為喺廚房燒過再攞出嚟可以節省時間 快啲有得食 又唔使彈油又彈到周圍都係因為全部都係員工幫手燒 等佢哋都唔使咁辛苦大蔥煎餅🫓•$148好足料好厚實 調味係好食多人一齊share就好啲 因為都幾飽🤣雞蛋羹•$88脹卜卜勁實淨 食咗成餐飯佢都冇跌落嚟蛋味濃郁💯海鮮豆腐湯•$88海鮮有蟹,蝦,蜆肉 湯頭勁濃郁 但係唔會死鹹 唔配飯就咁飲都好OK水冷麵•$98上枱嘅時候見到好大嚿冰，就算食咗半餐飯，佢都依然keep到溫度配埋芥末汁 一齊食 簡直係絕配上菜時店員仲好細心 會幫忙剪幾下啲麵 容易啲夾同容易啲食*所有配菜都可以refill *生啤做緊優惠$48超抵飲*務必要

-{Oppa韓式燒肉😍}🤤烤排骨🤤 ($580)烤牛排骨好香口！剪到一細粒 四邊都係焦脆嘅味道🥳不過份量唔算多~👖褲評: 8/10🤤 五花肉 🤤 ($180)五花肉原塊煎😁之後剪出黎較幼身 比平時嘅冇咁肥膩 不過有啲唔夠喉嘅感覺🥹👖褲評: 7.8/10🤤 水冷麵 🤤 ($90)要落曬個醬汁😚酸酸地好解肉嘅油膩😍麵質較滑身😆最鐘意個麵😋👖褲評: 8.5/10整體食物好食 不過性價比唔高🥹同埋食得比較性價比: 6.5/10服務: 8/10環境: 8/10🚩 田浦食肉 🚩地址: 灣仔莊士敦道28-34號莊士頓大樓地下E號舖 #fuudjai #fuudjai韓國菜 #fuudjai灣仔

❣️建議一定要打電話預約！如果唔係就要喺門口呆等。店員回答唔到你幾時有枱？要等幾耐？只會同你講幫你排waiting list。❣️嘗試透過WhatsApp預約，店員問完資料之後，就沒有再回覆。到店時，店員表示因為沒有位置，所以自然就沒有回覆🙄，服務真係好需要加強一下。❣️你喺店內會感受到差別待遇，你會明顯感受到店員對韓國人或者自攜酒水嘅有錢人服務態度較親切。❣️枱與枱之間位置比較逼，坐得唔舒服，亦都好容易撞到人❣️音樂好大聲，你可以話佢好有氣氛同熱鬧，不過如果你想同朋友傾計，就絕對唔建議選擇呢度，因為真係好難聽到大家講的說話。❣️前菜好豐富，亦都可以不停咁refill❣️泡菜你會見到佢異常地大片，係因為唔係直接食，店員會幫你炒一炒，剪一剪先再放返係碟，所以唔好心急。❣️米酒好飲，亦都大壺，適合同朋友一齊分享❣️燒肉係有質素，而且你叫嘅食物如果需要燒，都會有店員喺旁邊幫你燒，你淨係負責食就可以😌❣️蒸蛋好好食，不過食嗰陣，個底已經有啲燶咗，建議一嚟到就即刻食！❣️如果你唔介意店員嘅服務態度，淨係想食有人服侍嘅燒肉，你可以選擇呢度，如果唔係相信會有更加好嘅選擇。

今日試左呢間好韓國的韓式燒烤店. 由怖置到員工都令你置身於韓國一樣. 不過唔識韓文唔緊要. 佢地係識英文, 另外落單係自己寫紙仔.先黎四個不同的配菜. 有辣有唔辣. 南瓜同魚糕係唔辣的, 跟住個菜同泡菜就係辣. 但同事話個泡菜都幾辣下.南瓜同魚糕就甜甜地, 好好味, 食完重可以refill. 豬肉炒粉絲蓋飯 $98完全睇漏字, 以為只係豬肉粉絲. 原來下面重有飯. 份量好夠. 豬肉係五花腩個隻一層層. 切到好薄. 調味都係好正統的韓式味道. 配料重有洋蔥同埋小量疏菜.  洋蔥係剛剛熟所以有少少硬. 牛肉石鍋拌飯 $98唔好睇少呢個飯. 份量都係超大. 佢一拎黎時就即刻拎埋枱上的辣椒醬比你. 喜愛辣的可以再落. 不過本身個飯都己經有少少辣的配菜. 唔太食得辣的可以先行拎開. 撈完後超大碗. 味道都係令到你覺得自己去左韓國一樣. 以上兩個飯都配有湯, 湯好似蛋花湯咁, 都幾好味. 牛肉炸醬麵+炒肉 $98要炒肉就$98. 唔要就平十蚊. 個炒肉同上面個豬肉粉絲有d似. 麵就好煙un. 好似韓國辛拉麵咁. 蛋上面係有辣粉. 同事話係個麵唔係好辣. 唔似平日食辛拉麵咁辣.   麵本身已經有配到

剛食完日式燒肉不久，今勻轉戰韓燒。甫走進餐廳，已聽到播放著韓國歌曲，而且店員很多都是韓國人，已令人感到韓風十足。炸雞配啤酒又怎錯得了！香凍冰甘就是生凍啤酒的神髓！單是前菜已是陣容鼎盛！每一樣都好好食好入味：有泡菜、辣蔥絲、沙律、烤洋蔥和酸薑、漬芽菜、蕃薯及韮菜，每一下在口腔的交錯都是舌尖上的享受！沒有想到原味炸雞是這麼大碟，更是無骨的！炸層脆到飛起，不會油淋淋，雞肉的肉汁也保存得甚多，軟嫩好味到超班！烤豬肉水冷麵上菜時店員會剪開麵條，方便食用，十分貼心！烤豬肉之外，還有蛋以及一些菜絲，下面更有冰粒，涼透心，清新到爆！輪到主角烤肉了！在這裡，無需自己動手，全程都是由店員燒的。除了豬肉外，店員還會將泡菜及一塊厚厚的菇放入一起煎。小人從沒料過煎過的泡菜是這樣香口好味的！豬肉的肥瘦平衡得很好，令致口感層次豐富，而每一口都充滿油香！夾著生菜、泡菜、洋蔥、辣醬同食，酸、辣、鹹各領風騷，卻又琴瑟和諧，食味交錯得好精彩！比起以前食過的韓燒都要好！

田浦食肉🔲@jeonpo_meatshop餐廳主打地道韓式燒肉，大部份職員都係韓國人添，非常正宗🇰🇷講到正宗，韓劇中細細碟嘅飯饌又點少得呢😍 各式泡菜、醃菜類嘅荳芽、青瓜、蘿蔔同菠菜，同最impressive嘅蒸地瓜，香甜軟綿🍠 即使係用餐附贈嘅，但都款式多多，有種備受款待嘅幸福感🤩餐廳嘅烤肉套餐有3款Set，有牛有豬，份量亦有大細之分🥩 套餐未必有齊想食嘅話，仲可以追加各款肉類🍖烤牛排骨套餐🥩烤牛排骨 500g ｜牛五花肉 200g食烤肉除咗要有靚肉之外，有靚仔Oppa幫手燒都好重要🤤 大家可以放心食到最佳味道👅連骨上嘅牛排骨非常有份量，滿足一眾食肉獸！ 多餘又肥膩嘅油脂會順著紋路流落紙杯，燒肉唔再油淋淋，食多兩件都唔怕😬雞蛋羹🍳幾年前韓燒好hit食芝士粟米爐邊蛋，原來雞蛋羹嘅口味都好似😂 韓文中有蒸嘅意思，但同中式嘅好唔同，蓬鬆嘅外表好似Soufflé甜品，仲膨脹到好似火山爆發咁🌋水冷麵💦顏色略帶灰白色嘅冷麵條，煙韌彈牙，要用剪刀剪成容易入口嘅長度✂️ 濃郁嘅牛肉高湯，甚至加入碎冰，更添冷涼感🧊 再拌咗啲酸甜嘅紅色辣醬，配搭清爽嘅小黃瓜切片、紅蘿蔔同蛋絲，係炎炎夏日，尤其係食韓式烤肉

Oppa 呢一間韓國餐廳可以說是比尖沙咀韓國街更加地道，下午食過好多次，但係都沒有失望今次食炸雞都是比其他出色，但係最好味的應該就是牛肉粉絲炒飯入味。而且入邊的裝修亦都很像韓劇入邊的，連老闆及收銀侍應相信也是韓國人，如果大家想練韓文或者想食正宗的韓國菜可以選這一間，我朋友話這泡菜是送湯的那一種、較酸的泡菜我也是第一次吃到#聯發街 #灣仔美食 #hkfoodie #foodie #foodkol #foodie@hk #foodie

要食田蒲真係困難重重，心力交瘁。初次嘗試打電話預咗，他們卻不接受電話預約，但又可以用whatapp約，但最終又要入條link on line booking 😡但可惜fully book。最終幾個月後又再試，都有少少阻滯，明明佢哋話有booking time有：17:00,17:30,18:00,18:30,20:00，於是一星期前上網啦，但我無論入什麼日子，都係得只有6:00可以book，其實一般打工仔放工時間係六點，請問我點樣可以六點嚟呢？除非真係放假，最終我再用WhatsApp聯絡問可唔可以book 6:30他們就說可以，最終總算解決了Booking問題。📍tips：唔好諗住去食飯前一日先book，一定book唔到，真係要起碼一星期以上才成功。當天是星期四一去到門口，就完全感到像是在韓國當地吃的一樣，強勁的音樂，環境，令人十分投入。但唯一缺點就是枱與枱之間十分擠迫，由於他們燒烤的爐不是陷入在枱中而放在桌上，所以我坐的時候背脊後邊就是另一張枱的爐，令到我好像被火燒一樣。食物方便，上菜速度十分快，首先是燒豬肉拼盤上到後服務員自動給我們燒，服務員的手勢10分好，把豬肉煎到外脆內軟。水冷

今晚同成大班同事食飯 所以就揀咗韓燒咁就一定大家都可以食飽 又一定有嘢啱食 😂因為都有5個人去食 所以叫咗最大份嘅套餐SB 烤牛排骨 + 五花肉 + 牛五花肉 + 烤豬皮 (1150g) ($1200) 套餐份量真係好足 又可以一次過試唔同種類🍖 餐廳最特別嘅係唔使自己烤 餐廳會安排oppa或者onni幫手烤 佢哋仲會幫手剪埋啲肉 serve埋比大家😌 所以真係坐定定就有得食！個人嚟講就最鍾意食烤牛排骨 因為平時牛排骨都係比較近骨嘅位置比較難去食到啲肉 但係餐廳已經幫你處理好 所以真係好方便🤣

田浦食肉係近年主打韓國人做店員既烤肉店裝修設計到音樂都好有韓國當地風格攞位到落單都係韓國人幫我地 用簡單英文就ok入座枱面已經擺好晒醬料前菜同包肉生菜即刻要叫支燒酒同啤酒整個소매啤啤佢🌟雞蛋羹其實即係平時食開既蒸蛋 真係要俾💯係韓國食既通常都係黎到脹卜卜轉頭就會收縮呢個蒸蛋擺左陣都係咁膨同實淨 真材實料味道亦同韓國食既一樣咁嫩同好味👍🏻 🌟五花肉+豬頸肉+牛五花最鍾意店員幫手燒晒所有肉 可以安心做坦己🤣又唔洗怕自己唔知火喉燒到燶晒將燒到焦香既肉夾泡菜同醬汁包菜一齊食係一流既享受 🌟水冷面一上枱嚇親 份量都唔細 表面有冰塊去Keep住冰涼感落埋個芥辣醬 酸酸甜甜 十分解膩 🌟黃油炒飯呢個邪物都必須要order炒飯會吸收晒剛才烤肉既豬油＆牛油再加上芝士紫菜呢個組合 邪惡到極點 食到停唔到口食物質數不錯 服務不錯 價錢4人每位大概3-400由於枱上沒有抽氣 食完個身會吸晒D烤肉味😆入坐時記得放D褸同袋入櫈底啦🤣未飛得韓國既朋友 去呢度止下癮👌🏻