田家雲南米線

營業中

休息中

今天午飯又去田家食小鍋過橋米線，吃小辣既有點勁度又不會食到標汗。 每碗都是即煑的，每次來湯底的熱度都夠高，可充份發揮酸、麻、辣的味道，寒天時食便最啱，過橋米線已包十一款餸料包括雲南甘香火腿丶豬肉、牛肉、雞肉、腐皮、豆卜、生菜、芽菜、韮菜、雲南酸菜及秘制炒炸醬，材料非常豐富很足料。 我加六蚊要了一杯熱檸蜜，以甜味解辣再啱，最欣賞這店的檸檬飲料都先去除果核才把皮肉打碎，省卻篤檸檬的功夫。友善的老闆娘Kitty介紹我試吃他們的秘製醬汁溏心皮蛋，味道及口感果然不同凡響，質素可媲美中環鏞記的皮蛋酸薑，我很留心的吃著流心的皮蛋，入口即溶，皮蛋自然地流入喉嚨內，而看似麻辣的紅色醬汁，看來以麻味為主感覺不到太重的辣味，伴著皮蛋入口時有一陣清涼的感覺，更能突出皮蛋的獨特味道，口感奇妙無窮，像喝三道茶的層次，一啖難忘丶兩啖上癮、三啖回味.......... 。兩個字在心中油然而生 - 好得！#埔飲埔食

最近田家做緊🥳👏🏼2周年優惠🎉🎊點完主食可用半價加購小食 優惠去到7月2號期間限定 好抵食😗落完單發現新出左餌絲 雲南特產黎 下次可以試下.田家的米線好特別 同出面相比較幼身好似米線界的天使麵😆掛汁特別多 好有特色‼️.🫧田家小鍋米線（包括芽菜、韭菜、雲南酸菜、腐皮、秘製炒炸醬）｜秘製炒肉碎｜支竹｜豬肉｜湯底濃郁 酸酸辣辣咁 開胃又惹味 秘製炒肉碎配米線一流😋😋🫧手撕雞炒肉碎撈米線｜牛肉｜墨魚蝦春卷｜撈米線的醬汁好香好濃郁 好有風味手撕雞雞肉嫩滑 🫧辣油拌豬頸肉（辣/不辣）豬頸肉肉質比想像中更爽口 調味恰到好處 唔會太咸 都幾惹味.🫧 蟲草花手撕雞湯米線｜冬菇｜豆腐｜想食清啲的朋友食呢個就岩 湯頭清香唔油膩 有啖啖的蟲草花香蟲草花滋補又養身 正

米線點先算好食，今日就食到了見到門口易拉架，寫住開業兩週年慶祝，6月2號至7月2號期間，凡購買一份主食，即可享有半價加購一份小食的優惠，即刻入去試吓點咗小窩米線，加豬潤同埋雪花肥牛，好新鮮，米線係用幼米線，好似老闆娘話齋，越食越想食，食得辣嘅，應該要點中辣以上，試吓佢哋嘅自製麻辣醬，完全感受到麻香同辣味嘅極緻發揮！用半價優惠點嘅糖心皮蛋，一啲都唔馬虎，除咗選料靚之外，麻辣香油夾得啱啱好，糖心加麻香的美味醒胃，是小食中的高質享受！另外點了辣油拌豬頸肉，首先講，芫荽控會特別喜歡這店，每碗米線或者小食，都有充足的芫荽，這拌着豬頸肉吃特別美味，而豬頸肉甘香肥味咬口極佳！檸樂係磨碎咗嘅檸檬皮嘅檸檬汁底，真係鈴聲唔同，幾十蚊嘢俾咁多手工嘢食，邊度搵呀！朋友點了蟲草花手撕雞米線，要煮八小時先至煮好嘅湯底，上菜時當然即刻飲啖先，鮮甜到不得了！冬菇嘅咬口好好，另外金香火腿喺呢度出名嘅小食之一，加埋落手撕雞米線，美味的鹹香而不肥膩的肉片，是豐盛的滿足感！這一餐，令我重拾食米線的樂趣，性價比極高，要多啲嚟先至得！

今日12/6 入去大埔墟想幫趁吓小店，就揀咗田家米線。呢間見comment都幾好同埋有幼嘅米線，覺得非常有新意。點菜期間見到餐牌寫住2/6 - 2/7 有個周年慶，叫主食就可以半價加個小食。我同朋友各自叫咗一碗小鍋米線，同點左香草雞翼同手撕雞兩個小食。去到埋單嘅時候，店員同我哋講只有$38同$24嘅小食先可以半價，而我哋點的兩個小食一概沒有優惠。期間追問餐牌哪裏有相關資訊，店員只係籠統地答牌牌中圖片的小食才有半價，當中並沒有任何文字敘述條款。店內亦冇任何指示。店員更辯稱我哋係第一位顧客有這樣問題，回答令人十分詫異。當中誤會存有改善空間，希望老闆及店員可作改善。

主打雲南米線的一間小店亦是暫時在港不常見的幼米線米香味較香濃 亦相對比較掛湯上菜時熱騰騰 值得去的小店 ⍢蟲草花手撕雞湯米線湯底熬製8小時 完全無味精入口非常濃郁 配料有蟲草花 雲耳及手撕雞手撕雞肉亦嫩滑另點了雲南金香火腿 雲南直送味道鹹鹹香香 更為開胃春卷亦非常彈牙 推介喝光了都完全不口渴 非常暖胃 小窩米線湯底很香不油膩 相信也是無味精點了微辣剛剛好 雪花肥牛正常發揮秘製炒肉碎配米線一流開業兩周年慶祝凡於2/6至2/7期間購買1份主食即可享有半價加購1份小食辣油拌豬頸肉見到menu寫新品豬頸肉肥瘦適中 不會太辣也很配米線香辣手撕雞滑嫩手撕雞蘸上秘製辣醬香香辣辣涼拌木耳木耳爽口 微酸非常開胃⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐田家雲南米線📍大埔南盛街16號南盛大廈地下1號舖

今日同夥計去大埔做嘢，佢係大埔友，特登帶我嚟呢間田家雲南米線。見到樣樣都吸引；我叫咗個蟲草花手撕雞米線：Le個湯底超正；老闆娘話熬足八粒鐘絕冇味精；啱曬我d寡佬。仲有雞絲好嫩滑，配埋le款叫餌絲Ge雲南麵條；堅好味。Le隻餌絲係正宗雲南嘢；咁大個仔都未見過未食過。口感非常好；夠晒煙韌。拍擋個小窩米線冇加餸但麻醬另上；再加個拌豬耳同香辣雞翼。佢幫襯開真識食。拍擋話舖頭慶祝兩週年，2/6-2/7期間，買一份主食，即可半價加購一份小食。豬耳夠爽口；雞翼新鮮炸起；調味剛剛好。佢D麻醬調得亦啱啱好，唔會太辣，又唔會太多油；送米線超正。食米線，辣辣地配支藍妹同凍檸賓；簡直無得輸。田家雲南米線 (大埔)大埔南盛街16號南盛大廈地下1號舖

今天又去了田家雲南米線，去到時發現高朋滿座，幸而剛有一張三人檯，坐低後店員問我試不試吃餌絲，這雲南特色食物尚未加入餐牌上，作為饕餮當然義不容辭，今天便將文山米線改成餌絲，並選擇了有十一種材料的小窩過橋米線來配。 等了大約五分鐘便上檯了，它的外形不是米線的圓條狀，而是圓邊扁方長條形狀，米香味比米線來得濃，口感比較煙韌，由於較闊及厚身，因此掛湯能力比米線好，用來配酸辣味的過橋小窩很適合，個人非常喜歡餌絲的口感及味道，由於餌絲較厚身，因此吃完有飽漲的感覺，幸好叫了一杯凍檸蜜幫助消滯。記得多年前去雲南旅行時，在大理那邊也吃過餌絲，米線是雲南南部普及的主食，而餌絲則在雲南西部如騰沖及大理的主食，除了像麵條的餌絲外，還有切碎了的餌塊，或做成薄餅形狀用來做卷餅。 原材料主要是用米飯來造，用來蒸、炒、煑也可以，滇西騰沖名食大救駕，便是在明末時當地人用來招呼逃避清兵的永曆帝吃過的炒餌塊，可見它的歷史源遠流長。 濃郁的火腿雞湯掛上軟綿綿、煙煙韌韌的餌絲，這是我吃過質感最特別的粉麵之一，日後再來田家希望能夠再品嚐到它，期望店東考慮永久加入店中菜單內，同時可以推廣一下這在本地較罕見的滇西非物質文化遺產級食

大埔區內好罕見到有非連鎖既米線舖頭，網上睇到佢地係用幼米線，專登搵日黎試下田家撈米線佢地既秘製炒肉碎好食好有風味，份量亦比得好多，一定要撈住米線黎食，如果唔係就會太重口味，亦都推介佢地既墨魚蝦春卷，口感比其他舖用既更加彈牙蟲草花手撕雞米線除左蟲草花仲有雲耳做配菜，加分！個湯頭好好味，清甜得黎都好清爽，岩哂冬天時食完暖笠笠舖頭晚飯時段堂食同外賣都多人，所以都要預小小時間上菜，但店員既態度都親切，幾有家庭味道

尋日中午好忙，去到成差唔多五點先食晏，嚟咗大埔呢間米線舖試一試。由於非繁忙時間，所以唔需要等位，點菜係傳統嘅畫紙仔模式。價錢就算適中但偏貴少少。叫咗一個雲南過橋米線再加一份香草雞翼。米線嘅味道同埋做法比謀大連鎖集團正宗同埋好味，用料亦都充足，應該係為咗迎合香港人口味而冇好似傳統一樣有一浸油喺面。香草雞翼就好似冇乜特別，同埋整出嚟唔係好夠熱。如果想飲水，就要自己行去水巴度自助服務，整體嚟講算係一間有誠意嘅米線小店，連店舖內嘅裝修都用過一番心思，可以推薦一下。

初八開工大吉，選擇去了田家吃米線，竟然又撞見大埔為食妹去食小窩過橋米線，我今天轉口味食一碗小辣的手撕雞炒肉碎撈米線，除了手撕雞外，還有撈米線的芽菜、花生、青瓜絲丶秘製炒炸醬及胡麻醬，有香口的花生及炒炸醬，又有清爽口味的芽菜、青瓜絲，配上濃稠惹味的胡麻醬來撈米線及手撕雞，味道香濃鮮爽辣兼而有之，所謂五味紛陳正是如此，而手撕雞口感頗滑，在炎炎夏日時吃會更加適合，但米線都是煑熱了的，只是不像湯米線般燙咀，下次考慮試下撈飯也不錯，看看田家除了文山米線外，是否還有特色靚米飯？::#埔飲埔食

因為想食米線而特登走入嚟食😚 叫咗肥牛 豆腐 微辣～～微辣係真微辣 唔會食到流汗 麻味酸味都幾夠平均😗湯底濃郁 湯底有酸菜 芽菜 腐皮 肉碎～但因為係幼米線 反而唔夠掛湯😩同唔係咁啱當刻既我不過肥牛好食 亦都好難得有一間米線店有滑豆腐做餸❤️不過落單要小心，因為呢度張紙仔 唔tick辣度default 係小辣 要tick埋清湯先冇辣😌仲有就係落單叫野飲啲走甜 少甜 我同隔離枱都落錯單～ 要double check 有冇落啱呀～

前天和同事去到田家雲南米線見到座無虛設，只好望門興嘆去了別家食晏，今早忙碌過後中午前完成了一項棵蓆，可以提早一點食午飯，一個人又走到了田家看看有沒有座位，打開門見到還有小數散座，一進門口便見到田家的老闆娘，她立即安排我坐一張二人枱，今天時間比較充足，不用寫單老闆娘便替我直接落單要了一碗小窩過橋米線及推介我喝一杯凍檸賓，今次要了比較惹味的小辣，而上次選擇微辣則感覺較淡口不夠過癮。平日去我大多飲鮮黃色的檸蜜，今天這杯檸賓顏色是好吸引人的寶石紅色，店中的檸檬飲品都是手連皮打碎檸檬，因此比較清澈及易飲，省卻篤檸檬的麻煩，而且不覺有果核的苦澀味，個人非常欣賞。由於店家每碗米線都是即煑的，因此也要等大約十分鐘才送到檯面，每次來湯底的熱度都夠高，可充份發揮酸、麻、辣的味道，十一款餸料包括雲南金香火腿丶豬、牛、雞、腐皮、豆卜、生菜、芽菜、韮菜、雲南酸菜及秘制炒炸醬，材料非常豐富很足料，份量一定足以餵飽大多數人，豬牛雞都有鮮肉味，加上多款素菜，營養及口味都很均衡。 這碗取價六十五蚊的過橋米線，其實是店中性價比最高、最抵食的選擇。 聽見有些客人對酸辣度有特別的要求，店家從善如流，可在酸、辣度中作出度身訂

耐唔耐就經過呢度，如果唔係網上有名人嘅介紹，完全唔會發覺呢度會有一間出色嘅米線鋪。佢哋要搭好耐車都要入嚟食，咁我真係唔試都唔得啦。叫咗一碗蟲草花手撕雞米線，嘩個雞湯真係好濃好香，雖然啲雞肉就少咗啲，不過淨係飲啲湯都值回票價。另外佢啲米線真係好特別，比起一般舖頭食嘅米線幼身，有咬口得嚟食到尾都唔會淋。另外又叫咗碗過橋米線，佢嘅小辣對我嚟講都有啲辣，配菜雲南金香火腿好好味，份量都好足夠啱曬大胃王。最後佢啲服務都好週到，抵讚！

呢日做完gym 想食得清少少 就行去附近搵咗間米線食似係家庭式經營, staff們都好親切好貼地, 落order係寫紙仔, 米線一碗寫一張, 小食又另外寫一張我哋叫咗個蟲草花手撕雞湯米線, 一個過橋米線, 同一個小食秘製醬皮蛋呢間啲米線比平時食開嘅幼身, 但個量好多下 食極都仲有 好扺食lol個手撕雞米線湯底好正, 唔係味精湯但夠味 仲有少少酒香, 又有腐皮同杞子 所以個湯有少少甜個過橋米線啱晒食肉獸, 有個好特別嘅雲南甘香火腿, 第一次食, 同甘華火腿有啲似, 都係咸香味重另外仲有牛肉豬肉雞肉同豆卜, 做完gym想補protein就啱晒個小食皮蛋都比想像中好食, 佢個醬有少少辣, 我平時唔食開辣都接受到, 好香好惹味, 皮蛋個黃又會有少少中和咗個辣, 所以我哋無叫飲品都ok 

大埔墟不嬲多嘢食，最近又去咗一間開店冇耐嘅雲南米線舖頭，舖頭座位舒適唔會太逼夾。餐牌非常簡單，主打米線，可以選擇唔同嘅餸，唔夠食嘅話仲有唔同嘅小食選擇。雲南小鍋米線包括左唔同嘅配菜，豬牛雞樣樣齊，份量非常之大碗，價錢實惠。湯底可選清湯同埋揀唔同嘅辣度，茄湯就加兩蚊，當日選咗清湯微辣都已經夠味。比較驚喜嘅係呢碗米線除咗有一貫嘅豬肉牛肉之外，仲有火腿，火腿醃得鹹香入味，有啲驚喜。朋友嘅一碗米線就揀咗腩肉同埋中辣嘅湯底，中辣嘅湯底勁到十足，而且附送唔同嘅配料，女仔食一至兩餸已經夠晒飽。食米線可以享有飲品半價優惠，大家記得支持多啲本地小店啦。