田中日本料理

行開元朗，見到呢間「田中」日式料理，門面簡約但好有日本小店Feel，忍唔住入去試吓佢嘅魚生系列！一入到去，環境乾淨企理，坐得舒服，服務員態度親切，落單用code落又會推介特色菜。整體感覺好Chill，適合同朋友輕鬆食個飯。三文魚刺身 $85依碟三文魚刺身真係不得了！每片都係厚切大片，色澤橙紅鮮艷，脂肪紋理分佈得均勻，望落已經好吸引。入口啖啖都係嫩滑嘅口感，油脂香濃但唔膩，鮮甜味喺口腔爆發，簡直係三文魚控嘅天堂！份量夠多，食完好滿足，質素完全值回票價，強烈推薦！ 三文魚腩碎飯 $72（帶子、北寄貝、赤蝦、紫菜，配麵豉湯）：呢個飯可以揀多飯定少飯（我揀咗正常），飯底係壽司飯，酸酸甜甜好開胃。主角三文魚腩碎油脂豐富，入口即化，配上大大隻嘅帶子，爽口彈牙；北寄貝味道鮮美，略為脆口；赤蝦真係超大隻，肉質結實又鮮甜，咬落去滿口蝦香！紫菜好新鮮，點綴得好好，攞嚟包住啲飯同埋三文魚碎一流。仲有碗熱辣辣嘅麵豉湯，味道濃郁，飲落暖胃又解膩，成個組合完美！魚生飯 $98（三文魚、帶子、北寄貝、赤蝦、八爪魚）魚生飯同樣用壽司飯做底，酸甜味同魚生好夾。三文魚依然新鮮，切得厚實，入口軟滑鮮甜；赤蝦同樣超大隻，甜度爆燈；帶子同北寄貝表現穩定，鮮味十足；八爪魚普通，口感爽脆但味道相對中規中矩。整體嚟講，依碗魚生飯食材豐富，每款魚生都好有質素，份量夠多，食完好有滿足感！田中嘅魚生質素真係無得彈，特別係三文魚同帶子，淡淡肉！壽司飯同配搭嘅魚生都好有心思，份量足，價錢抵食，絕對係元朗日式料理嘅隱世好店！如果你係魚生迷，嚟元朗記得Mark低田中！…查看更多

今晚同朋友去咗不設時限嘅田中食日本嘢幾個朋友由7點開始食由於見到冇人等位，仍有其他吉枱，所以大家放心傾下計，繼續坐喺度傾偈至大概8:45，其間開始見到2位侍應生做出一啲不滿我們坐得耐唔走的趕客行為，例如大力拍埋隔離枱空櫈丶對客黑面行為兇客走。如果想我埋單走，其實可以善意提醒我們，我們會離開的，不需要這樣對客人。唔怪之得多左咁多人去北上消費，香港餐飲業比喱D店鋪做衰晒喱間簡直不知所謂，不會再幫襯，費事受氣⋯⋯落嚟食飯都想同朋友輕鬆下，傾計食飯，點知攪成咁…查看更多

田中喺元朗好出名，但係我第一次食，雖然都知道佢係做平民街坊壽司，但係見到好多好評都忍唔住期待一下，結果真係令人太失望，佢唔係普通咁簡單，佢係完全冇味，壽司飯無味，啲刺身完全唔新鮮，食咗個口好似食左水咁，零鮮味⋯⋯叫咗兩個卷物即刻走，再嗌唔到野食落去⋯⋯⋯⋯⋯咁難食既水壽司，衝擊好大…查看更多

田中壽司係我食咗好多年嘅壽司舖，每次去元朗行山之後，如果想食日本菜，一定係揀田中壽司最初食佢嘅時候，係俾佢超長嘅三文魚壽司所吸引住，佢啲鰻魚壽司都係非常之長嘅 。仲有佢三文魚刺身係非常之厚切，好啱鍾意食刺身嘅人嚟支持吓。今次嚟到我試吓佢嘅新菜式拉麵非常之多海鮮每樣都有一件，可以試吓唔同海鮮都係一種幾新鮮嘅感覺蕃茄湯底十分之濃厚，可惜拉麵略嫌煮得過腍，沒有乾身咁好食元朗嘅小店已經買少見少，呢一間唔知仲可以食多幾多次呢？…查看更多

作為一個元朗大嘅地膽，呢間日本野真係唔可以唔介紹！厚切要以呢間店作標準，冇咁厚真係唔好過自己係厚切。🦌🐿️ིོ三文魚刺身六片$85由細食到大，厚度都係一樣🥺成隻手指咁粗，每一啖都好滿足。本身想食三文魚腩，但生意太好，8點半食都已經賣曬。好彩就咁三文魚都一樣好癲ིོ三文魚壽司兩件$32壽司一樣份量好足，魚生長度仲長過我隻手🤣ིོ甜蝦刺身5隻$58除返開先11蚊隻，每隻都大大舊，連蝦頭位置都唔腥。ིོ藍鰭吞拿魚腩3片138食到去呢到已經飽飽地🤣吞拿魚油脂超勁又勁入口即融。ིོ藍鰭吞拿魚赤身3片$88食落肉地較實，自己鐘意上面個款多啲ིོ特色刺身拼盤$168呢款都幾癲，咁嘅價有埋海膽食。仲有3款刺身（三文魚、北寄貝、八爪魚）本身見到海膽個樣咁冇色水勁驚腥，點知食落又幾綿同唔腥，係差左冇咁甜。但咁平，唔腥已贏。ིོ海膽火山卷$36本身諗住填下肚叫，但絕對唔洗，因為食魚生都食飽🤣呢款冇咩特別，之前食過佢地嘅反卷就唔錯ིོ赤貝壽司$189蚊件抵到爛，食落好爽口係差唔夠鮮甜。帶子壽司$36帶子都幾厚身，食落幾甜，值得叫下。ིོ蜜柑鯛壽司$18呢個好食，喜出望外，蜜柑味留好耐。ིོ柚子真鯛壽司$10唔知係咪佢比錯，黎左個燒左嘅，唔好食。呢間啲燒物同鰻魚都好食🙌🏻…查看更多