生龍清湯腩 (兆和街)

估唔到香港宜家仲有啲咁平嘅下午茶，一個人只用了三十幾蚊，食咗個牛腩飯，喺香港邊度搵倒，竟然係荃灣揾到呢間隱世牛腩店，味道不過不失，我會繼續推介給其他人，下次再來吃…查看更多

今日星期日下晝喺荃灣周圍搵出名嘅美食希望白忙中可以抽空食美食減低平日工作嘅壓力，睇食評話呢一間嘢唔錯，諗住試一試，叫咗一個$68嘅崩沙腩，上枱食物是見到嘅崩沙腩並不如想像中明顯的肥瘦分明，味道也偏鹹，今次嘅體驗並不是很好，所以建議大家如果因為嘗試崩沙腩，慕名而來的有心理準備，未必與你所願。餐廳內環境算是一般，並不覺得10分整潔，而服務的姐姐服務也是一般般，說話鄉音比較較重，有時很難即時明白，另外結帳時租櫃檯向姐姐反映婚紗腩調味偏鹹的時候，謝謝只是很敷衍地說了一句好的，也沒有很在意，我在說什麼便跟其他同事繼續傾偈。…查看更多

咖哩牛腩飯 真係超難食   咖哩味好難頂 辣係死辣 完全沒有香料味  衰過大快活 野飲更加唔駛講 亞姐沖 完全沒有技巧  亂咁黎   少甜完全好甜  茶味冇  真係唔怪得D人北上食…查看更多

一級牛坑腩河 $68牛坑腩非常之焾，但量少，阿仔試咗一啖之後唔肯再食，話清湯有怪味，味道巴基斯坦咖喱牛腩飯 $80牛腩肉質好鞋，咖哩無咖哩香味，名過其實，味道強差人意鮮蝦雲吞麵 $40雲吞好大粒，爽口彈牙，推介（忘記拍照）…查看更多

清湯腩不夠淋湯底偏淡層次不多只有鹹味似乎並非由牛骨熬製而成服務一般非繁忙時間店面不大的情況下見客人沒上菜二十分鐘有多都沒有主動跟進後來問為什麼還沒有上菜才知道從一開始已經漏單了…查看更多

$13杯奶茶平過街邊，少冰少甜既口號，係好完整既口號，係發呼內心既口號！個清湯附以濃厚既糖鹽味完整發揮出腩既味道創新風格既清湯，正唔講仲以為係和風岩鹽湯底最有質素係個白飯，粒粒分明；好在叫左少飯，都成隻碗上；而無比隻崩口碗出，為表示尊重，食曬及飽飽呢個餐肚餓既時候應該好快食曬$80既湯腩飯加埋杯清水全數$93-相比之下，好似食左兩個麥當勞餐咁豪華享受。食左十幾廿年，見証時隨時代變遷既，見証住越唻越勁既刀功及對多食植物少食肉既推崇。不妨回味…查看更多

我一直都好鐘意食清湯腩, 所以成日都會周圍搵有邊度好味,朋友就笑我話我以前係住荃灣的, 竟然未試過生龍清腸腩咁失敗, 所以今次就跟佢去試下入到去, 其實都似一間普通既麵店, 但特別既地方係, 有唔少既小食, 飯類, 炒粉麵, 咖哩, 仲有糕點, 睇住D間餐廳都幾多才多藝, 令我地唔少期待。香煎墨魚餅-$42煎得好香口, 而且墨魚餅幾重, 而且仲有唔少墨魚細粒增加口感崩沙腩河(大)-$82因為我地都想試唔同既野, 所以我地叫完係SHARE黎食的, 崩沙腩既份量都唔少, 入口一D都唔靭, 而且牛味好足, 而我最鐘意就係痴住肉既果塊皮, 夠晒油香, 而且個牛味仲充滿晒係河粉度, 有種越食越好味既感覺雲吞河-$38另外我地叫左碗雲吞河, 雲吞都幾多料, 而且都幾彈牙, 而且配麵去食真係絕配, 唔錯糕點-3件/$15$5蚊件大大件既膏點真係好少有, 我地見到咁抵所以叫黎試下, 我地叫左杞子桂花膏, 雪耳桂花膏同埋椰汁馬豆糕黎食, 食落質地都幾結實, 而且味道幾好, 唔會過甜, 所以我地走果陣都買多D去請屋企人食總結生龍清腸腩真係幾好味, 而且幾多選擇, 下次我會想黎試下佢個咖哩!…查看更多

店子帶點懷舊感。想吃碗清湯腩，看到有蝦籽撈麵，好久沒吃了😛。‖ 蝦籽清湯腩撈麵 ($68) ‖牛腩揀要崩沙腩(+$6)，沒有太多脂肪，咬落軟腍，牛味ok。撈麵蝦籽滿滿，每口都帶點蝦籽香。麵質軟硬適中，沒甚鹼水味。‖ 蝦籽鮮蝦雲吞撈麵 ($48) ‖雲吞幾大粒，都算飽滿，滑捋捋，有蝦有肉，味道不錯。‖ 自家製香煎墨魚餅 ($42) ‖即煎，熱辣辣，煎得外面金黃脆脆地，吃到墨魚香味，都不錯。‖ 凍檸茶 ($13) ‖‖ 凍美祿恐龍 ($13) ‖凍檸茶ok，甜度適中，不太嚡口。而凍美祿則味道頗淡。…查看更多

今晚去荃灣做facial ,做完都差不多7點，等埋老公收工食埋飯時間剛剛好，路過兆和街的時候見到有間清湯腩望落都挺不錯，老公又愛吃牛腩，就決定今晚食它。餐牌上估唔到都有幾多選擇，有金牌巴基斯坦咖喱、清湯牛腩、生滾湯飯等等。凍奶茶奶茶茶底香濃不苦澀，入口順滑。咖喱牛坑腩飯叫得金牌咖喱當然要一試，咖喱味香濃而不太辣，杰身的咖喱汁尤其喜歡，入口充滿各式香料的獨特香氣，牛坑腩肉質鮮嫩有咬勁，肉味香濃，配搭咖喱非常之夾。清湯牛坑腩飯燉煮至軟腍的清湯腩, 原汁原味無添加的鮮甜湯頭，加上白蘿蔔的清香味，牛坑腩肉質韌性大，肥瘦相間，牛味最濃，配上清甜不膩的湯底，不消一會就全部吃掉。黑白胡椒煨牛尾牛尾好重胡椒香氣，有點胡椒豬肚湯感覺，牛尾炆得軟腍多汁，但味道同質感相當不錯。西洋菜雖然夏天不是西洋菜的時候，但估唔到一樣鮮嫩無渣，清甜可口，食落還非常新鮮。…查看更多

今晚去荃灣搵嘢食，每次經過兆和街都會諗起「生龍清湯腩」，最終都係入咗去食。餐廳屹立喺荃灣已經好多年，所以食物質素有保證。之前食過佢嘅咖喱牛腩，念念不忘，今次試吓佢嘅清湯腩，叫咗個例牌嘅極品坑腩。例牌果然份量不少，每一件牛腩嘅肉都連着綿綿嘅筋膜，層次分明，肥瘦適中，牛肉味超濃郁。牛腩底下還放滿牛筋和蘿蔔。蘿蔔清甜，而且食落沒有渣。蕃茄豬潤牛肉米線比我想像中大碗，湯底夠熱，味道似濃郁嘅蕃茄牛肉湯，感覺沒有味精，後來先知每一碗湯底都用上超過半斤嘅蕃茄熬製而成，唔怪之得咁濃郁。除此之外豬膶爽脆鮮味，牛肉夠腍。…查看更多

啱啱病好，想食啲清清地嘅嘢，同朋友行完千色店突然醒起附近有間老字號清湯牛腩，即刻過嚟食～選擇勁多，而且價錢相當親民～招牌清湯腩飯 $73 +紫菜（$6)湯頭清甜，清湯腩炆到好淋，肥瘦紋路分明～食清湯腩，最緊要係有入味嘅蘿蔔，呢間完全滿足晒所有要求～清湯牛坑腩飯 $79個人係牛坑腩嘅忠實粉絲，呢度嘅牛坑腩非常正宗，牛味超濃，比起牛腩更加有着勁～清甜湯底加入味蘿蔔配飯，一拎起就停唔到手～香煎墨魚餅 $42必食！手打墨魚餅，淡淡墨魚粒，勁好食～黑白胡椒浸豬肚粉腸 $42朋友勁鍾意食中式粉腸！佢話呢度嘅黑白胡椒唔會太辣口，粉腸洗得好乾淨，豬肚就好爽身～腩汁生菜 $18真係街坊價！大大碗連埋腩汁都係$18，山菜仲要新鮮爽身～前：熱鹹檸蜜（特飲價+18)後：熱柚子蜜（熱飲+10)啱啱咳完好返，飲番杯熱鹹檸蜜潤返喉～大大粒鹹檸切開兩半，味道夠濃～…查看更多

在荃灣轉車，經過兆和街，見到「清湯」兩字，立即清湯腩癮起，果斷進去食個下午茶。看到食店在網上蠻多資料的，好像挺有名，進去，橫樑掛著霸氣的「生龍清湯腩」招牌，心想老闆應該對自家的清湯腩很自信。清湯腩河粉$56一於點個清湯腩河粉，半肥瘦，不算貴。牛腩炆得既腍軟又爽口，半肥不瘦，牛肉味濃，清湯清淡。酥炸雲吞$42突然想食炸雲吞，明知超出一人分量，但還是任性點了。雲吞裡有鮮蝦、豬肉，比例剛剛好，味道餡料飽滿，炸得非常香脆。鹹檸蜜$18賣相一般，但味道清新，不錯。…查看更多

今日同朋友到荃灣食飯，餐廳不需要等位就可以入座。我們叫了一個至尊套餐B，包括時菜鯪魚湯、招牌清湯腩、咖喱薯仔牛脷、白飯和兩杯飲品。兩杯飲品分別是話梅柑桔七喜和話梅柑桔蜜，話梅味道香濃帶酸，但飲品又不會太甜，甜中帶酸。首先是咖喱薯仔牛脷，咖喱汁味道不錯，香辣但又不會太辣，而且咖喱非常之香，而牛脷軟身夠入味。之後是時菜鮫魚湯，濃湯中有生菜再加上鯪魚球，湯的味道清甜，而且很大碗。最後的是清湯腩，牛腩肉軟不會硬，而且牛味足，另外白蘿蔔清甜多汁。整體而言，味道不錯，出餐速度快，而且價錢合理。…查看更多

琴日收工同老婆去食個牛腩河， 入到坐低 啲阿姐態度好似爭佢錢咁 黑面， 諗住食嘢啫 冇理咁多嗌咗兩個牛腩可試下 價錢差唔多六十蚊一碗， 跟住兩個牛腩河嚟到 未見過啲牛腩 可以咁垃圾 完全唔係牛腩嚟嘅， 好似喺垃圾桶執兩塊豬皮咁， 於是問呀姐我問佢係咪牛腩河粉佢話係， 見到個樣已經唔想食 畀錢走人 出去食嘢未試過有咁嘅經歷…查看更多

今晚到荃灣兆和街的［生龍清湯腩］嚐嚐經典的牛腩味道。餐廳不大，裝飾簡樸，六七十年代的懷舊風情。餐牌上都是經典經口味的粉麵飯，當然，我最想嚐這裏的招牌菜---清湯腩。「清湯牛坑腩飯」，牛坑炆得既腍軟，又爽口，半肥不瘦，牛肉味濃，清湯清淡而不肥膩，是必食之選。「巴基斯坦咖喱牛腩飯」，巴基斯坦咖喱香濃而不辣，牛腩有質感之餘又不靭，非常惹味，送飯一流。「西洋菜」，水煮西洋菜，不油膩，夠健康。「香煎墨魚餅」，新鮮即煎，香噴噴，鮮味十足，爽口彈牙。「家鄉煎鯪魚餅」，家鄉風味，鯪魚肉特別新鮮，無魚腥味，點上酸甜醬來吃，份外美味。兩款煎魚餅味道和口感，讓人有意外的驚喜。這裏的味道不錯，價錢實惠，甚得街坊的支持。…查看更多