2023/1/19係生鮪最後一日營業,冇諗過等到佢臨結業先幫襯到!前年係大角咀金所1.0幫襯過一次,一直都好想再食,搬咗去中環時冇深究,後來知道係長沙灣再開返,已經同男朋友講咁近一定要去,然後就沒有然後了,直到日前得知唔做了,就急忙攝期去食。結果去到已經賣淨一份,我哋決定照食!成碗都係吞拿魚原來真係好爽,我真係知道得太遲了!今次好食得到不經雪藏嘅生鮪同一般吞拿魚刺身味道嘅分別,相對係淡口溫和好多,又唔會有任何魚腥/血味/鐵味,直情唔點豉油同wasabi都可以一啖接一啖咁食!最可惜係連蘭王蛋都賣晒,如果唔係個丼一定香好多,師傅話因為冇蛋所以魚係比多咗份量我哋,於是我哋懷住「感恩食到最後一碗」嘅心,極速清枱!想講麵豉湯同醃蘿白都好好食!希望遲啲會其他地方再見👋🏻…查看更多
以上食評乃用戶個人意見 , 並不代表OpenRice之觀點。
讚好
推介美食
用餐途徑
堂食