34
15
4
港鐵黃埔站 B 出口, 步行約5分鐘 繼續閱讀
電話號碼
23651160
營業時間
今日營業
06:00 - 20:00
星期一至日
06:00 - 20:00
付款方式
現金
座位數目
20
其他資料
電話訂座
加一服務費
食評 (56)
等級4 2019-09-02
218 瀏覽
公司附近最近粥檔只得一家,內籠老店裝潢,侍應阿嬸們尚算招乎周到,笑容滿面,但負責煮野兩位阿嬸似乎笑容欠奉,表情黑黑地。管理勁混亂,成日錯單漏單,有待改進。因為懶唔想行太遠,貪近貪快,唯有再次生記。雖然生記出品麻麻,係依幾條街唯一一間粥舖,午飯時間仍然客似雲來呢!阿嬸們貫徹始終待客態度十分冷淡,黑口黑面,目無表情,居然找錢時將硬幣掟落我隻手掌度,係咪想死呀!過份到離晒譜。幫襯多年,只試過有一次見白頭阿嬸極親民好相與,熱情禮貌招待食客,心情大好乍。幸好還有一位肥姐,為人有善有衝勁有活力敬業樂業,有禮有笑容,比白頭冬菇嬸好多倍。師傅經常心不在弦,不用心聆聽,我要走蔥呀 ﹗侍應阿嬸絕對有講走蔥。此粥店習慣只唱單,不會寫單,經常都出錯食物,多年陋習係要改架。生記職員習慣只唱單,絕對不會寫任何單,所以我碗粥一次兩次再次無限輪迴無走蔥囉﹗已講十萬次我走蔥咯,已多次無理會,真係火到黎 ﹗將蔥掉晒落檯面,您地慢慢清理啦!搞到我要花時間挑落檯,您地要花間間清理,係咪雙輸呀!終於發現問題所在,何解每次什麼粥都淡茂茂呢?原來係泡粥,不是生滾粥!只是執好熟料再面頭倒上熱白粥,熟料成舊沉係底,粥還粥、料還料,沒有生滾出味,那會有味道?碎牛豬膶粥走蔥,可遇不可求,色香味均達標。 豬膶顏色靚靚的,入口爽滑鮮甜味道最香濃不乾硬,滿意。大量豬潤沉在粥底塞得滿滿的啊,大大塊厚切豬潤,爽爽彈彈滑滑,用筷子夾起就震騰騰,彈到粥水成檯都係,您唔好郁得唔得呢﹗鮮膶味帶甘帶甜,不腥不嗅亦沒有血腥味,一流的烹調,點做到架呢?雖然未達米芝連,不過都值得一讚 ﹗粥底偏水而味道偏淡,幸好有濃郁鬆軟碎牛提味。我心中只有大埔魚滑粥底最香甜綿滑頂級,完全不需再添加任何調味料,已經非常鮮甜完美。艇仔粥走蔥,從未遇過如此豐富的艇仔粥 ﹗鬆軟甜美碎牛、脆脆無味水魷、爽爽豬皮、香口花生 4 粒、可狠蔥花 4 粒,我都話走蔥咯﹗粥底淡而無味,奇怪地隱若有點酒味喎﹗唯有自加豉油連糊椒粉嘗試補救,終於有少少味道。皮蛋瘦肉粥走蔥,粥底有驚喜,比以前更綿滑亦更香濃,滿意食得過。發現係用咸豬肉絲,雖然肉質爽口,味道咸香,但始終真的不習慣。皮蛋不是高級貨,口感硬實、不棉不黏,亦無蛋黃油。低級皮蛋,無蛋香、無黃油、硬實而無味。這碗粥底特別咸,是否因為咸瘦肉啊?價錢堅平堅抵食,不過用料質量偏低,可否加錢用好少少呀? 齋腸粉,不是即拉腸粉,預早好多好多蒸定,味道質感溫度強差人意。討厭的室溫腸粉,連一絲暖意也沒有 ﹗好采嫩滑不硬不粉不黏。必定要配合極度混醬才好味道,辣醬、甜醬、麻醬,融合變得無械可擊﹗生記最大特色除粥底外,什麼都係冷盤凍冰冰的,腸粉、炒粉、炒麵全部都係凍既。碎牛魚腩粥走蔥,碎牛味道難得合格,不過我係要碎牛,不是免治肉丸呢!碎牛黐埋一舊舊,似肉球多過碎牛,要自己耐心地搗碎跟粥底混和,而且還夾雜微脆米通在內。魚腩彈彈爽爽滑滑的,三大舊魚腩肉多骨少蠻不錯,啖啖嫩肉而結實,溫柔的魚味不強烈。魚味濃郁,魚脂甜味不足,免強合格。粥底偏淡,要加多多胡椒粉少少豉油提提味,即時變得可口多了。炒麵,我真係好鍾意食炒麵,好很想食呢 ﹗但我唔食芽菜架。豉油皇芽菜炒麵,芽菜還要兜得異常均勻,想走都無得走。平時我都會慢慢續條續條芽菜挑走,不過疲倦萬分懶得挑,硬著頭皮照樣啪入口,芽菜熟透無腥嗅味道,還食得到。幸好夠眼利發現兩條毛,掉丟算數費事煩。普通街坊味道淡茂茂,不過不失唔難食,加甜醬辣醬添一點姿彩。油油炒麵表面凍冰冰,食到中間暖暖地,質感濕淋淋,倒汗水來的?跟熱粥撈埋一齊食更滋味。炒河粉,冰冷送上使到油膩感更強,浸熱粥食會舒舒好食多 ﹗河粉一束束黏著,似足食緊粿條。清淡的豉油味不均勻,而且我唔食芽菜,揀到頭暈。及第粥走蔥,粥底特別淡,要勁落豉油,可能以往食開碎牛或瘦肉,味道會濃味一點,有豬內臟粥底真係甜好多。生記處理豬雜係有兩板斧,彈滑香甜,肉味濃郁不腥嗅不苦澀,還散發陣陣酒香添。豬膶鮮爽、肉丸粉口、豬肚及粉腸爽而無澀味,連粉腸都係爽口既,點整架?粉腸嚥韌滑滑中有點彈牙,味道清淡。肉丸爽爽多汁,雖然無咩肉香。豬紅魚片粥走蔥,豬紅硬實無味道,不嫩不滑沒有浸醃,過過口癮罷。有少少細骨的魚片係正常不過的,但要食得小心一點。不是滑魚片,實淨散散地的魚肉,微弱的魚味不帶腥,可以的。叉燒腸粉,唔想食凍冰冰齋腸,唯有食即拉腸粉,誰知更加衰!熱就夠熱,但粉皮棉胎般厚,粗鞋粉黏!幾粒肥騰騰叉燒,白蔥粒草腥味極重。豬膶腸粉,棉胎般厚的粉腸皮,密不透風完全睇唔到裡面,較晒飽肚,厚到可以煮碗河粉呀。食兩整條已經非常飽滯,頂多半條剩半條,食晒豬膶放棄。滑牛魚腩粥走蔥,滑牛勁鬆腍劈劈,滑嘟嘟滑潺潺,醃味重手,無牙都食到。粥底香醇美味比以往住步好食多,不用加任何調味料,有牛有魚味,真有滾過,跟以前淨泡大大不同。魚片豬膶粥走蔥,印象中粥底應該非常水汪汪淡口架喎,但近來似乎進步不少。綿綿的粥底味道香甜可口,是否因為有肉關係呢?還食得到陣陣酒甜味,連豉油胡椒粉都慳返。咸肉糉,突然有糉,紅磡喰糉!特別大隻,太多糯米飯喇麻,碗幾兩碗飯太飽啊 ﹗濕潤綿綿軟滑黏黏,熱辣辣口感超讚,散欠陣陣竹葉香氣,糯米香噴噴搭上清爽甜豉油醒神。無咸蛋既?勁失望囉。您竟然收埋係死角咁神秘!食到最後兩啖先發現,可狠呀!剛巧我係對角開始食起,黑仔!餡跟飯一比二的份量,綠豆半爽半溶夠清甜。肥豬肉甘香滑滑,吃不到肉絲少左份肉香呢,多點餡就多點幸福感覺。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-13
428 瀏覽
住紅磡的人都應該會認識生記,除了已開業多年,也正正在紅磡街市旁所以常常經過。星期日是個下雨天,中午仍然座無虛席,而且有源源不絕的外賣客人。幸好翻檯也很快所以剛好有兩個位。叫了豬膶滑牛粥、炸両、米粉和一杯豆槳,才六十元已經令我們有個超飽的午餐了。最喜歡是這裡的粥底,不像有些店舖似是加了生粉水的質地。偏稀的口感,但很綿滑,所以每次無論算那款生滾粥也不會失望。見店員不斷在炸油炸鬼,想必炸両也是非常新鮮,腸粉皮尚算幼薄,所以也是我經常會外賣回家吃的早餐。這天堂食固然口感更好!炒米粉倒是第一次點。炒得還算乾身。味道有點清淡,但知道粥店的炒粉麵就是要人加喜歡的醬汁啦。重要是才十元已經大大碟,經濟實惠。當然,老店的環境當然是差一點,要搭檯、辣醬的樽也有點黏黏的。不過,老店就是有它的吸引力,所以也經常會來這裡吃! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-17
346 瀏覽
鐘意吃粥,每去一個地方,都想找附近美味的粥店試食。今次朋友介紹了一間紅墈粥店,於是便急速一試。這是一間老式粥店,所以座位不算寬敞,但也算舒服。揀了我至愛的魚片豬潤粥,粥很綿很綿,而且非常鮮甜,豬潤很滑很彈牙,配上魚片,真是甜入心頭,難怪店內吸引這麽多老家來吃。粥不算大碗,所以一定要叫多個炒面或炸兩吃,油炸鬼很騷香,配粥真的一流,但炸兩就一般般,沒太大特色。誠意推薦老的豬潤粥。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-28
1074 瀏覽
日日都三十幾度天氣超熱無咩胃口,口淡淡學媽咪講去食個弼先,上次同事教食個個菜乾豬骨粥$19係餐牌上無既,問下姐姐真係有就加多個炒米粉$10,加埋先$29,真係糧尾恩物啊!菜乾豬骨粥$19清熱下火,菜乾香味好濃,價錢平但用料一D都唔少,豬骨都好入味,粥底亦好棉食完碗粥都好夠飽,但都要食埋個炒米粉,米粉用左好多銀芽一齊炒香,真係大滿足最鐘意醬料任加,甜醬、辣醬、麻醬…落幾多除你鐘意,但我就覺得本身已經好夠味道唔洗落咁多再去調味 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-21
951 瀏覽
食過土瓜灣粥家莊,失望絕頂,同事叫我幫襯生記,話佢地粥品唔差,於是乎走去幫襯吓。生記係d舊式粥鋪,唔會有好靚嘅裝修,餐牌都無個,粥品寫滿哂係牆上。粥黎到,有匙羹了兩吓先,感覺一d都唔水,d粥掛碗,滿意,食落唔會太咸,味道啱我口味,叫佢多蔥,佢真係俾多d蔥,唔係敷衍我。服務滿意。依家牛肉貴咗好多,所以預咗叫碗牛肉皮蛋粥嘅時候,牛肉份量會少好多,但望真d,份量又未至於少得可憐,正常份量。唯一失望係枱面調味配料無白芝麻提供。 繼續閱讀
(以上食評乃用戶個人意見 , 並不代表OpenRice之觀點。)