生原創(蛋包飯) (已結業)

一search openrice睇天后嗰間已經執咗。好多年前想食可惜最後都冇去食天后嗰間食今日去到食了但呢間始終係food court一定唔係天后嗰間嗰種質素亦都有少少頹飯feel不過咁嘅價錢都冇乜要求正正常常十分飽 都幾抵食嘅 佢都冇單呀最後手寫咗價錢畀我蛋包飯都係普通一塊薄嘅蛋皮鋪係面一個意大利飯底嘅雞肉飯裏面有啲西式嘅感覺但係唔會話係超級好食嗰種coco咖哩蛋包飯咁可能因為開喺food court成本同埋烹調方法都有限制所以就唔係以前嗰種蛋包飯不過咁嘅價錢真係算係咁

場內有唔少食店... 呢間算係其中一間比較吸引... 見到有「今期著數」... 價錢相當抵... 叫咗2客雞柳蛋包飯... 每客都只係$38... 認真抵食... 加$1仲可以配埋小食... 我揀咗炸雞塊同餃子!論好食程度... 確係一般!但係論抵食程度... 就非常之超值!

今日去探親戚，之後落去附近商場既food court食野，選左一間日式既，簡單點左幾款同家姐食。一口餃子一碟有四隻，正常發揮，外皮幾脆口，入面都Juicy，一試無妨。手撕雞跟一般的手撕雞一樣啖啖肉，雞肉都幾滑，少許海蜇，另外加上了日式食材，好似中華沙律、少少明太子，口感都豐富。最特別的是以wasabi調味，均勻滲入食材，食入口都幾嗆鼻，刺激而且特別，頗新穎。日式咖喱陳皮魚蛋魚蛋迷你size未算很爽口彈牙，但魚蛋嘅陳皮味道很突出，加上日式咖喱醬料，食落都幾特別，食得多香港辣嘅咖喱，用呢種配搭都感覺新鮮。蛋白蟹膏炒飯這個係點菜時，店員話係新出品，餐牌都未有，叫我哋試下。有新野當然試。上枱賣相不錯，蟹造型嘅碟很可愛，以food court來講，賣相都幾精緻。炒飯很乾爽，蛋白及蝦既份量都可以，不過唔知係咪因為之前個手撕雞啲wasabi 太重味，食落炒飯未如預期般惹味，食入口有d淡。最後還有甜品抹茶厥餅，這個甜品有驚喜，抹茶粉茶味香濃，厥餅軟硬適中，可以清一清口腔。整體來說，food court來講，嘢食賣相都算精緻，啲嘢食價錢相宜而且飽肚，算係不錯。

下午茶試新嘢，估唔到咁難食。見有個墨魚汁滑蛋海膽ufo，諗住試吓特色野。D 蛋好老，食唔到海膽味。連杯朱古力都唔掂 ，另加左$5. 落好少朱古力粉，水only ，非常淡，章魚小丸子乾，勉強可以。周圍環境係food court only絕不推介