生力冰廳 (已結業)

女兒身，男兒心。成日都想食地盤佬飯嘅我，今日lunch出去旺角，喺旺角街市附近搵間冰室食我嘅午飯。呢間鋪頭裝修就麻麻㗎啦，好有舊式懷舊嘅感覺。入面座位都唔算多，可能我食得早，唔使排隊就坐低左啦。坐低就叫咗個咖喱牛腩飯，唔使5分鐘就送到面前，飯同咖喱汁係分開嘅，唔似得其他茶記會放埋一齊，夠細心。咖喱夠香，唔辣，牛腩都夠淋身。嗌杯凍飲+$1都係$55買單，冇人趕好舒服😌其實有時真係想食返啲最簡單傳統，有人性味嘅冰室，香港真係越來越少啦。…Read More

生力冰廳，D食品其實真係好掂，但奈何實在太多人幫襯，每次去到都總係冇位🤨，但又唔想外賣，因為外賣會嚴重影響食物效果，所以永遠都係堂食先至係上策，所以到最後我還是選擇離開去幫襯第二間餐廳，生力冰廳嘅早餐同午餐都好有水準，尤其係洋蔥豬扒飯，真係好惹味，令人食完又想再食，早餐亦都令我相當滿意，因為生力冰廳嘅麵餐係採用福字麵，福麵係我由細食到大嘅，所以我係最鍾意食，奶茶夠凍茶味夠，每日任何時候都客滿，當然有佢嘅獨到之處:)…Read More

位於快富街近洗衣街之小店， 地點真的很方便， 唯獨是價錢有點貴。此店沒有設下午茶餐， 如下午茶時段到來，可叫午餐。火腿奄列都算大份（ 影相前以食一啖）， 味道一般，餐肉福麵 (係塊餐肉係煎都冇煎過）， 褔麵水太多， 成個湯唔係好夠味。以呢個嘅價錢， 旺角其實有好多選擇， 只此一次，下不為例。…Read More

晨早旺角周圍行又讓我找到了一家隱蔽的食肆！而且看落又幾舊下！那我不理了，推門直入這！內裡，的確是帶點舊氣！天花頂仍然用著復古吊扇只有三四枱客在店內！餐牌野食選擇唔多...叫了早餐肉丁麵，跟多士及炒蛋！肉丁湯麵賣相一般，得少量肉丁。吃一口麵，略略偏硬一點！煮得未夠身！湯底很淡不是是湯包的味精粉！炒蛋賣相也是一般！是炒得老了，但有蛋香又好吃！牛油多士烘得薄，外脆內軟熟比起什麼厚多士更得我心天氣熱要凍飲，凍奶茶是也。實質看見對面大叔喝得津津入味，所以我都要凍奶茶出品是不出我所望喎！感覺到是絕對不馬虎，茶底濃香！奶在底就沒有影響到茶的凍飲用時輕輕地一攪而奶味慢慢地由底升上來，奶茶也更香滑。此店保留了老的味道，老的風格《生力冰室》以街坊為主，值得一讃…Read More

旺角，其實是一個舊區，只不過是商場林立，而且大都是一些所謂的 "o靚場" 而令人遺忘了這一帶的古舊氣味。也許，女人街、花園街兩個市集，先達同弼街的好幾間老茶記，以及穿過了郎豪坊後出現另類繁華的廣東道街市，才會感受到旺角的老味道。是日，我在旺角找到的老味道，是在花園街街市附近的一間小小食店。一間不起眼，帶著不吸引人門面的老冰室，位於快富街，名字叫《生力冰廳》。 以前曾經在旺角上班的我，這《生力冰廳》算是的常來的餐廳之一。多年沒有有，感覺一點也沒有變。是日一早，心血來潮走過來，首先懷念一下這小店的早餐。豐富的早餐有煎蛋、火腿加牛油多士。薄薄的一層牛油，因為烤多士的熱力而滲入了麵包的內心，份外的好味道。炒蛋同火腿雖是普通之物，但兩者一併起來，永遠都有化學作用。 沙爹牛肉麵的沙爹牛肉十分之香滑，牛肉味同沙爹味都非常之濃郁。沙爹滲滿在麵湯之內，令到整個麵的裡裡外外都充滿了味道，是一個能令人心情美滿的港式早餐。 改日，午餐再來，叫了一個套餐的洋蔥豬扒火腿飯。這亦是《生力冰廳》午市最多人點的套餐。單是用肉眼去看，這是一個大鑊兜出來的洋蔥豬扒，我可以說，這東西屬於快餐，預先炒好的洋蔥豬扒，淋上火腿同飯上面就成，雖是這樣，洋蔥豬扒非常夠鑊氣，醬汁緊緊地鎖在豬扒同洋蔥之下，而且有半熟同全熟的洋蔥，入口十分之香口，當然醃肉帶出的豉油汁 (豉油同食油的混合物)，令到這一個飯份外的香口好味。 餐飲，我兩次來都選擇飲飲奶茶，固中原因就是好飲。茶香，入口滑，濃度同奶香都並存，絕對是我杯茶。 好食的食物，好多時都不華，也不麗。這一間小小的《生力冰廳》，就證實了不華不麗的食物，不華不麗的食肆，也能夠做出好味道。這一名，幾乎天天滿座。…Read More