甜道

營業中

休息中

第一次光顧, 平時見到店舖已經人不多, 今晚儘管試一試，叫了一個 楊枝雪山 $118 ， 圖片真的非常吸引， 但實質是一杯冰山， 芒果 柚子及其他配料也十分稀少， 中伏都算了，跟老闆反映問題， 他十分不耐煩只有答 ： 係呀係呀係呀。 既然有心開一間店舖，為何不把食物質素提高一些吸引多些顧客呢， 加上他的態度實在是 趕客。唯有嘆氣離開。

喺沙田店度買咗個外賣芒果椰汁西米露加小丸子，諗住新年買個甜品，見到呢一間成間店都好多芒果，就諗住試吓，叫咗個外賣諗住拎返屋企食。點知攞出嚟好細一兜，連半碗都冇。。。公道啲講，芒果嘅粒數係夠嘅，但係椰汁好無味好淡，真係無乜椰汁味，西米露黐到一嚿嚿分唔開，食落漿埋一齊，真係好失望，係我食過最難食嘅甜品，呢一份嘢連餐具收咗我$54，以價錢以及質素嚟講真係唔值得，唔知點解會唔會真係可以改進吓 都知道搵食艱難 但係真係以價錢嚟講佢唔值$54。。。

一定要食呢間既芒果刨冰，我自己係加左芒果爆珠既，價錢尚可接受，而且個甜味就唔會死甜，食上嚟唔會厭👍🏻👍🏻👍🏻👍🏻職員都好親切，好有人情味，並無網上講到咁差👍🏻其他嘅甜品都唔錯架，例如芒果西米露、芒果糯米糍呢啲都好好食，唯獨芒果小丸子啲小丸子可以有返少少甜味！咁樣口感就更加豐富啦！另外佢地都會賣一啲芒果乾既，嗰啲芒果乾都好好食吖！😋😋😋身邊啲朋友試完都覺得好食😋😋😋值得一試👍🏻

基本上所有甜品都係以芒果為主甜品外觀吸引，令人有食欲雖然有少少貴，但裝甜品的碗容量較大，加上有很多不同的配料，整體來說都不錯整體而言，冰沙方面較差，因為冰沙有啲太粉，唔似冰沙

皇牌是一道清涼的芒果甜品，外觀鮮豔，口感輕盈。每一片綿綿的冰層如雲朵般柔滑，與新鮮的芒果塊相搭配，帶來濃郁的水果香氣。甜度適中，不會過於膩口，讓人感受到天然的芒果風味。無論何時，芒果綿綿冰都能帶來愉悅的心情和味覺的滿足，值得一試！

本身不屬甜點愛好者、路過記起有網紅推薦過這間店決定試一試。聽店家解說剛預著水果產地颱風節，果甜不是發揮最好的，但碰巧那種實在不加不減的果甜是我偏愛的🤌🏻不帶有硬繃繃的加工甜度，細嚼後有點淡淡的微酸，令整個甜品增了輕輕的層次😌寒天、小丸子軟糯道適中，對煙靭口感鍾情的更是絕佳配搭😍沙冰極致綿密幼滑、入口時有種軟綿綿的質感，隨後𣊬間即化🤤勿論是追求口感、喜愛水果應有的純粹味道、或是對本土小店給予一份小小支持…甜點有興趣的人不防一試！💕或者出色的甜品店屢見不鮮、但這次的甜品經歷最令我回味的除了是純粹食物的味道衝擊☄️更多的是來自店家的熱情❤️‍🔥跟用心🫶🏻P.s. 見證過店主的熱誠、對自己作品的進步有追求，決定寫上第1次食評甜點1: 芒汁寒天小丸子甜點2: 芒果刨冰奶底加芒

如果鐘諗食芒果既朋友.呢度一定多選擇！推薦椰汁芒果雪燕桃膠，呢間鋪頭員工比較nice ，生果都比多幾粒 其他推薦金玉滿堂、金玉、白玉、黑玉、仲有佢地既雪糕都唔錯、總之芒果都好食

成份楊枝雪山都唔算平，但係芒果味冇就算啦，冰味都冇，全部都係水味來嘅。找職員反映，佢都話你哋點咗楊枝甘露唔係芒果，天氣熱當然冰唔好睇。但係都冇幾分鐘喔，也根本唔係綿綿冰、係冰渣。我哋之前都食過好多次，次次都冇咁敷衍。職員自己都話出，今日哩部機唔知點，就係打唔出冰。但也都唔係我哋問題呀。退咗款之後，唔知點，又開始嘴我哋係大陸人，食唔慣唔要點冰，你哋口味都食甜d。唔明全程溝通交流都在堅持講廣東話，點解單單來哩度食甜品仲要被歧視啊？重要係點咗好多次，都推薦卑朋友幾多次，哩次真係好失望⋯⋯

之前上網睇話呢間甜品舖嘅冰好高好誇張，所以係附近食完飯就行咗過黎試。我地兩個人叫咗一個楊枝雪山冰，黎到果然比佢嘅份量嚇親。估計3-4人share 都夠食。但食落就有啲失望，整體個冰都唔係好夠楊枝甘露味，淨係食到啲練奶嘅甜，如果夾埋其他配料食，就只有配料嘅味。芒果算甜，紅豆份量都多，另外有一啲透透地明嘅配料，偏苦，可能係柚子？成個冰都好麻麻地，只係份量夠，上到枱嘩嘩聲，可以打卡外，味道都普通唔太出色。試一次就好了，下次食甜品未必揀呢間了。

沒有服務可言，職員態度惡劣，令人感到十分不愉快。冷氣機滴水，竟然滴咗落杯甜品度，真係難以置信。更令人失望嘅係，職員嘅反應冷漠至極，只係叫我坐喺隔籬枱，連一句真誠嘅道歉都冇。呢種處理方式實在令人感到被忽視同不受尊重。至於甜品質素，更加令人大失所望。明明係主打芒果甜品嘅店舖，但佢哋嘅芒果甜品竟然比唔上普通嘅雀巢芒果雪糕！呢種情況實在令人質疑佢哋嘅食材質素同廚師水平。再加上價錢偏高，完全唔符合所提供嘅食物質素同服務水準。綜合以上種種負面體驗，我絕對唔會推薦呢間店舖比任何人，亦都唔會再光顧。

今日美食展見到尼間野，55蚊要左個芒果糯米飯。等左好耐後先比到，我一啖咬落去，發現個飯完全被膠紙包住。原來個糯米飯仲被保鮮紙包住就擺埋芒果淋埋汁比左客人。我即刻退番份飯比佢地，同埋要求退款。但好笑ge系職員死都唔肯退錢（留意：我唔系要任何賠償，而系退番個55蚊我，因為我已經比番盒糯米飯比佢）。職員態度串到爆，咁大個人未見過咁ge情況。最後我報左警，但職員都唔肯退，即使佢地冇deliver到任何野比我，同搶錢冇分別。已經留低報案編號，會向消費者委員會，食環署投訴到底。

今日幫襯坐咗20分鐘左右 突然之間多咗好多客 本身我同朋友係坐喺一張大枱嘅 見到多人入嚟都褪入少少 職員就笑笑口話我以為你食完會讓個枱俾我哋㖭 我心諗我朋友都未飲完杯嘢飲 而且我都係坐咗20分鐘咋喎😂應該唔會再幫襯😂

熱辣辣，熱辣辣，好熱好熱🥵香港而家連夜晚都一樣咁熱🔥所以行街行到咁上下就要飲杯嘢，降一降溫🥶今次喺沙田好運中心見到有間專賣芒果產品嘅小店，夏天一定要飲番杯芒果冰沙，所以即刻衝入去叫咗杯芒椰奶西($38)😝好耐都冇喺香港飲過一杯價錢合理，又冰涼又多芒果粒嘅芒果飲品啦🥺成杯嘢飲唔會太甜，有椰奶香但係又有冰沙中和返個甜度💯下次嚟一定要試埋佢哋嘅招牌芒果冰山！🥭⛰果然沙田係一個美食之城，乜嘢都有🤤

近期天氣熱到一個點, 總是想吃刨冰, 但刨冰這詞包含多款冰種, 可以是雪花冰, 綿綿冰, 剉冰等, 不問清楚很容易誤會, 造成失望。印象中, 沙田的甜品店售賣的多是剉冰, 即可嚐到明顯冰粒的那種, 並沒有我喜歡入口即溶的款式。這甜品店以芒果專門店自居, 本身對芒果又愛又恨, 怕吃到酸的芒果, 故這店開了一段時間也沒光顧過, 直到最近有網絡KOL介紹這間甜品店, 或有我想吃的刨冰, 便來光顧。由於一心想吃冰, 故沒看餐牌, 便直接詢問店員有那些冰選擇, 最後選了金玉滿堂冰。及後看了看餐牌, 雖然大部份甜品也有芒果, 但也有沒芒果的選擇, 顧及不吃芒果的客人。金玉滿堂冰 $68金玉滿堂冰以一人份來說, 算是適中。配料有芒果, 芒果味爆珠, 柚子和椰果, 以比例來說, 配料份量竟與冰相約, 實屬少有。而刨冰則是昔日一片片的綿綿冰, 很久沒見, 有懷舊的感覺, 芒果味道滿滿, 是難得的選擇。