甜蜜總部 (已結業)

好耐之前係團購買左半價優惠券，所以就去左試下啦，但有D失望！首先，叫左半熟流心蜂蜜蛋糕，原價HK＄75,切開真係好流心既，但實物無佢地相中咁靚，一切個下成個蛋糕都扁曬，不過都幾香既蜂蜜味，口感濕潤，味道較甜，完全唔洗落則邊既蜜糖！其次，叫左哩個WASABI朱古力心太軟，原價HK＄58, 流心效果明顯，本以為流心出黎既醬會偏綠色（因為WASABI），原來係我想多了！只食到淡淡既WASABI味，唔嗆鼻，被香濃既朱古力遮蓋左，不過則邊綠色既WASABI餅乾碎幾過隱，幾好食！總結，好采有半價！…查看更多

被半熟蜂蜜蛋糕吸引走入去試試……點了幾款甜品，甜品名稱很特別!點了個芒果震震蛋，藍莓布丁，椰皇燉湯圓，和主角半熟蜂蜜蛋糕，這蛋糕一點都不好吃，只吃到麵粉味和甜味$68一點都不值!芒果震震蛋的布丁沒有太大驚喜，不夠香滑!唯一驚喜的是湯圓，這個芝麻湯圓很好吃!…查看更多

在尖沙咀晚飯後朋友提議去個寧靜點既地方食糖水唔講唔知 原來深水埗長沙灣呢邊都有間坐得舒適既糖水舖一直以為是沒有的一坐低 店員好招地推介做緊優惠既蜂蜜蛋糕 似係半熟既果類 半價後$34 幾抵 於是我地叫左一個試試味道我地一致認為有陣蕃薯味都唔錯👍我去邊見心太軟都會叫黎食的因為心太軟係我大愛店員大力推介我試佢個日本芥末口味既心太軟味道唔差 值得一試 聽講佢用新鮮山葵去整 所以唔會攻鼻 所以平時食壽司怕點芥末攻鼻既人都可以試試我為食 偷試朋友果個金色時代芒果味淡左小小 我自己唔太喜歡 但朋友好快食晒總括黎講 環境唔錯 夠舒適 不過人流唔太多 可能我地去果時都11點幾喇🙆🙆😋😋價錢都算正常 而且打卡有9折添 都抵食既…查看更多

一直想食半熟蛋糕，又驚連鎖既唔好食，見到依家小店經營有就即係買黎試。點解我話有理力呢? 因為佢小店，又無咩客人，佢好熱情。當時我同屋企人傾緊食咩，佢全程企係隔離唔走不得止，仲要搭咀! 我地想1個CAKE 2個人SHARE啦，佢「建議」我地一人叫一樣野再加個CAKE SHARE!! Well… 個蛋糕無想像中甘好，第1: 個質地好實! 一D都唔SOFT! 第2: 個流心好唔流心，只係個蛋糕焗唔熟，中間有小小汁甘。唔計個中間，其他地方就濕濕地。唔可以話蜂蜜味好重，但真係好甜。 依個價錢，唔會再試。如果下次再食，會食其他野! …查看更多

半熟蛋糕剛冒起時，除了介紹來自台灣的諾亞，還有長沙灣的甜蜜總部。試過令人失望的諾亞後，對半熟蛋糕沒太大好感，也把甜蜜總部拋諸腦後。父親節之夜，吃過晚飯後，特意來到康瑞涼茶找芋圓，怎料父親節夜要預備晚飯，不賣芋圓，只好在附近另覓地方。人不多，環境還可以。在Facebook打卡還有9折優惠。半熟蜂蜜蛋糕連餐牌的封面都是它，沒有不點的理由。一切下去，看見蜂蜜流心，不夠多，而且還是稠稠的，不太流，效果不夠，但好過無。吃下去，蛋糕十分鬆軟，帶淡淡的蜜糖味，蛋香不重。就味道而言，諾亞的較佳。只怪自己上次沒有運，遇著個全熟的蛋糕。日本青芥末心太軟伴雲尼拿雪糕一上枱便傳來香噴噴的朱古力味。伴碟普通，但心太軟十分出色。一切開，大家屏氣凝神，金睛火眼地望著那切口位。等了幾秒，有動靜了。芥末流心開始流出來，由起初的一點點，變得澎湃，跟Next Station Dessert有得比。吃下去，蛋糕焗得外層有點過硬，但中間尚算軟。夾雜在朱古力中的芥末味，一點點嗆鼻，刺激味蕾，朱古力味濃，甜度控制得宜，很好吃。台灣芋圓黑糖豆腐花刨冰芋圓太腍，近乎沒有芋頭味。小丸子粉味很重，許留山的小丸子比這更煙韌。清甜的黑糖刨冰和豆味幾香豆腐花則可以，清涼透心又不太甜。小店的感覺有點像大角咀的小王子。選擇頗多，質素不太差，服務也不錯。…查看更多

見餐廳裝修不錯，便進內一試，點知就此中伏!點了一杯雜莓乳酪芭菲，賣相是不錯，但難食到飛起!成杯似cream多過似乳略芭菲囉，食落去仲要係室溫溫度，口感唔得，味道唔得，價錢仲要唔平!因為太難食嘅關係，我真係食左兩啖就食唔落!我寧願搭車出去九龍城好過，人哋都係貴幾蚊，但係真係好食好多囉!以後都唔會再食!…查看更多

等左勁耐都無咩所謂，但個宇治金時真係好唔掂。圓型脆脆係韌o既，食食下比啲水浸到就變一pat野。小丸子太林，食落口好似漿。。啲冰無甜味最好食係紅豆！員工係好好服務同禮貌，但食物起碼都要入到口。。仲要呢個價錢真係忍唔住即刻開acc寫comments呀…查看更多

之前經過好多次，但一直都冇試過依間甜品店，見到裝修得令人坐得好舒服既感覺，今日係附近食完晚飯就試下食啦，點了一客草莓千層酥,賣相都唔錯，但吉士醬入口怪怪的味道，沒有平時的細滑和濃郁香味。千層酥很乾,不鬆脆。草莓偏酸，唯一係雪糕味道較好。經過今次之後，應該唔會試喇。。:(…查看更多

因為dinner time 幫襯，所以得我地同另一班人。點了出名的流心蜂蜜蛋糕，原價$75，8折$60。兩個人食。我地落左單一分鐘後蛋糕就到！！！！咁即係唔係made to order la !! 而且係暖既，我地好肯定是叮出來的！！！！切開後只得少少流心，就是相中咁樣樣！貨不對辦！完全不合格！味道就ok,食到蜂蜜味。我連佢其他甜品都唔想試了:(…查看更多

早排雜誌係咁介紹呢間舖頭，我食左一次之後真係去完一次又一次，甜品真係用心製作，亦會問客人意見作出改善，希望可以keep住水準，吸引多d人去食賣相同味道一樣好，真係食完一次又一次…查看更多

將流心蜂蜜蛋糕帶返屋企, 外賣價比堂食價平, 老細話番屋企要原盒放雪櫃雪凍先食得~食之前要在雪櫃裏把蛋糕取出來, 切開休息5-10分鐘便可以見到流心出現~打開紙盒, 蛋糕與堂食相比皺摺紋多很多......晚上9時10分, 把蛋糕切開, 2分鐘後, 「流心」開始泛出來, 再9分鐘後, 「流心」愈見愈勇, 八面威風 屋企人開始投訴要食, 所以我要求又等多8分鐘, 力求更完美的「流心」, 最後大家全力去食~   雖然凍食的「流心」較熱食少, 但蛋糕質感更似濕潤的麵包布甸, 味道是很香的蜂蜜甜味, 凍食熱食皆可~…查看更多

吃過元誕大餐後便鎖定目標去吃瘋魔台灣而傳入香港的「凹蛋糕」, 時間尚欠半小時才營業, 我們遂四處遊遊。  直至下午三時多才返回「甜蜜總部」, 當時已有一檯客人在進餐, 而侍應生也招呼我倆進入店內。餐牌裏的甜品琳瑯滿目, 簡單地可分為乳酪芭菲、新鮮水果沙冰、廚師推介、特濃咖啡、健康飲品、榴槤篇、日式甜品、芒果系列、震震蛋丁篇、糖水篇、椰皇篇。首先, 當然是點一客「凹蛋糕」堂食 $75, 侍應生說是剛剛焗起, 因此五分鐘也不用便送上這個暖烘烘的蜂蜜「凹蛋糕」(水吧上擺放了一個牌, 上面寫著「半熟綠茶蜂蜜蛋糕 $75」, 問過侍應生得知原來是要預訂)「凹蛋糕」並不「凹」得很過分, 圓滾滾從外觀看是很平實怎知道把蛋糕一切開, 泡沫蛋漿緩緩流出, 泡沫蛋漿很有蜜糖的香甜味, 雖知道蛋糕是半熟狀態但其未熟蛋漿並不會吃到全口粉, 至於全熟蛋糕的部分是較為實正, 整體蛋糕的味道是與台灣義美蛋糕相似。牆上綴有粉色糖果系裝飾, 與店名「甜蜜總部」很有關聯再點一客也是在早前的FB裏有極大迴響的「水和菓子」--- 水信玄餅 $27最初侍應生有說過不賣給我們, 是因為配料紅豆缺貨, 但經我多番請求, 店方願意改用水果伴碟, 而旁邊的綠茶粉則繼續保留。晶瑩剔透的模樣如果配襯淺色的器皿盛載, 不是會更好嗎?  口感十分柔軟 , 放進嘴裏就溶化了, 味道是嚐得出有水味另帶有點點輕輕的甜, 滑進嘴裏很清涼!美味的東西, 怎能不分享, 遂外賣一個「凹蛋糕」回家, 價錢只是$68, 而且據侍應生所講味道與質感皆與在店吃時有截然不同的經歷。…查看更多

早前看到有文章大讚半熟蛋糕，就黎試下。價錢二人食都可接受$68一個食落只係一個蜂蜜蛋糕加蛋漿，冇特別既味道，啲蛋糕變到淋晒，蛋漿又太甜。早知叫其他的甜品還好，比想像中差…查看更多

之前睇ｂｌｏｇ介紹過呢間蜂蜜流心蛋糕，睇畫面睇到個頭就黎貼住ｍｏｎ，今日決定去搵黎試一試店鋪位置比較難找，我同友人搵左十零分鐘，入到去店舖環境乾淨企理，本來打算食個tea set一件蜂蜜蛋糕加咖啡＄２９，但店員提醒個個唔係廣告中的＂流心蜂蜜蛋糕＂。廣告中的＂流心蜂蜜蛋糕＂賣＄７５一個，沒有單件發售。於是我同友人本著必試心態叫了一客。蛋糕黎到我地好興奮期待切落去蜂蜜會傾瀉而出，結果令我地失望 蛋糕切開後只有一堆蜂蜜泡沫在那，完全沒有流動跡象，何來流心？我們的期待都變成一埋泡沫:(雖然口感同味道不差，但其實同超級市場內出售的差別不大，其價格相距甚遠，總括一句，不值一試！p.s 店員比的coupon都被我毀滅了，不會再有下次，sorry…查看更多

近日經常看到雜誌介紹「甜蜜總部」剛由台灣引入的新推品 - ［半熟蜂蜜蛋糕］，單看報道已感到非常吸引了～襯當晚吃得不太飽就特意到來一試～來到門前已看到一塊黑板寫上了店方的廚師精選～有榴槤慕絲、薑汁梳乎里、半熟蜂蜜蛋糕及澳洲蜂巢配雲尼拿雪糕等～舖前貼滿了一張張雜誌報道，大部份也是報道著這個半熟蜂蜜蛋糕～場內環境不大，以粉色為主，感覺清新，牆上掛上了一幅幅甜品畫作餐牌上大至分為9個類別：廚師推介、自選雪糕、雙拼意大利雪糕球、新鮮生果沙冰、自選刨冰、芭菲、蜂蜜吐司盒、西米露及奶凍等～選擇不算太多，以西式甜品為主半熟蜂蜜蛋糕 $68[評分:8/10]無需多想，來到就是為了一嚐這個蜂蜜蛋糕，大約等了5-10分鐘，蛋糕就送來了。來到時感到蛋糕份量也不小呢. . .而頂部則有點下陷了，影響賣相，外形跟芝士蛋糕有點相似，底面兩面也烘至淡啡色的，但外圍蛋糕凹凹凸凸，不太完整，但十分厚身～快快切開看看～切開後內裏的蜂蜜泡沫隨即流出～蛋糕外層軟綿綿的，質感有點似厚實板的梳乎里，入口帶蛋香及微微的蜂蜜味，質感較黏，沾上蜂蜜泡沫同吃，蜂蜜味變得非常濃郁，同時質感亦變得更加濕潤，甜度適中，原以為一整個大蛋糕一定吃不完，誰知竟然一啖接一啖的不知不覺就吃完了，吃完後亦沒有太膩的感覺，值得一試～！甜蜜總部 (長沙灣)長沙灣青山道155-181號天悅廣場地下B21號舖～～～～～～～～～～～～～～～總消費：$ 68味道：8/10環境：8/10服務：8/10衛生 : 8/10抵食 : 8/10…查看更多