甜甜屋

營業中

休息中

行過西灣河，隨意發掘了間野叫「甜甜屋」，一講都心花怒放😊，佢嘅北海道牛奶千層蛋糕真係軟綿綿得嚟又層次分明🍰，咬落去忌廉同蛋糕交織成一股醉人香氣，牛奶香濃郁勁，令人一試難忘！不過，如果可以甜啲，我覺得會更加得意！同行嘅阿哥點了薑汁豆腐花，平實中帶點暖意🍮，豆花滑溜溜，份量夠，糖水控的話肯定鍾意。雖然薑味未算攻鼻，但飲住熱熱地，都算是一個好慰藉。總括來講，「甜甜屋」啲甜品簡直係藏寶閣，等待被發掘嘅美味😋。款款都吸引，令人唔自覺想全部試過！如果想食個甜品滋潤下心靈，咁就千祈唔好錯過喇！

甜品環節時間•甜爺爺🍮椰皇上面有粒好吸睛既布料個布甸仲要好有質感好彈牙 而且個椰皇入面係透明食落椰皇好甜好香 鍾意食椰皇既要點呢個•糖不甩🍡煙煙韌韌既糖不甩 加埋芝麻加椰絲好好味 大滿足🫶🏻

食完晚飯仍然覺得個肚有d空虛😝😝男友建議去食甜品🫶🏻🫶🏻當然舉腳贊成啦🤭🤭嗌左芒少爺同埋榴大爺💗💗芒少爺有西米加小丸子，個人略嫌果凍味道淡左d☺️☺️相反榴大爺味道十足，男友讚不絕口🫰🏻🫰🏻下次話要再黎食過喔👻👻

店名: 甜甜屋 地址:西灣河西灣河街110號地下B舖西灣河站B出口，行2分鐘環境: 3.5/5價錢:4.5/5味道: 4.5/5焦糖燉蛋配豆腐雪糕$47面頭嘅焦糖非常香同好脆，下面燉蛋滑得黎唔會過甜，配左上面焦糖甜度就啱啱好~😍雪糕有幾款味可以揀，我就揀左豆腐，相對地食落會比其他味嘅雪糕清甜啲🥰芋圓一號$28一號姐係紅豆湯底，不過就唔似酒樓嘅紅豆沙，佢係紅豆粒，有少少甜🫘28蚊一碗都幾大，芋圓好煙韌，但好搞笑係方形嘅😂😂

年初二晚食完飯，忽然醒起年卅晚冇食過湯圓，碰巧經過【甜甜屋】，唔理咁多，即刻衝入去。西灣河街另外還有一間歷史更長、更加出名的甜品屋【明記】，但【甜甜屋】開業也超過10年了，今晚就試試出品如何。地下舖面面積細小，只勉強放了兩張二人枱，主力做外賣，堂食客人大部份都上去閣樓。小店閣樓當然沒有裝修，只簡簡單單擺了幾張大枱及膠櫈，但地方總算乾淨企理。四邊牆壁又畫了很多模仿日本電視動畫內的歐洲小鎮佈景，總算添上一些姿彩。餐牌有多款甜品選擇，款式介乎傳統中式糖水舖及新派港式甜品店之間；傳統紅豆沙、芝麻糊等等只是點綴，主打創新口味的西米露、紫米露、豆腐花等等。芒少爺（$52）唔算平，勝在材料豐富。用椰皇作器皿，內𥚃除了椰肉之外，又用椰子水、芒果肉及花奶打成香甜帶酸的鮮果汁液，另外還加入切粒芒果肉、台灣珍珠奶茶的粉圓及糯米粉搓成的小丸子；口感複雜，味道甜而不膩。美中不足芒果肉未夠香甜，皆因芒果未係當造季節；如果在盛夏季節、又採用呂宋芒果的話，一定會更加正！今晚食甜品主要為咗補返食湯圓。薑茶湯圓（$32）味道正常，芝麻餡的中式湯圓甜度適中、亦有黑芝麻香氣；湯圓大小適中，略嫌餡料唔夠豐富。薑茶抵讚，味道甜中

去完太安樓掃街，跟著梗係要食個糖水甜下先呢間甜甜屋喺朋友仔屋企樓下，所以試下佢我揀左個榴大爺，裏面有一大件榴連肉，口感豐富，又有啲白玉丸子，煙煙韌韌，成個甜品好味得黎又唔太甜另外我哋仲點左芒果西米露同芒少爺，兩款都係芒果類嘅甜品，雖然我無份食，但朋友話味道唔錯仲有一個宇治金時同椰皇凍，兩款都好清新宇治金時唔會有綠茶嘅苦澀味，綿綿冰好幼滑，紅豆軟糯其實啲白玉丸子🍡軟綿綿，又有口感，係少有嘅糖水舖整得咁好食呢間絕對有下次

今日食完飯，十點左右黎左西灣河食糖水，雖然西灣河有一間老字號,但對比起嗰一間比較老派嘅糖水舖，我都係比較鍾意依一間新式啲嘅！間餐廳就咁睇落去，你係會覺得門面好細，好似冇咩位坐，但其實係有2樓閣樓，都有成七至八張台，仲有一張大圓枱。今日嗌左2款食物1. 寒天椰皇凍用椰皇裝住左寒天仲有椰肉！ 😍寒天係有少少彈牙，並唔係大菜糕質感，之後仲可以食埋椰皇入邊嘅椰肉！椰皇入邊仲有啲椰子水🤩好香椰子味2. 芋圓2號2號嘅底係椰汁紫米露，上邊有椰奶同埋花奶，好香💙 除此之外，店家落咗好多紫米，所以食落有口感👍🏻而芋圓有兩款，一款係芋頭一款係番薯，食嘅時候食到有一粒粒嘅芋頭或者番薯係粒芋圓入面！超級真材實料，同埋係超級煙韌好有咬口！！！！覺得依一款芋圓係店家自己整嘅，因為喺出邊食過咁多間糖水舖第一次會食到依種質感！ 推介大家試吓🫶🏻超級大粒嘅芋圓阿！除此之外，呢一間糖水舖都有綿綿冰或者千層蛋糕、楊枝甘露個啲食，但我就覺得依啲太普遍間間都有，所以冇試。 如果坐咗上2樓嘅話，枱嘅側邊係會有一個鐘，俾你撳呼叫店員，所以唔使驚喺2樓有冇店員幫你。

嬲到第一次係openrice岀食評🙂住喺附近街坊，一路以嚟都有幫襯開，但今次真係好失望！夜晚諗住買幾個甜品外賣返屋企食叫咗綿綿冰同埋兩份芋圓系列等得耐都唔緊要，但門口痴住張紙寫明按順序出單點知一路等，見到我後面兩張單都拎得而我仲未有，當然要問一問la一位姨姨就答我綿綿冰仲整緊我問佢唔係按順序出咩？佢就無視咗我都冇答到我😅😅但個陣已經見到兩份芋圓+雪糕已經ready左喺度前前後後大概廿幾分鐘終於齊晒所有嘢我拎到已經即刻話放咗好耐，要求要幫我換新嘅雪糕球而家夏天嘅天氣再加埋拎咗出嚟放咗20分鐘，我都幾肯定雪糕已經溶晒🥺而個位姨姨態度極惡劣話係咁㗎喇冇辦法就轉身走人就算我係外賣甜品都唔Expect啲甜品未行出舖頭門口已經溶晒甜甜屋態度同埋處理手法都好有問題如果做唔到按順序出單好唔好喺門口痴住張紙寫到明la既然又要做埋外賣，同一張單係咪都應該差唔多時間做好？雪糕未出舖頭門口已經溶化要求新嘅都好合理，但個位姨姨態度真係好惡劣真心等到成肚氣，下次都唔會再幫襯

父親節晚飯在附近尚品百好冰室.晚飯完畢.仔仔話帶我去食甜品.甜品店就在尚品百好冰室後街.話咁快就到.甜品店門面好細.一個不留神.好易走過.個店名叫（甜甜屋）.這是一間甜品小店.舖面門口有個小雪櫃.雪櫃擺放了一些甜品.鋪內狹窄.設有三張枱.唔知閣仔還有無座位？總之係一間小店.毫不起眼.甜品款式都很多.我哋坐咗一陣間.見到已經有多個外賣.應該係唔錯嘅甜品小店.我哋點餐如下：1. 芒少椰 X 1 $52元2. 芋頭紫米(凍)X 1 $27元3. 雷莎湯丸 X 1 $23元4. 芒果窩夫 X 1 $48元

榴蓮控注意⚠️‼️😋鍾意食椰皇同埋榴蓮嘅一定要試下榴大爺😋隔住個mon都聞到香噴噴🥰即叫即整，等咗大約10分鐘就可以拎啦～椰皇入面有一大嚿榴蓮肉、西米、丸丸同埋一嚿用椰青水整嘅啫喱。鍾意食椰肉嘅話，可以將入邊嘅糖水倒晒落個碗，然後將椰肉挖晒出嚟，再倒返糖水入去撈埋一齊食💛啖啖都好重榴蓮味，所有榴蓮控一定會鍾意，當飯後甜品一流😋Menu仲有其他榴蓮甜品，有機會一定要試埋😋😋題外話，要讚一讚外賣包裝得好好，坐完長途車都冇倒瀉到👍🏻推薦各位榴蓮控!!味道：🐷🐷🐷🐷.5/5價錢：🐷🐷🐷🐷/5

芋圓2號(熱） $28🌟🌟🌟🌟🌟芋圓2號裹面有芋圓同椰汁紫米露，都有凍同熱既選擇，而我呢就夏天可以食凍既，冬天食熱既。呢間甜點店既芋圓真係好出色，食得出唔係淨係用粉搓出黎既，芋頭味既會食到有芋頭既粉粉地感覺，而蕃薯味就真係會有蕃薯味係入面，芋圓非常煙靭有彈性，重要每一粒都大大粒既，而我就比較中意食蕃薯味啦☺️今次呢碗糖水入面就有9粒芋圓(5粒芋頭，4粒蕃薯)，由於佢每一粒芋圓都好大粒，所以感覺真係好抵食！而紫米露佢地比既椰汁都好多，所以撈埋都唔會覺得爭咁d椰汁。紫米露甜度適中，椰香十足，配埋芋圓真係100分⭐️⭐️以下係餐牌:

西灣河 甜甜屋🍨🍰🍮🍬🥥西灣河同筲箕灣真係勁多隱世美食呀自從有個住喺西灣河嘅朋友介紹我呢間野之後自此我心目中最好食嘅椰王燉鮮奶就喺呢度😍 女仔去到差唔多年紀就要開始養生連食甜品都唔例外都係要叫啲熱嘅甜品呢個椰王燉鮮奶一睇餐牌就話三種層次 三種口感一開始想試吓有幾勁點知原來係講真嘅一開始好熱嘅時候勁香勁滑口慢慢一路食個溫度一路下降就會有啲羅拔臣啫喱左嘅效果好似食緊雙皮奶咁真係好神奇一路食個口感都有變化建議大家晚餐唔好食太飽嚟到呢度就會不自覺食咗好多野因為真係好好食😍

🍮甜甜屋🍯西灣河呢d充滿美食嘅地方小炒壽司台式飲品熱狗甜品你諗到嘅都有仲要淨係高汁嘅甜品都有幾間今次我就食我最愛嘅甜甜屋ฅ(*°ω°*ฅ)佢嘅椰皇燉鮮奶同芋圓二號係我至愛椰皇燉鮮奶好神奇每食一啖另一啖都會係凝固咗好似雙皮奶咁仲要勁滑勁香奶味༼ つ ̥◕͙_̙◕͖ ͓༽つ而芋圓二號即係芋圓加椰汁紫米露芋圓大小剛好食得出芋頭味同蕃薯味而紫米露仲有加咗紅色增加口感配埋椰汁亦係絕配呀同埋最緊要記住椰皇燉奶一定要熱食～芋圓二號一定要凍食～

香港物價高漲大家都知。要食到平民價錢嘅甜品一啲都唔容易，尤其港島區咁多出名嘅甜品店。今日行過西灣河，終於比我搵到一間經濟實惠嘅甜品屋呢間甜甜屋裝修簡單樸素，但係款式唔比其他出名店舖少。今日我叫咗一個芒果班戟同埋一個鮮草莓窩夫🧇先講吓個芒果班戟。本身份量都足夠兩個人分享，最適合嘅朋友一齊嚟食呢個經典甜品。外層包住薄薄嘅班戟皮，而入面既忌廉同芒果比例適中，唔會有膩同滯既感覺，芒果肉仲幾甜添之後就係鮮草莓窩夫🧇 依家要用40幾蚊去食一個窩夫配上鮮草莓，真係唔係咁容易搵到。雪糕口味有好多款式俾我哋選擇，雲呢拿，草莓，朱古力，芒果，曲奇，綠茶，豆腐都有得揀！ 難得有豆腐味嘅雪糕咁當然要試一試啦🤣 和暖嘅窩夫，混上酸酸甜甜嘅鮮草莓同醬，有滿足感又吊胃口再加上淡淡豆腐味道既豆腐雪糕，一冷一熱，相輔相成整體而言，性價比高，款式又多，應該總有一樣甜品適合你🤤

在筲箕灣吃完燒肉，走去地鐵站途中發現了這間甜品店，門口放的椰青甜品很吸引，那就到來吃一點甜才回家。店子不大，但所買的糖水種類也學得頗多，其招牌是甜爺爺。原價是$46，今減價$42，當然要試下。這甜品就是椰青水做成了椰青果凍，裏面放了焦糖雞蛋布丁，再淋上椰汁。果凍彈牙，布丁質地幼滑細緻，焦糖味也香濃，加埋椰香，這個配搭就是好食！另一個是紫米露，紫米有咬口，加上椰汁，又係穩陣好味之作。食完甜品，滿足地搭車返歸！