甜牙牙 (已結業)

炎炎夏日，中午與好友參加完馬拉松後，回屯門晚飯再看電影後，在回家路途中發現，很想食甜品及冰凍的食品，便立即想起到附近Vicy的這間店舖進食，以補償中午的勞動。大概在晚上十時到店舖，人流不算太多，很快我倆便找到門口位置的座位坐下，在旁收款處有一個男店員坐著，說歡迎光臨，卻動口不動手，坐了一會，我們要向某女店員經過身邊時，才可取到餐牌點餐。因我們是有目的而來，先想吃香蕉船類別的雪糕甜品，還有就是Tiramisu類的甜品，想好了兩款，到點選時，卻沒有了，售罄。這兩款類另都售罄。對於有嚴重選擇困難症的我們，又要再重新想過。只是十時，店舖十二時關門，難道就每款每類都每天限量供應？最後選了最簡單的焦糖脆脆窩夫及莫卡北海道奶凍伴Baileys+榛子雪糕，大家先看看餐牌圖片，很美味很吸引，是吧。我明白，圖片只作參考，但萬萬沒有想到我會遇到如此過份。１）焦糖脆脆窩夫２）莫卡北海道奶凍伴Baileys+榛子雪糕上甜品了，焦糖脆脆窩夫與相片是大同小異的，很吸引，但窩夫完全是硬的，內外都是與餅干沒有分別，味道還很苦澀的朱古力味，或許這店用了99%的朱古力。脆脆也完全沒有額外味道，就算窩夫與脆脆混合了朱古力味的

晚上大概10點半到，人數大概都有3分2入座率總算仲有位唔駛等就入到硃不知坐左好耐都無人主動比餐牌我地！要我地主動問先比我地2個選擇困難，揀左好耐終於揀左點知佢又話船既系列賣晒！好啦，揀tiramisu又話無晒喂！你間嘢百無架喎！揀呢又話無，果樣又話賣晒！你要係無嘢賣不如早D閂門啦！選擇困難既我地2兜友，終於揀左而佢又問過廚房話有~唻到....十級失望喎！你地睇下同張相都差好遠啫！甜品唻到後只比左刀叉我地...點食呀，又係要問有冇匙佢先比我地雪糕味道還好...但個所謂baileys都無比我地自己落...點解張圖係自己選擇點落咁既個莫卡奶凍...我食到係有燶味既咖啡豆咁，朋友就只形容到佢怪食既期間，已經座無虛席隔離枱仲一行十幾人，我聽到個侍應又係話呢樣無果樣無無咖啡，無窩芙...無無無..到時後人地要問佢你有咩係有？而我揀左呢個我之前唻既時候都係叫窩芙，都好好食見到時朋友見到我個窩芙都話同佢果個差好遠我仲以為自己無揀錯點知今日d窩芙得個脆同硬，裡面都唔軟既仲有，有d苦苦地...已經溝住雪糕食...球雪糕都比我朋友叫果個差最後我仲要伴住d焦糖咁食d窩芙之後我就落d蜜糖食啦一倒，大佬！唔係蜜糖

好耐冇寫負評同朋友食完野，見天氣熱，諗住吃轉糖水消暑。我地叫左兩款，已經唔記得叫咩名，亦唔想記得。一個芒果加一個抹茶望落幾正常，食落瀨晒嘢講下個芒果雪糕好溶，雪芭好酸，個底啲啫喱唔知發生咩事，好似嘔吐物。跟住係抹茶，唔好以為加左啲綠茶粉就可以扮抹茶。朋友話個啲丸子好膠，似橡筋。芝麻脆脆係成碟嘢唯一可取之處，完。以前好似冇咁難食。講下服務。好多人，啲姐姐做到殘左，好慢。啲餐具都出得好慢，我朋友好慘，要用叉食到一半先用匙用。最後，講下份Menu，甩皮甩骨。再見，已Black list。

行街行到攰有的肚餓約咗朋友晚飯又未夠鐘，見到甜牙牙諗住食碗岀前一丁麵點知一坐低妹妹同我講唔好意思岀前一丁賣晒！我問咁乜嘢麵都冇？妹妹話有呀辛辣麵，好我就要一個下午茶餐餐肉辛辣麵因為我都冇睇餐牌，冇諗過有咁多嘢！講真的麵唔係正式韓國麵，但味道幾好喎，蛋亦煎得剛好，麵包係即烘的！要讚這個餐是有用心機煮的。還送了一杯柚子紅茶，這個就算吧！好像茶餐廳一坐低送上那杯茶一樣沒味道的！最後點解係慳家之選呢？大家估下幾錢？眼都突埋岀嚟，係24蚊，抵抵抵！！

行過V CITY 決定搵下有咩甜品好食但發現好多都係餐廳終於行到條電梯落去發現左甜牙牙佢有好多甜品揀女友人叫左ALL DAY breakfast我就覺得普通 反而紅豆幾好食下次都係叫返甜品食比較好

行到vcity，心情麻麻，想起甜牙牙好似有下午茶餐食，就行過去食，睇到價錢牌有d驚訝，$24蚊？😱😱，真係茶餐廳都唔得啦！雖然係平平無奇，但$24可以食飽飽就真係不錯了，平日人少少，環境巧舒服。

星期六放假當然要同朋友周圍吃喝玩樂 今日就去左呢間叫甜牙牙既甜品店 其實呢間甜品店其實已經開左一段時間 終於有機會去試下我地叫左 雜莓窩夫仲有荔枝特飲雜莓窩夫($50)水果配料一啲都伍少 酸酸甜甜 窩夫焗得啱好脆身但一啲都伍會乾 熱辣辣既窩夫再配上一大球既雪糕 絕襯也👍🏼👍🏼荔枝特飲($30)(買一送一)點餐既時候服務員同我地講做緊特價 還一送一 $30一杯 即係每人15蚊就一杯 岀到泥係荔枝沙冰 味道一啲都伍假 飲洛其實係荔枝味既梳打沙冰此外仲有好多特價既下午茶餐 平均每款20令蚊仲要冇加上 都真係幾抵食嫁

放假一般都係吃喝玩樂架啦所以就同朋友仔一起去吃甜品，之後咁岩經過呢一間甜品鋪覺得唔錯之後就入左黎試下了，咁就叫左一杯荔枝特飲啦，溶入口係酸酸同soda唔差可以試試，跟住仲有個雜莓窩夫食落去好脆好香好有口感D雜莓都入味不妨一試啦👍🏻

我諗我以後都唔會再去甜牙牙❌.......因為真係越黎越差!!!多客都話情有可原...但係0個時全場得0個5,6枱度🍂賣相差-唔緊要 (我男朋友嗌左冧酒心太軟,個賣相差,但係都算仲有小小流心)到我0個個抹茶心太軟*雖然樣靚,但係整到呢個口感我真係頂唔順!!! 為左令到大家明白有幾難頂,我專登影個CLOSE UP俾大家睇結果我頂唔順食淨左細半...完

跟好妹妹吃完個肉肉午餐後就來甜品時間, 雖然是假期但還好這個時間不用等位, 其實已經吃過很多次, 但每次來都有選擇困難症, 因為實在款式很多, 很多都想試, 所以諗食咩都要點時間……提拉米蘇窩夫~~~今次吃了這個, 上枱時個tiramisu味幾出幾香, 擺放都漂亮, 香蕉表面有燒過的焦糖, 好味又唔太甜!! 窩夫幾鬆脆, 外脆內軟唔多粉, 配上蜜糖及雪糕更佳~~~最特別是個tiramisu, 估佢唔到, 香濃的酒及咖啡味, cream實得來有質感但唔係硬的一種, 仲好滑, 最難得係感覺好似雪糕feel, 好夾~~夾埋一些脆餅好好味啊!!! 真係可以推介一下……火焰雪糕~~~這個真的需時, 都等了蠻久, 不過點火的一刻大家都好興奮, 小妹我以前吃過後有點怕怕, 因為酒精成份用作點火之後留在cream底, 每一啖都好重酒精, 但這個改變了我的思想, 吃一口後唔太覺, 雖然有酒的味道但唔係好酒精, cream好滑, 相對我那個是軟同入口溶化的質感, 不同的兩款, 而最特別是原來中間裡邊係有雪糕, 窩夫同生果, 還以為 cream only, 原來不是, 感覺另一驚喜!!吃完好滿足, 其實真是

食完飯食甜品是常識吧 吹水係重點 食邊間又有咩所謂喎😁 友人嘅雜莓可麗餅配雪糕 well...靚係幾靚嘅 可麗餅中間係movenpick雪糕雪糕上有一粒紅莓作點綴 下面則以忌廉 士多啤梨同藍莓襯托住 重有幾片杏仁片 可惜⋯餅底太厚太硬了 友人以切牛扒黎形容😂 中間嘅雪糕亦雪得太耐了 食到中間全部都係冰碎⋯ 我叫左伯爵紅茶提拉米蘇 圓形的的色色入口蛋糕鬆軟 滲透左咖啡嘅味道忌廉有淡淡嘅伯爵茶味 打得非常輕身 最面層嘅忌廉更加加左合桃同糖份作點綴加左脆脆嘅合桃之後 即時豐富左口感👍🏼

飯後甜品 @ 甜牙牙士多啤梨 PancakePancake 厚度平均份量大, 厚度較一般坊間的要厚且質感非常綿密鬆軟, 味道香濃細緻, 蛋香撲鼻, cream 的質感輕盈柔順, 士多啤梨夠甜而果酸度適中, 十分適合本人的口味, 使人垂涎三尺, 一試難忘 ~ 本篇完 ~

行街行到攰攰地, 搵個地方食D野休息下, 呢間甜品鋪唔太多人, 一於入去試下.要左個下午茶香蕉三式雪糕窩夫$35, 窩夫微暖, 有D乾又有少少硬, 唔夠軟熟. 雪糕三種, 祗係芒果味比較似芒果味之外, 其餘既雲尼拿同朱古力就無咩味, 不過雪糕唔太甜. 窩夫要配埋雪糕同cream夾埋食味道先剛剛好.跟餐有凍咖啡, 唔知點解凍咖啡無冰, 係咖啡本身已經凍左? 但又唔覺夠凍, 奶同糖水自己加, 所以可自行調配味道.以前甜牙牙出夠食窩夫, 但日子久了, 味道有退步感覺.

我超級鐘意食窩夫 基本上甜牙牙所有分店都去過 今日有事去開屯門先知原來v-city有甜牙牙😍平日下午兩點到八點有下午茶餐😬只不過係35蚊😋開心左一分鐘因為係平日 所以得5-6枱1-2位既客人 佢個下午茶menu都幾多選擇 有咸有甜窩夫 又有牛角包餐 又有多士餐因為我係窩夫怪 所以叫左香蕉三式雪糕窩夫☺️跟餐送柚子冰紅茶柚子冰紅茶好快上枱 但個人完全飲唔倒有柚子味 淨係見倒幾粒核 不過唔緊要 我黎食窩夫嘛 飲品只係配角 我期待窩夫上枱但係等左好耐好耐 都未有窩夫 係杯餐飲黎之後成4,5個字都未有 但我都無催單 因為諗住等得耐即係佢新鮮整喇 好期待呀☺️ 終於俾我等倒窩夫黎 個花係拉得幾靚既 但係個三式雪粒既份量真係細到呢 我都佩服佢係點“不”倒咁完整咁細球😂然後我發現 “喂 香蕉呢”😱 我同店員講 佢都話“依 係喎”然後加番一片香蕉俾我😪我都呆左 點之繼香蕉之後 窩夫令我更心碎😭佢係完全凍冰冰 嗱 我無同雪糕一齊食呀！佢完全唔係新鮮整囉 如果唔係新鮮你做咩要我等咁耐😭😭😭😭又唔係多人 係我落單時 其他人都用餐中了脆係脆……唔通要吹到冰凍先會脆😂雖然話下午茶35蚊 但個人認為無特別抵 因

見到甜牙牙都有抹茶系列就即刻要來試試了。抹茶之窩夫伴侶定食：定食有4格，上層係有4件抹茶味窩夫，窩夫烘得不算太脆，有少許抹茶味，帶苦；左下格:芝麻，綠茶味雪糕，一般; 中間:紅豆味雪糕配紅豆蓉，紅豆蓉甜了少許 ; 右下格: 黃豆蓉配忌廉，但黃豆蓉味道超古怪的，入口又乾又鞋，建議還是配雪糕同吃比較好。法式焦糖燉蛋：燉蛋size亦ok, 面層焦糖夠香脆，燉蛋都夠蛋味，不太甜，又夠滑，個人認為燉蛋比窩夫還要好吃。P.S.每次來甜牙牙食窩夫不知何解都要等很久？！我懷疑他們只有1-2部窩夫機