甜沁園

營業中

休息中

夏日炎炎☀️凍凍甜甜嘅甜品最吸引！炎熱天氣 冇胃口食正餐🤯小食同甜品嘅配搭最唔錯！🌟香芒楊枝甘露超爆足料！芒果香甜還有很多柚子顆粒口感清爽豐富～🌟豬軟骨粢飯餡料豐富 有青瓜絲豬軟骨和肉鬆豬軟骨，口感軟糯 味道很不錯！🌟牛肉便當除了牛肉飯入面還有炸雞、日式小食八爪魚及螺肉$58性價比高！🌟椒鹽魷魚鬚份量超多，香脆惹味～魷魚爽口唔韌～🌟黃金雞軟骨份量也是很多！蛋黃味香香香脆脆，送酒一流！食咗咁多嘢，都係二百幾蚊！份量係好足！算係性價比高！

對甜品無法抗拒😍今次叫咗幾款甜品同埋一個粢飯同屋企人Share
每位都好足料，好多，真係要Share先食得哂!✨豬軟骨粢飯本身會驚豬軟骨唔係咁夾粢飯，但原來佢地勁夾!!!內面仲有:肉鬆同油炸鬼
輕輕鬆鬆就食哂
✨香芒仙草✨香芒丸子撈香芒勁甜，大大粒好滿足，仲有芒果蓉，成個甜品超級滿
香芒仙草仲有西米係內面✨芋泥桃膠小丸子鍾意芋泥嘅朋友必食，軟綿綿嘅芋圓😍
桃膠煮得岩岩好✨奶蓋丸子豆花平時飲珍珠奶茶就有奶蓋，第一次食甜品都有奶蓋估唔到同豆花都幾夾

太子新開的小食甜品店，即叫即整，店內佈置溫馨🥰栥飯 （$28）最愛食栥飯😍 糯米紮實唔鬆散，配菜有榨菜、肉鬆、油炸鬼，材料爆滿，食一個已經非常飽肚又滿足☺️蒜香雞軟骨（$32）咁大兜？？😳 依個就係外賣店優勢，大件夾抵食！即叫即炸！雞軟骨好有咬口，炸得非常香脆，炸蒜好多，每一粒雞軟骨都有濃郁酸味！仙草豆花 （$28）豆花自家製造，豆味濃郁加埋仙草，健康又好味既甜品😋椰汁紅豆桃膠（$36）椰香味濃郁，桃膠養顏，紅豆好大粒，貨真價實非常足料

今次嚟到太子甜沁園，呢間外賣小店聽個名以為淨係賣甜品，原來仲有便當同小食添呀～我哋嗌咗一個牛肉便當，一個豬軟骨便當，小食叫咗個黃金雞翼，甜品叫咗兩個芒果甜品，一個香芒仙草、一個香芒楊枝甘露。便當好足料好豐富，兩份便當仲有附上唐揚炸雞同螺肉八爪魚等前菜小食，和風牛肉份量多，洋蔥亦都煎得甘甜，便當都係$58一個，咁足料幾抵食～黃金雞翼，單骨雞翼上鹹蛋黃醬濃郁，份量亦都幾多。甜品都好足料，芒果甜，亦都幾大份，香芒仙草包括大量芒果切粒，西米，仙草等香芒楊枝甘露包括芒果切粒，柚子，西米等，用咗防漏嘅盛器，拎返屋企都唔驚倒瀉！

這間手作糖水舖位於太子界限街，鄰近太子站D出口，主打各式各樣的甜品及糖水，亦有手沖飲品、小食、粢飯及便當等。所有食物均新鮮即製，嚴選優質時令的食材，玻璃櫥窗能看到大量新鮮芒果。店家以純白色為主色調，擺放林林總總的小擺設，開放式廚房能觀賞到製作過程，看得見的乾淨衛生。小店富有人情味，老闆娘待人友善，而且食物的份量很充足。外賣的膠碗很穩固，又有可愛的外賣袋。香芒楊枝甘露 - $40鋪滿一粒粒鮮甜的芒果之餘，又有絲絲多汁的葡萄柚，椰奶和芒果之間調和得酸甜平衡，又有晶瑩剔透的西米露增添煙韌彈牙的口感。香芒仙草 - $38有較多的鮮芒果粒，一塊塊嫩仙草柔軟滑嫩充滿綿密的彈性，味道清涼微甘，同樣以芒果椰奶為基底。香芒小丸子 - $40同樣有香芒粒粒及芒果椰奶為基底，多粒細小的白玉丸子軟糯且帶有韌性，有淡淡的糯米香氣。椰汁牛乳桃膠 - $38椰汁牛奶為基底香濃又柔滑，帶有淡淡的椰子清香，大量桃膠爽滑煙韌，質地類似於蒟蒻，含有非常豐富的營養，有平民燕窩之稱。芋泥桃膠小丸子 - $38綿密細膩的芋泥很濃稠，芋頭香氣更加濃郁，有天然的甜味，同樣有桃膠及小丸子。

係太子發現左呢間隱世嘅港式糖水小店，原來小店開左都唔夠兩個月。雖然係話主打賣糖水甜品，但都有唔少小食同主食可以揀。重點小店價錢好抵食，份量好十足，老闆娘仲要好親切，唔知會唔會係下一間爆紅嘅糖水小店。黃金雞翼 $36好好食，炸半骨雞翼有好多鹹蛋黃包住，勁香勁濃鹹蛋黃味豬軟骨粢飯 $38夾左青瓜,肉鬆,豬軟骨，夾青瓜好似比傳統嘅粢飯好食無咁油膩，豬軟骨夠淋好夠味，粢飯都唔會太乾又夠黏，整體都好好食芋泥丸子撈 $38芋泥份量勁多，撈起仲有芋圓珍珠同西米，甜度岩岩好，芋圓同珍珠口感都好Q彈，而且芋泥都好香濃香芒仙草 $38芒果肉大粒，唔會太甜真係幾好。撈左芒果汁同椰汁個味好食，仙草份量都唔少自選-豆乳布甸+奶+珍珠+芋泥 $42有得自己揀配料配，豆乳布甸好大個，牛奶唔會太多，甜度岩岩好，一樣好好食

甜沁園 (太子)太子界限街39號A鋪恆順大樓地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：香芒楊枝甘露$40，香芒西米$38，香芒斑爛河粉$40，香芒丸子撈$40，奶蓋丸子豆花$38香芒楊枝甘露：以新鮮的芒果為主角，搭配椰漿和西米，口感滑順，清甜可口。每一口都充滿了芒果的香氣，讓人心情愉悅！😄😄😄香芒西米：同樣以芒果為主，西米的嚼勁與芒果的鮮甜完美結合，帶來了不同的口感層次。每一口都能感受到芒果的天然香甜，讓人心情愉悅！👍👍👍香芒斑爛河粉：斑爛河粉的柔軟與芒果的鮮甜相互融合，形成了一種全新的口感。這道甜品的搭配讓人驚喜，既有斑爛河粉的濃香，又有芒果的鮮甜，外觀也非常誘人！😍😍😍香芒丸子撈：丸子Q彈柔軟，搭配新鮮香甜的芒果，而且芒果份量十足，每一口都充滿了鮮甜豐富的口感，令人滿足！😋😋😋奶蓋丸子豆花：這道甜品甜而不膩，豆花十分滑嫩，而奶蓋的香濃讓整道甜品增添了層次感，丸子的嚼勁與豆花的細膩形成鮮明對比，值得一試再試！❤️❤️❤️

今日去太子搵朋友食飯， 朋友話公司樓下開咗間甜品店好抵食， 除咗甜品又有粢飯又有便當， 最後我哋決定買返朋友公司食。和風牛肉粢飯： 即叫即制拎到返公司仍然暖笠笠， 餡料豐富， 牛肉嫩滑醬汁惹味米飯軟糯，大大件抵食。和風牛肉便當：呢個便當真係要大推，牛肉鮮嫩多汁調味洽到好處，伴菜豐盛， 有酥脆嘅唐揚雞，芝麻八爪魚， 仲有青瓜同黃蘿蔔青脆爽口。香芒楊枝甘露：果肉鮮甜多汁與椰香嘅香滑完美配合， 配搭清甜柚子同西米口感富有層次， 甜而不膩。奶蓋丸子豆花：小丸子煙煙靭靭有嚼勁， 珍珠q彈， 豆花香滑豆味濃郁， 奶蓋芝士味香濃， 配搭小丸子豆花味道好夾， 大滿足。

爸爸話要食糖水，孝順既我即刻去左買糖水哄下屋企人。第二次幫襯啦，我地特別鐘意呢間糖水舖，糖水好抵食，店主服務好好，見我有選擇困難症，叫我試下幾個店主推介，決定揀左香芒楊枝甘露，香芒仙草，紅荳桃膠西米，椰汁牛乳桃膠，每款好好食，都真材實料，難怪店主自信推薦！個人推介香芒仙草

今日行過太子見到「甜沁園」呢間糖水店，立即買外賣同家人分享！呢度主打外賣，甜品同小食都有！🌟芒豆花入口滑溜，豆香濃郁，再加上鮮甜嘅芒果，配搭得啱啱好🌟香芒楊枝甘露芒果肉夠晒多，仲有細滑西米，口感層次一流！🌟香芒西米芒果果味突出，西米煙韌，清爽又滿足🌟椰汁牛乳桃膠椰香加牛乳的順滑口感，仲有滋潤養顏嘅桃膠🌟椒鹽魷魚鬚香脆惹味，鹹香得宜，每條都炸到金黃酥脆，食完一條即刻想再嚟多幾條！「甜沁園」雖然係外賣店，但真材實料、價錢親民，行過一定要試吓！

在界限街體育館打完波，在附近遊走一圈，偶然發現這一家小店「甜沁園」，鋪面櫥窗貼滿了精美食物照，因此也被吸引了進去看過究竟。店家只做外賣，裡面裝潢簡簡單單，只有少量膠椅，讓客人可以坐坐等候外賣，而旁邊的地櫃放了很多小擺設作點綴。食物的選項上，主力是各類甜品，但還有好些豆漿、小食、及粢飯供應。一口氣買了3款甜品回家細嚐，以及多買一支豆漿來即場解解渴，最窩心是那極可愛的外賣袋。先分享一下「芋泥豆花」（$28），店主說豆花、豆漿都是他們手工自製，不是來貨，豆花入口果然滑溜溜，豆味澎湃而出，而芋泥從上面、側面都可看出下了不少，芋頭香味十足，口感幼滑，實在找不到挑剔的地方。另一款「奶蓋丸子豆花」（$38）內的豆花不用多說，實在好吃，再加入了鹹香奶蓋，味道很不一樣，而除了有很多煙韌的小丸子之外，還額外免費給我們多加了芋圓，芋圓口感煙糯，所以，整個甜品的味道和口感變得更灰豐富具層次。港式甜品中，楊枝甘露向來甚受港人歡迎，這個「香芒楊枝甘露」（$40）單是外觀，已是相當有份量，有超多芒果和柚肉，雖然無特別問來自哪裡，但芒果超級香甜，柚肉清甜多汁，加上爽口的西米，配上細滑的椰奶底，果然貨真價實。邊行邊喝的

係附近食完野路過見到呢間小店有芒果小丸子就買黎試下！好大杯又足料，裡面啲小丸子係好煙靭的 唔係個啲好硬嘅小丸子，同埋芒果好甜！正！！仲有西米 會再幫襯！！性價比高！值得多啲人黎試～

📍甜沁園 (太子)太子界限街33號恆順大樓地舖👉🏾牛肉便當牛肉便當，牛肉煮得剛剛好，嫩滑多汁，配搭香噴噴的白飯，真係無得輸！還有啲小菜，清爽開胃，整體味道均衡，唔會太膩。便當盒嘅設計都好靚，食落去特別有滿足感，午餐選擇一流！👉🏾粢飯套餐粢飯套餐，米飯軟糯，配上各種配料，榨菜、油條、肉鬆一應俱全，每一口都滿足！食完心情好好，仲有佢支無糖豆漿，係超級香濃同香滑，呢個套餐真係值得推薦！👉芋泥桃膠小丸子芋泥桃膠小丸子，小丸子超級煙韌，內裡包著香甜芋泥，口感超級豐富！桃膠嘅嚼勁添咗一份特別，有種清新嘅感覺，食落去唔會膩，仲有啲香椰汁，味道更加升華，是甜品愛好者唔可以錯過嘅選擇！👉香芒楊枝甘露香芒楊枝甘露，清新又滑順，椰奶香味濃郁，搭配新鮮芒果和西米，真係無法抗拒！每一口都有夏天的味道，甜而不膩，食完令人心情愉快，非常適合做下午茶，啖啖都是享受！回頭：YESYESYES，佢無論係咸食定甜食都一樣咁正！樣樣都好足料😋😋😋正正正

今日同朋友仔見到有新開嘅糖水舖 見到外面嘅圖片好吸引 即刻買來返屋企試下 真係 超足料啊！芒果斑斕河粉🥭就係俾佢吸引來噶！ 斑斕一食就知用左好多料 勁香啊～芒果真係好甜好好味香芒楊枝甘露🥭各種食材balance得好好👍芒果甜 西米軟 柚子酸甜可口 抵食抵食😋自選糖水🍮雖然冇咗布甸 但係芋泥都超級好食啊😋 我地加左芋圓&小丸子 勁多😂😂 老細真係好大方紫米豆花🍮豆腐花超濃黃豆香 紫米溫熱嘅時候 暖暖地甜甜地 好健康好好味 我地覺得豆腐花加買芋泥應該超好味😋炸雞塊🍗呢個有D過份😂我地拎住盒炸雞搭MTR 超香😅 聞到好肚餓🤤下次要再試下其他嘢先得！

每星期都會有一日去太子做野見未夠鐘，就行下搵野食見到甜沁園都忍唔住停低望一望因為舖頭外面貼滿晒佢哋嘅甜品相買左幾款甜點同粢飯見到碗碗都好重料，真材實料見誠意💛🍧 奶蓋丸子豆花：豆花同奶蓋都係自己做！口感好滑，入口即化，加埋鹹香奶蓋＋煙韌小丸子，層次豐富唔會膩，甜度啱啱好。🥭 香芒小丸子：芒果味濃郁天然，小丸子煙煙韌韌，配色靚靚又打卡able，食完有夏日清新感！🥥 椰汁牛乳桃膠：濃郁椰香配牛乳底＋桃膠，好養顏～啱晒鍾意輕盈甜品又想保健嘅朋友。🌯 和風牛肉粢飯：粢飯唔鬆散、牛肉味香又夠嫩，份量剛好唔會滯，食完佢再食個甜品，勁滿足。店舖唔大，都見到有人唔介意坐底拎住碗野就咁食🤣佢地仲有便當同小食賣，可以搞點正餐到甜品😋