影片
以上資料只供參考, 請與餐廳確認詳情
招牌菜
個榴槤班戟整到好扁先黎，無曬moon 啦！我都未見過食呢個系用匙既，cream肉又吾香，食到濟……香芋焗西米？蒸西米就真，一d無焦既感覺，又吾系話好熱，西米淡到呢，整睇就吾系果様野，我都懷疑比我吖？講到呢度，大家就知佢系有幾好食，仲有貴到我都O曬,高質素得價錢，低質素的食物，我要俾廿十三十蚊，佢就比我十幾蚊既貨我！人地收得貴，有質素嘛，你地呢？
繼續閱讀
那天吃完飯,帶媽咪和表妹去吃甜品,觀塘有幾間甜品店,但表妹想試新式甜品,決定帶她去甜戀人,本來一家人去吃甜點心情愉快,但遇上了沒禮貌的店員,心情不甜了.首先,已經一個一個慢慢點甜品,佢問完又問,點完入完單後,仲要走黎好串咁問,係咪個個都叫齊,奇怪~你自己唔識睇單?又要扮勁咁話你叫個咩同咩甜品,又要講錯曬,個女仔好有問題,亞媽係到,唔想罵佢,甜品黎到,真係好細件,係迷利版甜品.味道過甜.同相差好遠,真係圖片只供參考,佢亦有張相係話圖片只供參考,應該好多客話個甜品同相差太多.我點的蘋果卷,其他的有心太軟,冰極楊枝金露......等等.我們的份量都是很少,如果這個價錢,應該唔好比咁少客人,感覺寒酸...每碗好像只得三分二之間的,蘋果更是手指尾一半的份量,蘋果很貴嗎?心太軟又是迷利版,又沒有特別可可味,表妹極失望,比其他店的心太軟,差太遠,請給點心思做甜品給客人,才是王道.
繼續閱讀
一向都覺得觀塘乜都有得食，但每次想食糖水時，方發現原來呢區甜品店不多。唔計aPM內的滿記甜品，我地每次都係嚟呢度止甜品癮(當然只係剛好路過/位於觀塘才局限於此啦！)。是晚開完 Halloween Party，出到觀塘時覺得有點口痕同甜品癮起，於是乎捉朋友嚟呢度食第二餐。可能係星期日既關係，小店已滿座，我地要喺門口稍等一下，10分鐘左右，我地終於可以入座，但竟然係樓上雅座呢！這次是第三次幫襯，但呢刻先知原來樓上有位架！而且得一兩張枱有人... 咁點解要我地喺店外等位呢，唉！唔理了，一坐低就點吃的，4個人點了一客香烤雞翼，然後一人一個甜品。我點了綠茶紅豆鮮奶特飲，因為對抹茶系甜品有情意結，加上口渴，所以決定捨最愛既香蕉而取 "Maccha Latte"！老公則點了豆腐綿花冰，因為我又想吃芒果，所以叫佢加埋。朋友則吃焗西米紅豆布丁及戀人紅豆湯。除左焗西米布丁製作需時外，其他好快送嚟，雞翼熱辣辣，調味夠好香口，一人一隻有點唔夠喉呢！我杯特飲正常，好味！綿花冰冇乜特別，紅豆湯賣相一般但睇得出算足料。西米布丁個樣冇坊間既靚，我諗都係一般般啦！整體嚟講，這間甜品店同其他區既大路走年青人路線既甜品舖大同小異，新式﹑傳統糖水兼備，價錢合理，稍嫌樓下座位過逼，反而樓上真係雅座囉！喺觀塘想食甜品嚟呢度啱架嘞！
繼續閱讀
我們家一群人幫弟弟慶生後 就去吃甜品囉從APM走過去 差不多十幾分鐘吧因為人數多 所以要等了一下才有大台幾乎每個人都點了一款甜品只有壽星很貪心點了兩個 哈哈我點了最有名的《心太軟》72度的喔因為小妹我比較喜歡吃味道苦苦的巧克力賣相很不錯 外面烤得有點脆 裡面軟軟蛋糕朱古力醬很容易就流出來了 味道不會很膩《薑湯湯圓》的薑湯很香 薑味很夠 也夠辣湯圓的皮蠻Q的 芝麻餡也很香 但不夠流質《香芋西米露》椰汁很香 香芋和椰汁西米露兩種味道沒有搭在一起 好分開的感覺《蕃薯糖水》的糖水蠻好喝 好濃的蕃薯香但不過蕃薯本身樣子好像薯仔喔 味道也像=__=《楊枝金撈》的賣相很吸引 好像很好吃的下面放滿了用楊枝金露做出來的綿綿冰上面散佈了西米,芒果和柚子肉來點綴 好美!!《朱古力棉棉冰》的朱古力味好重好濃加上選了好幾樣配料 好豐富耶 弟弟好喜歡XD《焦糖燉蛋》是弟弟第2樣甜品 小小的一杯燉蛋的口感又滑又棉密 焦糖脆脆甜甜的 很香!!另外我們還點了店裡另一個招牌《梳乎里》在等待的過程中 店員A和顧客上演了一出鬧劇事原是因為一位客人想要一杯水給女兒而店裡沒有提供水的 只有膠樽裝的蒸餾水所以就隨便回應了”無喎 只有蒸餾水 5蚊支”然後就拿出自己的手機來玩 沒有再理會客人就很不滿 開始大小聲的在發爛當然店員A是懶理的態度是不當 應該慢慢解釋不是不理不睬就可以安撫客人的不滿的那個女士愈講愈大聲 其他店員又不敢搭咀最後那女士發脾氣的不要之後的甜品 立即走人離開之時 店員B就小聲的教導那個店員A下次不要再不理客人啦 慢慢解釋我們沒有人就好因為我們沒有熱水器呀 所以再不會有人提供就在這個時候 那個女士就以為他們在說是非開始罵人 另外一個男士 我猜是她老公吧就跑進來用手指指著店員A的胸口說話說什麼現在的年輕人都是什麼態度工作呀?要找負責人之類 店員B就唯有出聲說負責人不在一男一女又在大小聲說什麼要報警的 什麼的說了一大堆粗口 在門口站了一會 就走了在這事件裡 我知道店員A的態度是有待改善但那個客人又太誇張了 在女兒面前那樣子也是做母親的一個應有的榜樣嗎?? 也應自我反醒吧好了~ 故事就說完了 希望店員服務也認真一點下次遇上比較難服侍點的客人 就不會再這樣囉因為鬧劇的發生 我們等待《梳乎里》的時間變少了原因是那麼女人不要他們上菜 所以就先給了我們吃囉哈哈XD 也是有優惠到了… 真謝謝那個”母親”我點了一個原味和一個朱古力味 看看那個比較好吃結果是原味的!!! 因為蛋香味好濃 巧克力那個不夠味 好淡而口感方面 兩個都焗得蠻好的 發得蠻高的上面有點焦焦脆脆的 而裡面是在軟軟的蛋糕中又有一點CREAMY的口感 好像氣泡的!!
繼續閱讀
間野係幾舒服嘅,靜靜地咁,晏晝去都冇乜人。不過啲野食真係唔太好,我叫左個紅豆湯,稀到呀,紅豆得幾粒,食完好似冇食過咁。我朋友食嗰碗仲慘,紅棗雪耳糖水,啲雪耳已經唔可以用一朵朵黎形容,要用"粒"。真係完全冇料,仲要啲糖水係唔好飲嘅。呢間甜品店真係暫時我食過最差嘅。最唔值嘅。
繼續閱讀