70
10
3
港鐵銅鑼灣站 A 出口, 步行約2分鐘 繼續閱讀
所有分店 (2)
營業時間
今日營業
11:00 - 10:30
星期一至日
11:00 - 10:30
公眾假期
11:00 - 10:30
公眾假期前夕
11:00 - 10:30
付款方式
Visa Master AlipayHK 支付寶 現金 八達通 Apple Pay Google Pay 微信支付
招牌菜
榴槤豆腐花、芒果大合奏、芝麻豆腐西米露+芝麻雪糕、即撞木桶豆腐花、潮文字E三文治 三文魚牛油果三文治 芒果紫糯米 榴槤紫糯米 刨冰系列
食評 (95)
甜姨姨上年年底喺銅鑼灣開咗呢間新嘅分店,主打日式刨冰,當中熱門款式有醬爆~奶醬脆多& 黃到金~楊枝甘露!除此之外仲有賣經典甜品、潮文治E,以及紅茶系列飲品!呢間嘅奶蓋係採用豆腐奶蓋而唔係芝士奶蓋,唔食乳製品嘅朋友都可以一嚐奶蓋嘅口感😛佢哋每個月都有個monthly special刨冰,今期係小王子刨冰,係芋蓉椰子味,外型好夢幻非常適合打卡📸 鐘意小王子嘅朋友一定唔可以錯過!❤️ 黃到金~楊枝甘露 $98 (新年加一:$107.8)面頭有大大片金箔好奢侈呀!🤩 刨冰無我想像中巨型,比氷屋細少少!職員建議由上而下咁食🤵🏻 當我食第一啖嘅時候就被佢嘅甜度嚇窒咗,真係好甜🤣 成個刨冰淋滿咗芒果糖漿,芒果味道無Mango Mania嘅芒果醬新鮮🤔 食多幾啖就食到椰奶,椰奶嘅味中和咗芒果糖漿嘅甜味!據聞佢哋係引入由日本空運嘅冰磚同日本冰機去整刨冰,食落無港式刨冰咁粗粒,刨冰質感輕盈食落都幾綿密!金箔下面就係豆腐奶蓋👀 豆味同豆漿近似,泡沫感同一般嘅奶蓋無異!但個人覺得同芒果刨冰就唔太夾喇😅刨冰入面有芒果粒,食到最底有柚子肉、西米&芒果布甸!當你食哂個冰山後,食到去碗嘅位置就會變成一碗平時喺糖水舖食到嘅楊枝甘露😂 好新奇!甜度亦啱啱好👌🏻好食度:⭐️⭐️⭐️ (3/5)餐廳推薦度:⭐️⭐️⭐️✨ (3.5/5)價錢方面我覺得都合理,都係差唔多價錢,係monthly special個刨冰稍為貴咗少少!另外佢哋啲刨冰都幾有香港特色,例如醬爆~奶醬脆多,有啲款係喺出面食唔到,好別具一格👍🏻 繼續閱讀
(以上食評乃用戶個人意見 , 並不代表OpenRice之觀點。)
之前去過 甜姨姨私房甜品 嘅天后分店,佢最近係銅鑼灣開咗新店,梗係要去支持下啦!💪🏻最新推出嘅4款「潮文字E」多士盒🥪,有好高詢問度,包括厚餐肉日本流心蛋🍳爆餡肉鬆芝士🧀煙三文魚🐟熱狗腸流心蛋🌭🤩最吸引就係可以印金句,每份「潮文字E」已包括隨機字句,另外都可以選擇加$28印上你想寫嘅DIY字句,製作需時大約15分鐘左右,我地梗係寫返d良心金句同祝福語啦!💛岩晒打卡之餘仲好好食,每款都好大份好足料,爆晒餡🤣🤣 多士有烘底同好鬆軟,仲附送一杯熱飲! 潮文字E除咗堂食,都可以選擇外賣,包裝設計好有心思,透視見到多士上嘅字句!我地叫咗➡️"煙三文魚牛油果"口味,煙三文魚有三大片,配上近半個份量好Creamy嘅牛油果,岩晒牛油果控,加埋爽脆生菜同酸酸甜甜既沙律醬,真係食一個都飽晒😂😂另外仲叫咗➡️"熱狗腸流心蛋"口味,第一次食熱狗腸唔係擺係熱狗包到😆 面頭見到好大條熱狗腸,一咬開流心蛋爆晒蛋汁出黎,配有酸瓜,加上茄汁同芥末醬,酸酸甜甜好開胃! 唯一既缺點就係太足料, 食起上黎有d難進食,好易爆晒餡出黎,我地食到一半要用叉拮來食XD💡P.S: 佢地最近仲推出左「18杯瘋味杯甜品」,可以自選18杯甜品,岩晒眼闊肚窄嘅大家,可以一次過食勁多款,不過由於我地飽到就頂唔順嘅緣故😂 今次就淨係獨立試左佢地其中一款嘅"抹茶紅豆蕨餅",估唔到都幾有驚喜,抹茶味好濃,少少苦澀嘅味道加埋甜甜地嘅紅豆,簡直一流,可以參考最後張圖嘅單張,外賣自取有8折$214,可以食咁多款都幾抵又過癮! 繼續閱讀
(以上食評乃用戶個人意見 , 並不代表OpenRice之觀點。)
甜姨姨私房甜品扎根天后逾十年,記得自小已經不時會在電視飲食節目中看到介紹,自己亦曾經到訪一試其榴槤甜品。早前甜姨姨再下一城於銅鑼灣開設分店,店舖位置前身正是聰嫂私房甜品,而新店明顯與總店走截然不同的路線,裝潢設計簡約新潮。除此之外餐牌亦與總店有所不同,除了保留招牌港式甜品之外,更主打一系列新派日式刨冰,最新更推出四款「潮文字E」多士盒,每款均附送一杯熱飲。爆餡極上肉鬆芝士 ($68)麵包上隨機印有「緣份到此為止」、「係愛呀」、「完啦好嗎」等字句,更可以另加$50自由設計字句,用作表達心意絕對一流,字樣印刷清晰分明,夾著滿滿當當的台灣肉鬆、芝士及沙律醬,餡料份量毫不吝嗇,鹹香濃郁,配搭簡單但令人滿足。熱狗腸流心蛋 ($78)相比之下另一款更加出人意表,匈牙利熱狗腸皮脆多汁,更加入流心蛋令口感更加豐潤渾厚,配上酸瓜、茄汁及黃芥末醬,酸酸甜甜恰好能夠中和熱狗腸的鹹度及油膩感,可謂是豪華版熱狗。值得一提的是每款「潮文字E」多士盒都可以外賣,包裝設計別出心裁,方便之餘更能夠透視多士上的字句。 繼續閱讀
(以上食評乃用戶個人意見 , 並不代表OpenRice之觀點。)
餐廳:甜姨姨私房甜品 (銅鑼灣)地址:銅鑼灣耀華街11號地舖甜姨姨私房甜品喺天后區享負盛名,一向主打街坊生意唔會無人知,佢哋嘅甜品同沙冰都非常出名🍧,最近仲推出咗潮文治E Toastbox,無論堂食定外賣拎走都得🥡,外賣包裝仲要好靚😍,拎返公司/屋企當早餐、light lunch或者afternoon tea都一樣得🥪除咗有五款餡料選擇之外(厚餐肉日本流心蛋🍳、爆餡極上肉鬆芝士🧀、煙三文魚牛油果🥑、熱狗腸流心蛋🌭同埋拉芝貝果🥯),你仲可以選擇加$50寫你DIY嘅專屬心情字句,需時大約15分鐘左右,拎嚟打卡真係一流📸每份潮文治E都勁足料又大份😂,細食嘅人真係當lunch食都得🙈,叫咗份煙三文魚牛油果($88)同熱狗腸流心蛋($78),煙三文魚有兩三件,夾住半個份量嘅牛油果,再加上沙律醬同生菜🥬;熱狗腸流心蛋有兩條熱狗腸😋,配埋原隻流心蛋🥚,加上經典紅黃醬(茄汁同芥末醬),最估唔到喺加咗酸瓜,有啲似食緊三文治版嘅熱狗咁🌭️,豐富又開胃,一啖放入口先係最大享受🤤,呢個時候已經唔再會有儀態可言叫潮文治E仲送一杯熱飲☕️,飲返杯咖啡返工就唔怕恰眼瞓喇️🥱 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-10
1267 瀏覽
這晚與友人短聚後,再來一點甜,經過「耀華街」,見到一家頗面善的甜品店「甜姨姨」,是天后那一家嗎?是的,就是在天后紮根多年,賣日式刨冰很人氣的「甜姨姨」。餐廳以白色為主調,所,一室潔白光亮,一面牆壁種滿植物,很有種小清新的感覺。冰品喺店家的主打,有很多口味,還有一款期間限定的「粟米皇后」,此外,還有很多款創意新派甜點,其中一系列的豆腐奶蓋飲品,是自己第一之聽到的,感覺非常有賣點。冰品太大份量了,我想有3-4才較為適點,所以,試了一道「榴槤紫米露」($59),以椰汁紫米露為基礎,再加上大大件榴槤肉,榴槤肉很香、很甜,份量其實算足,但下椰奶實在太多,而紫米很有咬口,不過,個人覺得紫米着實偏少。豆腐奶蓋是另一想試的東西,「豆腐奶蓋珍珠奶茶」($38)外表跟一般的芝士奶蓋其實沒有太多分別,不過,奶蓋部份入口確是有陣陣豆腐香,感覺有趣;奶茶部份本身也沖泡得不俗,甜度適中,珍珠亦頗煙韌好吃。光顧的都是年輕人,而且,絕大部份也是為刨冰而來,雖然天氣漸涼,但絕對不減他們對冰品的熱誠。 繼續閱讀
(以上食評乃用戶個人意見 , 並不代表OpenRice之觀點。)